Hebrayo 4
4
Kristo mbwainda bapaizi bamulongo wakalekale
1 #
Int 95:11
Mbubonya obo aswebo atuyoowe, notucili acisyomezyo eci cakunjila mukulyokezya kwakwe, mbokunga umwi wanu ulakakilwa kukujana. 2Nkaambo ncobeni swebo twakaambilwa Makani Mabotu mbubonya mbuli mbabo, anu abalo ijwi ndyobakamvwa lyakakakilwa kubajanya cintu, nkaambo tabakaswaanganide mukusyoma kwabo abaabo abakamvwisya. 3#Int 95:11Pele swebo notwazumina tuyootambulwa mukulyokezya oku, mbubonya mbwaakaamba kuti,
Ncendakakonka mubukali bwangu,
Kuti tabakooyoonjila mukulyokezya kwangu:
nokuba kuti milimo ya-Leza yakalondolwa kuzwa kumalengelo eenyika. 4#Matl 2:2Limwi wakaamba aabuzuba bwamusanu mwaabili kumakani aya wakateeti, Leza wakalyokezya kumilimo yakwe yoonse mubuzuba bwamusanu mwaabili, 5#Int 95:11alimwi eno waamba kuti,
Tabakooyoonjila mukulyokezya kwangu.
6Mbubonya obo, nkasimpe kuti bamwi bayoonjilamo, nokuba kuti abo abakasaanguna kumvwa Makani Mabotu bakakakilwa kunjila, nkaambo kakuunduluzya, 7#Int 95:7-8elyo necakainda ciindi cilamfu, alimwi wakabamba buzuba wati, Sunu Buno Buzuba, mbubonya mbwaakaambwa muli-Davida kuti,
Kuti mwalimvwa ijwi lyakwe sunu, buno buzuba,
Mutanooyumya myoyo yanu.
8 #
Dt 31:7; Jos 22:4 Nkaambo kakuti Joshua naakabapa kulyokezya, Leza naatakaamba abuzuba bumbi, 9Nkokuti kucizida bantu ba-Leza kulyokezya kwa-Sabata. 10#Matl 2:2; Ciy 14:13Nkaambo woonse uutambulwa mukulyokezya kwakwe, walyokezya kumilimo yakwe, mbubonya mbwaakalyokezya Leza kumilimo yakwe.
11Nkaambo kaako, atusungwaale kunjila mukulyokezya oko, kuti kutabi uucilila ciyanza nciconya eco cakuunduluzya. 12#Jer 23:29; Is 49:2; Ef 6:17; Joh 12:48; Ciy 19:15Nkaambo ijwi lya-Leza lili abuumi, lili anguzu, lilabosya kwiinda iceba ilijisi mabemba obile, lilayasa mane kukwaanzaanya buumi amuuya, aalo maswaanganino aazifuwa amooma, alimwi lilabeteka kuyeeya akuyanda kwamoyo. 13Takukwe cintu cakalengwa icitabwenekede mumeso aakwe, pele zyoonse zilivumbulwidwe, zili antangalala, kulinguwe oyo ngutujisizi makani.
14 #
Heb 3:1; 6:20; 7:26; 8:1; 9:11 Eno buya mbotujisi Mupaizi Mupati, nkokuti Jesu Mwana a-Leza uwakainda kujulu kwini, atujatisye luzumino lwesu. 15#Heb 2:17Nkaambo oyo wesu tali Mupaizi Mupati uutakonzya kutweetelela mukulengauka kwesu, pele ngonguwe oyo uwakasunkwa mbubonya mbuli ndiswe, nekuboobo taakwe naakacita cibi. 16#1 Joh 3:21; Rom 3:25Nkaambo kaako, atuswene cakutayoowa kucuuno caluzyalo, kuti tukatambule lweetelelo akujana luzyalo lutugwasya muciindi ncotubula.
Currently Selected:
Hebrayo 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.