2 Johane 1
1
Johane ulajuzya namalelo abana bakwe
1 #
1 Pet 5:1; 3 Joh 1:1 Mupati ulajuzya namalelo uusalidwe abana bakwe, abo mbenjanda mulusinizyo, alimwi teensi ndime endike pele abalo boonse baluzi lusinizyo. 2Aceeci nkaambo kalusinizyo lukala mulindiswe, alimwi luyooba aswe akutamani. 3Luzyalo luyooba kulindiswe, alweetelelo, aluumuno, kuzwa kuli-Leza Taateesu akuli-Jesu Kristo, Mwanaakwe Taateesu, mulusinizyo amuluyandano.
Baleelede kucenjela baiyi babeji akusyomeka kuli-Kristo
4Ndakabotelwa loko kujana bana bako bamwi baleenda mulusinizyo, mbubonya mbuli mulazyo ngotwakatambula kuzwa kuli-Taata. 5#Joh 13:34; 15:12,17; 1 Joh 2:7Aneeno ndakukomba, namalelo, teensi mbuli kuti ndali kulemba mulazyo mupya, pele oyo ngotwakajisi kuzwa kumatalikilo, kuti tuyandane. 6Lino olu ndoluyando, kuti tweende akutobela milazyo yakwe. Oyu ngomulazyo, mbuli mbomwakamvwa kuzwa kumatalikilo, kuti muleelede kweenda mumonya. 7#1 Joh 2:18; 4:1-3Nkaambo basilweeno banji mobali munyika, abo batazumini kuti Jesu Kristo ulisikide munyama. Oyu ngusilweeno, ngo-SikulwanyaKristo. 8#Gal 4:11Amulilange, kuti mutasweekelwi zintu nzitwakabelekela, pele kuti mutambule bulumbu buzulide. 9#1 Joh 2:23Umwi aumwi uusololela kumakani ambi akutakala mulwiiyo lwa-Kristo, tajisi Leza. Oyu uukala mulwiiyo ngonguwe uujisi Taata a-Mwana alakwe. 10#2 Tes 3:6; 1 Bam 13:17; 3 Joh 1:8Kuti umwi wasika kulindinywe akutaleta olu lwiiyo, mutamutambuli muŋanda yanu, mutamujuzyi, 11nkaambo oyu uumujuzya ulaabilwa milimo yakwe mibi.
Aakumamanino
12 #
3 Joh 1:13
Ndijisi zintu zinji zyakukulembela, nekubaboobo nsiyandi kuzilemba apepa ainki, pele ndasyoma kuti ndilasika kulindinywe akwaamba kulangana busyu abusyu, kuti kubotelwa kwesu kuvule. 13Bana bamucizi wako musale bakujuzya.
Currently Selected:
2 Johane 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.