Matayo 13
13
Cikozyano casikuminza
(Marko 4:1-20; Luka 8:4-15)
1 #
Mk 4:1-20; Lk 8:4-15 Buzuba obo Jesu wakazwa muŋanda, wakaakukala kumbali kulwizi. 2#Lk 5:1-3Nkabela kwakabungana kulinguwe makamu makamu. Elyo wakanjila mubwaato, wakakala, nkabela bantu boonse bakaliimvwi ankomwe. 3Mpawo wakabaambila makani manji muzikozyano, wakati, Amulange, muminzi wakaya kuyoominza. 4Lino mukuminza kwakwe imbuto zimwi zyakawida anzila, nkabela bayuni bakeza, bakazilya. 5Zimwi zyakawida mumabwe mutakwe ivu ijinji, nkabela zyakafwambaana kumena nkaambo kakutaba avu ijinji. 6Lino izuba nilyakapasula, zyakapusama, zyakayuma, nkaambo kakuti kazitajisi miyanda. 7Azimwi zyakawida mumamvwa, nkabela mamvwa naakamena akazisyanikizya. 8Azimwi zyakawida muvu ibotu, zyakazyala micelo, zimwi zyakazyala mwaanda, zimwi zyakazyala makumi aali musanu alimwi, zimwi zyakazyala makumi otatwe. 9Uujisi matwi aswiilile.
10Lino basikwiiya bakwe bakeza, bakamubuzya kuti, Ino nkaambonzi ulabaambila muzikozyano? 11Nkabela wakabavwiila, wabaambila kuti, Inywe mwapegwa kuziba aasisidwe aa-Bwami bwakujulu, balo tabapegwi pe. 12#Mt 25:29; Mk 4:25; Lk 8:18; 19:26Nkaambo umwi aumwi uujisi uzoopegwa, uzooyungizizigwa, pele umwi aumwi uutajisi uzoonyanzigwa niciba ncajisi. 13#Dt 29:4Nkaambo kaako ndabaambila muzikozyano, nkaambo mukubona kwabo tababonesyi, amukumvwa kwabo tabamvwisyi. 14#Is 6:9-10; Joh 12:40; Inc 28:26,27Nkabela mulimbabo kwacitwa ngaakaamba Isaya, kuti,
Mukumvwa kwanu mulamvwa, nekubaboobo tamukoomvwisya,
Amukubona kwanu mulabona, nekubaboobo tamukoobonesya.
15Nkaambo myoyo yabantu aba yanenesya,
Nkabela matwi aabo taamvwisyi, Nkabela meso aabo baafwinya,
Kuti bataboni ameso aabo,
Akutaswiilila amatwi aabo,
Akutamvwisya mumyoyo yabo,
Kuti batasanduki,
Kuti nzoobaponye.
16 #
Lk 10:23-24
Pele inywe meso aanu ali acoolwe, nkaambo alabona, aalo matwi aanu, nkaambo alamvwa. 17Ncobeni ndamwaambila kuti basinsimi banji abaluleme banji bakali kuyandisya kubona zintu nzimubona inywe, nekubaboobo teebakazibona pe, akumvwa zintu nzimumvwa, nekubaboobo teebakamvwa. 18Lino amuswiilile cikozyano camuminzi. 19Muntu umwi aumwi amvwe makani aa-Bwami akutamvwisya, elyo ulasika mubi, ulamunyanzya cakaminzwa mumoyo wakwe. Nguwenya wakaminzwa kumbali kunzila. 20Alimwi oyo iwakaminzwa muvu lyamabwe, nguwenya uuswiilila makani, elyo ulafwamba kwaatambula cakukondwa. 21Nekubaboobo tajisi muyanda mulinguwe, anukuti ulakolela kaindi kaniini buyo, lino naasika mapenzi antela makataazyo nkaambo kamakani, mpawo ulalebegwa. 22#Mt 6:19-34; 1 Tim 6:9Alimwi oyo iwakaminzilwa mumamvwa nguwenya uuswiilila makani pele mapakasyo aaciindi ecino akoongelezegwa kwabuvubi, zyoonse zilasyanikizya makani, nkabela taazyali micelo. 23Alimwi oyo iwakaminzwa muvu ibotu nguwenya uuswiilila makani akumvwisya, nguwe uuzyala micelo. Umwi ulazyala mwaanda, umwi makumi aali musanu alimwi, umwi makumi otatwe.
Cikozyano camaila ansaku
24 #
Mt 13:36-43
Lino wakababikila cikozyano acimwi cakuti, Bwami bwakujulu bulikozyene amuntu iwakaminza imbuto imbotu mumuunda wakwe, 25nkabela bantu nibakali kuona, kwakasika sinkondonyina, wakaminza insaku akati kamaila, wakainka. 26Lino maila naakasonsa akuzyala micelo, mpawo insaku zyakaboneka azyalo. 27Nkabela bazike bamwinimuunda bakeza, bakamwaambila kuti, Mwami, sa teewakaminza imbuto imbotu mumuunda wako? ino zyazwa kuli insaku ezi? 28Wakabaambila kuti, Ngusinkondoma wakacita obo. Nkabela bazike bamwaambila bati, Sa ulayanda kuti tuye, tuzinonkole? 29Wakati, Pe! ambweni mwaakunonkola insaku mulazyula aalo maila. 30#Mt 3:12Amuzileke, zikule zyoonse antoomwe mane lumwi kuciindi cakutebula, lino kuciindi cakutebula nzooambila batebuzi kuti, Amusaangune kulundika insaku akuzianga misunta, zitentwe, pele maila amwaayobole mubutala bwangu.
Cikozyano camusitada acabumena
(Marko 4:30-32; Luka 13:18-21)
31 #
Mk 4:30-32; Lk 13:18,19 Alimwi wakababikila cikozyano acimwi cakuti, Bwami bwakujulu bulikozyene anseke yamusitada njaakabweza muntu akwiibyala mumuunda wakwe. 32#Dan 4:12,21; Ezk 17:23; 31:6; Int 104:12Ninseke iniini kwiinda imbuto zyoonse, nekubaboobo yamena, ilakomena kwiinda ziteo zyoonse, ilaba isamu, nkabela bayuni bakujulu baleza, balayaka ziteente zyabo mumitabi yalyo.
33 #
Lk 13:20,21 Alimwi wakabaambila cikozyano acimwi cakuti, Bwami bwakujulu bulikozyene abumena mbwaakabweza mwanakazi akubuvundika munsuwo zyotatwe zyabusu mane do boonse nibwakafufumuka.
34 #
Mk 4:33,34 Makani aya oonse Jesu wakaambila makamu muzikozyano, takwakali kubaambila inkani niiba yomwe iitakwe cikozyano, 35#Int 78:2kuti acitwe aakaambwa kumusinsimi, kuti,
Nzoobbanuna amulomo wangu azikozyano,
Nzooamba makani aasisidwe kuzwa kumalengelo aanyika.
Jesu mbwaakapandulula cikozyano camaila ansaku
36 #
Mt 13:24-30
Lino wakasia makamu, wakanjila muŋanda. Nkabela basikwiiya bakwe bakaboola kulinguwe, bakati, Tupandulwide cikozyano cansaku zyamumuunda. 37Nkabela wakabavwiila akubaambila kuti, Oyo uuminza imbuto imbotu ngu-Mwana a-Muntu, 38#1 Kor 3:9muunda ninyika, imbuto imbotu mbibana ba-Bwami, insaku mbibana ba-Mubi, 39sinkondo iwakaziminza ngu-Diabolosi, kutebula ngimamanino aaciindi, batebuzi mbibaangelo. 40#Joh 15:6Mbuli insaku mbuzibungwa akutentwa mumulilo, mbubonya obo mbukuzooba kumamanino aaciindi. 41#Zef 1:3; Mt 25:31-46; 7:23Mwana a-Muntu uzootuma baangelo bakwe kuti bazoobunge zintu zyoonse zyamu-Bwami bwakwe zilebya, abalo bacita ziteelede, 42#Mt 8:12nkabela bazoobasowela mubbila lyamulilo, oko kuzooba kulila akuluma ntwino. 43#Dan 12:3Lino baluleme bazoobala mbuli izuba mu-Bwami bwawisaabo. Uujisi matwi aswiilile.
Cikozyano cacintu ciyandisi, acangale, acalusabwe
44 #
Mt 19:29; Lk 14:33; Flp 3:7; Tus 2:4 Alimwi Bwami bwakujulu bulikozyene acintu ciyandisi cisisidwe mumuunda, ncaakajana muntu akucisisa, elyo mukukondwa kwakwe ulainka kuyooulisya zyoonse nzyajisi kuti aule muunda oyo.
45Alimwi Bwami bwakujulu bulikozyene amuntu musambazi uuyandaula ingale imbotu, 46#Tus 8:10,11nkabela naakajana ingale yomwe injandisi loko, wakainka, wakaulisya zyoonse nzyaakajisi, wiiula.
47 #
Mt 22:9,10 Alimwi Bwami bwakujulu bulikozyene alusabwe ilwakawaalwa mulwizi akuca inswi zyamisyobo misyobo. 48Luzule, bakalukwelela kunkomwe, bakala, balundika inswi imbotu munsuwo, imbi bazisowa. 49#Mt 25:32Mbuboobo mbukuzooba kumamanino aaciindi. Baangelo bazoosika, bazoosala babi kuzwa kubaluleme, 50elyo bazoobasowela mubbila lyamulilo, oko kuzooba kulila akuluma ntwino.
51Sa mwamvwisya makani aya oonse? Bamwaambila bati, Ii. 52Lino wakabaambila kuti, Mulembi umwi aumwi uuba sikwiiya mu-Bwami bwakujulu ulikozyene amwiniŋanda uugwisya muciyobwedo cakwe zintu zipya azintu zikulukulu.
Jesu mbwaakakambauka ku-Nazareta
(Marko 6:1-6; Luka 4:16-30)
53 #
Mk 6:1-6; Lk 4:15-30 Lino Jesu naakamana zikozyano ezi wakazwa oko. 54#Mt 7:28; 11:1; 19:1; 26:1Nkabela wakasika mucisi cabanamuzyaabo, wakabaiisya mucikombelo cabo. Lino bakakankamana, bakati, Ino muntu oyu wabujana kuli busongo obu anguzu ezi? 55Sa teensi nguwenya mwana wamubezi? Sa izina lyabanyina teensi Maliya, amazina aabakwabo sa tabeensi ba-Jakobo a-Josefa a-Simoni a-Juda? 56#Joh 7:15,52Abalo bacizi bakwe sa tabako boonse nkutubede? Muntu oyu wazijana kuli zintu ezi zyoonse? 57#Joh 4:44Nkabela bakabilila kulinguwe. Lino Jesu wakabaambila kuti, Taakwe musinsimi uutajani bulemu kutaamba mucisi cabanamuzyaabo amumukowa wakwe mwini. 58Nkabela oko teewakacita malele manji nkaambo kakutasyoma kwabo.
Currently Selected:
Matayo 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Matayo 13
13
Cikozyano casikuminza
(Marko 4:1-20; Luka 8:4-15)
1 #
Mk 4:1-20; Lk 8:4-15 Buzuba obo Jesu wakazwa muŋanda, wakaakukala kumbali kulwizi. 2#Lk 5:1-3Nkabela kwakabungana kulinguwe makamu makamu. Elyo wakanjila mubwaato, wakakala, nkabela bantu boonse bakaliimvwi ankomwe. 3Mpawo wakabaambila makani manji muzikozyano, wakati, Amulange, muminzi wakaya kuyoominza. 4Lino mukuminza kwakwe imbuto zimwi zyakawida anzila, nkabela bayuni bakeza, bakazilya. 5Zimwi zyakawida mumabwe mutakwe ivu ijinji, nkabela zyakafwambaana kumena nkaambo kakutaba avu ijinji. 6Lino izuba nilyakapasula, zyakapusama, zyakayuma, nkaambo kakuti kazitajisi miyanda. 7Azimwi zyakawida mumamvwa, nkabela mamvwa naakamena akazisyanikizya. 8Azimwi zyakawida muvu ibotu, zyakazyala micelo, zimwi zyakazyala mwaanda, zimwi zyakazyala makumi aali musanu alimwi, zimwi zyakazyala makumi otatwe. 9Uujisi matwi aswiilile.
10Lino basikwiiya bakwe bakeza, bakamubuzya kuti, Ino nkaambonzi ulabaambila muzikozyano? 11Nkabela wakabavwiila, wabaambila kuti, Inywe mwapegwa kuziba aasisidwe aa-Bwami bwakujulu, balo tabapegwi pe. 12#Mt 25:29; Mk 4:25; Lk 8:18; 19:26Nkaambo umwi aumwi uujisi uzoopegwa, uzooyungizizigwa, pele umwi aumwi uutajisi uzoonyanzigwa niciba ncajisi. 13#Dt 29:4Nkaambo kaako ndabaambila muzikozyano, nkaambo mukubona kwabo tababonesyi, amukumvwa kwabo tabamvwisyi. 14#Is 6:9-10; Joh 12:40; Inc 28:26,27Nkabela mulimbabo kwacitwa ngaakaamba Isaya, kuti,
Mukumvwa kwanu mulamvwa, nekubaboobo tamukoomvwisya,
Amukubona kwanu mulabona, nekubaboobo tamukoobonesya.
15Nkaambo myoyo yabantu aba yanenesya,
Nkabela matwi aabo taamvwisyi, Nkabela meso aabo baafwinya,
Kuti bataboni ameso aabo,
Akutaswiilila amatwi aabo,
Akutamvwisya mumyoyo yabo,
Kuti batasanduki,
Kuti nzoobaponye.
16 #
Lk 10:23-24
Pele inywe meso aanu ali acoolwe, nkaambo alabona, aalo matwi aanu, nkaambo alamvwa. 17Ncobeni ndamwaambila kuti basinsimi banji abaluleme banji bakali kuyandisya kubona zintu nzimubona inywe, nekubaboobo teebakazibona pe, akumvwa zintu nzimumvwa, nekubaboobo teebakamvwa. 18Lino amuswiilile cikozyano camuminzi. 19Muntu umwi aumwi amvwe makani aa-Bwami akutamvwisya, elyo ulasika mubi, ulamunyanzya cakaminzwa mumoyo wakwe. Nguwenya wakaminzwa kumbali kunzila. 20Alimwi oyo iwakaminzwa muvu lyamabwe, nguwenya uuswiilila makani, elyo ulafwamba kwaatambula cakukondwa. 21Nekubaboobo tajisi muyanda mulinguwe, anukuti ulakolela kaindi kaniini buyo, lino naasika mapenzi antela makataazyo nkaambo kamakani, mpawo ulalebegwa. 22#Mt 6:19-34; 1 Tim 6:9Alimwi oyo iwakaminzilwa mumamvwa nguwenya uuswiilila makani pele mapakasyo aaciindi ecino akoongelezegwa kwabuvubi, zyoonse zilasyanikizya makani, nkabela taazyali micelo. 23Alimwi oyo iwakaminzwa muvu ibotu nguwenya uuswiilila makani akumvwisya, nguwe uuzyala micelo. Umwi ulazyala mwaanda, umwi makumi aali musanu alimwi, umwi makumi otatwe.
Cikozyano camaila ansaku
24 #
Mt 13:36-43
Lino wakababikila cikozyano acimwi cakuti, Bwami bwakujulu bulikozyene amuntu iwakaminza imbuto imbotu mumuunda wakwe, 25nkabela bantu nibakali kuona, kwakasika sinkondonyina, wakaminza insaku akati kamaila, wakainka. 26Lino maila naakasonsa akuzyala micelo, mpawo insaku zyakaboneka azyalo. 27Nkabela bazike bamwinimuunda bakeza, bakamwaambila kuti, Mwami, sa teewakaminza imbuto imbotu mumuunda wako? ino zyazwa kuli insaku ezi? 28Wakabaambila kuti, Ngusinkondoma wakacita obo. Nkabela bazike bamwaambila bati, Sa ulayanda kuti tuye, tuzinonkole? 29Wakati, Pe! ambweni mwaakunonkola insaku mulazyula aalo maila. 30#Mt 3:12Amuzileke, zikule zyoonse antoomwe mane lumwi kuciindi cakutebula, lino kuciindi cakutebula nzooambila batebuzi kuti, Amusaangune kulundika insaku akuzianga misunta, zitentwe, pele maila amwaayobole mubutala bwangu.
Cikozyano camusitada acabumena
(Marko 4:30-32; Luka 13:18-21)
31 #
Mk 4:30-32; Lk 13:18,19 Alimwi wakababikila cikozyano acimwi cakuti, Bwami bwakujulu bulikozyene anseke yamusitada njaakabweza muntu akwiibyala mumuunda wakwe. 32#Dan 4:12,21; Ezk 17:23; 31:6; Int 104:12Ninseke iniini kwiinda imbuto zyoonse, nekubaboobo yamena, ilakomena kwiinda ziteo zyoonse, ilaba isamu, nkabela bayuni bakujulu baleza, balayaka ziteente zyabo mumitabi yalyo.
33 #
Lk 13:20,21 Alimwi wakabaambila cikozyano acimwi cakuti, Bwami bwakujulu bulikozyene abumena mbwaakabweza mwanakazi akubuvundika munsuwo zyotatwe zyabusu mane do boonse nibwakafufumuka.
34 #
Mk 4:33,34 Makani aya oonse Jesu wakaambila makamu muzikozyano, takwakali kubaambila inkani niiba yomwe iitakwe cikozyano, 35#Int 78:2kuti acitwe aakaambwa kumusinsimi, kuti,
Nzoobbanuna amulomo wangu azikozyano,
Nzooamba makani aasisidwe kuzwa kumalengelo aanyika.
Jesu mbwaakapandulula cikozyano camaila ansaku
36 #
Mt 13:24-30
Lino wakasia makamu, wakanjila muŋanda. Nkabela basikwiiya bakwe bakaboola kulinguwe, bakati, Tupandulwide cikozyano cansaku zyamumuunda. 37Nkabela wakabavwiila akubaambila kuti, Oyo uuminza imbuto imbotu ngu-Mwana a-Muntu, 38#1 Kor 3:9muunda ninyika, imbuto imbotu mbibana ba-Bwami, insaku mbibana ba-Mubi, 39sinkondo iwakaziminza ngu-Diabolosi, kutebula ngimamanino aaciindi, batebuzi mbibaangelo. 40#Joh 15:6Mbuli insaku mbuzibungwa akutentwa mumulilo, mbubonya obo mbukuzooba kumamanino aaciindi. 41#Zef 1:3; Mt 25:31-46; 7:23Mwana a-Muntu uzootuma baangelo bakwe kuti bazoobunge zintu zyoonse zyamu-Bwami bwakwe zilebya, abalo bacita ziteelede, 42#Mt 8:12nkabela bazoobasowela mubbila lyamulilo, oko kuzooba kulila akuluma ntwino. 43#Dan 12:3Lino baluleme bazoobala mbuli izuba mu-Bwami bwawisaabo. Uujisi matwi aswiilile.
Cikozyano cacintu ciyandisi, acangale, acalusabwe
44 #
Mt 19:29; Lk 14:33; Flp 3:7; Tus 2:4 Alimwi Bwami bwakujulu bulikozyene acintu ciyandisi cisisidwe mumuunda, ncaakajana muntu akucisisa, elyo mukukondwa kwakwe ulainka kuyooulisya zyoonse nzyajisi kuti aule muunda oyo.
45Alimwi Bwami bwakujulu bulikozyene amuntu musambazi uuyandaula ingale imbotu, 46#Tus 8:10,11nkabela naakajana ingale yomwe injandisi loko, wakainka, wakaulisya zyoonse nzyaakajisi, wiiula.
47 #
Mt 22:9,10 Alimwi Bwami bwakujulu bulikozyene alusabwe ilwakawaalwa mulwizi akuca inswi zyamisyobo misyobo. 48Luzule, bakalukwelela kunkomwe, bakala, balundika inswi imbotu munsuwo, imbi bazisowa. 49#Mt 25:32Mbuboobo mbukuzooba kumamanino aaciindi. Baangelo bazoosika, bazoosala babi kuzwa kubaluleme, 50elyo bazoobasowela mubbila lyamulilo, oko kuzooba kulila akuluma ntwino.
51Sa mwamvwisya makani aya oonse? Bamwaambila bati, Ii. 52Lino wakabaambila kuti, Mulembi umwi aumwi uuba sikwiiya mu-Bwami bwakujulu ulikozyene amwiniŋanda uugwisya muciyobwedo cakwe zintu zipya azintu zikulukulu.
Jesu mbwaakakambauka ku-Nazareta
(Marko 6:1-6; Luka 4:16-30)
53 #
Mk 6:1-6; Lk 4:15-30 Lino Jesu naakamana zikozyano ezi wakazwa oko. 54#Mt 7:28; 11:1; 19:1; 26:1Nkabela wakasika mucisi cabanamuzyaabo, wakabaiisya mucikombelo cabo. Lino bakakankamana, bakati, Ino muntu oyu wabujana kuli busongo obu anguzu ezi? 55Sa teensi nguwenya mwana wamubezi? Sa izina lyabanyina teensi Maliya, amazina aabakwabo sa tabeensi ba-Jakobo a-Josefa a-Simoni a-Juda? 56#Joh 7:15,52Abalo bacizi bakwe sa tabako boonse nkutubede? Muntu oyu wazijana kuli zintu ezi zyoonse? 57#Joh 4:44Nkabela bakabilila kulinguwe. Lino Jesu wakabaambila kuti, Taakwe musinsimi uutajani bulemu kutaamba mucisi cabanamuzyaabo amumukowa wakwe mwini. 58Nkabela oko teewakacita malele manji nkaambo kakutasyoma kwabo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.