JAKUBUS 2
2
Pai' min inggio'
1Pabukat kau ngai', pai' min noyo inggio' ulun ra bokon, sabap ra mangintopot kano ri Jisus Kristus, Tuhan ondo' urumaton toojo. 2Amon ru sangulun langkaya' nanasinsing ra mas am nambayang ra moonsoi kaga' sumaang ra pantimungan mino, am poyo sangulun musikin nambayang ra malaat niayuk sumaang, 3am urumaton min boo ulun nambayang ra moonsoi no, ragu min riso, “Tuan, umpos ayuk am giti ra intok moonsoi ti panturungan muno.” Kaa' ragu min ra ulun musikin ti, “Bigor ayuk ra giu' no,” kapoam, “Panturung kou ayuk ra sulig ti, tuma' ru kalayam kutu.” 4Amon ru makapaliso kau ra inggion ti, akau mampili' ra ulun am mangukum risilo maya' ra pamaguangan min ra malaat.
5Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso. 6Kaa' akau ti manauyu' boo ra ulun musikin. Sala' ka kia ulun langkaya' ti noyo ondo' mangimbolo' am mamparalaat ramuyun saboi giu' ra makama? 7Ilo ti niayuk magasab ra inggalan min moonsoi, ioginio Kristian, ondo' naapu min intor ri Aki Kapuuno'.
8 Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.” 9Kaa' amon ru inggion min poyo ulun ra bokon makatula kau, am Ukum ri Aki Kapuuno' noyo mapainono' ra akau matulaan. 10Ulun ondo' manggal ra rondo' pana panusuban intor ra Ukum ri Aki Kapuuno', manggal io niayuk ra ngaangai' panusuban. 11 Sabap ra Io ondo' minindagu ra, “Pai' no lapau,” Io no niayuk ondo' minindagu ra, “Pai' pampatoi.” Ginio ra amon ru kalo lumapau kau, kaa' mampatoi kau niayuk, ginio karaan ra minanggal kano ra Ukum no. 12Polosoo' noyo ngaangai' ondo' raguon am baalon mino sumugut ra panusuban ri Aki Kapuuno' ondo' makapampalabus ra ulun. 13Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.
Pangintapatan am baal moonsoi
14Pabukat kau ngai'! Mokoonong kia ulun mindagu ra, “Mangintopot aku no,” amon ru kalo mampakito io raginio ralalom atan ondo' baalon nano? Pangintapatan koson raginio kia makapamayag riso? 15Maampon lair ru mokoondo' pabukat min ra Kristian ondo' kolondo' ralinan kapoam kalo maukop ilo ra akanon ra moonong orou. 16Atan onong no mindagu kau risilo, “Tumoojo kau ayuk! Pambayang am pangakan kau toojo!” – amon ru kalo lutuin min ilo ra atan ondo' kolondo' risilo ti? 17Koson niayuk ra pangintapatan: amon ru kalo sumbayanin ra binaal moonsoi, pangintapatan ti kolondo' noyo onong.
18Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.” 19Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol. 20Bungas kou nai toojo! Makitulu' kou piboo kia ra kolondo' noyo onong ru pangintapatan, amon ru kolondo' baal ra moonsoi? 21 Karaa' ayuk i Abragam, kinamatuaan takali. Io pana inapu ri Aki Kapuuno' sabap ra atan ondo' binaal nano ragili. Nangiou io ra anak nano, i Isak, simbaluyon, koson pataakon ri Aki Kapuuno'. 22Makito noyo toojo pangintapatan nano nabaya' niayuk ra ondo' binaal nali ra moonsoi; am mansail ra ondo' kinandoi nali pangintapatan nali norontop. 23 Ginio ra nontopot toojo ragu ru Buuk Kitab ra, “I Abragam nangintopot ri Aki Kapuuno', am sabap ragitio i Aki Kapuuno' nangapu riso koson sangulun motopot.” Ginio boo puun i Abragam ti sinabit ra ‘Rangan ri Aki Kapuuno' ’. 24Ginio sabap ra itakau ti apuon ri Aki Kapuuno' sabap ra atan ondo' baalon takati, am sala' ka sabap ayuk ra pangintapatan takau.
25 Koson niayuk i Ragab ragili, sangulun ruandu' mantatalan ra inan. Inapu io ri Aki Kapuuno' sabap ra binaal moonsoi nali. Nambuni io giu' ra baloi nali kukula' ngaulun ru Jaudi ondo' minongoi pansigo i, am nanulu' io poyo risilo ra ralan pagiruan.
26Ginio nai ra koson ra ulun mairuan ra painawo matoi ayuk, koson niayuk ra ulun ondo' mangintopot kaa' kalo mambaal ra moonsoi, io ti koson minatoi noyo, ioginio pangintapatan nano kolondo' onong.
Currently Selected:
JAKUBUS 2: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
JAKUBUS 2
2
Pai' min inggio'
1Pabukat kau ngai', pai' min noyo inggio' ulun ra bokon, sabap ra mangintopot kano ri Jisus Kristus, Tuhan ondo' urumaton toojo. 2Amon ru sangulun langkaya' nanasinsing ra mas am nambayang ra moonsoi kaga' sumaang ra pantimungan mino, am poyo sangulun musikin nambayang ra malaat niayuk sumaang, 3am urumaton min boo ulun nambayang ra moonsoi no, ragu min riso, “Tuan, umpos ayuk am giti ra intok moonsoi ti panturungan muno.” Kaa' ragu min ra ulun musikin ti, “Bigor ayuk ra giu' no,” kapoam, “Panturung kou ayuk ra sulig ti, tuma' ru kalayam kutu.” 4Amon ru makapaliso kau ra inggion ti, akau mampili' ra ulun am mangukum risilo maya' ra pamaguangan min ra malaat.
5Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso. 6Kaa' akau ti manauyu' boo ra ulun musikin. Sala' ka kia ulun langkaya' ti noyo ondo' mangimbolo' am mamparalaat ramuyun saboi giu' ra makama? 7Ilo ti niayuk magasab ra inggalan min moonsoi, ioginio Kristian, ondo' naapu min intor ri Aki Kapuuno'.
8 Gitio noyo moonsoi, amon ru totopot suguton min Ukum ru pamarintaan ri Aki Kapuuno', ondo' tinulisan ra Buuk Kitab; “Tagami' noyo rondo' am bokon mogondo' ra akau mitotogom galama'.” 9Kaa' amon ru inggion min poyo ulun ra bokon makatula kau, am Ukum ri Aki Kapuuno' noyo mapainono' ra akau matulaan. 10Ulun ondo' manggal ra rondo' pana panusuban intor ra Ukum ri Aki Kapuuno', manggal io niayuk ra ngaangai' panusuban. 11 Sabap ra Io ondo' minindagu ra, “Pai' no lapau,” Io no niayuk ondo' minindagu ra, “Pai' pampatoi.” Ginio ra amon ru kalo lumapau kau, kaa' mampatoi kau niayuk, ginio karaan ra minanggal kano ra Ukum no. 12Polosoo' noyo ngaangai' ondo' raguon am baalon mino sumugut ra panusuban ri Aki Kapuuno' ondo' makapampalabus ra ulun. 13Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.
Pangintapatan am baal moonsoi
14Pabukat kau ngai'! Mokoonong kia ulun mindagu ra, “Mangintopot aku no,” amon ru kalo mampakito io raginio ralalom atan ondo' baalon nano? Pangintapatan koson raginio kia makapamayag riso? 15Maampon lair ru mokoondo' pabukat min ra Kristian ondo' kolondo' ralinan kapoam kalo maukop ilo ra akanon ra moonong orou. 16Atan onong no mindagu kau risilo, “Tumoojo kau ayuk! Pambayang am pangakan kau toojo!” – amon ru kalo lutuin min ilo ra atan ondo' kolondo' risilo ti? 17Koson niayuk ra pangintapatan: amon ru kalo sumbayanin ra binaal moonsoi, pangintapatan ti kolondo' noyo onong.
18Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.” 19Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol. 20Bungas kou nai toojo! Makitulu' kou piboo kia ra kolondo' noyo onong ru pangintapatan, amon ru kolondo' baal ra moonsoi? 21 Karaa' ayuk i Abragam, kinamatuaan takali. Io pana inapu ri Aki Kapuuno' sabap ra atan ondo' binaal nano ragili. Nangiou io ra anak nano, i Isak, simbaluyon, koson pataakon ri Aki Kapuuno'. 22Makito noyo toojo pangintapatan nano nabaya' niayuk ra ondo' binaal nali ra moonsoi; am mansail ra ondo' kinandoi nali pangintapatan nali norontop. 23 Ginio ra nontopot toojo ragu ru Buuk Kitab ra, “I Abragam nangintopot ri Aki Kapuuno', am sabap ragitio i Aki Kapuuno' nangapu riso koson sangulun motopot.” Ginio boo puun i Abragam ti sinabit ra ‘Rangan ri Aki Kapuuno' ’. 24Ginio sabap ra itakau ti apuon ri Aki Kapuuno' sabap ra atan ondo' baalon takati, am sala' ka sabap ayuk ra pangintapatan takau.
25 Koson niayuk i Ragab ragili, sangulun ruandu' mantatalan ra inan. Inapu io ri Aki Kapuuno' sabap ra binaal moonsoi nali. Nambuni io giu' ra baloi nali kukula' ngaulun ru Jaudi ondo' minongoi pansigo i, am nanulu' io poyo risilo ra ralan pagiruan.
26Ginio nai ra koson ra ulun mairuan ra painawo matoi ayuk, koson niayuk ra ulun ondo' mangintopot kaa' kalo mambaal ra moonsoi, io ti koson minatoi noyo, ioginio pangintapatan nano kolondo' onong.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.