Ba-Kolose 3
3
Banakristo balibukide antoomwe a-Kristo, aboobo baleelede kuba abuumi bupya aziimbo zipya
1 #
Int 110:1; Kol 2:12 Lino na mulibukide antoomwe a-Kristo, amuvwime zintu zyamujulu, nkukonya Kristo nkwabede, ulibombomene kujanza lyalulyo lya-Leza. 2#Mt 6:33Amupangike myoyo yanu kuzintu zili kujulu, mutaipangiki kuzintu zyaansi pe. 3#Rom 6:2Nkaambo mwakafwa, nkabela buumi bwanu bulisisidwe antoomwe a-Kristo muli-Leza. 4#1 Kor 15:43; Flp 1:21; Gal 2:20Elyo Kristo nazooboneka, oyu mbubuumi bwesu, lino anywebo muzooboneka awe mubulemu,
5 #
Rom 6:6; 8:13; Ef 4:19; 5:3,5 Nkaambo kaako muleelede kufwidwa zizo zyanu zyaansi, Amuleke bwaamu abusofwaazi amujamuja azisusi zibi akulikumbuzya (ncintu comwe akukomba mituni). 6#Ef 5:6Nkikaambo kazintu ezi nkibuzida bukali bwa-Leza kubana batamvwi. 7Akati kabaaba mpomwakali kweendela anywebo kalekale nimwakacili kupona mukati kazintu ezi, 8#Ef 4:25-31; 5:4Pele sunu muleelede kuzileka zyoonse. Amuleke bukali, lunyemo, inkoyeko, kusanka, azisapi zizwa mukanwa. 9#Ef 4:22Mutaambilani cakubeja, pe, nkaambo mulisamunwide buntu bukulukulu amilimo yambubo, 10#Matl 1:26; Ef 4:24mulisamide buntu bupya bulengulwidwe caluzibo mbuli cikozyano cayooyo iwakabulenga. 11#Gal 3:28Mubulenge obu bupya taakwe mu-Helene nanka mu-Juda, taakwe mupalule nanka silulomo, taakwe uubwelebweza, taakwe mu-Skuti, taakwe muzike nanka muzyale, pele Kristo alike nguuliwo, nguukede muzintu zyoonse.
12 #
Ef 4:2,32; 5:2; 1 Pet 2:9 Lino mbuli mbumuli basale ba-Leza, basalala akuyandika, amulisamike moyo waluzyalo, buuya, lulifwiinsyo, lubombo, abusicamba. 13#Ef 4:32; 5:2; Mt 6:14Amukazikilane myoyo yanu akulekelelana, na umwi ulijisi kaambo kumweenzinyina. Mbuli Mwami mbwaakamulekelela milandu yanu, anywebo amucite mbubonya obo. 14#Rom 13:8,10; Ef 4:3Nkabela kwiinda zyoonse amube aluyandano, ikuti luyandano ncecaanzyo cabuumi bulondokede. 15#Ef 4:4; Flp 4:7; 1 Kor 12:13,27Alimwi luumuno lwa-Leza alweendelezye mumyoyo yanu, ndulonya luumuno ndumwakaitilwa kuba zizo zyamubili omwe, Amube amyoyo yakulumba. 16#Ef 5:19-20Makani aa-Kristo abe mbuli buvubi bukalilila mumyoyo yanu. Amwiisyanye akucenjezyanya cabusongo bunji antembauzyo anyimbo zya-Leza amalelebu, akuya bwiimba lyoonse cakulumba Leza mumyoyo yanu. 17#1 Kor 10:31; Ef 5:20Nkabela zintu zyoonse nzimucita, nikuba kukwaamba nikuba kuncito, amuzicite zyoonse muzina lyaMwami Jesu akulumba Leza Taateesu mulinguwe.
Zyeelelo zyabanakazi abalumi babo, azyabana abazyali babo, azyabazike abasimalelo babo
(Ba-Efeso 5:11–6:9)
18 #
Ef 5:22–6:9; 1 Pet 3:1 Nubanakazi, amulibombye kubalumi banu, mbubonya mbukweelede mu-Mwami. 19#Ef 5:25; 1 Pet 3:7Anywebo nubalumi, amuyandisye banakazi banu, mutanoobagutaiki. 20#Ef 6:1Banike amuswiilile bazyali banu mumakani oonse, nkaambo kucita obo nkokubotezya Mwami. 21#Ef 6:4Anywebo numawisi, mutanoonyenukili bana banu, kuti batanoosululwi. 22#Ef 6:5-8Nubalanda, amumvwe basimalelo banu baansi kuzintu zyoonse nzibamulailila. Milimo yanu itabi yakumeso buyo yakubotezya bantu, ibe yamoyo omwe cakulemeka Mwami. 23Kufumbwa cintu ncimucita, milimo yanu ibe yamoyo woonse, ibe mbuli milimo iicitilwa Mwami, itabi yakubelekela bantu buyo pe. 24Nkaambo mulizi kuti ku-Mwami nkomuzootambula bulumbu, nkukuti lukono lwanu. Muli bazike ba-Mwami Kristo. 25#Dt 10:17; Rom 2:11; Ef 6:9Nkaambo kufumbwa muntu uucita zitaluleme, ulabweedezezegwa kutalulama kwakwe, nkabela kuli-Leza takulangililwi ciwa camuntu pe.
Currently Selected:
Ba-Kolose 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
Ba-Kolose 3
3
Banakristo balibukide antoomwe a-Kristo, aboobo baleelede kuba abuumi bupya aziimbo zipya
1 #
Int 110:1; Kol 2:12 Lino na mulibukide antoomwe a-Kristo, amuvwime zintu zyamujulu, nkukonya Kristo nkwabede, ulibombomene kujanza lyalulyo lya-Leza. 2#Mt 6:33Amupangike myoyo yanu kuzintu zili kujulu, mutaipangiki kuzintu zyaansi pe. 3#Rom 6:2Nkaambo mwakafwa, nkabela buumi bwanu bulisisidwe antoomwe a-Kristo muli-Leza. 4#1 Kor 15:43; Flp 1:21; Gal 2:20Elyo Kristo nazooboneka, oyu mbubuumi bwesu, lino anywebo muzooboneka awe mubulemu,
5 #
Rom 6:6; 8:13; Ef 4:19; 5:3,5 Nkaambo kaako muleelede kufwidwa zizo zyanu zyaansi, Amuleke bwaamu abusofwaazi amujamuja azisusi zibi akulikumbuzya (ncintu comwe akukomba mituni). 6#Ef 5:6Nkikaambo kazintu ezi nkibuzida bukali bwa-Leza kubana batamvwi. 7Akati kabaaba mpomwakali kweendela anywebo kalekale nimwakacili kupona mukati kazintu ezi, 8#Ef 4:25-31; 5:4Pele sunu muleelede kuzileka zyoonse. Amuleke bukali, lunyemo, inkoyeko, kusanka, azisapi zizwa mukanwa. 9#Ef 4:22Mutaambilani cakubeja, pe, nkaambo mulisamunwide buntu bukulukulu amilimo yambubo, 10#Matl 1:26; Ef 4:24mulisamide buntu bupya bulengulwidwe caluzibo mbuli cikozyano cayooyo iwakabulenga. 11#Gal 3:28Mubulenge obu bupya taakwe mu-Helene nanka mu-Juda, taakwe mupalule nanka silulomo, taakwe uubwelebweza, taakwe mu-Skuti, taakwe muzike nanka muzyale, pele Kristo alike nguuliwo, nguukede muzintu zyoonse.
12 #
Ef 4:2,32; 5:2; 1 Pet 2:9 Lino mbuli mbumuli basale ba-Leza, basalala akuyandika, amulisamike moyo waluzyalo, buuya, lulifwiinsyo, lubombo, abusicamba. 13#Ef 4:32; 5:2; Mt 6:14Amukazikilane myoyo yanu akulekelelana, na umwi ulijisi kaambo kumweenzinyina. Mbuli Mwami mbwaakamulekelela milandu yanu, anywebo amucite mbubonya obo. 14#Rom 13:8,10; Ef 4:3Nkabela kwiinda zyoonse amube aluyandano, ikuti luyandano ncecaanzyo cabuumi bulondokede. 15#Ef 4:4; Flp 4:7; 1 Kor 12:13,27Alimwi luumuno lwa-Leza alweendelezye mumyoyo yanu, ndulonya luumuno ndumwakaitilwa kuba zizo zyamubili omwe, Amube amyoyo yakulumba. 16#Ef 5:19-20Makani aa-Kristo abe mbuli buvubi bukalilila mumyoyo yanu. Amwiisyanye akucenjezyanya cabusongo bunji antembauzyo anyimbo zya-Leza amalelebu, akuya bwiimba lyoonse cakulumba Leza mumyoyo yanu. 17#1 Kor 10:31; Ef 5:20Nkabela zintu zyoonse nzimucita, nikuba kukwaamba nikuba kuncito, amuzicite zyoonse muzina lyaMwami Jesu akulumba Leza Taateesu mulinguwe.
Zyeelelo zyabanakazi abalumi babo, azyabana abazyali babo, azyabazike abasimalelo babo
(Ba-Efeso 5:11–6:9)
18 #
Ef 5:22–6:9; 1 Pet 3:1 Nubanakazi, amulibombye kubalumi banu, mbubonya mbukweelede mu-Mwami. 19#Ef 5:25; 1 Pet 3:7Anywebo nubalumi, amuyandisye banakazi banu, mutanoobagutaiki. 20#Ef 6:1Banike amuswiilile bazyali banu mumakani oonse, nkaambo kucita obo nkokubotezya Mwami. 21#Ef 6:4Anywebo numawisi, mutanoonyenukili bana banu, kuti batanoosululwi. 22#Ef 6:5-8Nubalanda, amumvwe basimalelo banu baansi kuzintu zyoonse nzibamulailila. Milimo yanu itabi yakumeso buyo yakubotezya bantu, ibe yamoyo omwe cakulemeka Mwami. 23Kufumbwa cintu ncimucita, milimo yanu ibe yamoyo woonse, ibe mbuli milimo iicitilwa Mwami, itabi yakubelekela bantu buyo pe. 24Nkaambo mulizi kuti ku-Mwami nkomuzootambula bulumbu, nkukuti lukono lwanu. Muli bazike ba-Mwami Kristo. 25#Dt 10:17; Rom 2:11; Ef 6:9Nkaambo kufumbwa muntu uucita zitaluleme, ulabweedezezegwa kutalulama kwakwe, nkabela kuli-Leza takulangililwi ciwa camuntu pe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.