2 Saˍmo-eˍlaˆ li‸ 3
3
1Sawˉlu‸ hpawˇ chehˇ ve chaw teˇ hpaˍ leh, Daˍviˆ hpawˇ chehˇ ve chaw teˇ hpaˍ awˬ yanˇ maw chaweh bawˆda‸ chehˇ taˍ ve yoˬ. Daˍviˆ lehˬ, shaˬ te shaˬ awˬ gʼaˇ uiˍ la chehˇ leh, canˇ paˍ teˇ hpaˍ hpawˇ lo shaˬ te shaˬ awˬ gʼaˇ nuˇ kʼai chehˇ ve yoˬ.
Daˍviˆ ve yaˇ teˇ hpaˍ
2Daˍviˆ Heˍbronˍ venˇ hkʼaw lo chehˇ taˍ htaˇ, yawˇ yaˇ paˍ chi teˇ hpaˍ gʼa ve yoˬ. Awˉ lawˉ peuˇ ve yaˇ paˍ lehˬ, Yeˍzaˍreˍlaˆ venˇ yaˇ Aˍhiˆnonˍ geh paw la ve Aˍnonˍ, 3yaˇ paˍ nyiˇ gʼaˇ teˇ gʼaˇ lehˬ, Kaˍmeˍlaˆ venˇ yaˇ Naˍbaˍlaˆ miˇ ma Aˍbiˆgeˍlaˆ geh paw la ve Hkiˇlaˆ, yaˇ paˍ shehˆ gʼaˇ teˇ gʼaˇ lehˬ, Geˍsuˇriˆ jawˇmawˇ Taˍlaˍ mehˇ yaˇ miˇ Maˍhkaˍ geh paw la ve Aˍbaˆsaˍlonˍ, 4yaˇ paˍ awˇ gʼaˇ teˇ gʼaˇ lehˬ Haˍgiˆ geh paw la ve Aˍdawˇniˆyaˆ, yaˇ paˍ ngaˇ gʼaˇ teˇ gʼaˇ lehˬ Aˍbiˆtaˍlaˆ geh paw la ve Shaˍhpaˍtiˆ, 5yaˇ paˍ hkaw‸ gʼaˇ teˇ gʼaˇ lehˬ, Eˇgaˍlaˆ geh paw la ve Iˉtaˍranˍ hui hpeh‸ ve yoˬ. Yaˇ chi ve hkʼa peu-eˬ, Heˍbronˍ venˇ hkʼaw chehˇ htaˇ paw la taˍ ve yoˬ.
Aˍbaˍnaˍ Daˍviˆ geh laˬ ve
6Sawˉlu‸ ve ma‸ yaˇ teˇ hpaˍ leh Daˍviˆ ve ma‸ yaˇ teˇ hpaˍ gʼaˇ hte‸ bawˆ da‸ chehˇ ve awˬ yanˇ hkʼaw, Aˍbaˍnaˍ lehˬ Sawˉlu‸ ve ma‸ moˍ hkʼaw shu a‸ kehˉ awˬ meh bvuhˬ ve chaw hpeh‸ la ve yoˬ.
7Teˇ nyi htaˇ Sawˉlu‸ yaˇ paˍ Iˉsaˍboˍshehˆ lehˬ, Aˬ hto‸ ma pa taw nawˬ ngaˬ pa ve awˬ miˇ ma i Aˍyaˆ ve yaˇ miˇ Riˆsaˍpaˍ geh ca zuh‸ ve le, teh‸ Aˍbaˍnaˍ hta‸ kʼoˆ piˇ ve yoˬ. 8Tawˇ chi hta‸ gʼa kaˇ htaˇ, Aˍbaˍnaˍ nyi ma zuhˆ jaˇ leh kʼoˆ ve, Nawˬ ngaˬ hta‸ chaw hpfuhˆ teh‸ dawˇ ve laˇ. Ngaˬ lehˬ awˬ hkuiˉ puiˍ htaˇ ka‸, nawˬ pa Sawˉ lu‸, yawˇ ve awˬ viˉ awˬ nyi teˇ hpaˍ leh yawˇ ve awˬ chawˇ teˇ hpaˍ hta‸ ka ti‸ yeˬ chehˇ taˍ ve awˬ hkʼoˆ, nawˬ hta‸ Daˍviˆ maˇ gʼa te luˬ te sheˆ tuˬ ha‸ shaˉ chehˇ taˍ ve yoˬ. Ya‸ hkʼaˇ, ya‸ nyi nawˬ ngaˬ hta‸ yaˇ miˇ awˬ lawn hta‸ caˉ da‸ leh venˇbaˆ taˍ laˇ chehˇ ve yoˬ. 9Gʼuiˬsha lehˬ mvuhˇmiˬ chi hta‸ Sawˉlu‸ leh yawˇ ve awˬ ceuˬ awˬ hkʼaˇ teˇ hpaˍ ve la‸ sheh hkʼaw yuˬ hkʼaw‸ leh, Iˉsaˍreˍlaˆ leh Yuˇda‸ chaw hui awˬ hkʼoˆ Daˍviˆ hta‸ jawˇmawˇ te tcuh tuˬ ka ti‸ te taˍ ve yoˬ. 10Chi hkʼe hpeh‸ la tuˬ ngaˬ maˇ te ve kʼo, Gʼuiˬsha ngaˬ hta‸ tiˇ pehˍ laˇ piˇ-oˆ, teh‸ kʼoˆ ve yoˬ. 11Iˉsaˍboˍshehˆ lehˬ Aˍbaˍnaˍ hta‸ kawˆ jaˇ ve pa taw, tawˇ teˇ peu-eˬ ka‸ kʼaw‸ yaw maˇ haˆ.
12Awˬ yanˇ oˇ ve hkʼaw Daˍviˆ lehˬ, Heˍbronˍ venˇ hkʼaw chehˇ taˍ ve yoˬ. Hkʼe te leh, Aˍbaˍnaˍ yawˇ hta‸ tawˇ shanˍ feu piˇ leh kʼoˆ ve, Mvuhˇmiˬ chi hta‸ a shu uˉ peunˍ tuˬ le. Nawˬ ngaˬ geh shaˉ caˆ caˇ ve kʼo, Iˉsaˍreˍlaˆ mvuhˇmiˬ chi hkʼa peu-eˬ ve hta‸ nawˬ kʼaw‸ gʼa hkʼaw‸ tuˬ ngaˬ ga laˇ tuˬ yoˬ, teh‸ kʼoˆ ve yoˬ.
13Oˇ htaˇ Daˍviˆ lehˬ, Ngaˬ nawˬ geh shaˉ caˆ caˇ tuˬ yoˬ. Nawˬ ngaˬ hta‸ ca hpuˇ da‸ la htaˇ, Sawˉlu‸ ve yaˇ miˇ Miˆhkaˍlaˆ hta‸ ngaˬ geh gʼa shiˍ veu laˇ ve yoˬ, teh‸ kʼaw‸ yaw hkʼaw‸ piˇ ve yoˬ. 14Oˇ ve hkʼaw‸ nawˉ, Daˍviˆ Iˉsaˍboˍshehˆ hta‸ tawˇ shanˍ feu piˇ leh kʼoˆ ve, Ngaˬ miˇ ma Miˆhkaˍlaˆ ngaˬ hta‸ kʼaw‸ hkʼaw‸ pe‸ laˇ-oˆ. Awˬ lawn kʼo, ngaˬ yawˇ hta‸ Hpiˇliˇtiˆ chaw hui ve awˬ guiˬ meuˇ teˇ ha maˬ yuˬ pa taˍ ve yoˬ, teh‸ kʼoˆ feu piˇ ve yoˬ. 15Hkʼe te leh, Iˉsaˍboˍshehˆ lehˬ yaˇ miˇ oˇ ve hta‸ Lehˇshaˆ ve yaˇ paˍ Paˍlaˍtiˆ geh kʼaw‸ yuˬ hkʼaw‸ ve yoˬ. 16Paˍlaˍtiˆ gʼaˇ hte‸ hawˬ leh, Baˍhuˆrenˍ venˇ lo hkʼa gaˬ yaˇ miˇ oˇ ve hkʼaˇ suh gʼa‸ kʼai ve yoˬ. Oˇ htaˇ Aˍbaˍnaˍ lehˬ, Nawˬ aˉ hkʼaw lo kʼaw‸ kʼo‸-e loˬ, teh‸ yawˇ hta‸ kʼoˆ piˇ leh yawˇ kʼaw‸ hpfuhˆ kʼo‸-e ve yoˬ.
17Aˍbaˍnaˍ lehˬ Iˉsaˍreˍlaˆ chaw awˬ hoˉ awˬ naˬ teˇ hpaˍ geh kʼai leh, Nawˬ hui lehˬ Daˍviˆ hta‸ nawˬ hui ve jawˇmawˇ te tcuh piˇ gaˇ ve maw jaˇ peuˬ ve yoˬ. 18Chi beu‸ oˇ hkʼe te tuˬ da‸ ve awˬ yanˇ hpeh‸ ve yoˬ. Ngaˬ lehˬ Daˍviˆ hta‸ cuˇ leh ngaˬ ve Iˉsaˍreˍlaˆ chaw teˇ hpaˍ hta‸ Hpiˇliˇtiˆ chaw leh awˬ nu ve canˇ paˍ teˇ hpaˍ ve la‸ sheh hkʼaw ponˬ laˇ tuˬ yoˬ, teh‸ Gʼuiˬsha kʼoˆ taˍ ve tawˇ hta‸ dawˇ nawˇ-oˆ, teh‸ yawˇ hui hta‸ kʼoˆ piˇ ve yoˬ. 19Aˍbaˍnaˍ lehˬ, Beˍyaˍmenˍ chaw hui hta‸ htawˇ awˬ lawn oˇ ve hkʼa deh‸ kʼoˆ maˍ piˇ taˉ leh, Iˉsaˍreˍlaˆ chaw leh Beˍyaˍmenˍ awˬ ceuˬ awˬ hkʼaˇ teˇ hpaˍ hkʼaˬ hkʼe dawˇ chehˇ ve awˬ lawn Daˍviˆ hta‸ hto piˇ tuˬ Heˍbronˍ venˇ lo kʼai ve yoˬ.
20Aˍbaˍnaˍ lehˬ yawˇ ve ma‸ yaˇ nyiˇ chi gʼaˇ shiˍ veu laˇ leh Heˍbronˍ venˇ lo Daˍviˆ geh gaˬ la ve yoˬ. Daˍviˆ lehˬ yawˇ hui hta‸ ha‸ yuˬ leh hti caˇ hti dawˬ ve pawehˇ teˇ maˬ te ve yoˬ. 21Oˇ htaˇ Aˍbaˍnaˍ lehˬ, Chi beu‸ ngaˬ kʼaw‸ kʼo‸-e leh Iˉsaˍreˍlaˆ chaw hkʼa peu-eˬ nawˬ geh kʼaw‸ hpfuhˆ kʼaw‸ la tuˬ ca maˍ piˇ shaˍ. Yawˇ hui nawˬ hta‸ jawˇmawˇ te tcuh laˇ tuˬ yoˬ. Oˇ htaˇ, nawˬ dawˇ law taˍ ve hkʼe mvuhˇmiˬ hkʼa peu-eˬ ve hta‸ gʼa uˉ peunˍ tuˬ yoˬ, teh‸ Daˍviˆ hta‸ kʼoˆ piˇ ve yoˬ. Daˍviˆ htawˇ yawˇ hta‸ ha lehˬ ha kʼa ve hkʼaw kʼo‸-e tcuh ve yoˬ.
Aˍbaˍnaˍ tiˇ pehˍ ve hta‸ gʼa hkanˍ ve
22Maˇ maw maw Yaˍbaˆ leh Daˍviˆ ve awˬ nu ve ma‸ ponˍ lonˉ teˇ hpaˍ ma‸ bawˆ kuiˬ lo kʼaw‸ gaˬ la ve yoˬ. Yawˇ hui lehˬ, hpu shi mawˇ jeˬ maˇ maˇ gʼa veu laˇ ve yoˬ. Awˬ yanˇ oˇ ve hkʼaw Aˍbaˍnaˍ lehˬ Daˍviˆ geh Heˍbronˍ venˇ hkʼaw maˇ chehˇ-o. Awˬ lawn kʼo, Daˍviˆ yawˇ hta‸ ha lehˬ ha kʼa kʼo‸-e tcuh taˍ peuˬ ve yoˬ. 23Yaˍbaˆ leh yawˇ ve ma‸ yaˇ teˇ hpaˍ kʼaw‸ gaˬ la ve teˇ yanˇ, Aˍbaˍnaˍ Daˍviˆ geh laˬ taˉ peuˬ ve awˬ lawn maˇ kʼoˆ, Daˍviˆ yawˇ hta‸ ha lehˬ ha kʼa ve hkʼaw kʼaw‸ kʼo‸-e tcuh peuˬ ve awˬ lawn hta‸ maˇ kʼoˆ yawˇ gʼa shiˍ ve yoˬ. 24Hkʼe te leh Yaˍbaˆ Daˍviˆ geh kʼai leh, Nawˬ hkʼaˬ hkʼe te ve le. Aˍbaˍnaˍ nawˬ geh laˬ ve yoˬ. Aˬ hto ma pa taw, nawˬ yawˇ hta‸ hkʼe leˇ hpehˇ piˇ ve le. 25Yawˇ nawˬ hta‸ te luˬ tuˬ, nawˬ chehˇ ve cawˬ ve, kʼai ve laˬ ve teˇ hpaˍ hta‸ ca jaˆ nyi la ve yoˬ. Chi hkʼe te la ve hta‸ nawˬ maˇ shiˍ laˇ, teh‸ yawˇ hta‸ kʼoˆ piˇ ve yoˬ.
26Yawˇ Daˍviˆ geh tawˆ kʼai peuˬ hkʼaw‸ nawˉ, Yaˍbaˆ lehˬ Aˍbaˍnaˍ hta‸ ca kʼaw‸ shiˍ hkʼaw‸ tuˬ tawˇ shaˍ feu piˇ ve yoˬ. Yawˇ hui yawˇ hta‸ Siˉraˆ teh‸ kʼoˆ ve nanˬ bawˍ lo gʼa‸ mi leh, yawˇ hta‸ kʼaw‸ shiˍ hkʼaw‸ veu laˇ ve yoˬ. Chi hkʼe te ve hta‸ Daˍviˆ maˇ shiˍ. 27Aˍbaˍnaˍ Heˍbronˍ venˇ lo kʼaw‸ gaˬ la htaˇ, Yaˍbaˆ yawˇ hta‸ a yehˉ gawˬ lehˍ tawˇ yaw piˇ gaˇ ve hkʼe te leh, venˇ taˍ meu‸ hpe‸ lo shiˍ kʼai ve yoˬ. Oˇ kaˬ lo yawˇ Aˍbaˍnaˍ hta‸ juˆ pehˍ ve yoˬ. Aˍbaˍnaˍ lehˬ, Yaˍbaˆ ve awˬ nyi paˍ Aˍsaˍheˍlaˆ hta‸ tiˇ pehˍ piˇ ve pa taw, yawˇ htawˇ tiˇ pehˍ ve hta‸ gʼa hkanˍ ve yoˬ. 28Awˬ lawn chi hta‸ Daˍviˆ gʼa kaˇ ve teˇ yanˇ yawˇ kʼoˆ ve, Aˍbaˍnaˍ gʼa suh ve lehˬ, ngaˬ leh ngaˬ ve ma‸ yaˇ teˇ hpaˍ hta‸ pa taw maˇ heˆ ve hta‸ Gʼuiˬsha shiˍ taˍ ve yoˬ. 29Venˇbaˆ oˇ ve Yaˍbaˆ leh yawˇ ve yehˬ yaˇ kʼa yaˇ teˇ hpaˍ awˬ hkʼoˆ gaˬ la piˇ-o. Teˇ co peuˬ teˇ co yawˇ ve yehˬ yaˇ kʼa yaˇ teˇ hpaˍ awˬ hkʼaw lo, awˬ suhˍ ya‸ ve chaw, hkiˬ tu‸ keuˆ ve chaw, yaˇ miˇ hkʼe ve chaw, ma‸ bawˆ kuiˬ lo suh ve chaw, caˇ maˇ law‸ dawˬ maˇ law‸ ve chaw cawˬ la piˇ-oˆ, teh‸ kʼoˆ ve yoˬ. 30Yaˍbaˆ leh yawˇ ve awˬ nyi paˍ Aˍbiˆshehˇ yawˇ huiˉ maˬ Aˍbaˍnaˍ hta‸ tiˇ pehˍ piˇ ve yoˬ. Awˬ lawn kʼo, Aˍbaˍnaˍ lehˬ yawˇ hui ve awˬ nyi paˍ Aˍsaˍheˍlaˆ hta‸ Giˇbonˍ hkʼaw hkʼoˆ lo tiˇ pehˍ piˇ ve pa taw yoˬ.
31Oˇ ve hkʼaw‸ nawˉ, Daˍviˆ lehˬ Yaˍbaˆ leh yawˇ ve ma‸ yaˇ teˇ hpaˍ hta‸ a shu yawˇ ve veu‸ kʼaˇ tzuh‸ suhˍ leh Aˍbaˍnaˍ awˬ pon dawˇ haˍ leh paˆ hawˬ tuˬ tawˇ piˇ ve yoˬ. Aˍbaˍnaˍ hta‸ ca tuˍ piˇ htaˇ, Daˍviˆ yawˇ awˬ to ka‸ gʼa‸ kʼai ve yoˬ. 32Chaw tuˍ kuiˬ lo Daˍviˆ awˬ to gʼaˇ hte‸ kuˬ hawˬ leh, yawˇ ve chaw teˇ hpaˍ htawˇ yawˇ hkʼa shuˍ kuˬ hawˬ ve yoˬ. 33Peuˬ hkʼaw‸ nawˉ Daˍviˆ lehˬ, Aˍbaˍnaˍ awˬ pon dawˇ haˍ hkawˇ yaw leh kʼoˆ ve,
Aˬ hto‸ ma pa taw Aˍbaˍnaˍ lehˬ, chaw luˬ paˍ teˇ gʼaˇ suh-e ve hkʼe gʼa te suh-e ve le.
34Yawˇ ve hkui sheh la‸ sheh teˇ hpaˍ hta‸ htawˇ maˇ hpeh tsuh‸ taˍ.
Yawˇ lehˬ chaw haiˬ teˇ hpaˍ tiˇ pehˍ ve hta‸ gʼa hkanˍ ve chaw hkʼa shuˍ suh-e ve yoˬ, teh‸ kʼoˆ ve yoˬ.
Oˇ htaˇ, chaw yaˇ teˇ hpaˍ gʼaˇ hte‸ kʼaw‸ kuˬ hawˬ ve yoˬ.
35Mvuhˇ maˇ hpeu‸ sheˍ htaˇ yawˇ caˇ tuˬ teˇ ceuˬ ceuˬ caˇ tuˬ, chaw yaˇ teˇ hpaˍ Daˍviˆ hta‸ kʼoˆ piˇ ve yoˬ. Ya‸ hkʼaˇ Daˍviˆ maˇ caˇ. Mvuhˇ maˇ hpeu‸ sheˍ ve ceh ceh, ngaˬ caˇ tuˬ teˇ ceuˬ ceuˬ caˇ ve kʼo, Gʼuiˬsha ngaˬ hta‸ tiˇ pehˍ laˇ piˇ-oˆ, teh‸ kʼoˆ leh ka ti‸ te ve yoˬ. 36Tawˇ chi hta‸ yawˇ hui gʼa kaˇ ve teˇ yanˇ, ha lehˬ jaˇ ve yoˬ. Jawˇmawˇ hkʼa te ve kanˉ teˇ ceuˬ le le chaw yaˇ teˇ hpaˍ hta‸ ha lehˬ piˇ lawˬ ve yoˬ. 37Aˍbaˍnaˍ gʼa suh ve lehˬ, jawˇmawˇ hta‸ a ciˉ ka‸ maˇ caˉ da‸ ve hta‸ Daˍviˆ ve chaw leh Iˉsaˍreˍlaˆ chaw hkʼa peu-eˬ shiˍ taˍ ve yoˬ. 38Oˇ htaˇ, jawˇmawˇ Daˍviˆ yawˇ ve ma‸ poˍ lonˉ teˇ hpaˍ hta‸ kʼoˆ piˇ ve, Ya‸ nyi Iˉsaˍreˍlaˆ chaw hui ve ma‸ poˍ lonˉ teˇ gʼaˇ suh peuˬ ve hta‸ nawˬ hui maˇ shiˍ laˇ. 39Ngaˬ lehˬ Gʼuiˬsha leuˆ yuˬ taˍ ve jawˇmawˇ hpeh‸ ve htawˇ, ya‸ nyi ngaˬ gʼaˇ nuˇ jaˇ ve yoˬ. Yeˍruˇyaˆ ve yaˇ chi teˇ hpaˍ lehˬ, la‸ sheh gehˬ jaˇ ve yoˬ. Gʼuiˬsha lehˬ yawˇ hui te taˍ ve venˇbaˆ hta‸ keunˍ da‸ ve hkʼe ciˍ yanˍ piˇ-oˆ, teh‸ kʼoˆ ve yoˬ.
Currently Selected:
2 Saˍmo-eˍlaˆ li‸ 3: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
2 Saˍmo-eˍlaˆ li‸ 3
3
1Sawˉlu‸ hpawˇ chehˇ ve chaw teˇ hpaˍ leh, Daˍviˆ hpawˇ chehˇ ve chaw teˇ hpaˍ awˬ yanˇ maw chaweh bawˆda‸ chehˇ taˍ ve yoˬ. Daˍviˆ lehˬ, shaˬ te shaˬ awˬ gʼaˇ uiˍ la chehˇ leh, canˇ paˍ teˇ hpaˍ hpawˇ lo shaˬ te shaˬ awˬ gʼaˇ nuˇ kʼai chehˇ ve yoˬ.
Daˍviˆ ve yaˇ teˇ hpaˍ
2Daˍviˆ Heˍbronˍ venˇ hkʼaw lo chehˇ taˍ htaˇ, yawˇ yaˇ paˍ chi teˇ hpaˍ gʼa ve yoˬ. Awˉ lawˉ peuˇ ve yaˇ paˍ lehˬ, Yeˍzaˍreˍlaˆ venˇ yaˇ Aˍhiˆnonˍ geh paw la ve Aˍnonˍ, 3yaˇ paˍ nyiˇ gʼaˇ teˇ gʼaˇ lehˬ, Kaˍmeˍlaˆ venˇ yaˇ Naˍbaˍlaˆ miˇ ma Aˍbiˆgeˍlaˆ geh paw la ve Hkiˇlaˆ, yaˇ paˍ shehˆ gʼaˇ teˇ gʼaˇ lehˬ, Geˍsuˇriˆ jawˇmawˇ Taˍlaˍ mehˇ yaˇ miˇ Maˍhkaˍ geh paw la ve Aˍbaˆsaˍlonˍ, 4yaˇ paˍ awˇ gʼaˇ teˇ gʼaˇ lehˬ Haˍgiˆ geh paw la ve Aˍdawˇniˆyaˆ, yaˇ paˍ ngaˇ gʼaˇ teˇ gʼaˇ lehˬ Aˍbiˆtaˍlaˆ geh paw la ve Shaˍhpaˍtiˆ, 5yaˇ paˍ hkaw‸ gʼaˇ teˇ gʼaˇ lehˬ, Eˇgaˍlaˆ geh paw la ve Iˉtaˍranˍ hui hpeh‸ ve yoˬ. Yaˇ chi ve hkʼa peu-eˬ, Heˍbronˍ venˇ hkʼaw chehˇ htaˇ paw la taˍ ve yoˬ.
Aˍbaˍnaˍ Daˍviˆ geh laˬ ve
6Sawˉlu‸ ve ma‸ yaˇ teˇ hpaˍ leh Daˍviˆ ve ma‸ yaˇ teˇ hpaˍ gʼaˇ hte‸ bawˆ da‸ chehˇ ve awˬ yanˇ hkʼaw, Aˍbaˍnaˍ lehˬ Sawˉlu‸ ve ma‸ moˍ hkʼaw shu a‸ kehˉ awˬ meh bvuhˬ ve chaw hpeh‸ la ve yoˬ.
7Teˇ nyi htaˇ Sawˉlu‸ yaˇ paˍ Iˉsaˍboˍshehˆ lehˬ, Aˬ hto‸ ma pa taw nawˬ ngaˬ pa ve awˬ miˇ ma i Aˍyaˆ ve yaˇ miˇ Riˆsaˍpaˍ geh ca zuh‸ ve le, teh‸ Aˍbaˍnaˍ hta‸ kʼoˆ piˇ ve yoˬ. 8Tawˇ chi hta‸ gʼa kaˇ htaˇ, Aˍbaˍnaˍ nyi ma zuhˆ jaˇ leh kʼoˆ ve, Nawˬ ngaˬ hta‸ chaw hpfuhˆ teh‸ dawˇ ve laˇ. Ngaˬ lehˬ awˬ hkuiˉ puiˍ htaˇ ka‸, nawˬ pa Sawˉ lu‸, yawˇ ve awˬ viˉ awˬ nyi teˇ hpaˍ leh yawˇ ve awˬ chawˇ teˇ hpaˍ hta‸ ka ti‸ yeˬ chehˇ taˍ ve awˬ hkʼoˆ, nawˬ hta‸ Daˍviˆ maˇ gʼa te luˬ te sheˆ tuˬ ha‸ shaˉ chehˇ taˍ ve yoˬ. Ya‸ hkʼaˇ, ya‸ nyi nawˬ ngaˬ hta‸ yaˇ miˇ awˬ lawn hta‸ caˉ da‸ leh venˇbaˆ taˍ laˇ chehˇ ve yoˬ. 9Gʼuiˬsha lehˬ mvuhˇmiˬ chi hta‸ Sawˉlu‸ leh yawˇ ve awˬ ceuˬ awˬ hkʼaˇ teˇ hpaˍ ve la‸ sheh hkʼaw yuˬ hkʼaw‸ leh, Iˉsaˍreˍlaˆ leh Yuˇda‸ chaw hui awˬ hkʼoˆ Daˍviˆ hta‸ jawˇmawˇ te tcuh tuˬ ka ti‸ te taˍ ve yoˬ. 10Chi hkʼe hpeh‸ la tuˬ ngaˬ maˇ te ve kʼo, Gʼuiˬsha ngaˬ hta‸ tiˇ pehˍ laˇ piˇ-oˆ, teh‸ kʼoˆ ve yoˬ. 11Iˉsaˍboˍshehˆ lehˬ Aˍbaˍnaˍ hta‸ kawˆ jaˇ ve pa taw, tawˇ teˇ peu-eˬ ka‸ kʼaw‸ yaw maˇ haˆ.
12Awˬ yanˇ oˇ ve hkʼaw Daˍviˆ lehˬ, Heˍbronˍ venˇ hkʼaw chehˇ taˍ ve yoˬ. Hkʼe te leh, Aˍbaˍnaˍ yawˇ hta‸ tawˇ shanˍ feu piˇ leh kʼoˆ ve, Mvuhˇmiˬ chi hta‸ a shu uˉ peunˍ tuˬ le. Nawˬ ngaˬ geh shaˉ caˆ caˇ ve kʼo, Iˉsaˍreˍlaˆ mvuhˇmiˬ chi hkʼa peu-eˬ ve hta‸ nawˬ kʼaw‸ gʼa hkʼaw‸ tuˬ ngaˬ ga laˇ tuˬ yoˬ, teh‸ kʼoˆ ve yoˬ.
13Oˇ htaˇ Daˍviˆ lehˬ, Ngaˬ nawˬ geh shaˉ caˆ caˇ tuˬ yoˬ. Nawˬ ngaˬ hta‸ ca hpuˇ da‸ la htaˇ, Sawˉlu‸ ve yaˇ miˇ Miˆhkaˍlaˆ hta‸ ngaˬ geh gʼa shiˍ veu laˇ ve yoˬ, teh‸ kʼaw‸ yaw hkʼaw‸ piˇ ve yoˬ. 14Oˇ ve hkʼaw‸ nawˉ, Daˍviˆ Iˉsaˍboˍshehˆ hta‸ tawˇ shanˍ feu piˇ leh kʼoˆ ve, Ngaˬ miˇ ma Miˆhkaˍlaˆ ngaˬ hta‸ kʼaw‸ hkʼaw‸ pe‸ laˇ-oˆ. Awˬ lawn kʼo, ngaˬ yawˇ hta‸ Hpiˇliˇtiˆ chaw hui ve awˬ guiˬ meuˇ teˇ ha maˬ yuˬ pa taˍ ve yoˬ, teh‸ kʼoˆ feu piˇ ve yoˬ. 15Hkʼe te leh, Iˉsaˍboˍshehˆ lehˬ yaˇ miˇ oˇ ve hta‸ Lehˇshaˆ ve yaˇ paˍ Paˍlaˍtiˆ geh kʼaw‸ yuˬ hkʼaw‸ ve yoˬ. 16Paˍlaˍtiˆ gʼaˇ hte‸ hawˬ leh, Baˍhuˆrenˍ venˇ lo hkʼa gaˬ yaˇ miˇ oˇ ve hkʼaˇ suh gʼa‸ kʼai ve yoˬ. Oˇ htaˇ Aˍbaˍnaˍ lehˬ, Nawˬ aˉ hkʼaw lo kʼaw‸ kʼo‸-e loˬ, teh‸ yawˇ hta‸ kʼoˆ piˇ leh yawˇ kʼaw‸ hpfuhˆ kʼo‸-e ve yoˬ.
17Aˍbaˍnaˍ lehˬ Iˉsaˍreˍlaˆ chaw awˬ hoˉ awˬ naˬ teˇ hpaˍ geh kʼai leh, Nawˬ hui lehˬ Daˍviˆ hta‸ nawˬ hui ve jawˇmawˇ te tcuh piˇ gaˇ ve maw jaˇ peuˬ ve yoˬ. 18Chi beu‸ oˇ hkʼe te tuˬ da‸ ve awˬ yanˇ hpeh‸ ve yoˬ. Ngaˬ lehˬ Daˍviˆ hta‸ cuˇ leh ngaˬ ve Iˉsaˍreˍlaˆ chaw teˇ hpaˍ hta‸ Hpiˇliˇtiˆ chaw leh awˬ nu ve canˇ paˍ teˇ hpaˍ ve la‸ sheh hkʼaw ponˬ laˇ tuˬ yoˬ, teh‸ Gʼuiˬsha kʼoˆ taˍ ve tawˇ hta‸ dawˇ nawˇ-oˆ, teh‸ yawˇ hui hta‸ kʼoˆ piˇ ve yoˬ. 19Aˍbaˍnaˍ lehˬ, Beˍyaˍmenˍ chaw hui hta‸ htawˇ awˬ lawn oˇ ve hkʼa deh‸ kʼoˆ maˍ piˇ taˉ leh, Iˉsaˍreˍlaˆ chaw leh Beˍyaˍmenˍ awˬ ceuˬ awˬ hkʼaˇ teˇ hpaˍ hkʼaˬ hkʼe dawˇ chehˇ ve awˬ lawn Daˍviˆ hta‸ hto piˇ tuˬ Heˍbronˍ venˇ lo kʼai ve yoˬ.
20Aˍbaˍnaˍ lehˬ yawˇ ve ma‸ yaˇ nyiˇ chi gʼaˇ shiˍ veu laˇ leh Heˍbronˍ venˇ lo Daˍviˆ geh gaˬ la ve yoˬ. Daˍviˆ lehˬ yawˇ hui hta‸ ha‸ yuˬ leh hti caˇ hti dawˬ ve pawehˇ teˇ maˬ te ve yoˬ. 21Oˇ htaˇ Aˍbaˍnaˍ lehˬ, Chi beu‸ ngaˬ kʼaw‸ kʼo‸-e leh Iˉsaˍreˍlaˆ chaw hkʼa peu-eˬ nawˬ geh kʼaw‸ hpfuhˆ kʼaw‸ la tuˬ ca maˍ piˇ shaˍ. Yawˇ hui nawˬ hta‸ jawˇmawˇ te tcuh laˇ tuˬ yoˬ. Oˇ htaˇ, nawˬ dawˇ law taˍ ve hkʼe mvuhˇmiˬ hkʼa peu-eˬ ve hta‸ gʼa uˉ peunˍ tuˬ yoˬ, teh‸ Daˍviˆ hta‸ kʼoˆ piˇ ve yoˬ. Daˍviˆ htawˇ yawˇ hta‸ ha lehˬ ha kʼa ve hkʼaw kʼo‸-e tcuh ve yoˬ.
Aˍbaˍnaˍ tiˇ pehˍ ve hta‸ gʼa hkanˍ ve
22Maˇ maw maw Yaˍbaˆ leh Daˍviˆ ve awˬ nu ve ma‸ ponˍ lonˉ teˇ hpaˍ ma‸ bawˆ kuiˬ lo kʼaw‸ gaˬ la ve yoˬ. Yawˇ hui lehˬ, hpu shi mawˇ jeˬ maˇ maˇ gʼa veu laˇ ve yoˬ. Awˬ yanˇ oˇ ve hkʼaw Aˍbaˍnaˍ lehˬ Daˍviˆ geh Heˍbronˍ venˇ hkʼaw maˇ chehˇ-o. Awˬ lawn kʼo, Daˍviˆ yawˇ hta‸ ha lehˬ ha kʼa kʼo‸-e tcuh taˍ peuˬ ve yoˬ. 23Yaˍbaˆ leh yawˇ ve ma‸ yaˇ teˇ hpaˍ kʼaw‸ gaˬ la ve teˇ yanˇ, Aˍbaˍnaˍ Daˍviˆ geh laˬ taˉ peuˬ ve awˬ lawn maˇ kʼoˆ, Daˍviˆ yawˇ hta‸ ha lehˬ ha kʼa ve hkʼaw kʼaw‸ kʼo‸-e tcuh peuˬ ve awˬ lawn hta‸ maˇ kʼoˆ yawˇ gʼa shiˍ ve yoˬ. 24Hkʼe te leh Yaˍbaˆ Daˍviˆ geh kʼai leh, Nawˬ hkʼaˬ hkʼe te ve le. Aˍbaˍnaˍ nawˬ geh laˬ ve yoˬ. Aˬ hto ma pa taw, nawˬ yawˇ hta‸ hkʼe leˇ hpehˇ piˇ ve le. 25Yawˇ nawˬ hta‸ te luˬ tuˬ, nawˬ chehˇ ve cawˬ ve, kʼai ve laˬ ve teˇ hpaˍ hta‸ ca jaˆ nyi la ve yoˬ. Chi hkʼe te la ve hta‸ nawˬ maˇ shiˍ laˇ, teh‸ yawˇ hta‸ kʼoˆ piˇ ve yoˬ.
26Yawˇ Daˍviˆ geh tawˆ kʼai peuˬ hkʼaw‸ nawˉ, Yaˍbaˆ lehˬ Aˍbaˍnaˍ hta‸ ca kʼaw‸ shiˍ hkʼaw‸ tuˬ tawˇ shaˍ feu piˇ ve yoˬ. Yawˇ hui yawˇ hta‸ Siˉraˆ teh‸ kʼoˆ ve nanˬ bawˍ lo gʼa‸ mi leh, yawˇ hta‸ kʼaw‸ shiˍ hkʼaw‸ veu laˇ ve yoˬ. Chi hkʼe te ve hta‸ Daˍviˆ maˇ shiˍ. 27Aˍbaˍnaˍ Heˍbronˍ venˇ lo kʼaw‸ gaˬ la htaˇ, Yaˍbaˆ yawˇ hta‸ a yehˉ gawˬ lehˍ tawˇ yaw piˇ gaˇ ve hkʼe te leh, venˇ taˍ meu‸ hpe‸ lo shiˍ kʼai ve yoˬ. Oˇ kaˬ lo yawˇ Aˍbaˍnaˍ hta‸ juˆ pehˍ ve yoˬ. Aˍbaˍnaˍ lehˬ, Yaˍbaˆ ve awˬ nyi paˍ Aˍsaˍheˍlaˆ hta‸ tiˇ pehˍ piˇ ve pa taw, yawˇ htawˇ tiˇ pehˍ ve hta‸ gʼa hkanˍ ve yoˬ. 28Awˬ lawn chi hta‸ Daˍviˆ gʼa kaˇ ve teˇ yanˇ yawˇ kʼoˆ ve, Aˍbaˍnaˍ gʼa suh ve lehˬ, ngaˬ leh ngaˬ ve ma‸ yaˇ teˇ hpaˍ hta‸ pa taw maˇ heˆ ve hta‸ Gʼuiˬsha shiˍ taˍ ve yoˬ. 29Venˇbaˆ oˇ ve Yaˍbaˆ leh yawˇ ve yehˬ yaˇ kʼa yaˇ teˇ hpaˍ awˬ hkʼoˆ gaˬ la piˇ-o. Teˇ co peuˬ teˇ co yawˇ ve yehˬ yaˇ kʼa yaˇ teˇ hpaˍ awˬ hkʼaw lo, awˬ suhˍ ya‸ ve chaw, hkiˬ tu‸ keuˆ ve chaw, yaˇ miˇ hkʼe ve chaw, ma‸ bawˆ kuiˬ lo suh ve chaw, caˇ maˇ law‸ dawˬ maˇ law‸ ve chaw cawˬ la piˇ-oˆ, teh‸ kʼoˆ ve yoˬ. 30Yaˍbaˆ leh yawˇ ve awˬ nyi paˍ Aˍbiˆshehˇ yawˇ huiˉ maˬ Aˍbaˍnaˍ hta‸ tiˇ pehˍ piˇ ve yoˬ. Awˬ lawn kʼo, Aˍbaˍnaˍ lehˬ yawˇ hui ve awˬ nyi paˍ Aˍsaˍheˍlaˆ hta‸ Giˇbonˍ hkʼaw hkʼoˆ lo tiˇ pehˍ piˇ ve pa taw yoˬ.
31Oˇ ve hkʼaw‸ nawˉ, Daˍviˆ lehˬ Yaˍbaˆ leh yawˇ ve ma‸ yaˇ teˇ hpaˍ hta‸ a shu yawˇ ve veu‸ kʼaˇ tzuh‸ suhˍ leh Aˍbaˍnaˍ awˬ pon dawˇ haˍ leh paˆ hawˬ tuˬ tawˇ piˇ ve yoˬ. Aˍbaˍnaˍ hta‸ ca tuˍ piˇ htaˇ, Daˍviˆ yawˇ awˬ to ka‸ gʼa‸ kʼai ve yoˬ. 32Chaw tuˍ kuiˬ lo Daˍviˆ awˬ to gʼaˇ hte‸ kuˬ hawˬ leh, yawˇ ve chaw teˇ hpaˍ htawˇ yawˇ hkʼa shuˍ kuˬ hawˬ ve yoˬ. 33Peuˬ hkʼaw‸ nawˉ Daˍviˆ lehˬ, Aˍbaˍnaˍ awˬ pon dawˇ haˍ hkawˇ yaw leh kʼoˆ ve,
Aˬ hto‸ ma pa taw Aˍbaˍnaˍ lehˬ, chaw luˬ paˍ teˇ gʼaˇ suh-e ve hkʼe gʼa te suh-e ve le.
34Yawˇ ve hkui sheh la‸ sheh teˇ hpaˍ hta‸ htawˇ maˇ hpeh tsuh‸ taˍ.
Yawˇ lehˬ chaw haiˬ teˇ hpaˍ tiˇ pehˍ ve hta‸ gʼa hkanˍ ve chaw hkʼa shuˍ suh-e ve yoˬ, teh‸ kʼoˆ ve yoˬ.
Oˇ htaˇ, chaw yaˇ teˇ hpaˍ gʼaˇ hte‸ kʼaw‸ kuˬ hawˬ ve yoˬ.
35Mvuhˇ maˇ hpeu‸ sheˍ htaˇ yawˇ caˇ tuˬ teˇ ceuˬ ceuˬ caˇ tuˬ, chaw yaˇ teˇ hpaˍ Daˍviˆ hta‸ kʼoˆ piˇ ve yoˬ. Ya‸ hkʼaˇ Daˍviˆ maˇ caˇ. Mvuhˇ maˇ hpeu‸ sheˍ ve ceh ceh, ngaˬ caˇ tuˬ teˇ ceuˬ ceuˬ caˇ ve kʼo, Gʼuiˬsha ngaˬ hta‸ tiˇ pehˍ laˇ piˇ-oˆ, teh‸ kʼoˆ leh ka ti‸ te ve yoˬ. 36Tawˇ chi hta‸ yawˇ hui gʼa kaˇ ve teˇ yanˇ, ha lehˬ jaˇ ve yoˬ. Jawˇmawˇ hkʼa te ve kanˉ teˇ ceuˬ le le chaw yaˇ teˇ hpaˍ hta‸ ha lehˬ piˇ lawˬ ve yoˬ. 37Aˍbaˍnaˍ gʼa suh ve lehˬ, jawˇmawˇ hta‸ a ciˉ ka‸ maˇ caˉ da‸ ve hta‸ Daˍviˆ ve chaw leh Iˉsaˍreˍlaˆ chaw hkʼa peu-eˬ shiˍ taˍ ve yoˬ. 38Oˇ htaˇ, jawˇmawˇ Daˍviˆ yawˇ ve ma‸ poˍ lonˉ teˇ hpaˍ hta‸ kʼoˆ piˇ ve, Ya‸ nyi Iˉsaˍreˍlaˆ chaw hui ve ma‸ poˍ lonˉ teˇ gʼaˇ suh peuˬ ve hta‸ nawˬ hui maˇ shiˍ laˇ. 39Ngaˬ lehˬ Gʼuiˬsha leuˆ yuˬ taˍ ve jawˇmawˇ hpeh‸ ve htawˇ, ya‸ nyi ngaˬ gʼaˇ nuˇ jaˇ ve yoˬ. Yeˍruˇyaˆ ve yaˇ chi teˇ hpaˍ lehˬ, la‸ sheh gehˬ jaˇ ve yoˬ. Gʼuiˬsha lehˬ yawˇ hui te taˍ ve venˇbaˆ hta‸ keunˍ da‸ ve hkʼe ciˍ yanˍ piˇ-oˆ, teh‸ kʼoˆ ve yoˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.