Daniele 12
12
Baluleme mbubayoozunda kumamanino
1 #
Ciy 16:18; Is 11:11; Jer 30:7; Hos 3:5; Joel 3:16; Rom 11:26; Kul 32:32; Is 4:3; Ezk 13:9; Lk 10:20; Mt 24:21; Mk 13:19; Ciy 7:14; 12:7 Kuciindi eco uyoobuka Mikayeli, silutwe mupati uulanga bantu bako, nkabela kuyooba ciindi camapenzi aayoosya aatana kubonwa kuzwa kuciindi nebakaba musyobo mane kusikila kuciindi eco nciconya. Lino kuciindi eco bantu bako bayoovunwa, nkokuti boonse bajanika balilembedwe mubbuku. 2#Is 26:19; Mt 25:46; Joh 5:29Nkabela bantu banji baona mubulongo bwaansi bayoobuka; bamwi bayoobukila buumi buteeli, abamwi bayoobukila insoni, babe cisesemyo citeeli. 3#1 Kor 15:41Lino basongo bayoobekema mbuli kubekema kwajulu, abaabo bapilusya bantu banji kubululami mbuli inyenyeezi mane kukabe kutamani. 4#Ciy 22:10Pele yebo, O Daniele, jala majwi akunamatika ibbuku mane kusikila kumamanino aaciindi. Bantu banji bayootuntulika, aboobo luzibo luyooyungizizigwa.
5Mpawo mebo nde-Daniele nendakalanga, ndakabona bamwi bobile baliimvwi, umwi oko aumwi oko kunkomwe zyalwizi. 6#Int 74:9; 1 Pet 1:12; Ciy 6:10Elyo ndakabuzya oyo muntu iwakasamine masani aatuba, iwakali ajulu lyamaanzi aalwizi, kuti, Kwasyaala ciindi cili buti kuti malele aya akamane? 7#Dan 7:25; Lk 21:24; Ciy 10:5; 12:14Mpuwo oyo muntu iwakasamine masani aatuba, iwakali ajulu amaanzi aalwizi, wakasumpula ijanza lyakwe lyalulyo ajanza lyakwe lyalumwesi, nkabela ndakamumvwa kakonka kuliyooyo uupona lyoonse kuti kuyooba ciindi aziindi zyobile acisela, lino nazoomana kumwaisya bantu basalala, aya makani oonse ayoomana. 8Ndakamvwa, pele nsikwe nendakamvwisya pe. Alimwi ndakabuzya kuti, O mwami, mamanino aamakani aya ayooba buti? 9Wakati, Koya buyo, Daniele, nkaambo majwi alijalidwe akunamatikwa mane ciindi cakumamanino cisike. 10#Zek 13:9; Joh 7:17; Ciy 22:11Bantu banji bayoolisalazya akulibotya akulitubya, pele basizibi bayoocita bubi. Taakwe naba omwe wabasizibi uuyoomvwisya pe; basongo mbebayoomvwisya. 11#Dan 9:27; 11:31; Mt 24:15; Mk 13:14Lino kuzwa kuciindi eco zipaizyo zyalyoonse neziyoolesegwa kukubika cisesemyo calusaalo, kuyooba mazuba aali cuulu amyanda yobile amakumi aali musanu aane. 12Uli acoolwe uulindila akusikila kumazuba aali cuulu amyanda yotatwe amakumi otatwe amusanu. 13#Is 57:2; Int 1:5Pele webo koya buyo mane mamanino asike; uuyootanguna kulyokezya, elyo uyooima kubusena mbobambilidwe kumamanino aaciindi.
Currently Selected:
Daniele 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.