Ba-Efeso 4
4
Imbungano ya-Kristo ngomubili wakwe, Ulijisi zizo zinji
1 #
Kol 1:10
Lino mebo, ndemwaange nkaambo kamakani aa-Mwami, ndamukombelezya kuti inzila njimweendelamo ibote cakweelela bwiite mbumwakai tilwa, 2#Kol 3:12-13Amweende cakulibombya acakulitola ansi. Umwi aumwi akati kanu abe acamba cilemu akukazikila mweenzinyina moyo cakuyandana. 3#Kol 3:14,15Kamucisolesya kulondola lujatano luzwa ku-Muuya kucaanzyo caluumuno. 4#Rom 12:5Kuli mubili omwe buyo a-Muuya omwe, mbubonya mbuli bulangizi bwabwiite mbumwakaitilwa mbumwi. 5#Joh 10:16; 1 Kor 8:6Alakwe Mwami ngumwi, alusyomo ndumwi, alubapatizyo ndumwi, 6#1 Kor 12:6Nkabela Leza ngumwi, ngonguwe Wisi wabo boonse, uubainda boonse, nguuli akati kaboonse, alimwi nguumukalila nyoonse mukati.
7 #
Rom 12:3,6; 1 Kor 12:11 Pele umwi aumwi akati kesu ulipedwe luzyalo mbuli mweelwe wacipo ncico Kristo ncaamupa, 8#Int 68:18; Kol 2:15Nciceeco ncikwaambwa kuti,
Ciindi ncaakatanta kujulu wakasaala busaali,
Alimwi wakaabila bantu zipego,
9 #
Joh 3:13
Lino eli ijwi lyakuti, Wakatanta, sa takweensi kwaamba kuti wakasaanguna kuseluka kunsi anyika? 10Oyo iwakaselukide ngonguwe iwakatanta kujulu kule kwiinda majulu oonse, kuti azulile muzintu zyoonse.
11 #
1 Kor 12:28; Inc 21:8 Nkabela bamwi wakabapa kuti babe baapostolo, bamwi kuti babe basinsimi, bamwi kuti babe bakambausi, abamwi kuti babe beembeli nanka baiyi, 12#1 Pet 2:5; 2 Tim 3:17kuti basitikizye bazumini, akoonda milimo ya-Leza, akuyaka mubili wa-Kristo, 13#Kol 1:28mane do toonse tube abujatane bomwe bwabuzumini abwaluzibo lwa-Mwana a-Leza, tube abuntu bulondokede abwiime buzulide bwa-Kristo, 14#1 Kor 14:20; Heb 13:9tutacibi bacete kukupepaulwa koonse koonse akupupululwa amyuuwo yanjiisyo zyamisyobo misyobo iizwa kukweena-ena kwabantu bapyungi bajisi macenjela aakucita bubeji. 15#Ef 1:22; 5:23; Kol 1:18Tuleelede kujatisya lusinizyo cakuyandana, aboobo tulakonzya kukula muziyanza zyoonse akujatana ayooyo uuli mutwe wesu, nkukuti Kristo. 16#Kol 2:19Kunsi kulinguwe mubili woonse mbuulungene akujatana mungo zyoonse nzyuubambilidwe, kubeleka kweelede kwacizo cimwi acimwi kulagwasya mubili kuti ukule akuliyaka muluyando.
Zyeelelo zyabunakristo
17 #
Rom 1:21; Kol 2:4,6 Lino makani nginamba akulungulula mu-Mwami ngaaya. Kuzwa sunu mutanooendi mbuli mbubeenda bamasi mubufubafuba bwamyoyo yabo, 18#Ef 2:12; Kol 1:21; 1 Pet 1:14ikuti balisizidwe mumiyeeyo yabo, balipambukide kubuumi bwaLeza nkaambo kakutaziba kuli mulimbabo kuzwa kubuyumu bwamyoyo yabo. 19#Kol 3:5Aba baba zitiliba, aboobo balyaabilila kuzisusi zibi, kuti babeleke milimo yoonse iisofweede cakulikumbuzya.
20Pele inywe teensi boobo mbumwakaiya makani aa-Kristo, pe. 21Nkukuti na mulimvwide ncobeni makani aakwe akwiisigwa ncobeni mulinguwe makani aalusinizyo mbuli mbuluboneka muli-Jesu. 22#Kol 3:9; Rom 8:13; Gal 6:8Muleelede kuleka ziyanza zyanu zyaciindi abuntu bwanu bukulukulu bubisizidwe azisusi zibi zyalweeno, 23#Rom 12:2muleelede kubukuluka mumuuya wakuyeeya kwanu, 24#Matl 1:26; Kol 3:10akulisamika buntu bupya bulengulwidwe mucinkozya ca-Leza cabululami acabusalali bwinibwini.
25 #
Zek 8:16; Kol 3:8 Nkaambo kaako amuleke bubeji, mwaambe lusinizyo umwi aumwi kumweenzinyina, ikuti toonse tuli basizizonyina mumubili omwe, 26#Int 4:4; Jak 1:19,20Nimwaba abukali, mutabisyi. Mutabbizyi izuba bukali bwanu. 27Mutapi Saatani busena abuniini, 28#1 Tes 4:11Mubbi atabbi limbi, pele asungwaale akubelesya maanza aakwe milimo mibotu, kuti ajane cakugwasya mweenzinyina uubulide. 29#Ef 5:4; Kol 3:16,17; 4:6Mutazwi ijwi ibi niliba lyomwe kumilomo yanu, pele amwaambe kuziindi zyoonse majwi aaelede aakonzya kuyaka, kuti boonse baswiilila bagwasigwe, 30#Ef 1:13; Is 63:10Alimwi mutapenzyi Muuya Uusalala wa-Leza, nguwenya ngumwakaandwa kujanza lyakwe mane kusikila kubuzuba bwalununuko. 31Azizwe kulindinywe zintu ezi zyoonse—ndutiluti zili buti, alunyemo, abukali, amaambani, akutuka, alusulo loonse. 32#Kol 3:13; Mt 6:14; 18:22-35Amuusilane buuya, mukabe batete moyo, akuba aluzyalo lwakulekelelana milandu, mbubonya mbuli Leza mbwaakalekelela ndinywe muli-Kristo.
Currently Selected:
Ba-Efeso 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.