Hebrayo 2
2
1Aboobo tuleelede kukakatila kumakani ngotwamvwa, mbokunga tulainkila mukavwimbili, 2#Inc 7:38,53; Gal 3:19Nkaambo na makani aaka am bwa mubaangelo akalisinizizye, na kusotoka koonse akuunduluzya kwakabweedezegwa mbobweelede, 3#Heb 10:29; 12:25ino swebo tulayokoka buti, twanoobausya kufutuka ukukungulukide kulindiswe? Oku kufutuka kwakasaangunwa kwaambwa Mwami mwini, kwakasinizigwa kulindiswe kuzwa kulibaabo abakamvwa. 4#Mk 16:20; 1 Kor 12:4,11Awalo Leza wakalungulula ambabo muzitondezyo amumalele amuzimpangaliko zinjizinji, akukwaabilwa kwa-Muuya Uusalala, mbubonya mbuli kuyanda kwakwe.
5Inyika eyo iiciza, njotwaamba, takiipede baangelo kuti bakiibambe mbabo pe. 6#Int 8:4-6Anu umwi mulembi wakalungulula kuti,
Ino muntu ncinzi, kuti wamuyeeya?
Na mwana amuntu ncinzi kuti wamuzekelela?
7Anu yebo wamucesyacesya kwiinda baangelo,
Wamusamika musini wabulemu awabwami,
Wakanmbika kumilimo yamaanza aako.
8 #
1 Kor 15:27
Izintu zyoonse wakazibika kulinguwe kuti zimubombele,
Eno obo Leza mbwaakamubonzezya zintu zyoonse, takukwe ancaakaleka kuti citamubombeli pe, Nokuboobo tatuna kubona kuti zintu zyoonse zya mu bombela mane ambuli sunu. 9#Flp 2:8,9Anu oyo uwakacesegwa-cesegwa kwiinda baangelo nkaambo kakupenga lufu, ngu-Jesu, twamubona ulisamide musini wabulemu awabwami, kuti kuluzyalo lwa-Leza akamvwide bantu boonse lufu. 10#Rom 11:36Walo wakeelelwa naakaleta bana banjibanji kubulemu, (alimwi nceziliwo zintu zyoonse nkaambo kakwe, zyoonse zili mulinguwe), kuti abe ngosibinda uulondokede wakufutuka kwabo kukupenga kwakwe. 11#Mk 3:34,35; Mt 25:40; Joh 20:17Nkaambo kakuti oyo uusalazya abaabo abasalazigwa, boonse mbaumwi. Nkakaambo ako ncatausi kubaamba kuti mbanabakwesu, 12#Int 22:22naamba kuti,
Ndiyoolungulula zina lyako kubanabakwesu,
Alimwi ndiyookutembaula mumbungano.
13 #
Is 8:17,18; 2 Sam 22:3 Alimwi wati, Mebo ndinoomusyoma. Alimwi wati, Bona mebo, ndime uno, ndili abana mbaandipa Leza, 14#2 Tim 1:10; Joh 12:31; Ciy 12:10; 1 Kor 15:56Eno mbubonya bana mbobaabilwa mubili abulowa, awalo mwini mbubonya wakasangana, kuti kukufwa kwakwe akamwaye oyo uujisi nguzu zyalufu, nkokuti Saatani, 15alimwi kuti akabavune boonse abo abakavubidwe buzike muciindi coonse cabuumi bwabo, nkaambo kakuyoowa lufu. 16#Is 41:8,9Ncobeni nkasimpe tavuni baangelo pe, pele uvuna bana ba-Abrahamu balo, 17#Int 22:22; Flp 2:7Nkaambo kaako ncaakeelela muzintu zyoonse kuti aelane abanabakwabo, kuti akabe Mupaizi Mupati, uuli aluzyalo, uusyomeka kuzintu zyoonse zya-Leza, kuti atuulile bantu cipaizyo cazibi. 18#Heb 4:15Awalo mbubonya mbwaakalimvwida mwini kusunkwa akupenga, ncobeni inga ulakonzya kubagwasya abo abasunkwa.
Currently Selected:
Hebrayo 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.