Matayo 12
12
Makani aa-Sabata
(Marko 2:23-28; Luka 6:1-11)
1 #
Mk 2:23-28; Lk 6:1-5 #
Dt 5:14
Kuciindi eco Jesu wakainda mumyuunda mubuzuba bwa-Sabata, nkabela basikwiiya bakwe bakafwa inzala, bakatalika kutyola myaangala yakulya. 2#Kul 20:10Lino ba-Farisi nibakabona boobo bakamwaambila bati, Langa, basikwiiya bako balacita citondwa mubuzuba bwa-Sabata. 3#1 Sam 21:1-7Nkabela wakabaambila kuti, Sa tamubalide mbwaakacita Davida naakafwa inzala, walo abaabo mbaakali abo, 4#Lev 24:9mbwaakanjila muŋanda ya-Leza ambwaakalya mikamu iyakatuulidwe, iyakali kutondwa kuligwa kulinguwe akulibaabo mbaakali abo, yakaligwa kubapaizi balike. 5#My 28:9-10Alimwi tamubalide mu-Mulao kuti mumazuba aa-Sabata bapaizi bali muntempele balasotoka Sabata, nekubaboobo tabajisi mulandu. 6Ndamwaambila kuti, Ano mpali umwi mupati kwiinda intempele. 7#Mt 9:13; Hos 6:6Kuti nimwakalizi mbukaamba kapango aka kati, Ncinjanda nduse, teensi cipaizyo pe, nimwatakulengelela batakwe mulandu. 8Nkaambo Mwana a-Muntu ngu-Mwami wa-Sabata.
9 #
Mk 3:1-6; Lk 6:6-11 Lino naakazwa oko wakanjila mucikombelo cabo. 10#Lk 14:3Nkabela oko nkukonya kakuli mwaalumi uuli ajanza liyuminide. Lino bakamubuzya bati, Sa kuliluleme kuponya mu-Sabata? kuti bamubike kaambo. 11#Lk 14:5Elyo wakabaambila kuti, Nguli muntu akati kanu uujisi imbelele yomwe, kuti yawida mumulindi mubuzuba bwa-Sabata, sa takooijata kuti aigwisye? 12#Lk 14:5Pele muntu ulayandika loko kwiinda imbelele. Nkaambo kaako kuliluleme kucita kabotu mumazuba aa-Sabata. 13Lino wakaambila muntu oyo kuti, Vungulula ijanza lyako. Mpawo wakalivungulula, nkabela lyakapona mbuli lyeenzinyina. 14#Joh 5:16Lino ba-Farisi nibakazwa bakamuvwiya, kuti bamujaye. 15#Mk 3:7-12Nkabela Jesu naakaziba wakatozya kumbi.
Jesu mbwaakaponya bantu banji
Lino bantu banji bakamutobela, elyo wakabaponya boonse. 16#Mt 8:4Nkabela wakabalailila kuti batatoli impuwo, 17#Is 42:1-4; 41:9kuti acitwe aakaambwa kumusinsimi Isaya, aakuti,
18 #
Is 42:1-3
#
Mt 3:17
Ngooyu Mwanaangu ngundasala,
Muyandwi wangu, ngunkondelwa moyo wangu.
Nzoobika Muuya wangu mulinguwe,
Akaambile masi lubeta.
19Takakazyanyi, takoongololi,
Taakwe muntu uuzoomvwa ijwi lyakwe mumigwagwa.
20Itete lifuyukide takalityoli,
Kamuni kasuka takakazimyi,
Mane akazundye lubeta.
21Nkabela bamasi bazoosyoma muzina lyakwe.
Ba-Farisi mbubakacapa Jesu
(Marko 3:22-30; Luka 11:14-26)
22 #
Mk 3:22-30; Lk 11:14-26,29-32 Lino wakaletelwa umwi sidaimona moofu syataambi, nkabela wakamuponya, elyo syataambi oyo wakatalika kwaamba akubona. 23Mpawo makamu oonse akagamba, akaamba ati, Sa oyu teensi nguwenya mwana a-Davida? 24#Mt 9:34; 10:25Pele ba-Farisi nibakamvwa obo bakati, Oyu muntu inguzu nzyatanzya badaimona nzizya-Belzebule mwami wabadaimona. 25Pele mbwaakaziba miyeeyo yabo wakabaambila kuti, Cisi cimwi ncimwi citakakatilani cinoosaalwa. Alimwi munzi umwi aumwi niiba iŋanda imwi aimwi zitakakatilani tazikoojata pe. 26Nkabela Saatani kuti watanda Saatani ulalilwisya mwini, ino cisi cakwe cilajata buti? 27Lino ime kuti inguzu nzintanzya badaimona nzizya-Belzebule, ino bana banu ninguzu zyani nzibabatanzya balo? Nkaambo kaako balo bazooba babetesi banu. 28#1 Joh 3:8Pele ime, kuti inguzu nzintanzya badaimona nzizya-Muuya wa-Leza, lino Bwami bwa-Leza buliswenede afwiifwi kulindinywe. 29#Is 49:24; 1 Joh 4:4Alimwi muntu ulakonzya kunjila buti muŋanda yasinguzu akusaala lubono lwakwe, atasaanguna kumwaanga singuzu oyo? lino ulasaala iŋanda yakwe. 30#Mk 9:40; Joh 11:52Oyo nguntali awe ulandilwisya, nkabela oyo uutabunganyi ambe ulamwaya. 31#Heb 6:4,6; 10:26; 1 Joh 5:16Nkaambo kaako ndamwaambila kuti, Bantu bazoolekelelwa zibi zyoonse alusanko loonse, pele kusanka Muuya muntu takonzyi kulekelelwa nkuko pe. 32#Lk 12:10; 1 Tim 1:13Alimwi umwi aumwi uubika kaambo ku-Mwana a-Muntu uzoolekelelwa, pele umwi aumwi uubika kaambo ku-Muuya Uusalala takoozoolekelelwa pe, nikuba kuciindi ecino nikuba kuciindi ciza. 33#Mt 7:17,20; Lk 6:44Amwaambe kuti, Musamu mubotu, ayalo micelo yawo mibotu, nikuba kuti, Musamu mubi ayalo micelo yawo mibi, nkaambo kumicelo nkokuzibilwa musamu. 34#Mt 3:7; 23:33; 15:18; Lk 3:7; 6:45; Joh 8:43; 12:39; Rom 8:7Inywe nubana bacipile mbumuli babi mulakonzya buti kwaamba makani mabotu? nkaambo mulomo ulagwisya aata mumoyo. 35#Lk 6:45Muntu mubotu ulagwisya zintu zibotu kuzwa muciyobwedo cakwe cibotu, muntu mubi ulagwisya zintu zibi kuzwa muciyobwedo cakwe cibi. 36Ndamwaambila kuti, ijwi isampu limwi alimwi ndibaamba bantu bazoobetekwa andilyonya mubuzuba bwalubeta. 37Nkaambo nkumajwi aako nkozoolulamisigwa nkabela nkumajwi aako nkozoopegwa mulandu.
Citondezyo ca-Jona
(Luka 11:16,29-32)
38 #
Mt 16:1; Mk 8:11; Lk 11:16; 1 Kor 1:22 Lino bamwi balembi aba-Farisi bakavuwa kuti, Mufundisi, tulayanda kubona citondezyo kulinduwe. 39#Mt 16:4; Mk 8:12Elyo wakavuwa, wakabaambila wati, Bantu basunu basizibi abasibwaamu balayandaula citondezyo, pele tabakoopegwa pe, nkutaamba kuti citondezyo ca-Jona musinsimi. 40#Joh 1:17; 2:1,2Nkaambo Jona mbwaakali mwida lyanswi impati mazuba otatwe isikati amasiku, mbuboobo alakwe Mwana a-Muntu mbazooba mumoyo wanyika mazuba otatwe isikati amasiku. 41#Jon 3:5Bantu baku-Nineve bazooima mulubeta antoomwe abantu basunu, bazoobapa mulandu, nkaambo bakeempwa kukukambauka kwaJona, pele ano mpali umwi mupati kwiinda Jona. 42#1 Bam 10:1-10; 2 Mak 9:1-12Mwami mwanakazi wakumusanza uzooima mulubeta antoomwe abantu basunu, uzoobapa mulandu, nkaambo wakazwa kumamanino aanyika kuzooswiilila maanu aa-Solomoni, pele ano mpali umwi mupati kwiinda Solomoni. 43Muuya uusofweede nuuzwa kumuntu ulainda mumisena iitakwe maanzi akuya buyandaula cilyokezyo, nekubaboobo tuucijani pe. 44Lino ulaamba kuti, Mbweede kuŋanda yangu nkundazwa, nkabela usike buyo, ulajana kuti tamukwe uukala mumo, ilikukwidwe akubambwa kabotu. 45#2 Pet 2:20Mpawo ulaya, ulaleta myuuya iili musanu aibili mibi kwiinda nguwo, nkabela ilanjila, ilakala mumo. Lino magolelo aamuntu oyo abija kwiinda aalutaanzi, Mbuboobo mbukuzooba kubantu babi basunu.
Basazinyina Jesu
(Marko 3:31-35; Luka 8:19-21)
46 #
Mk 3:31-35; Lk 8:19-21 #
Mt 13:55
Mpawo naakacili kwaambila makamu, banyina abakwabo bakaliimvwi anze, bakali kuyanda kwaambaula awe. 47Nkabela umwi wakamwaambila kuti, Langa, banyoko abakwanu baliimvwi anze, balayanda kwaambaula ayebo. 48#Lk 2:49Nkabela aambilwe boobo, wakamuvwila wakati, Ino mbani bama? Mbani bakwesu? 49Lino wakatondeka ijanza lyakwe kulibasikwiiya bakwe, wakati, Amulange, mbaaba bama abakwesu, 50#Rom 8:29; Joh 15:14Nkaambo umwi aumwi uucita luyando lwa-Taata uuli kujulu ngomukwesu amucizi wangu abama.
Currently Selected:
Matayo 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.