Daniele 10
10
Angelo mbwaakasika kuzoopandulunda Daniele makani
1Mumwaka watatu wabwami bwa-Koresi mwami wa-Persia, makani akayubunwidwa Daniele, ngonguwe iwakapegwa izina lya-Belitsazara Ayo makani akali aakusinizya, makani aankondo impati, alimwi wakaswiilila makani akumvwisya cilengano.
2Mumazuba ayo mebo nde-Daniele ndakali kulila insondo zyotatwe zizwide. 3Teendakali kulya zilyo zinono pe, Katakwe nyama naba waini iwakanjila mukanwa lyangu, alimwi nsikwe nendakalinanika, mane insondo zyotatwe zyakamaninina. 4Lino mubuzuba bwamakumi obile aane bwamwezi mutaanzi nendakaimvwi ankomwe yamulonga mupati, nkokuti Hidekeli, 5#Ciy 1:13-15; 2:18; 19:12ndakatambya meso aangu, nkabela ndakabona umwi muntu uusamine masani aatuba, uuangide kucibunu lukumba lwangolida ya-Ufazi.
6 #
Ezk 1:7; Ciy 1:14,15 Mubili wakwe kuuli mbuli ibbwe lyaberulo, busyu bwakwe kabuli mbuli lulabo, meso aakwe kaakozyene amalampi aamulilo, maboko aakwe amaulu aakwe kaanyengema mbuli mukuba uusyobwedwe, ajwi lyamwaambo wakwe kalili mbuli ijwi lyamakamu. 7Mebo endike nde-Daniele ndime ndakabona cilengano, nkaambo bantu mbendakali abo teebakabona cilengano pe, bakasikilwa kukankama kupati, bakacija kuyooyuba, 8#Mt 17:1,2aboobo ndakasyaala endike, akubona cilengano eci cipati. Mpawo katakwe inguzu zyakasyaala mulindime abuniini. Busyu bwangu bwakabalangala bwakasanduka cakuyoosya, anguzu zyangu zyakandimanina. 9#Lwi 5:2Mpawo ndakamvwa ijwi lyakwaamba kwakwe. Mvwe buyo ijwi lyakwaamba kwakwe, ndakafwida muŋonzi cakuvundama ansi.
10Lino mpawo ijanza lyakandiguma, lyandibusya aamazwi aangu amaanza aangu, 11Elyo wakandaambila kuti, O Daniele, muntu uuyandwa loko, swiilila majwi ngendi mukukwaambila, Ima kabotu, nkaambo ciindi ecino ndatumwa kulinduwe. Andaambile buyo majwi aya, ndakaima cakukankama, 12#Lk 2:10Mpawo wakandaambila kuti, Utayoowi, Daniele, nkaambo kuzwa kubuzuba butaanzi, nowakabika moyo wako kukumvwisya makani, akulibombya kubusyu bwa-Leza wako, majwi aako akali kumvwigwa. Lino ndasika nkaambo kamajwi aako. 13#Dan 12:1; Jud 1:9; Ciy 12:7Mwami wacisi ca-Persia wakasi yande kundikasya mazuba aali makumi obile abuzuba bomwe, pele Mikayeli umwi wabasilutwe bapati wakeza kuzoondigwasya, aboobo ndakamusiya nkukonya oko abami ba-Persia. 14Ndeza kukuzibya makani aayoocitwa kubantu bako kumazuba aakumamanino. Nkaambo cilengano ncamazuba aacili kule.
15 #
Dan 8:18
Amane kundaambila majwi aali boobo, ndakawida ansi cakuvundama, ndaba syataambi, 16#Is 6:7; Jer 1:9Lino umwi uuli mbuli muntu waansi wakandaampa kumilomo, nkabela mpawo ndakabbanuna mulomo wangu akwaamba. Ndakaambila oyo iwakaimvwi kubusyu bwangu kuti, O mwami wangu, nkaambo kacilengano ndajatwa mause, anguzu zyangu zyandimanina. 17Lino mebo ndemulanda wamwami wangu nkaambaule buti ayebo mwami wangu? Nkaambo ciindi ecino ndabulilwa inguzu, akuyeeya kwandikacila,
18Mpawo kwakandaampa aumwi uuli mbuli muntu waansi, wandiyumya. 19#Kul 14:13; Dt 31:6; Is 41:10; 43:1; Rom 8:31Lino wakandaambila kuti, Utayoowi, O muntu uuyandwa loko, koba aluumuno, koyuma akuba mukozu. Amane kundaambila, ndakaba anguzu, ndati, Mbubo, mwami wangu aambe, nkaambo wandipa inguzu, 20#Is 37:36; Inc 12:23Elyo wakati, Sa ulizi ncendazida kulinduwe? Lino ndapiluka kuyoolwisya mwami wa-Persia. Ndazwa buyo, mwami waba-Helene uyoosika. 21#Ciy 12:7Pele njookulwiida cilembedwe mubbuku lyalusinizyo. Taakwe naba omwe uundigwasya kulwisya aba, cita Mikayeli mwami wanu.
Currently Selected:
Daniele 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.