Ba-Roma 3
3
Ba-Juda mbubainda bamasi
1Lino mu-Juda ulainda buti? Abwalo bupalule bulabelekanzi? 2#Rom 9:4; Dt 4:7,8; Int 147:19,20; 103:7; 1 Pet 4:11Loko muziimbo zyoonse. Kukusaanguna, bakasyomenwa makani aa-Leza, 3#Rom 9:6; 11:29; 2 Tim 2:13Nkutyeni bamwi kuti, kabatasyomeki, sa kutasyomeka kwabo kulakonzya kubisizya lusyomo lwa-Leza? 4#Int 51:4; 116:11Ne! Leza abe musyomesi, nikuba kuti bantu boonse mbabeji, mbubonya mbukulembedwe kuti,
Ululamikwe mumajwi aako,
Akuzunda mukubeteka kwako.
5Pele kuti kutalulama kwesu kakubonekesya bululami bwa-Leza, ino twaambe buti? Sa kwa-Leza kulajanwa kutalulama kukuleta bukali? Ndaamba cabuntu, 6Ne! kakuli boobo, Leza ulakonzya buti kubeteka nyika? 7Pele kuti kukubeja kwangu lusinizyo lwa-Leza lulainda kuboneka cakumulemeka, ino nkaambonzi ncimbetekwa mbuli sizibi? 8#Rom 6:1,2Sa tatukonzyi kucita bubi kuti kusike bubotu? (Mbubonya obo mbutulengelelwa kwaamba kubantu bamwi, Makani aabaaba alazulika cakululama).
Malembe alatutondezya kuti bantu boonse buyo mbasizibi
9 #
Rom 1:18–2:24
Mbuti lino? sa tulainda? Pe, tatwiindi naba abuniini, nkaambo twaamba kale kuti ba-Juda aba-Helene boonse buyo bali azibi, 10#Int 14:1-3; 53:1-3mbuli mbukulembedwe kuti,
Taakwe uululeme pe, naba omwe,
11Taakwe uuswiililisya akuyandaula Leza.
12Boonse balipambukide, mbabisyi boonse buyo,
Taakwe uucita bubotu, naba omwe.
13 #
Int 5:9; 140:3 Mumino wabo ncilindi cikwazeme,
Andimi zyabo zileena.
Kuli buyoka bwanzoka kunsi amilomo yabo,
14 #
Int 10:7
Mukanwa lyabo mulizwide matusi abukali.
15 #
Is 59:7-8
Maulu aabo ali aluno lwakutila bulowa.
16Munzila zyabo muli lutyoko amafwabi.
17Inzila yaluumuno tabaizi.
18 #
Int 36:1
Taakwe buyoowi bwa-Leza kumeso aabo.
Luzyalo lwa-Leza luzutu ndolubaletela lufutuko boonse basyoma
19 #
Rom 2:12; Gal 3:22 Lino tulizi kuti makani oonse nguwaamba Mulao, mbaabo bali muMulao mbuwaambila, kuti milomo yoonse isinkwe, alimwi kuti nyika yoonse ibe amulandu kumeso aa-Leza. 20#Int 143:2; Gal 2:16; Rom 7:7Nkaambo kakuti kumilimo ya-Mulao taakwe muntu naba omwe uukonzya kululamikwa kumeso aakwe. Nkaambo ku-Mulao nkucizibika cibi.
21 #
Inc 10:43; Rom 1:17 Pele sunu kulayubununwa bululami bwa-Leza butali bwa-Mulao, bulatondezegwa ku-Mulao akubasinsimi. 22#Gal 2:16Obu bululami bwa-Leza mbubwakusyoma Jesu Kristo, mbubwabo boonse buyo basyoma, taakwe bwaanka. 23#Rom 9:19; 5:2Nkaambo boonse babisya akulela kubulemu bwa-Leza, 24#Rom 5:1; Ef 2:8pele balalulamikwa buyo kuluzyalo lwakwe kubununu bwamuli-Jesu Kristo, 25#Lev 16:12-15; Heb 4:16; Ef 1:7Walo nguwe ngwaakabika Leza kuti abe mulungo, cakulusyomo lwamubulowa bwakwe. Ncitondezyo cabululami bwakwe, nkaambo kakuleka kwazibi ezyo izyakacitwa kalekale kuciindi cacambacilemu ca-Leza. 26Alimwi ncicitondezyo cabululami bwakwe kuciindi casunu, citondezya kuti Leza uliluleme, alimwi ulalulamika oyo muntu uumusyoma Jesu.
Aboobo kulisumpula kulatondwa
27 #
1 Kor 1:9,31 Lino kulisumpula kuli kuli? Kwajalilwa. Kuciyanzanzi? Camilimo? Pe, nkuciyanza calusyomo. 28#Gal 2:16Ikuti tulaamba kuti kulusyomo nkwalulamikwa muntu, teensi kumilimo ya-Mulao pe. 29#Rom 10:12Sa Leza ngwabaJuda luzutu? Sa tali wabamasi abalo? Ee, ngwabamasi. 30#Dt 6:4; Gal 3:20; Rom 4:11,12Mbubo, kuli Leza omwe buyo, uululamika basibupalule kulusyomo abasilulomo kulusyomo nkukonya, 31#Rom 4:3; 8:4; Mt 5:17Lino sa tulalobya Mulao kulusyomo? Ne! tulayumya Mulao.
Currently Selected:
Ba-Roma 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.