MATHI 7
7
Mümat Jembü
(Lk 6.37-38,41-42)
1Kan mat ajemlabü lele mü la matjem teku. 2Aishanga ai matjemei kanei jemlaje, kan mat khei jemlabü; hoba ai takletbüei kanei takletkulaje, kho kan la takletkulabü. 3Aila nyi jembü nyek kabü inphou shanga adamenko, kaibü jaisina nyeka thamngu nepbü to chühkuda? 4Ayingsi nyi kaibü jembü nyek kabü inphou kho ühüpbo kaibü jaisina to, “Ngei kaibü nyek ka thamngu kho apbukho” dogo lai laula thükkei? 5Hibüyoubü, nyi jembü nyek ka shaang inphou kho apashi kheijinei ong nyi kaibü jaisina nyeka kibü thamngu kho apbula nyi shangashatko haplabü.
6“Ai saopobü ki kho kei la teku, hoba uk thedanga kaneibü phülem tüpbu, ai ngenyu khübü kho haoenei youphanga nakeilabü, hoba sepeilabü hoba kan netla yeitilabü.
Hiashi, Lamashi, Kuokashi
(Lk 11.9-13)
7“Hiashi, hoba kho kan la kulabü; lamashi, hoba kho kanei haplabü; kuokashi, hoba kho kan la ipbulabü. 8Aishanga hibü wekoei hapda, hoba aoei lamda, haoei hapda, hoba aoei kuokeida kho hao la ipbulabü. 9Ayingsi jembü shouei wentek che hisi hao la laang kulabü; 10ayingsi haoei ngau che hisi hao la pinyu che kulabü, kan yoa müt ao ki? 11Khei yingsije, kan amaikokei, kan shousi la jongsak maibü kula ngealonga, khuthüka kibü kaneibü Bouei hao ka hibü shuong la peisilei maibü lai aei akula!
12“Kanei mütshuong la kan to ai ong kümtimang sühda, kho tegü kaneikei haoen to kümashi; aishanga ho Ngühkhüm si Thuseibü ngühtet ki.
Nyonyembü Bakou
13“Bakou nyonyembü to atashi; aishanga maushang to leibü bakou ongayasetham, hoba lamnyu yaangbü ki hoba khüto atbü shuong juongnyu. 14Aishanga langkeishang to leibü bakou aeibou nyonyembei, hoba kho hapbü shuong shijo ong.
Bunyu hoba khoeibü Hek
(Lk 6.43-44)
15“Amlangbü thuseibü shuong, aoyou kan jungto saneibü hele lean louda, lausikei maangaenei sekbülakbü sho ki, haoen shanga maangsangashi. 16Haoeneibü hekei kanei haoen shenlabü. Mütei jaklong ka semlühhek ayingsi, kamjak ka bhuk kheida si? 17Hibü bunyu maibü wekoa buhek maibü hekda; lausikei bun- yu amaibüa buhek amaibü hekda. 18Bunyu maibüa buhek amaibü hekla athük, ayingsi bunyu amaibüa buhek maibü hekla athük. 19Laobou bunyua ong lang maibü eheklaje kho akan koutida hoba wana jinda. 20Hibü haoeneibü langei kanei haoen shenlabü.
Ngei Kan Ladangkei Angekei
(Lk 13.25-27)
21“Kü to, ‘Bunyubou, Bunyubou,’ dogo ngabü wekoei Khuthük Sangle to atla aying, lausikei aoei khuthüka kibü Bouei maangangbü tegü kümlaje, hao ong atlabü. 22Kho chalou khünei juongnyuei kü to, ‘Bunyubou, Bunyubou, künei ka nyena ateten lo, hoba ka nyena shabü sou shian asatti lo, hoba ka nyena kümsilei yaangbü juong aküm lo?’ dogo laulabü. 23Kheijinei ngei haoen la ngetilabü, ‘Ngei kan ladangkei angekei; kan amaibü kümbü shuong kü ka kukashi.’
Chemdangbü Müt Nyi
(Lk 6.47-49)
24“Hibü aoei ong kü ngüh habü ho ditda, hoba jungeida, hao laang thüka chem dangbü songsihon kibü müt phatko kilabü. 25Hobaje lang loukei, hoba yungsen loukoukei, hoba yei soukei, hoba kho chem to jangkei hoba kho atuong, aieilausi kho laang thüka huongkei. 26Hobaje aoei ong kü ngüh habü ho ditda hoba ajungeida, hao phetsen thüka chem dangbü asangadobü müt phatko kilabü. 27Hobaje lang loukei, hoba yungsen loukoukei hoba yei soukei, hoba kho chem to jangkei, hoba kho tuongkei; hoba kho tuongbü kho yaang kikei.”
Jisueibü Hau
28Ladang Jisuei kho laukhümbei, noknyühei haoei lenbüa maangpangkei, 29aishanga haoei Ngühkhüm lenbou shuong tegü aying, lausikei sei kibü che tegü haoen la lenkei.
Currently Selected:
MATHI 7: CHANGBSI
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
MATHI 7
7
Mümat Jembü
(Lk 6.37-38,41-42)
1Kan mat ajemlabü lele mü la matjem teku. 2Aishanga ai matjemei kanei jemlaje, kan mat khei jemlabü; hoba ai takletbüei kanei takletkulaje, kho kan la takletkulabü. 3Aila nyi jembü nyek kabü inphou shanga adamenko, kaibü jaisina nyeka thamngu nepbü to chühkuda? 4Ayingsi nyi kaibü jembü nyek kabü inphou kho ühüpbo kaibü jaisina to, “Ngei kaibü nyek ka thamngu kho apbukho” dogo lai laula thükkei? 5Hibüyoubü, nyi jembü nyek ka shaang inphou kho apashi kheijinei ong nyi kaibü jaisina nyeka kibü thamngu kho apbula nyi shangashatko haplabü.
6“Ai saopobü ki kho kei la teku, hoba uk thedanga kaneibü phülem tüpbu, ai ngenyu khübü kho haoenei youphanga nakeilabü, hoba sepeilabü hoba kan netla yeitilabü.
Hiashi, Lamashi, Kuokashi
(Lk 11.9-13)
7“Hiashi, hoba kho kan la kulabü; lamashi, hoba kho kanei haplabü; kuokashi, hoba kho kan la ipbulabü. 8Aishanga hibü wekoei hapda, hoba aoei lamda, haoei hapda, hoba aoei kuokeida kho hao la ipbulabü. 9Ayingsi jembü shouei wentek che hisi hao la laang kulabü; 10ayingsi haoei ngau che hisi hao la pinyu che kulabü, kan yoa müt ao ki? 11Khei yingsije, kan amaikokei, kan shousi la jongsak maibü kula ngealonga, khuthüka kibü kaneibü Bouei hao ka hibü shuong la peisilei maibü lai aei akula!
12“Kanei mütshuong la kan to ai ong kümtimang sühda, kho tegü kaneikei haoen to kümashi; aishanga ho Ngühkhüm si Thuseibü ngühtet ki.
Nyonyembü Bakou
13“Bakou nyonyembü to atashi; aishanga maushang to leibü bakou ongayasetham, hoba lamnyu yaangbü ki hoba khüto atbü shuong juongnyu. 14Aishanga langkeishang to leibü bakou aeibou nyonyembei, hoba kho hapbü shuong shijo ong.
Bunyu hoba khoeibü Hek
(Lk 6.43-44)
15“Amlangbü thuseibü shuong, aoyou kan jungto saneibü hele lean louda, lausikei maangaenei sekbülakbü sho ki, haoen shanga maangsangashi. 16Haoeneibü hekei kanei haoen shenlabü. Mütei jaklong ka semlühhek ayingsi, kamjak ka bhuk kheida si? 17Hibü bunyu maibü wekoa buhek maibü hekda; lausikei bun- yu amaibüa buhek amaibü hekda. 18Bunyu maibüa buhek amaibü hekla athük, ayingsi bunyu amaibüa buhek maibü hekla athük. 19Laobou bunyua ong lang maibü eheklaje kho akan koutida hoba wana jinda. 20Hibü haoeneibü langei kanei haoen shenlabü.
Ngei Kan Ladangkei Angekei
(Lk 13.25-27)
21“Kü to, ‘Bunyubou, Bunyubou,’ dogo ngabü wekoei Khuthük Sangle to atla aying, lausikei aoei khuthüka kibü Bouei maangangbü tegü kümlaje, hao ong atlabü. 22Kho chalou khünei juongnyuei kü to, ‘Bunyubou, Bunyubou, künei ka nyena ateten lo, hoba ka nyena shabü sou shian asatti lo, hoba ka nyena kümsilei yaangbü juong aküm lo?’ dogo laulabü. 23Kheijinei ngei haoen la ngetilabü, ‘Ngei kan ladangkei angekei; kan amaibü kümbü shuong kü ka kukashi.’
Chemdangbü Müt Nyi
(Lk 6.47-49)
24“Hibü aoei ong kü ngüh habü ho ditda, hoba jungeida, hao laang thüka chem dangbü songsihon kibü müt phatko kilabü. 25Hobaje lang loukei, hoba yungsen loukoukei, hoba yei soukei, hoba kho chem to jangkei hoba kho atuong, aieilausi kho laang thüka huongkei. 26Hobaje aoei ong kü ngüh habü ho ditda hoba ajungeida, hao phetsen thüka chem dangbü asangadobü müt phatko kilabü. 27Hobaje lang loukei, hoba yungsen loukoukei hoba yei soukei, hoba kho chem to jangkei, hoba kho tuongkei; hoba kho tuongbü kho yaang kikei.”
Jisueibü Hau
28Ladang Jisuei kho laukhümbei, noknyühei haoei lenbüa maangpangkei, 29aishanga haoei Ngühkhüm lenbou shuong tegü aying, lausikei sei kibü che tegü haoen la lenkei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.