Johane 15
15
Jesu mbwaakaamba makani aacisiko emitabi
1 #
Jer 2:21; Int 80:8 Ndime cisiko cini camusaansa, Taata ngomukamwini muunda, 2#Mt 15:13Mitabi yoonse yangu iitazyali micelo wiitema, ayalo mitabi yoonse iizyala micelo wiikokweda kuti izyalisye micelo, 3Eno nywebo mulikokwedwe kale nkaambo kejwi ndendamwaambila. 4Amukalilile mulindime, amebo mulindinywe. Mbubonya mutabi mbuutakonzya kuzyala micelo wini watanooli kucisiko, anywebo mbubonya tamukonzya, mwatakalilila mulindime. 5#1 Kor 12:12,27; 2 Kor 3:5Ndime cisiko, nywebo muli mitabi. Uukalilila mulindime, amebo mulinguwe, walo ulazyala micelo minjiminji, nkaambo mwaanzaana amebo tamukonzya kucita cintu. 6#Mt 3:10; 13:40Na muntu takalilili mulindime, wasoogwa mbuli mutabi, wayuminina. Eno bantu biitebba, akwiisowela mumulilo, nkabela yatentwa. 7#Mk 11:24Mwanookalilila mulindime, aalo majwi aangu anookalilila mulindinywe, mwaakukumbila kufumbwa cintu ncomuyanda, ciyooba mpawo, 8#Mt 5:16Taata ulalemezegwa, mwazyala micelo minjiminji, ncomunooli basikwiiya bangu. 9Mbubonya Taata mbwandiyanda, anywebo ndamuyanda mbubonya, kamukalilila muluyando lwangu. 10#Joh 8:29; 14:15; 1 Joh 2:4,8Mwanoobamba milao yangu, munookalilila muluyando lwangu, mbubonya mbwembamba milao ya-Taata, akukalilila muluyando lwakwe. 11#Joh 17:13Ndamwaambila makani aya, kuti kubotelwa kwangu kube kulindinywe, akwalo kuti kubotelwa kwanu kukazyulile, 12#Joh 13:34; 15:17; 1 Joh 3:11,23; 2 Joh 1:5; Mk 12:30Ngooyu mulao wangu kuti muyandane, mbubonya mbwendamuyanda. 13#Joh 10:12; 1 Joh 3:16Taakwe uuli aluyando ulwiinda olu, kuti muntu atulile beenzinyina buumi bwakwe. 14#Joh 8:31; Mt 12:50; 28:20Munooli beenzuma mwanoozicita nzemwaambila. 15Nsicimwaambi limbi kuti muli bazike, nkaambo muzike tezi ncacita simalelaakwe, anu ndamwaamba kuti muli beenzuma, nkaambo zintu zyoonse nzendakamvwa kuli-Taata, ndamuzibya nzizyo. 16#Joh 6:70; 13:18Endinywe mundisalide, pele ndime emusalide, ndakamusala kuti mukeende akuzyala micelo iitamani, kuti zintu zyoonse nzomuyookumbila kuli-Taata muzina lyangu akamupe. 17Ezi zintu ndamulailila kuti muyandane. 18#Joh 7:7; 1 Joh 3:13Na inyika yamusula, mulizi kuti yali kundisulide kale, 19#1 Joh 4:5; Lk 6:22Nomwali bayeeyi inyika, inyika neyali kuyanda bayo, kwalo nkaambo tamuli bayeeyi nyika, pele ndakamusala kuzwa kunyika, nkakaambo ako inyika nciimusulide. 20#Mt 10:24; Lk 6:40; Joh 13:16Amuyeeye ijwi ndendakamwaambila kuti, Muzike tali mupati kwiinda simalelaakwe, Kuti bakandipenzya mebo, bayoomupenzya anywebo, kuti nobakabamba ijwi lyangu, nobayoobamba alyanu. 21#Joh 10:22; 16:3; Mt 5:11; Mk 13:13Pele zyoonse zintu ezi bazoomucitila nzizyo nkaambo kezina lyangu, nkaambo tabamuzi uwakandituma. 22Kuti nendatakasika kuzoobaambila, nobatajisi cibi. Eno tabakwe mpobati cikazizye cibi cabo. 23#Joh 5:23; 1 Joh 2:23; Lk 10:16Uundisula, wasula Taata awalo, 24#Joh 14:11Kuti nendatakacita milimo akati kabo iitacitidwe umbi, nobatajisi cibi, pele eno batubona, batusula mebo a-Taata, 25#Int 35:19; 69:4Nkokuti lizyulile ijwi ililembedwe mumulao wabo lyakuti, Bakandisula neentakwe kaambo, 26#Joh 14:26; Lk 24:49Pele kuti Mugwasyi aboola, ngwenjoomutumina kuzwa kuli-Taata, ngonguwe Muuya wabwini uuzwa kuli-Taata, nguuyoondilungulula, 27#Lk 1:2; Inc 1:8; 5:32Anywebo muli bakamboni, nkaambo mwali kukede amebo kuzwida kumatalikilo.
Currently Selected:
Johane 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.