1 Peˍtruˆ li‸ 2
2
1Hkʼe te leh, shu hta‸ naˬ tuˬ te ve, shu hta‸ heˍ ve, maˇ heˆ ve awˬ ceuˬ hta‸ ka‸ yoˬ ve hkʼe te ve, hkawehˉ ve leh hkʼaiˉ ve, chi teˇ hpaˍ hkʼa peu-eˬ hta‸ baˬ taˉ-oˆ. 2Paw la gehˇ sheˍ ve yaˇ ehˉ hkʼa shuˍ shuˍ, co ha hpawˇ da‸ jaˇ ve cuˉ gʼuiˬ hta‸ sheˉ lai-o. Co ha hpawˇ ve cuˉ gʼuiˬ hta‸ nawˬ hui dawˬ ve pa taw, htaiˍ hkʼaw‸ ve awˬ hkʼaw lo nawˬ hui uiˍ la tuˬ yoˬ. 3Awˬ lawn kʼo, Jawˇmawˇ Gʼuiˬsha ve ha kʼaˉ puiˉ jaˇ ve teˇ ceuˬ hta‸ nawˬ hui gʼa leh‸ nyi peuˬ.
Te‸ chehˇ ve haˉ pui shiˍ awˬ lawn
4Jawˇmawˇ oˇ ve geh laˬ-o‸. Yawˇ lehˬ te‸ chehˇ ve haˉ pui shiˍ hpeh‸ ve yoˬ. Chaw yaˇ yawˇ hta‸ chiˇ baˬ ve htawˇ, Gʼuiˬsha yawˇ hta‸ leuˆ yuˬ leh, awˬ hpfuhˇ hkʼaˆ jaˇ ve teh‸ shawˍ taˍ ve yoˬ. 5Nawˬ hui htawˇ te‸ chehˇ ve haˉ pui shiˍ teˇ hpaˍ hkʼa shuˍ shuˍ, Gʼuiˬsha nawˬ hui hta‸ yuˬ leh co ha hpawˇ ve yehˬ te hpeh‸ tuˬ, a shu yawˇ awˬ to Gʼuiˬsha hta‸ chiˇ a‸ piˇ-oˆ. Co ha hpawˇ ve tanˇ tuˬ teˇ hpaˍ hta‸ nawˬ hui gʼa tanˇ tuˬ, nawˬ hui da‸ kehˬ ve paw hkuˇ teˇ hpaˍ hpeh‸ la peuˬ. Nawˬ hui Yeˍsuˆ Hkri‸ hta‸ cuˇ leh tanˇ ve teˇ yanˇ, tanˇ tuˬ oˇ ve teˇ hpaˍ hta‸ Gʼuiˬsha ha‸ yuˬ tuˬ yoˬ. 6Li‸ hpu awˬ hkʼaw chi hkʼe bvuh‸ taˍ ve,
Nyi-o, ngaˬ leuˆ yuˬ taˍ ve, awˬ hpfuhˇ hkʼaˆ jaˇ ve haˉ pui shiˍ hta‸
Ziˉonˍ awˬ hkʼaw awˬ hkuiˉ puiˍ awˬ ceˍ kʼaweh‸ lo ngaˬ kawˍ chehˇ ve yoˬ.
Haˉ pui shiˍ oˇ ve hta‸ hkʼa yonˍ ve chaw lehˬ maˇ gʼa ya‸ taw, teh‸ kʼoˆ taˍ ve yoˬ.#Isy 28:16
7Hkʼe te leh, nawˬ hui hkʼa yonˍ ve chaw hui awˬ pon, yawˇ da‸ jaˇ leh awˬ hpfuhˇ hkʼaˆ jaˇ ve yoˬ. Ya‸ hkʼaˇ, maˇ yonˍ ve chaw hui awˬ pon, Li‸ hpu hkʼaw bvuh‸ taˍ ve hkʼe,
Yehˬ kawˍ shehˍ hpaˇ hui baˬ taˍ ve haˉ pui shiˍ lehˬ,
awˬ hkuiˉ puiˍ awˬ ceˍ kʼaweh‸ ve haˉ pui teˇ shiˍ hpeh‸ la peuˬ.#Chi 118:22
8Chaw yaˇ hkui htiˇ poˬ paiˍ leh,
nyi ma luˬ tuˬ ve haˉ pui shiˍ htawˇ hpeh‸ ve yoˬ, teh‸ bvuh‸ taˍ ve yoˬ.#Isy 8:14
Yawˇ hui Gʼuiˬsha ve tawˇ hkawˇ hta‸ maˇ na yuˬ ve pa taw, yawˇ hui hkui htiˇ poˬ paiˍ ve yoˬ. Chi hkʼe hpeh‸ la tuˬ awˬ gʼuˇ suhˍ htaˇ ka‸ Gʼuiˬsha kʼoˆ taˍ peuˬ.
Gʼuiˬsha ve awˬ yaˇ awˬ duˬ hpeh‸ ve awˬ lawn
9Nawˬ hui lehˬ, Gʼuiˬsha leuˆ yuˬ ve chaw ceuˬ hpeh‸ ve yoˬ. Jawˇmawˇ Gʼuiˬsha ve paw hkuˇka‸ nawˬ hui hpeh‸ ve yoˬ. Nawˬ hui da‸ kehˬ ve mvuhˇmiˬ yaˇ hpeh‸ leh, Gʼuiˬsha ve awˬ yaˇ awˬ duˬ awˬ tehˬ awˬ na hpeh‸ ve yoˬ. #Bon 4:20 Yawˇ ve da‸ jaˇ ve awˬ gʼeuˆ awˬ hkʼaw lo lo‸ la tuˬ, naˆ ho‸ ve awˬ hkʼaw lo yawˇ nawˬ hui hta‸ kuˬ tawˆ la peuˬ. Hkʼe te leh, yawˇ ve da‸ jaˇ ve awˬ lawn shu hta‸ kʼaoˍ maˍ piˇ-oˆ. 10Awˉ lawˉ htaˇ, nawˬ hui lehˬ awˬ meh maˇ cawˬ ve chaw ceuˬ hpeh‸ ve yoˬ. Ya‸ hkʼaˇ chi beu‸ lehˬ, nawˬ hui Gʼuiˬsha ve chaw ceuˬ hpeh‸ la peuˬ. Awˉ lawˉ htaˇ nawˬ hui lehˬ, ha kʼaˉ ve awˬ bon hta‸ maˇ gʼa. Ya‸ hkʼaˇ chi beu‸ ha kʼaˉ ve awˬ bon hta‸ nawˬ hui gʼa peuˬ.
Gʼuiˬsha ve awˬ ceˬ te-o
11Ha‸ ve chaw teˇ hpaˍ-oˬ, shu mvuhˇmiˬ awˬ hkʼaw lo nawˬ hui hkehˉ chaw hpeh‸ chehˇ ve yoˬ. Hkʼe te leh, co ha hta‸ bawˆ da‸ chehˇ ve, awˬ suhˍ awˬ shaˍ a loˍ hta‸ jaw kʼai tuˬ, ngaˬ nawˬ hui hta‸ lawˬ hkawˉ ve yoˬ. 12Buiˇ shaˆ aˉ naˆ chaw teˇ hpaˍ mehˆ gʼuˇ suhˍ nawˬ hui da‸ ve awˬ liˇ awˬ hkʼaˇ hta‸ ceh tiˉ te-o. Yawˇ hui nawˬ hui hta‸ hkʼaiˉ leh venˇbaˆ taˍ ve htawˇ, nawˬ hui ve da‸ ve kanˉ hta‸ gʼa mawˬ ve pa taw, suhˉ jehˬ ve awˬ nyi gaˬ la htaˇ, yawˇ hui Gʼuiˬsha hta‸ chiˇ uiˍ chiˇ mvuh tuˬ yoˬ.
13Jawˇmawˇ Hkri‸ hta‸ pa taw, chaw yaˇ hui leuˆ yuˬ taˍ ve Jawˇmawˇ teˇ hpaˍ uˉ peunˍ ve awˬ hawˉ lo hkʼa deh‸ chehˇ-oˆ. Hkʼa peu-eˬ awˬ hkʼoˆ uiˍ shehˍ hpaˇ hkunˉ hawˉ hkanˇ awˬ hawˉ lo chehˇ-oˆ. 14A shu yawˇ ve mvuhˇmiˬ hta‸ uˉ peunˍ ve jawˇmawˇ awˬ hawˉ lo htawˇ hkʼa deh‸ chehˇ-oˆ. Chaw haiˬ hta‸ ciˍ yanˍ piˇ leh, chaw da‸ hta‸ chiˇ mvuh piˇ tuˬ, hkunˉ hawˉ hkanˇ yawˇ hui hta‸ peu laˇ ve yoˬ. 15Awˬ lawn kʼo, nawˬ hui da‸ ve hteˇ ve hta‸ te tuˬ Gʼuiˬsha nyi ma cawˇ ve yoˬ. Chi hkʼe te ve pa taw, maˇ shiˍ puiˉ maˇ dawˇ nyi puiˉ ve chaw teˇ hpaˍ lehˬ, te‸ chiˉ ca kʼoˆ maˇ hpeh‸ leh, ta‸ iˉ chehˇ tuˬ yoˬ. 16Nawˬ hui ponˬ peuˬ ve chaw hpeh‸ ve yoˬ. Ya‸ hkʼaˇ nawˬ hui ponˬ ve lehˬ, haiˬ ve hta‸ te tuˬ awˬ pon maˇ heˆ. Gʼuiˬ sha ve awˬ ceˬ te tuˬ awˬ pon hpeh‸ ve yoˬ. 17Chaw hkʼa peu-eˬ hta‸ yawˆ yan-o. Awˬ viˉ awˬ nyi teˇ hpaˍ hta‸ ha‸-o‸. Gʼuiˬ sha hta‸ kawˆ-oˆ. Hkunˉ hawˉ hkanˇ hta‸ yawˆ yan-o.
18Awˬ ceˬ teˇ hpaˍ-oˬ, nawˬ hui ve jawˇmawˇ teˇ hpaˍ hta‸ kawˆ leh, yawˇ hui awˬ hawˉ lo hkʼa deh‸ chehˇ-oˆ. Nyi ma da‸ leh nuˇ nehˬ ve jawˇmawˇ teˇ hpaˍ hta‸ ceh tiˉ maˇ heˆ. Haiˬ ve jawˇmawˇ teˇ hpaˍ awˬ hawˉ lo htawˇ hkʼa deh‸ chehˇ-oˆ. 19Nawˬ hui venˇbaˆ maˇ cawˬ leh, shu fawˉ mehˍ laˇ ve teˇ yanˇ yeunˇ hkanˍ sheˍ. Nawˬ hui Gʼuiˬsha hta‸ dawˇ nawˇ leh chi hkʼe te ve kʼo, Gʼuiˬsha nyi hkʼaˇ suh tuˬ yoˬ. 20Nawˬ hui venˇbaˆ cawˬ ve pa taw shu dawˆ laˇ tiˇ laˇ ve hta‸ yeunˇ hkanˍ htaˇ, aˬ hto‸ ma chiˇ mvuh tuˬ cawˬ le. Ya‸ hkʼaˇ, da‸ ve hta‸ te ve pa taw, tu‸ ve hkanˍ ve hta‸ gʼa hkanˍ ve teˇ yanˇ yeunˇ hkanˍ ve kʼo, Gʼuiˬsha nyi hkʼaˇ suh tuˬ yoˬ. 21Oˇ hkʼe gʼa hkanˍ tuˬ, nawˬ hui hta‸ kuˬ yuˬ taˍ peuˬ. Hkri‸ htawˇ nawˬ hui awˬ pon gʼa tu‸ gʼa hkanˍ leh, nawˬ hui yawˇ ve hkui ha awˬ hkʼaˇ suh gʼa‸ kʼai tuˬ, nawˬ hui awˬ pon henˇ kuiˬ jawˬ kuiˬ yawˇ te taˉ peuˬ. 22Yawˇ lehˬ venˇbaˆ maˇ te jaw. Yawˇ ve maw‸ kʼaw hkʼaw lo heˍ ve tawˇ hkawˇ ka‸ maˇ tawˆ la jaw.#Isy 53:9 23Shu yawˇ hta‸ hkʼa mvuhˇ hkʼa na kʼoˆ htaˇ, yawˇ shu hta‸ hkʼa mvuhˇ hkʼa na maˇ kʼaw‸ kʼoˆ. Yawˇ gʼa tu‸ gʼa hkanˍ ve teˇ yanˇ, shu hta‸ yawˇ maˇ kʼaw‸ te hkʼaw‸. Hteˇ lehˍ cawˇ lehˍ Suhˉ jehˬ shehˍ hpaˇ Gʼuiˬsha ve la‸ hkʼaw lo yawˇ awˬ to hta‸ a‸ piˇ ve yoˬ. 24Suhˆ hkuiˉ daw hkʼoˆ yawˇ gʼa hkanˍ suh htaˇ, yawˇ awˬ to awˬ hkʼaw lo ngaˬ hui ve venˇbaˆ hta‸ yawˇ pfuhˇ taˍ ve yoˬ. Ngaˬ hui a shu yawˇ ve venˇbaˆ hta‸ suh baˬ taˉ leh, hteˇ ve cawˇ ve awˬ hkʼaw lo gʼa te‸ chehˇ tuˬ, yawˇ hkanˍ suh ve yoˬ. Yawˇ ve naˬ kuiˬ hta‸ pa taw nawˬ hui na-e la peuˬ. 25Nawˬ hui lehˬ, awˉ lawˉ htaˇ ya‸ kʼaw ya‸ leh mehˉ kʼai ve yawˬ hkʼe hpeh‸ ve yoˬ. Ya‸ hkʼaˇ, chi beu‸ lehˬ nawˬ hui ve co ha hta‸ nyi ha‸ shaˉ shehˍ hpaˇ Yawˬ hawˉ paˍ geh nawˬ hui kʼaw‸ la peuˬ.
Currently Selected:
1 Peˍtruˆ li‸ 2: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
1 Peˍtruˆ li‸ 2
2
1Hkʼe te leh, shu hta‸ naˬ tuˬ te ve, shu hta‸ heˍ ve, maˇ heˆ ve awˬ ceuˬ hta‸ ka‸ yoˬ ve hkʼe te ve, hkawehˉ ve leh hkʼaiˉ ve, chi teˇ hpaˍ hkʼa peu-eˬ hta‸ baˬ taˉ-oˆ. 2Paw la gehˇ sheˍ ve yaˇ ehˉ hkʼa shuˍ shuˍ, co ha hpawˇ da‸ jaˇ ve cuˉ gʼuiˬ hta‸ sheˉ lai-o. Co ha hpawˇ ve cuˉ gʼuiˬ hta‸ nawˬ hui dawˬ ve pa taw, htaiˍ hkʼaw‸ ve awˬ hkʼaw lo nawˬ hui uiˍ la tuˬ yoˬ. 3Awˬ lawn kʼo, Jawˇmawˇ Gʼuiˬsha ve ha kʼaˉ puiˉ jaˇ ve teˇ ceuˬ hta‸ nawˬ hui gʼa leh‸ nyi peuˬ.
Te‸ chehˇ ve haˉ pui shiˍ awˬ lawn
4Jawˇmawˇ oˇ ve geh laˬ-o‸. Yawˇ lehˬ te‸ chehˇ ve haˉ pui shiˍ hpeh‸ ve yoˬ. Chaw yaˇ yawˇ hta‸ chiˇ baˬ ve htawˇ, Gʼuiˬsha yawˇ hta‸ leuˆ yuˬ leh, awˬ hpfuhˇ hkʼaˆ jaˇ ve teh‸ shawˍ taˍ ve yoˬ. 5Nawˬ hui htawˇ te‸ chehˇ ve haˉ pui shiˍ teˇ hpaˍ hkʼa shuˍ shuˍ, Gʼuiˬsha nawˬ hui hta‸ yuˬ leh co ha hpawˇ ve yehˬ te hpeh‸ tuˬ, a shu yawˇ awˬ to Gʼuiˬsha hta‸ chiˇ a‸ piˇ-oˆ. Co ha hpawˇ ve tanˇ tuˬ teˇ hpaˍ hta‸ nawˬ hui gʼa tanˇ tuˬ, nawˬ hui da‸ kehˬ ve paw hkuˇ teˇ hpaˍ hpeh‸ la peuˬ. Nawˬ hui Yeˍsuˆ Hkri‸ hta‸ cuˇ leh tanˇ ve teˇ yanˇ, tanˇ tuˬ oˇ ve teˇ hpaˍ hta‸ Gʼuiˬsha ha‸ yuˬ tuˬ yoˬ. 6Li‸ hpu awˬ hkʼaw chi hkʼe bvuh‸ taˍ ve,
Nyi-o, ngaˬ leuˆ yuˬ taˍ ve, awˬ hpfuhˇ hkʼaˆ jaˇ ve haˉ pui shiˍ hta‸
Ziˉonˍ awˬ hkʼaw awˬ hkuiˉ puiˍ awˬ ceˍ kʼaweh‸ lo ngaˬ kawˍ chehˇ ve yoˬ.
Haˉ pui shiˍ oˇ ve hta‸ hkʼa yonˍ ve chaw lehˬ maˇ gʼa ya‸ taw, teh‸ kʼoˆ taˍ ve yoˬ.#Isy 28:16
7Hkʼe te leh, nawˬ hui hkʼa yonˍ ve chaw hui awˬ pon, yawˇ da‸ jaˇ leh awˬ hpfuhˇ hkʼaˆ jaˇ ve yoˬ. Ya‸ hkʼaˇ, maˇ yonˍ ve chaw hui awˬ pon, Li‸ hpu hkʼaw bvuh‸ taˍ ve hkʼe,
Yehˬ kawˍ shehˍ hpaˇ hui baˬ taˍ ve haˉ pui shiˍ lehˬ,
awˬ hkuiˉ puiˍ awˬ ceˍ kʼaweh‸ ve haˉ pui teˇ shiˍ hpeh‸ la peuˬ.#Chi 118:22
8Chaw yaˇ hkui htiˇ poˬ paiˍ leh,
nyi ma luˬ tuˬ ve haˉ pui shiˍ htawˇ hpeh‸ ve yoˬ, teh‸ bvuh‸ taˍ ve yoˬ.#Isy 8:14
Yawˇ hui Gʼuiˬsha ve tawˇ hkawˇ hta‸ maˇ na yuˬ ve pa taw, yawˇ hui hkui htiˇ poˬ paiˍ ve yoˬ. Chi hkʼe hpeh‸ la tuˬ awˬ gʼuˇ suhˍ htaˇ ka‸ Gʼuiˬsha kʼoˆ taˍ peuˬ.
Gʼuiˬsha ve awˬ yaˇ awˬ duˬ hpeh‸ ve awˬ lawn
9Nawˬ hui lehˬ, Gʼuiˬsha leuˆ yuˬ ve chaw ceuˬ hpeh‸ ve yoˬ. Jawˇmawˇ Gʼuiˬsha ve paw hkuˇka‸ nawˬ hui hpeh‸ ve yoˬ. Nawˬ hui da‸ kehˬ ve mvuhˇmiˬ yaˇ hpeh‸ leh, Gʼuiˬsha ve awˬ yaˇ awˬ duˬ awˬ tehˬ awˬ na hpeh‸ ve yoˬ. #Bon 4:20 Yawˇ ve da‸ jaˇ ve awˬ gʼeuˆ awˬ hkʼaw lo lo‸ la tuˬ, naˆ ho‸ ve awˬ hkʼaw lo yawˇ nawˬ hui hta‸ kuˬ tawˆ la peuˬ. Hkʼe te leh, yawˇ ve da‸ jaˇ ve awˬ lawn shu hta‸ kʼaoˍ maˍ piˇ-oˆ. 10Awˉ lawˉ htaˇ, nawˬ hui lehˬ awˬ meh maˇ cawˬ ve chaw ceuˬ hpeh‸ ve yoˬ. Ya‸ hkʼaˇ chi beu‸ lehˬ, nawˬ hui Gʼuiˬsha ve chaw ceuˬ hpeh‸ la peuˬ. Awˉ lawˉ htaˇ nawˬ hui lehˬ, ha kʼaˉ ve awˬ bon hta‸ maˇ gʼa. Ya‸ hkʼaˇ chi beu‸ ha kʼaˉ ve awˬ bon hta‸ nawˬ hui gʼa peuˬ.
Gʼuiˬsha ve awˬ ceˬ te-o
11Ha‸ ve chaw teˇ hpaˍ-oˬ, shu mvuhˇmiˬ awˬ hkʼaw lo nawˬ hui hkehˉ chaw hpeh‸ chehˇ ve yoˬ. Hkʼe te leh, co ha hta‸ bawˆ da‸ chehˇ ve, awˬ suhˍ awˬ shaˍ a loˍ hta‸ jaw kʼai tuˬ, ngaˬ nawˬ hui hta‸ lawˬ hkawˉ ve yoˬ. 12Buiˇ shaˆ aˉ naˆ chaw teˇ hpaˍ mehˆ gʼuˇ suhˍ nawˬ hui da‸ ve awˬ liˇ awˬ hkʼaˇ hta‸ ceh tiˉ te-o. Yawˇ hui nawˬ hui hta‸ hkʼaiˉ leh venˇbaˆ taˍ ve htawˇ, nawˬ hui ve da‸ ve kanˉ hta‸ gʼa mawˬ ve pa taw, suhˉ jehˬ ve awˬ nyi gaˬ la htaˇ, yawˇ hui Gʼuiˬsha hta‸ chiˇ uiˍ chiˇ mvuh tuˬ yoˬ.
13Jawˇmawˇ Hkri‸ hta‸ pa taw, chaw yaˇ hui leuˆ yuˬ taˍ ve Jawˇmawˇ teˇ hpaˍ uˉ peunˍ ve awˬ hawˉ lo hkʼa deh‸ chehˇ-oˆ. Hkʼa peu-eˬ awˬ hkʼoˆ uiˍ shehˍ hpaˇ hkunˉ hawˉ hkanˇ awˬ hawˉ lo chehˇ-oˆ. 14A shu yawˇ ve mvuhˇmiˬ hta‸ uˉ peunˍ ve jawˇmawˇ awˬ hawˉ lo htawˇ hkʼa deh‸ chehˇ-oˆ. Chaw haiˬ hta‸ ciˍ yanˍ piˇ leh, chaw da‸ hta‸ chiˇ mvuh piˇ tuˬ, hkunˉ hawˉ hkanˇ yawˇ hui hta‸ peu laˇ ve yoˬ. 15Awˬ lawn kʼo, nawˬ hui da‸ ve hteˇ ve hta‸ te tuˬ Gʼuiˬsha nyi ma cawˇ ve yoˬ. Chi hkʼe te ve pa taw, maˇ shiˍ puiˉ maˇ dawˇ nyi puiˉ ve chaw teˇ hpaˍ lehˬ, te‸ chiˉ ca kʼoˆ maˇ hpeh‸ leh, ta‸ iˉ chehˇ tuˬ yoˬ. 16Nawˬ hui ponˬ peuˬ ve chaw hpeh‸ ve yoˬ. Ya‸ hkʼaˇ nawˬ hui ponˬ ve lehˬ, haiˬ ve hta‸ te tuˬ awˬ pon maˇ heˆ. Gʼuiˬ sha ve awˬ ceˬ te tuˬ awˬ pon hpeh‸ ve yoˬ. 17Chaw hkʼa peu-eˬ hta‸ yawˆ yan-o. Awˬ viˉ awˬ nyi teˇ hpaˍ hta‸ ha‸-o‸. Gʼuiˬ sha hta‸ kawˆ-oˆ. Hkunˉ hawˉ hkanˇ hta‸ yawˆ yan-o.
18Awˬ ceˬ teˇ hpaˍ-oˬ, nawˬ hui ve jawˇmawˇ teˇ hpaˍ hta‸ kawˆ leh, yawˇ hui awˬ hawˉ lo hkʼa deh‸ chehˇ-oˆ. Nyi ma da‸ leh nuˇ nehˬ ve jawˇmawˇ teˇ hpaˍ hta‸ ceh tiˉ maˇ heˆ. Haiˬ ve jawˇmawˇ teˇ hpaˍ awˬ hawˉ lo htawˇ hkʼa deh‸ chehˇ-oˆ. 19Nawˬ hui venˇbaˆ maˇ cawˬ leh, shu fawˉ mehˍ laˇ ve teˇ yanˇ yeunˇ hkanˍ sheˍ. Nawˬ hui Gʼuiˬsha hta‸ dawˇ nawˇ leh chi hkʼe te ve kʼo, Gʼuiˬsha nyi hkʼaˇ suh tuˬ yoˬ. 20Nawˬ hui venˇbaˆ cawˬ ve pa taw shu dawˆ laˇ tiˇ laˇ ve hta‸ yeunˇ hkanˍ htaˇ, aˬ hto‸ ma chiˇ mvuh tuˬ cawˬ le. Ya‸ hkʼaˇ, da‸ ve hta‸ te ve pa taw, tu‸ ve hkanˍ ve hta‸ gʼa hkanˍ ve teˇ yanˇ yeunˇ hkanˍ ve kʼo, Gʼuiˬsha nyi hkʼaˇ suh tuˬ yoˬ. 21Oˇ hkʼe gʼa hkanˍ tuˬ, nawˬ hui hta‸ kuˬ yuˬ taˍ peuˬ. Hkri‸ htawˇ nawˬ hui awˬ pon gʼa tu‸ gʼa hkanˍ leh, nawˬ hui yawˇ ve hkui ha awˬ hkʼaˇ suh gʼa‸ kʼai tuˬ, nawˬ hui awˬ pon henˇ kuiˬ jawˬ kuiˬ yawˇ te taˉ peuˬ. 22Yawˇ lehˬ venˇbaˆ maˇ te jaw. Yawˇ ve maw‸ kʼaw hkʼaw lo heˍ ve tawˇ hkawˇ ka‸ maˇ tawˆ la jaw.#Isy 53:9 23Shu yawˇ hta‸ hkʼa mvuhˇ hkʼa na kʼoˆ htaˇ, yawˇ shu hta‸ hkʼa mvuhˇ hkʼa na maˇ kʼaw‸ kʼoˆ. Yawˇ gʼa tu‸ gʼa hkanˍ ve teˇ yanˇ, shu hta‸ yawˇ maˇ kʼaw‸ te hkʼaw‸. Hteˇ lehˍ cawˇ lehˍ Suhˉ jehˬ shehˍ hpaˇ Gʼuiˬsha ve la‸ hkʼaw lo yawˇ awˬ to hta‸ a‸ piˇ ve yoˬ. 24Suhˆ hkuiˉ daw hkʼoˆ yawˇ gʼa hkanˍ suh htaˇ, yawˇ awˬ to awˬ hkʼaw lo ngaˬ hui ve venˇbaˆ hta‸ yawˇ pfuhˇ taˍ ve yoˬ. Ngaˬ hui a shu yawˇ ve venˇbaˆ hta‸ suh baˬ taˉ leh, hteˇ ve cawˇ ve awˬ hkʼaw lo gʼa te‸ chehˇ tuˬ, yawˇ hkanˍ suh ve yoˬ. Yawˇ ve naˬ kuiˬ hta‸ pa taw nawˬ hui na-e la peuˬ. 25Nawˬ hui lehˬ, awˉ lawˉ htaˇ ya‸ kʼaw ya‸ leh mehˉ kʼai ve yawˬ hkʼe hpeh‸ ve yoˬ. Ya‸ hkʼaˇ, chi beu‸ lehˬ nawˬ hui ve co ha hta‸ nyi ha‸ shaˉ shehˍ hpaˇ Yawˬ hawˉ paˍ geh nawˬ hui kʼaw‸ la peuˬ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.