Ba-Roma 15
15
Bayumu baleelede kugwasya bakompeme acakuyandana
1Lino swebo tubayumu tuleelede kuyumuna matenda aabaabo batali bayumu, tatweelede kulikondezya tubeni pe. 2#1 Kor 9:19; 10:24,33Umwi aumwi akati kesu akondezye mweenzinyina kukumucitila cibotu cakuyakana. 3#Int 69:9Nkaambo Kristo alakwe teewakalikondezya mwini, pele mbuli mbukulembedwe kuti, Insyolauko zyabaabo bakasyolauka nduwe zyakandiwida mebo. 4#Rom 4:23,24; 1 Kor 10:11Nkaambo makani aali boobo aakalembwa kalekale, nkukwiiya kwesu nkwaakalembelwa, kuti kubukakatilo akubukombelezyo bwamalembe tujane bulangizi bwaku-tontozya moyo, 5#Flp 3:16Lino Leza wabukakatilo abukombelezyo amupe bujatano bwacinkaminwe mbuli Kristo Jesu, 6kuti camoyo omwe acamulomo omwe mulemeke Leza wisi Mwami wesu Jesu Kristo,
Mbubonya abo Kristo mbwagwasya bantu boonse nibaba ba-Juda nibaba bamasi
7Nkaambo kaako amusamausyanye, mbubonya mbuli Kristo mbwatusamausya kubulemu bwa-Leza, 8#Mt 15:24; Inc 3:25Ndaamba kuti Kristo wakaba mulanda wabasibupalule nkaambo kalusinizyo lwa-Leza, kuti azuzye insyomezyo Ine nzibakapegwa bamataata, 9#2 Sam 22:50; Int 18:49; Rom 11:30akuti bamasi balemeke Leza nkaambo kalweetelelo lwakwe, mbuli mbukulembedwe kuti,
Nkaambo kaako nzookutembaula akati kabamasi,
Nzooimbila izina lyako.
10 #
Dt 32:43
Alimwi kuti, Amusekelele nubamasi, antoomwe abantu bakwe. 11#Int 117:1Alimwi kuti,
Amutembaule Jehova numasi oonse,
Amumutembaulisye, numisyobo yoonse.
12 #
Is 11:10; Ciy 5:5 Alimwi Isaya wati,
Kuzooba muntenga wa-Jese,
Nguzoobukila kuba abwami bwabamasi,
Nguwe ngubazoosyoma bamasi.
13Lino Leza wabulangizi amuzuzye bukondwi boonse aluumuno mukusyoma kwanu, kuti mwiinde kuba abulangizi kunguzu zya-Muuya Uusalala.
Paulo ulaamba amwi makani aamilimo yakwe mwini
14Lino ime ndalamwa aandinywe, nubakwesu, kuti inywe nubeni mulizwide bubotu, mulilondokede muluzibo loonse, akukonzya kwiisyanya. 15#Rom 1:5; 12:3Nekubaboobo ndalitakata kumulembela, nubakweesu kumwi kuti nkamwiibalusye, nkaambo kaluzyalo ndundapegwa kwa-Leza, 16#Rom 11:13; Flp 2:17lwakuti nkabe similimo wa-Jesu Kristo wabamasi, mupaizi wa-Makani Mabotu aa-Leza, kuti kutuulwa kwabamasi kutambulike, mbukusalazigwa kwaMuuya Uusalala. 17Lino ndijisi cintu cakulikankaizizya muli-Kristo Jesu kumakani aangu kumeso aa-Leza. 18#2 Kor 3:5Nkaambo nsikonzyi kulitakata kwaamba makani manji pele ayo alike Kristo ngaacitya ndime akuswiilizya bamasi, nikuba kumajwi aangu nikuba kuncito zyangu, 19#Mk 16:17kunguzu zyazitondezyo azyamalele, kunguzu zya-Muuya Uusalala. Ikuti kuzwa ku-Jerusalemu kucisi coonse ceengelede nikuba kusikila ku-Iliriko ndimanine nyika yoonse kukambauka Makani Mabotu aa-Kristo, 20#2 Kor 10:15,16Pele ndipangide moyo kukukambauka Makani Mabotu nkwatazibidwe izina lya-Kristo, kuti ntakayaki antalisyo yamuntu umbi, 21#Is 52:15pele mbuli mbukulembedwe,
Abo batalwiididwe impuwo yakwe, balo bazoobona,
Abaabo batamvwide, balo bazooswiililisya.
Paulo ulayanda kuswaya ku-Roma
22 #
Rom 1:10-13
Nciconya ncindakacelezegwa kanjikanji kuza kulindinywe, 23pele sunu nsicijisi milimo okuno kucisi, nkabela mbuli mbunjandide loko kuza kulindinywe myaaka minji, 24#1 Kor 16:6kufumbwa ciindi nconzooya ku-Spanya, nzooinda kulindinywe. Ndasyoma kuti ciindi ncinzooinda nzoomubona, akusindikilwa andinywe munzila yangu, nenoozookede anywe kaindi kaniini,
Makani aamilumbo yakugwasya banakristo bacete baku-Jerusalemu
25 #
1 Kor 16:1-4
#
Inc 19:21; 20:22 Pele kuciindi ecino ndaya ku-Jerusalemu, ikuti ndijisi milimo yabasalali 26#1 Kor 16:1; 2 Kor 8:1; 9:2,12Nkaambo bakazumina bana-Makedoniya abana-Akaya kupa imwi milumbo yakugwasya basalali bacete baku-Jerusalemu. 27#1 Kor 9:11; Rom 9:4Bakazumina kucita obo, pele ncobeni balijisi mulandu abatengwana kulimbabo. Nkaambo bamasi, mbuli mbubakatambula caabilo cazintu zyamuuya zyabaabo, baleelede kubapa caabilo cazintu zyabo zyanyama. 28Lino ndamana milimo eyi, akusinizya kuti eyi milumbo ili mumaanza aabo, nzooinda kulindinywe kukuya ku-Spanya. 29#Rom 1:11Nkabela ndizi kuti ciindi ncinti sike kulindinywe, nzooza acoolwe cizwide ca-Kristo,
Ulakumbila kuti bamugwasye kukukomba kwabo
30 #
2 Kor 1:11; Flp 1:27; Kol 4:3; 2 Tes 3:1 Ndamukumbila, nubakwesu, nkaambo kazina lya-Mwami wesu Jesu Kristo akaambo kaluyandisyo lwa-Muuya, kuti musungwaale ambebo munkombyo zyakundikombela kubusyu bwa-Leza, 31kuti nkavunwe kulibasicinguni baku-Judaya akuti milimo yangu yaku-Jerusalemu ikatambulike kubasalali, 32Elyo kuti kayanda Leza ndakonzya kuza kulindinywe cakukondwa, akulyokezya antoomwe andinywe, 33Leza waluumuno abe anywe nyoonse, Ameni.
Currently Selected:
Ba-Roma 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Ba-Roma 15
15
Bayumu baleelede kugwasya bakompeme acakuyandana
1Lino swebo tubayumu tuleelede kuyumuna matenda aabaabo batali bayumu, tatweelede kulikondezya tubeni pe. 2#1 Kor 9:19; 10:24,33Umwi aumwi akati kesu akondezye mweenzinyina kukumucitila cibotu cakuyakana. 3#Int 69:9Nkaambo Kristo alakwe teewakalikondezya mwini, pele mbuli mbukulembedwe kuti, Insyolauko zyabaabo bakasyolauka nduwe zyakandiwida mebo. 4#Rom 4:23,24; 1 Kor 10:11Nkaambo makani aali boobo aakalembwa kalekale, nkukwiiya kwesu nkwaakalembelwa, kuti kubukakatilo akubukombelezyo bwamalembe tujane bulangizi bwaku-tontozya moyo, 5#Flp 3:16Lino Leza wabukakatilo abukombelezyo amupe bujatano bwacinkaminwe mbuli Kristo Jesu, 6kuti camoyo omwe acamulomo omwe mulemeke Leza wisi Mwami wesu Jesu Kristo,
Mbubonya abo Kristo mbwagwasya bantu boonse nibaba ba-Juda nibaba bamasi
7Nkaambo kaako amusamausyanye, mbubonya mbuli Kristo mbwatusamausya kubulemu bwa-Leza, 8#Mt 15:24; Inc 3:25Ndaamba kuti Kristo wakaba mulanda wabasibupalule nkaambo kalusinizyo lwa-Leza, kuti azuzye insyomezyo Ine nzibakapegwa bamataata, 9#2 Sam 22:50; Int 18:49; Rom 11:30akuti bamasi balemeke Leza nkaambo kalweetelelo lwakwe, mbuli mbukulembedwe kuti,
Nkaambo kaako nzookutembaula akati kabamasi,
Nzooimbila izina lyako.
10 #
Dt 32:43
Alimwi kuti, Amusekelele nubamasi, antoomwe abantu bakwe. 11#Int 117:1Alimwi kuti,
Amutembaule Jehova numasi oonse,
Amumutembaulisye, numisyobo yoonse.
12 #
Is 11:10; Ciy 5:5 Alimwi Isaya wati,
Kuzooba muntenga wa-Jese,
Nguzoobukila kuba abwami bwabamasi,
Nguwe ngubazoosyoma bamasi.
13Lino Leza wabulangizi amuzuzye bukondwi boonse aluumuno mukusyoma kwanu, kuti mwiinde kuba abulangizi kunguzu zya-Muuya Uusalala.
Paulo ulaamba amwi makani aamilimo yakwe mwini
14Lino ime ndalamwa aandinywe, nubakwesu, kuti inywe nubeni mulizwide bubotu, mulilondokede muluzibo loonse, akukonzya kwiisyanya. 15#Rom 1:5; 12:3Nekubaboobo ndalitakata kumulembela, nubakweesu kumwi kuti nkamwiibalusye, nkaambo kaluzyalo ndundapegwa kwa-Leza, 16#Rom 11:13; Flp 2:17lwakuti nkabe similimo wa-Jesu Kristo wabamasi, mupaizi wa-Makani Mabotu aa-Leza, kuti kutuulwa kwabamasi kutambulike, mbukusalazigwa kwaMuuya Uusalala. 17Lino ndijisi cintu cakulikankaizizya muli-Kristo Jesu kumakani aangu kumeso aa-Leza. 18#2 Kor 3:5Nkaambo nsikonzyi kulitakata kwaamba makani manji pele ayo alike Kristo ngaacitya ndime akuswiilizya bamasi, nikuba kumajwi aangu nikuba kuncito zyangu, 19#Mk 16:17kunguzu zyazitondezyo azyamalele, kunguzu zya-Muuya Uusalala. Ikuti kuzwa ku-Jerusalemu kucisi coonse ceengelede nikuba kusikila ku-Iliriko ndimanine nyika yoonse kukambauka Makani Mabotu aa-Kristo, 20#2 Kor 10:15,16Pele ndipangide moyo kukukambauka Makani Mabotu nkwatazibidwe izina lya-Kristo, kuti ntakayaki antalisyo yamuntu umbi, 21#Is 52:15pele mbuli mbukulembedwe,
Abo batalwiididwe impuwo yakwe, balo bazoobona,
Abaabo batamvwide, balo bazooswiililisya.
Paulo ulayanda kuswaya ku-Roma
22 #
Rom 1:10-13
Nciconya ncindakacelezegwa kanjikanji kuza kulindinywe, 23pele sunu nsicijisi milimo okuno kucisi, nkabela mbuli mbunjandide loko kuza kulindinywe myaaka minji, 24#1 Kor 16:6kufumbwa ciindi nconzooya ku-Spanya, nzooinda kulindinywe. Ndasyoma kuti ciindi ncinzooinda nzoomubona, akusindikilwa andinywe munzila yangu, nenoozookede anywe kaindi kaniini,
Makani aamilumbo yakugwasya banakristo bacete baku-Jerusalemu
25 #
1 Kor 16:1-4
#
Inc 19:21; 20:22 Pele kuciindi ecino ndaya ku-Jerusalemu, ikuti ndijisi milimo yabasalali 26#1 Kor 16:1; 2 Kor 8:1; 9:2,12Nkaambo bakazumina bana-Makedoniya abana-Akaya kupa imwi milumbo yakugwasya basalali bacete baku-Jerusalemu. 27#1 Kor 9:11; Rom 9:4Bakazumina kucita obo, pele ncobeni balijisi mulandu abatengwana kulimbabo. Nkaambo bamasi, mbuli mbubakatambula caabilo cazintu zyamuuya zyabaabo, baleelede kubapa caabilo cazintu zyabo zyanyama. 28Lino ndamana milimo eyi, akusinizya kuti eyi milumbo ili mumaanza aabo, nzooinda kulindinywe kukuya ku-Spanya. 29#Rom 1:11Nkabela ndizi kuti ciindi ncinti sike kulindinywe, nzooza acoolwe cizwide ca-Kristo,
Ulakumbila kuti bamugwasye kukukomba kwabo
30 #
2 Kor 1:11; Flp 1:27; Kol 4:3; 2 Tes 3:1 Ndamukumbila, nubakwesu, nkaambo kazina lya-Mwami wesu Jesu Kristo akaambo kaluyandisyo lwa-Muuya, kuti musungwaale ambebo munkombyo zyakundikombela kubusyu bwa-Leza, 31kuti nkavunwe kulibasicinguni baku-Judaya akuti milimo yangu yaku-Jerusalemu ikatambulike kubasalali, 32Elyo kuti kayanda Leza ndakonzya kuza kulindinywe cakukondwa, akulyokezya antoomwe andinywe, 33Leza waluumuno abe anywe nyoonse, Ameni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.