KAINGKUALAN 40
40
Mambaal am patimpokon ra Kim ru Tuhan
1Indagu Tuhan ri Musa, 2“Paat ra orou kasaa' ra sila' kasaa', baalo' min Kim Kuno. 3Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban. 4Ibito' mija' ra ralalom am pabantaa' kuliamos ra rasawat ru mija' no. Ibito' niayuk tampakan ra lampung am pabantaa' lampung ra rasawat no. 5Pabantaa' altar mas intok panalaban ra kaminyan ra saang ru Kaban Nabantuan, am patairo' tabir giu' ra kulobon umpasan ra Kim. 6Pabantaa' altar intok monolob ra taak simbalui ra saang ru Kim. 7Pabantaa' bisin ra lolot ru Kim am altar, am suangi' bisin no ra timug. 8Patakino' insor ra liput ru Kim am patairo' tabir giu' ra kulobon ru insor.
9Mopongo raginio patimpokon Kim no am ngaangai' kuliamos no ra luitin ra umau upacara, am masauk Kim no ra matulai. 10Mopongo raginio patimpokon altar am ngaangai' kuliamos no ra luitin ra umau upacara, am ngaangai' no masauk ra totopot matulai. 11Patimpokon niayuk bisin ru timug am antulan no ra nogondo' ralan no.
12Mopongo raginio ibiton boo i Arun am anak-anak nano mongoi ra kulobon ru Kim ru Tuhan, am baalon upacara mariu' risilo. 13Pambayangon i Arun ra bayang ru imam am luitin io ra umau. Ralan ragitio patimpokon io maa' raginio mangandoi io Raki' koson ra imam. 14Susubon anak-anak ri Arun no minggaar, am pambayangon ilo ra bayang maawar. 15Mopongo raginio luitin ilo ra umau, koson ra okou napaluit ra ama' nilo ra umau, maa' raginio mangandoi Raki' koson ra imam. Upacara mapaluit ra umau no mapasauk ra bansa' nilo ra imam saboi ra papag ka papag.”
16Baalo' ngaangai' no ri Musa koson ra nanusuban ru Tuhan riso. 17Ginio ra orou kasaa' ra bulan kasaa', bilor karuo kalupus ilo nangiruan ra Misir, binaal Kim ru Tuhan. 18Pabantaa' ri Musa antulan no, nanirong ra rangka no, napatunggul ra baak no am nopotolorog ra lugu'-lugu' no. 19Bingkalo' no panaub ra Kim ru Tuhan, am taubi' no ra panaub ra bokon, koson ra nanusuban ru Tuhan. 20Kopongo raginio alapo' ri Musa ruo batu pamatikan no am pabantaa' no ra Kaban Nabantuan. Pasulungo' no tataun bandasan ru Kaban ra golong no, am taubi' no Kaban no ra panaub no. 21Pabantaa' no Kaban no ralalom Kim ru Tuhan am patairo' tabir panili ra saang ru Kaban Nabantuan, koson ra nanusuban ru Tuhan riso.
22Pabantaa' no mija' ralalom Kim ru Tuhan, tampilon ralayo, tampilon liwar ru tabir no, 23am pabantaa' ruti' ondo' pataakon ra Tuhan ra rasawat ru mija' no, koson ra nanusuban ru Tuhan. 24Pabantaa' ri Musa tampakan ra lampung ralalom Kim ru Tuhan, tampilon rabugus, natingkuang ra mija' no. 25Giu' no, ra saang ru Tuhan no, sikiti' no lampung no, koson ra nanusuban ru Tuhan. 26Pabantaa' no altar mas ralalom Kim ru Tuhan, ra saang ru tabir, 27am solobo' no kaminyan ondo' maamis owou, koson ra nanusuban ru Tuhan. 28Patairo' no tabir ra kulobon umpasan ra Kim ru Tuhan, 29am giu' no, ra saang ru tabir no, pabantaa' no altar panalaban ra taak simbalui. Rasawat ru altar no papataak io ra taak simbalui koson mapabansuk ra guang ru Tuhan, am taak simbalui koson maringkuanang ra Tuhan, koson ra nanusuban ru Tuhan. 30Pabantaa' no bisin ra lolot ru kim am altar, am suangi' ra timug. 31Nambagu' i Musa, i Arun am anak-anak nano ra kalindu' am kalayam ra giu' no, 32sasanggilan ayuk ilo mumpos ralalom Kim ru Tuhan kapoam minggaar ra altar, koson ra nanusuban ru Tuhan. 33Patakino' ri Musa insor ra liput ru Kim ru Tuhan am altar no, am niayuk patairo' tabir ra kulobon ru insor. Koson raginio noyo pinongo ri Musa ngaangai' kandoi raginio.
Manili gaun ra Kim ru Tuhan
(Un. 9:15-23)
34 Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan. 35Ginio sabap ra, kalo makaumpos i Musa ralalom Kim ru Tuhan. 36Pabandingon ru ulun ru Israil pangkiman nilo ra intok bokon paat ra gaun no minsawat ayuk intor rasawat ru Kim ru Tuhan. 37Buoi ru gaun no kalo minsawat, kalo pabandingon nilo pangkiman nilo. 38Buoi ru ulun ru Israil timinanggau, makito nilo gaun ru Tuhan rasawat ru Kim no ra matawang ti, am bibilak apui ralalom ru gaun no ra rondom ti.
Currently Selected:
KAINGKUALAN 40: TMT
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.
KAINGKUALAN 40
40
Mambaal am patimpokon ra Kim ru Tuhan
1Indagu Tuhan ri Musa, 2“Paat ra orou kasaa' ra sila' kasaa', baalo' min Kim Kuno. 3Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban. 4Ibito' mija' ra ralalom am pabantaa' kuliamos ra rasawat ru mija' no. Ibito' niayuk tampakan ra lampung am pabantaa' lampung ra rasawat no. 5Pabantaa' altar mas intok panalaban ra kaminyan ra saang ru Kaban Nabantuan, am patairo' tabir giu' ra kulobon umpasan ra Kim. 6Pabantaa' altar intok monolob ra taak simbalui ra saang ru Kim. 7Pabantaa' bisin ra lolot ru Kim am altar, am suangi' bisin no ra timug. 8Patakino' insor ra liput ru Kim am patairo' tabir giu' ra kulobon ru insor.
9Mopongo raginio patimpokon Kim no am ngaangai' kuliamos no ra luitin ra umau upacara, am masauk Kim no ra matulai. 10Mopongo raginio patimpokon altar am ngaangai' kuliamos no ra luitin ra umau upacara, am ngaangai' no masauk ra totopot matulai. 11Patimpokon niayuk bisin ru timug am antulan no ra nogondo' ralan no.
12Mopongo raginio ibiton boo i Arun am anak-anak nano mongoi ra kulobon ru Kim ru Tuhan, am baalon upacara mariu' risilo. 13Pambayangon i Arun ra bayang ru imam am luitin io ra umau. Ralan ragitio patimpokon io maa' raginio mangandoi io Raki' koson ra imam. 14Susubon anak-anak ri Arun no minggaar, am pambayangon ilo ra bayang maawar. 15Mopongo raginio luitin ilo ra umau, koson ra okou napaluit ra ama' nilo ra umau, maa' raginio mangandoi Raki' koson ra imam. Upacara mapaluit ra umau no mapasauk ra bansa' nilo ra imam saboi ra papag ka papag.”
16Baalo' ngaangai' no ri Musa koson ra nanusuban ru Tuhan riso. 17Ginio ra orou kasaa' ra bulan kasaa', bilor karuo kalupus ilo nangiruan ra Misir, binaal Kim ru Tuhan. 18Pabantaa' ri Musa antulan no, nanirong ra rangka no, napatunggul ra baak no am nopotolorog ra lugu'-lugu' no. 19Bingkalo' no panaub ra Kim ru Tuhan, am taubi' no ra panaub ra bokon, koson ra nanusuban ru Tuhan. 20Kopongo raginio alapo' ri Musa ruo batu pamatikan no am pabantaa' no ra Kaban Nabantuan. Pasulungo' no tataun bandasan ru Kaban ra golong no, am taubi' no Kaban no ra panaub no. 21Pabantaa' no Kaban no ralalom Kim ru Tuhan am patairo' tabir panili ra saang ru Kaban Nabantuan, koson ra nanusuban ru Tuhan riso.
22Pabantaa' no mija' ralalom Kim ru Tuhan, tampilon ralayo, tampilon liwar ru tabir no, 23am pabantaa' ruti' ondo' pataakon ra Tuhan ra rasawat ru mija' no, koson ra nanusuban ru Tuhan. 24Pabantaa' ri Musa tampakan ra lampung ralalom Kim ru Tuhan, tampilon rabugus, natingkuang ra mija' no. 25Giu' no, ra saang ru Tuhan no, sikiti' no lampung no, koson ra nanusuban ru Tuhan. 26Pabantaa' no altar mas ralalom Kim ru Tuhan, ra saang ru tabir, 27am solobo' no kaminyan ondo' maamis owou, koson ra nanusuban ru Tuhan. 28Patairo' no tabir ra kulobon umpasan ra Kim ru Tuhan, 29am giu' no, ra saang ru tabir no, pabantaa' no altar panalaban ra taak simbalui. Rasawat ru altar no papataak io ra taak simbalui koson mapabansuk ra guang ru Tuhan, am taak simbalui koson maringkuanang ra Tuhan, koson ra nanusuban ru Tuhan. 30Pabantaa' no bisin ra lolot ru kim am altar, am suangi' ra timug. 31Nambagu' i Musa, i Arun am anak-anak nano ra kalindu' am kalayam ra giu' no, 32sasanggilan ayuk ilo mumpos ralalom Kim ru Tuhan kapoam minggaar ra altar, koson ra nanusuban ru Tuhan. 33Patakino' ri Musa insor ra liput ru Kim ru Tuhan am altar no, am niayuk patairo' tabir ra kulobon ru insor. Koson raginio noyo pinongo ri Musa ngaangai' kandoi raginio.
Manili gaun ra Kim ru Tuhan
(Un. 9:15-23)
34 Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan. 35Ginio sabap ra, kalo makaumpos i Musa ralalom Kim ru Tuhan. 36Pabandingon ru ulun ru Israil pangkiman nilo ra intok bokon paat ra gaun no minsawat ayuk intor rasawat ru Kim ru Tuhan. 37Buoi ru gaun no kalo minsawat, kalo pabandingon nilo pangkiman nilo. 38Buoi ru ulun ru Israil timinanggau, makito nilo gaun ru Tuhan rasawat ru Kim no ra matawang ti, am bibilak apui ralalom ru gaun no ra rondom ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hakcipta © Bible Society of Malaysia, 2013.