2 Timoteo 1
1
1Ndime Paulo, nendakasungulwa kubukanze bwa-Leza kuba apostolo wa-Kristo Jesu wakukambauka makani aabuumi mbotusyomezegwa buli muli-Kristo Jesu, 2#Inc 16:1Ndakujuzya Timoteo, mwanaangu ngwenjanda. Ube aluzyalo alweetelelo aluumuno kuzwa kuli-Leza Taateesu a-Kristo Jesu Mwami wesu.
Paulo ulalumbila Timoteo. Ulamukombelezya kujatisya lusyomo lwakwe
3 #
Inc 23:1; 24:16; Flp 3:5 Ndalumba Leza wabamatata, ngwenkomba amoyo uusalala, kuti nsileki kukwaambilizya lyoonse muzikombyo zyangu isikati amasiku, 4Kufumbwa nindayeeya misozi yako, moyo wangu ulasukama kukubona, kuti nkazule lukondo, 5#Inc 16:1nkaambo nsikonzyi kuluba lusyomo lwako lwinilwini. Olo lusyomo lwakasaanguna kukala muli-Loidi banyookulu bako amuliEunike banyoko, nkabela moyo wangu ulisinizizye kuti moluli amulinduwe mbubonya. 6#1 Tes 5:19; 1 Tim 4:14Nkakaambo ako ncendakuyeezya kuti uleelede kubukulusya eco caabilo caluzyalo lwa-Leza lukukalide mukati, ncowakatambula kuciindi ncendakakubika maanza. 7#Rom 8:15Nkaambo Leza takatupede muuya wabukandu, pe, wakatupa muuya wanguzu awakuyandana awakulibamba.
8 #
Rom 1:16
Utafwi bweeme kubumboni bwa-Mwami wesu, nokuba kulindime ndemwaange wakwe, pele kogamine kuba mupenzima wamu-Makani Mabotu kunguzu zya-Leza, 9#Tit 3:5uwakatufutula akutwiita akwiitwa kusalala. Takweensi kwaamba kuti twakaitwa nkaambo kamilimo njotwakacita, pe, twakaitwa nkaambo kabukanze bwakwe mwini akaambo kaluzyalo lwakwe. Olo luzyalo twakalupegwa kalekale muli-Kristo Jesu, 10#Rom 16:26; Heb 2:14; 1 Kor 15:55,57pele sunu lwalibonya mukupompa kwa-Mufutuli wesu Krisro Jesu, nguwenya wakazoolobya lufu akuyubulula buumi butafwiki kunguzu zya-Makani Mabotu. 11#1 Tim 2:7Ngaonya makani ngendakabikilwa bukambausi abuapostolo abwiiyi. 12Ncencico eco neempengela bobuya, nekubaboobo nsyuusi insoni, pe, nkaambo ndilimuzi oyo ngwensyoma, nkabela moyo wangu ulisinizizye kuti walo ulakonzya kuyobola ncendabika mumaanza aakwe mane kusikila kubuzuba obo.
13 #
1 Tim 6:3; Tit 2:1 Kojatisya majwi menimeni oonse ngowakamvwa kulindime, alusyomo akuyandana kuli muli-Kristo Jesu. 14#1 Tim 6:20Cintu eco cibotu ncowakapegwa, kocibamba kabotu kunguzu zya-Muuya Uusalala uutukalilide mukati.
Makani aa-Fugelo a-Hermogene a-Onesiforo
15 #
2 Tim 4:16
Ulimvwide kale kuti boonse bamu-Asiya bakandisia, bakainka. Bamwi babaabo bakandisia mba-Fugelo a-Hermogene. 16Mwami abafwide luzyalo bana-Onesiforo, nkaambo kanjikanji wandibukulusizya moyo, nkabela taakwe anaakali kuusa insoni kunsimbi zyangu nzendakaangidwe, 17pele naakali mu-Roma, wakasungwaala kundiyandaula, limwi mane wandijana. 18#Jud 1:21(Mwami amujanye coolwe ca-Mwami kubuzuba obo). Ayalo milimo yoonse njaakandibelekela ku-Efese, ulizi kale yebo omwini.
Currently Selected:
2 Timoteo 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.