Hebrayo 10
10
1 #
Heb 8:5; 7:19 Lino Mulao uli cifwanisyo buyo cacoolwe ciza, tacili cinkozya cini cazintu ezyo, aboobo tuukonzyi kulomya baabo baswena afwaafwi azipaizyo nzizyonya zyamyaaka yoonse zituulwa lyoonse lyoonse. 2Nokwatali boobo, nezilekedwe kupailwa, nkaambo basikukomba nobakainda lumwi kusalazigwa, alimwi nobataciliswiilili limbi kuti tuli azibi. 3#Lev 16:21Eno mbokuli boobo, zipaizyo ezyo zilijisi ciyeezyo buyo cazibi mumyaaka myaaka, 4nkaambo bulowa bwabacende abwampongo tabukonzyi kugwisya zibi.
5 #
Int 40:6-8
Nciceeco ncaambila bobuya naboola ansi kuti,
Cipaizyo nociba cituuzyo enzyo nzyoyanda pe,
Pele mubili ngowandibambila.
6Alimwi tokondwi zipaizyo zitentwa azipaizyo zipaililwa zibi.
7Eno mebo ndakati, Mebo mpaawa, ndaboola,
(Ndilivungidwe mubbuku lilembedwe makani aamba ndime).
Ndeza kuzoocita luyando lwako, O Leza.
8Watalika lwaamba kuti, Yebo tokondwi zipaizyo neziba zituuzyo neziba zipaizyo zitentwa neziba zipaizyo zipaililwa zibi (nzizyo zipailwa kukuyobola Mulao), 9Amane buyo kwaamba obo, alimwi wati. Mebo mpaawa, ndaboola kuzoocita luyando lwako. Eno ncaamba boobo nkulobya yaayo aakusaanguna kuti akondezye yaayo aamunsi. 10#Heb 9:12,28Eno nkokuluyando olu nkotwasalazizigwa, nkaambo Jesu Kristo wakatuula mubili wakwe lweendo lomwe luzutu. 11#Kul 29:38Alimwi mupaizi woonse ulaima mukukomba mazuba oonse, ulapaila zipaizyo nzizyonya ezyo tunjitunji, anu nokuboobo ezi zipaizyo enzyo nzezikonzya kutwaangulula kuzibi. 12#Int 110:1Anu walo Jesu naakamana kutuulila zibi cipaizyo comwe ciramani, wakaakukala kululyo lwa-Leza, 13elyo kuzwa kuciindi eco unoolindila mane basinkondonyina bakabe mbobutandabilo bwamaulu aakwe. 14Nkaambo kucituuzyo nciconya comwe ulibalomezezye cakutamana abo abasalazigwa. 15Awalo Muuya Uusalala ulatudumaizizya, nkaambo naakamana kwaamba kuti,
16 #
Jer 31:33; Heb 8:10 Ngonguwe oyu ngo-Mulongo ngwenti batange
Munsi lyamazuba ayo, ngo-Jehova waamba obo.
Ndiyoobika Milao yangu mumyoyo yabo,
Ndiyooilemba mumiyeeyo yabo.
Alimwi wayungizya ijwi eli lyakuti,
17 #
Jer 31:34; Heb 8:12 Zibi zyabo akubisya kwabo nsicikayeeyi limbi.
18Lino kuti ezi zyalekelelwa kale, takucikwe cimbi cituuzyo cakupailila zibi ciciyandika.
Wabakombelezya kuti bajatisye inguzu
19 #
Mt 27:51
Nobeenzuma, eno buya mbotujisi kulitakata kwakunjila mu-Busena Busalala Bwini nkaambo kabulowa bwa-Jesu, 20#Heb 9:8kunzila impya iili abuumi njaakatusaangunina mucisitilizyo (nkokuti munyama yamubili wakwe), 21#Zek 6:11; My 12:7alimwi obuya mbotujisi Mupaizi Mupati uujisi bwami bwaŋanda ya-Leza, 22#Lev 8:30; Ezk 36:25; Ef 5:26atuswene afwaafwi amoyo winiwini mukusyoma kutakwe kampenda, ayalo myoyo yesu kiisansailidwe kusalala kwakuziba zibi, ayalo mibili yesu kiisambide amaanzi aanjoloma, sa 23#Heb 4:14Alimwi atujatisye buzumino bwa bulangizi bwesu, kuti kutabi notuzungaana, nkaambo walo oyo uwakasyomezya ulisyomekede. 24#Heb 13:1Katunga katuyeeyana, kutubusyanya-busyanya mukuyandana akucita milimo mibotu, 25#Heb 3:13Tutanoonga katuleka kulibunga-bunga, mbuli bamwi mbubaleka, anu kamucenjezyanya twaambo, kamucita obuya lyoonse mbomukubwene kuti buzuba bwa-Kristo buli afwaafwi.
26 #
Heb 6:4-8; 1 Tim 2:4 Nkaambo kuti twabisya acaali munsi lyakumana kutambula kuziba kwinikwini, takucipailwa limbi cipaizyo cazibi, 27#Is 26:11pele kwasyaala buyo kulangila kubetekwa kuyoosya, abukali bwamulilo wakutensya basinkondonyina Leza, 28#Dt 17:6; 19:15; My 15:30; 35:30Muntu uususya Mulao wa-Musa tausilwa, mane do ajayigwe, naba abakamboni bobile na botatwe, pe, pe, mpaansi buyo. 29#Kul 24:8; Heb 2:3Eno kamuyeeya, ino inga kulakomena buti kubetekwa kwayooyo uumulyataula maulu Mwana a-Leza, uutabuzyi buungu bulowa bwa mulongo mbwaakasalazigwa abwalo, uutakwe ampuwo a-Muuya waluzyalo? Sena teelede kubetekwa akwiindilizigwa kuumwa? 30#Dt 32:35-36; Int 135:14; Rom 12:19Nkaambo tulimuzi oyo uwakati, Kukoyeka nkukwangu, mebo ndiyookoyeka. Alimwi wati, Jehova nguuyooba mubetesi wabantu bakwe. 31#Heb 12:29Cilayoosya kuwida mumaanza aa-Leza muumi.
32 #
Heb 6:4
Eno amuyeeye mazuba aaciindi, eliya nomwakamana kumunikilwa, mwakali kukonzya kwiima munkondo impati yamapenzi. 33#1 Kor 4:9Kumwi, nywebo nobeni mwakaba ceebelo cakutukanwa acakupenzegwa, kumwi mwakali beenzinyina abaabo abakali kucitilwa boobo. 34#Mt 6:20; 19:21,29Nkaambo mwakali kubafwida luzyalo abo abakali kwaangidwe, alimwi mwakali kumweta-mweta nomwakali kunyangwa lubono lwanu, nkaambo kakuti mwakalizi kuti mulijisi lubono lumbi lubotu lutamani. 35#Heb 11:6Boobo mutabi nomusowa kulitakata kwanu, nkaambo kuyoomuletela bulumbu bupati. 36#Heb 6:12; Lk 21:19Nkaambo muleelede kubosya myoyo, kuti mucite luyando lwa-Leza, nomuti kajane ceeco icakasyomezegwa.
37 #
Hab 2:3-4; Is 26:20; Lk 21:28; Jak 5:8 Nkambo kucili kaindi kaniini buyo,
Elyo oyo sikuboola ulasika, takoomuka pe.
38 #
Rom 1:17; Gal 3:11 Pele muntu wangu uuluzi unooyoopona akusyoma,
Kuti akapiluke cifuteesule, muuya wangu tuukooyookondwa kulinguwe pe.
39Pele swebo endiswe tuyoopiluka cifuteesule akufwa pe, ndiswe baabo abajisi kusyoma kuyoofutusya myuuya yesu.
Currently Selected:
Hebrayo 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.