Matayo 4
4
Jesu mbwaakasunkwa Saatani
(Marko 1:12,13; Luka 4:1-13)
1 #
Mk 1:12,13; Lk 4:1-13 #
Heb 2:18; 4:15 Lino Jesu wakeenzegwa a-Muuya munkanda kuti akasunkwe Diabolosi. 2#Kul 34:28; 1 Bam 19:8Nkabela wakaliimya kulya mazuba aali makumi one, masiku asikati, lino wakafwa inzala, 3#Matl 3:1-7Lino Sikusunka wakasika akumwaambila kuti, Kuti koli Mwana a-Leza, ambila mabwe aya, abe insima. 4#Dt 8:3Walo wakavuwa kuti, Kulilembedwe kuti,
Teensi insima ilike njaaponena muntu,
Ulaponena amajwi oonse aazwa kumulomo wa-Leza.
5 #
Mt 27:53
Lino Diabolosi wakamutola kumunzi mulemu, wakamwiimika ansonge yantempele, 6#Int 91:11-12wakamwaambila wati, Kuti koli Mwana a-Leza, uliwaale ansi, nkaambo kulilembedwe kuti,
Uzoolailila baangelo bakwe kulinduwe,
Bazookunyampule amaanza aabo,
Kuti utalicisi cituta cako kubbwe.
7 #
Dt 6:16
Nkabela Jesu wakamwaambila kuti, Alimwi kulilembedwe kuti, Utasunki Jehova Leza wako. 8Alimwi Diabolosi wakamutola kucilundu cilamfu loko, wakamutondezya zisi zyoonse zyanyika abulemu bwazyo, 9elyo wakamwaambila kuti, Ezi zyoonse ndakupa, kuti wafugama akundikomba. 10#Dt 6:13Lino Jesu wakamwaambila kuti, Koya, uwe Saatani, nkaambo kulilembedwe kuti,
Nguwe Jehova Leza wako ngoelede kukomba,
Nguwenya alike ngoelede kumanina milimo.
11 #
Joh 1:51; Heb 1:6,14 Mpawo Diabolosi wakamusia, nkabela elyo kwakasika baangelo, bakamukutaukila.
Jesu mbwaakali kuya bweendeenda mu-Galilaya. Basikwiiya bataanzi
(Marko 1:14-20; Luka 4:14,15; 5:1-11)
12 #
Mk 1:14,15; Lk 4:14,15 #
Mt 14:3; Mk 6:17; Lk 3:19-20 Lino Jesu naakamvwa kuti Johane wajatwa, wakalongela ku-Galilaya. 13#Joh 2:12Nkabela wakalonga kuzwa ku-Nazareta, wakaakukala ku-Kapernauma kumbali lyalwizi muzisi zya-Zabuloni azya-Nafatali, 14kuti akacitwe aakaambwa kuli-Isaya musinsimi kuti,
15Cisi ca-Zabuloni acisi ca-Nafatali,
Inzila yalwizi, mutala lya-Jordano,
Galilaya wabamasi,
16Bantu ibakede mumudima balibwene bbalabala,
Abalo ibakede munyika yalufu, amucimvule calo,
balipasukidwe mumuni.
17 #
Mt 3:2
Kuzwa kuciindi eco Jesu wakatalika kukambauka, wakati, Amweempwe, nkaambo Bwami bwakujulu buli afwiifwi.
18 #
Joh 1:40
Nkabela naakali kweenda kumbali lyalwizi lwaku-Galilaya wakabona babunyina bobile, Simoni uutegwa Petro, amwanike wakwe Andreya, bakali mukuwaala lusabwe mumaanzi, nkaambo kabali bazubi. 19#Mt 13:47; Ezk 47:10Nkabela wakabaambila kuti, Amunditobele, nkamucite basikuzuba bantu. 20#Mt 19:27Mpawo bakasia insabwe zyabo, bakamutobela. 21Lino kuzwa oko wakaya kunembo, wakabona bamwi babunyina bobile, Jakobo mwanaakwe Zebedayo, a-Johane mwanike wakwe, kabali mubwaato awisaabo Zebedayo, bakali mukusuma insabwe zyabo, elyo wakabaita. 22Mpawo bakasia bwaato awisaabo, bakamutobela.
23 #
Mt 9:35; Mk 1:39; Lk 4:15,44; Inc 10:38 Lino Jesu wakali kuya bweendeenda moonse mu-Galilaya, kaya bwiisya muzikombelo zyabo akukambauka makani mabotu aa-Bwami akuponya malwazi oonse amalengwa oonse akati kabantu. 24#Mk 6:55Nkabela impuwo yakwe yakaya mucisi coonse caku-Suriya, nkabela bakamuletela balwazi boonse abaciswa malwazi akuciswa kwamisyobo misyobo, abasibadaimona, abasizisuntu, abayuminide mibili, elyo wakabaponya. 25#Mk 3:7,8; Lk 6:17-19Lino kwakamutobela makamu makamu aabantu bazwa ku-Galilaya aku-Dekapole aku-Jerusalemu aku-Judaya amutala lya-Jordano.
Currently Selected:
Matayo 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.