Filimona 1
1
1 #
Ef 3:1
Ndime Paulo, ndi mwaange nkaambo ka-Kristo Jesu, tuli a-Timoteo mukwesu. Tulamujuzya nywebo Filimona muyandwi wesu simulimoma, 2#Kol 4:17; 2 Tim 2:3a-Apiya mucizi wesu, a-Arkipo silumambama, ambungano iibungana muŋanda yako. 3#Rom 1:7Luzyalo alube anywe aluumuno luzwa kuliLeza Taateesu akuli-Jesu Kristo Mwami,
4Ndalumba Leza wangu lyoonse ningambilizya nduwe muzikombyo zyangu, 5mbundi mukumvwa luyando lwako alusyomo ndojisi kuli-Jesu Mwami akubasalali boonse. 6#Flp 1:9Ndakomba kuti luswanaano lwalusyomo lwako lucite kuti bazibe cakubonesya mbububede bubotu boonse mbutujene muli-Kristo. 7#2 Kor 7:4Nkaambo ndijene kukondwa kupati akuumbulizigwa kuluyando lwako, mukwesu, myoyo yabasalali mbuyakatalukwa mulinduwe.
Makani aa-Onesimo muzike uulobokede
8Lino nenjanda ndakonzya kukulailila cabukozu kucita cintu ciluzi, 9nekubaboobo wence ndakukombelela buyo caluyando, mbondi Paulo munene, alimwi sunu ndi mwaange nkaambo ka-Kristo Jesu. 10#Kol 4:9; Gal 4:19; 1 Kor 4:15Ndakukombelela wence nkaambo kamwanaangu ngundalizyalila nencili muntolongo. Ngu-Onesimo. 11Ciindi cakamana katakwe mulimo kulinduwe, pele sunu uli amulimo kulinduwe akulindime. 12Ndamuboozya kulinduwe, ngooyu, nekuba kuti ngumoyo wangu loko. 13#Flp 2:30Ndakayanda kumulondola afwiifwi ambe, kuti andimanine milimo mumwenya wako ciindi ncencili mwaange nkaambo ka-Makani Mabotu, 14#2 Kor 9:7; 1 Pet 5:2pele taakwe ncenkonzya kucita kutali kuti uwe wazumina, kuti kucita kwako kubotu kutabi kwakusinikizigwa, akube kwakulita. 15Ambweni nciceeco ncaakacija kulinduwe kaindi kaniini, kuti uzoomutambule abe wako lyoonse, 16#1 Tim 6:2atacinoobi mbuli muzike buyo, ainde mubuzike, abe munyoko muyandwi. Ncobeni ulayandwa kulindime, nkabela ulayandwa loko kulinduwe, muziyanza zyoonse zyobile, ambuli muntu ambuli mu-Mwami. 17Lino kuti kondijisi mbuli mweenzinyokwe, mutambule ubaanga utambula ndime. 18Na wakakubisizya nanka ulijisi cikoloto cako, bika ndime mumwenya wakwe. 19#Gal 6:11; 2 Tes 3:17Ndime Paulo, ndagwala obu ajanza lyangu ndemwini, nzookuliya. Nsikwaambila ano kuti uwe ulandicenekela cakwiinda abwalo buumi bwako. 20Mbubo mukwesu, nkondezegwe kwako mu-Mwami, katalusya moyo wangu muliKristo. 21Ndakugwalila mbundasyoma kuti ulandiswiilila, nkabela ndizi kuti uzoocitisya kwiinda mbundaamba. 22#Flp 1:25; 2:24Alimwi ukandibambile ciyusilo, nkaambo ndakulwiila kuti nzoobweedezegwe kulindinywe nkaambo kazikombyo zyanu,
Injuzyo zyakumamanino
23 #
Kol 1:7; 4:12 Epafra mwaangema muli-Kristo Jesu ulakujuzya, 24#Inc 12:12,25; 13:13; 15:37-39; 19:29; 27:2; Kol 4:10,14; 2 Tim 4:10,11abalo ba-Marko a-Aristarko a-Dema a-Luka basimilimoma.
25Luzyalo lwa-Mwami Jesu Kristo alube amoyo wanu.
Currently Selected:
Filimona 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.