1 Kawˇrenˍhtuˆ li‸ 1
1
Awˬ chawˇ hui hta‸ dawˇ nawˇ ve hkawˇ
1Ngaˬ lehˬ Yeˍsuˆ Hkri‸ ve tcuh yaˇ Pawˇlu‸ yoˬ. Gʼuiˬsha ve a loˍ cawˇ ve hta‸ pa taw, tcuh yaˇ te tuˬ yawˇ ngaˬ hta‸ kuˬ yuˬ ve yoˬ.
2Nawˬ hui Kawˇrenˍhtuˆ venˇ hkʼaw chehˇ ve Gʼuiˬsha ve Hkri‸ yaˇ awˬ moˍ hta‸ ngaˬ leh awˬ viˉ awˬ nyi Suˇtenˍ, li‸ chi bvuh‸ laˇ ve yoˬ. Nawˬ hui lehˬ Yeˍsuˆ Hkri‸ hta‸ pa taw da‸ la kehˬ la peuˬ. Teˇ kaˬ le le lo chehˇ ve chaw hui, ngaˬ hui ve Jawˇmawˇ Yeˍsuˆ Hkri‸ ve awˬ meh hta‸ hkʼa kuˬ ve chaw hkʼa peu-eˬ geh teˇ geh Hkri‸ yaˇ hpeh‸ la tuˬ, Gʼuiˬsha nawˬ hui hta‸ kuˬ yuˬ taˍ peuˬ. Yeˍsuˆ lehˬ ngaˬ hui ve Jawˇmawˇ ceh tiˉ maˇ heˆ. Yawˇ hui ve Jawˇmawˇ htawˇ hpeh‸ ve yoˬ.
3Ngaˬ hui ve Awˬ pa Gʼuiˬsha leh Jawˇ mawˇ Yeˍsuˆ Hkri‸ ve awˬ bon awˬ shinˉ leh dawˇ sha gaˇ sha tuˬ nawˬ hui geh cawˬ piˇ-oˆ.
Awˬ bon teˇ hpaˍ hta‸ gʼa ve pa taw Gʼuiˬsha hta‸ chiˇ mvuh ve
4Nawˬ hui hta‸ pa taw ngaˬ Gʼuiˬsha hta‸ hkʼaˬ htaˆ ka‸ chiˇ mvuh chehˇ ve yoˬ. Awˬ lawn kʼo, Yeˍsuˆ Hkri‸ awˬ hkʼaw lo nawˬ hui Gʼuiˬsha ve awˬ bon hta‸ gʼa peuˬ. 5Yeˍsuˆ Hkri‸ hta‸ pa taw, tawˇ yaw ve maˇ kʼoˆ, shiˍ puiˉ ve maˇ kʼoˆ, teˇ ceuˬ le le awˬ hkʼaw lo nawˬ hui biˇ la peuˬ. 6Hkri‸ awˬ lawn ngaˬ shaˉ hkiˆ hkanˍ ve hkʼe cawˇ ve yoˬ teh‸ nawˬ hui gʼa shiˍ peuˬ. 7Hkʼe te leh, ngaˬ hui ve Jawˇmawˇ Yeˍsuˆ Hkri‸ kʼaw‸ tawˆ la ve hta‸ law chehˇ htaˇ, nawˬ hui awˬ hkʼaw lo awˬ bon teˇ ceuˬ ka‸ maˇ yawnˇ kʼai ve yoˬ. 8Ngaˬ hui ve Jawˇmawˇ Yeˍsuˆ Hkri‸ ve awˬ nyi awˬ hkʼaw lo, nawˬ hui venˇbaˆ taˍ kuiˬ maˇ gʼa cawˬ tuˬ, awˬ leh hkʼa gaˬ yawˇ nawˬ hui hta‸ yeˬ piˇ lawˬ tuˬ yoˬ. 9Gʼuiˬsha lehˬ ka ti‸ yeˬ jaˇ ve yoˬ. Yawˇ ve Yaˇ hpu hpeh‸ ve, ngaˬ hui ve Jawˇmawˇ Yeˍsuˆ Hkri‸ geh nawˬ hui awˬ chawˇ gʼa te da‸ tuˬ, yawˇ nawˬ hui hta‸ kuˬ yuˬ taˍ ve yoˬ.
Hkri‸ lehˬ hpaˆ da‸ pehˬ da‸ taˍ ve laˇ
10Awˬ viˉ awˬ nyi teˇ hpaˍ-oˬ, ngaˬ hui ve Jawˇmawˇ Yeˍsuˆ Hkri‸ ve awˬ meh awˬ hkʼaw lo, ngaˬ nawˬ hui hta‸ chi hkʼe lawˬ hkawˉ ve yoˬ. Nawˬ hui tawˇ yaw da‸ ve hawˍ da‸ piˇ-oˆ. Awˬ moˍ shawˍ da‸ pehˬ da‸ ve taˇ cawˬ piˇ. Ya‸ hkʼaˇ, nyi ma teˇ shiˍ tiˉ te leh, dawˇ hkʼaˇ teˇ hkʼaˇ tiˉ cawˬ ve awˬ hkʼaw lo nawˬ hui cawˇ da‸ hui da‸ ve teˇ ceuˬ hkʼa biˇ cawˬ piˇ-oˆ. 11Awˬ lawn kʼo, ngaˬ ve awˬ viˉ awˬ nyi teˇ hpaˍ-oˬ, nawˬ hui awˬ hkʼaw lo ya‸ da‸ jiˆ da‸ ve cawˬ ve yoˬ teh‸ Hkaˍlawˇiˆ ve yehˬ yaˇ kʼa yaˇ teˇ hpaˍ ngaˬ hta‸ hto laˇ ve yoˬ. 12Ngaˬ kʼoˆ gaˇ ve lehˬ chi hkʼe yoˬ. Nawˬ hui kʼoˆ ve, Ngaˬ lehˬ Pawˇlu‸ ve chaw yoˬ, Ngaˬ lehˬ Aˍpawˇlu‸ ve chaw yoˬ, Ngaˬ lehˬ Keˍhpaˆ ve chaw yoˬ. Ngaˬ lehˬ Hkri‸ ve chaw yoˬ teh‸, nawˬ hui teˇ gʼaˇ leh teˇ gʼaˇ kʼoˆ da‸ chehˇ ve yoˬ. 13Hkri‸ lehˬ hpaˆ da‸ pehˬ da‸ taˍ ve leh laˇ. Pawˇlu‸ lehˬ nawˬ hui awˬ pon la‸ ka hkʼoˆ lo hkanˍ suh ve leh laˇ. Maˇ heˆ kʼo, Pawˇlu‸ ve awˬ meh awˬ hkʼaw lo nawˬ hui baˆtiˆsaˬ hkanˍ yuˬ ve leh laˇ.
14Kaˍliˇpuˆ leh Gaˍyuˆ, yawˇ huiˉ maˬ hta‸ maˇ heˆ kʼo, nawˬ hui awˬ hkʼaw lo chaw teˇ gʼaˇ hta‸ ka‸ ngaˬ baˆtiˆsaˬ maˇ piˇ ve pa taw ngaˬ ha lehˬ ve yoˬ. 15Hkʼe te leh, ngaˬ ve awˬ meh awˬ hkʼaw lo baˆtiˆsaˬ hkanˍ yuˬ peuˬ teh‸ chaw teˇ gʼaˇ ka‸ kʼoˆ maˇ hpeh‸. 16(Saˍteˍhpanˍ ve yehˬ yaˇ kʼa yaˇ hui hta‸ htawˇ ngaˬ baˆtiˆsaˬ piˇ ve yoˬ. Chi awˬ hkʼoˆ awˬ kaˍ awˬ nu chaw hta‸ baˆtiˆsaˬ piˇ ve hta‸ ngaˬ maˇ dawˇ nawˇ.) 17Awˬ lawn kʼo, baˆtiˆsaˬ piˇ tuˬ awˬ pon Hkri‸ ngaˬ hta‸ tcuh peu laˇ ve maˇ heˆ. Ya‸ hkʼaˇ, ha lehˬ ve bon hkawˇ maˍ piˇ tuˬ ngaˬ hta‸ tcuh peu laˇ ve yoˬ. Ha lehˬ ve bon hkawˇ maˍ piˇ htaˇ, Hkri‸ ve la‸ ka kanˇ paˆ maˇ gʼa yawnˇ kʼai tuˬ, cuˇ yiˍ maˍ yiˍ uiˍ ve tawˇ hkawˇ yaw leh maˍ piˇ ve maˇ heˆ.
Hkri‸ lehˬ Gʼuiˬsha ve kanˇ paˆ leh cuˇ yiˍ hpeh‸ ve
18Awˬ lawn kʼo, la‸ ka awˬ lawn maˍ piˇ ve teˇ yanˇ, luˬ kʼai sheˆ kʼai chehˇ ve chaw hui awˬ pon cuˇ yiˍ maˇ cawˬ ve tawˇ hkawˇ hpeh‸ ve yoˬ. Ya‸ hkʼaˇ, la‸ ka lehˬ ngaˬ hui htaiˍ hkʼaw‸ ve hta‸ gʼa chehˇ ve chaw hui awˬ pon Gʼuiˬsha ve kanˇ paˆ hpeh‸ ve yoˬ. 19Li‸ hpu hkʼaw bvuh‸ taˍ ve hkʼe,
Cuˇ yiˍ cawˬ ve chaw hui ve cuˇ yiˍ hta‸ ngaˬ te luˬ leh,
shiˍ puiˉ ve chaw hui ve shiˍ puiˉ ve hta‸ ngaˬ tawˍ taˍ tuˬ yoˬ, teh‸ bvuh‸ taˍ ve yoˬ.#Isy 29:14
20Cuˇ yiˍ cawˬ paˍ hkʼaˬ lo le. Li‸ bvuh‸ paˍ hkʼaˬ lo le. Chi beu‸ awˬ yanˇ awˬ hkʼaw lo awˬ lawn laiˉ ceuˬ shiˍ leh tawˇ gʼawˬ da‸ paˍ hkʼaˬ lo le. Gʼuiˬsha lehˬ, miˬguiˬ ve cuˇ yiˍ hta‸ cuˇ yiˍ maˇ cawˬ ve awˬ ceuˬ hpeh‸ piˇ lawˬ ve maˇ heˆ laˇ.
21Awˬ lawn kʼo, miˬguiˬ yaˇ lehˬ, a shu yawˇ ve cuˇ yiˍ maˍ yiˍ hta‸ pa taw Gʼuiˬsha hta‸ shiˍ ve maˇ heˆ. Chi lehˬ, Gʼuiˬsha dawˇ cheˆ taˍ ve cuˇ yiˍ hpeh‸ ve yoˬ. Hkʼe te leh, cuˇ yiˍ maˇ cawˬ teh‸ shu shawˍ ve ngaˬ hui maˍ piˇ ve bon hkawˇ hta‸ yonˍ ve chaw hui hta‸ htaiˍ hkʼaw‸ piˇ tuˬ Gʼuiˬsha nyi ma cawˇ ve yoˬ. 22Yuˇda‸ chaw hui lehˬ, awˬ heˆ teˇ hpaˍ hta‸ lawˬ leh, Heˍlaˍsaˆ chaw hui lehˬ, cuˇ yiˍ hta‸ ca ve yoˬ. 23Ya‸ hkʼaˇ ngaˬ hui lehˬ, la‸ ka hkʼoˆ lo hkanˍ suh ve Hkri‸ teˇ gʼaˇ ve awˬ lawn bon maˍ piˇ ve yoˬ. Awˬ lawn chi lehˬ, Yuˇda‸ chaw hui awˬ pon hkui htiˇ poˬ paiˍ tuˬ hpeh‸ leh, buiˇshaˆaˉnaˆ chaw hui awˬ pon cuˇ yiˍ maˇ cawˬ ve teˇ ceuˬ hpeh‸ ve yoˬ. 24Ya‸ hkʼaˇ, hkʼa kuˬ yuˬ taˍ ve chaw teˇ hpaˍ awˬ pon, Yuˇda‸ chaw maˇ kʼoˆ, Heˍlaˍsaˆ chaw maˇ kʼoˆ, Hkri‸ lehˬ Gʼuiˬsha ve kanˇ paˆ leh Gʼuiˬsha ve cuˇ yiˍ hpeh‸ ve yoˬ. 25Awˬ lawn kʼo, Gʼuiˬsha ve cuˇ yiˍ maˇ cawˬ ve teˇ ceuˬ lehˬ, chaw yaˇ ve cuˇ yiˍ maˍ yiˍ a‸ kehˉ leuˉ leh cuˇ yiˍ cawˬ ve yoˬ. Gʼuiˬsha ve gʼaˇ nuˇ ve teˇ ceuˬ lehˬ, chaw yaˇ ve gʼaˇ uiˍ ve a‸ kehˉ leuˉ leh awˬ gʼaˇ uiˍ ve yoˬ.
26Awˬ viˉ awˬ nyi teˇ hpaˍ-oˬ, Gʼuiˬsha nawˬ hui hta‸ kuˬ yuˬ ve awˬ lawn hta‸ dawˇ nyi sheˍ. Miˬguiˬ hpawˇ hta‸ shawˍ kʼo, kuˬ taˍ ve chaw hui awˬ hkʼaw lo, cuˇ yiˍ maˍ yiˍ cawˬ ve chaw hui maˇ ve maˇ heˆ. Kanˇ paˆ uiˍ ve chaw hui ka‸ maˇ ve maˇ heˆ. Jawˇmawˇ ve awˬ ceuˬ awˬ hkʼaˇ hui htawˇ maˇ ve maˇ heˆ. 27Ya‸ hkʼaˇ, cuˇ yiˍ cawˬ ve chaw hui hta‸ ya‸ taw piˇ lawˬ tuˬ, miˬguiˬ hkʼoˆ lo cuˇ yiˍ maˇ cawˬ ve chaw hui hta‸ Gʼuiˬsha leuˆ yuˬ ve yoˬ. Awˬ gʼaˇ uiˍ ve chaw hui hta‸ ya‸ taw piˇ lawˬ tuˬ, miˬguiˬ hkʼoˆ lo awˬ gʼaˇ nuˇ ve chaw hui hta‸ Gʼuiˬsha leuˆ yuˬ ve yoˬ. 28Cawˬ taˍ hpeh‸ taˍ ve awˬ ceuˬ teˇ hpaˍ hta‸ te mehˉ tuˬ, miˬguiˬ hkʼoˆ lo awˬ me‸ awˬ hponˇ maˇ cawˬ ve awˬ ceuˬ, shu shawˍ baˬ ve awˬ ceuˬ leh, te‸ chiˉ maˇ hpeh‸ ve awˬ ceuˬ teˇ hpaˍ hta‸ Gʼuiˬsha leuˆ yuˬ ve yoˬ. 29Chi hta‸ pa taw, Gʼuiˬsha mehˆ gʼuˇ suhˍ lo chaw teˇ gʼaˇ ka‸ nyi ma uiˍ kuiˬ maˇ cawˬ. 30Gʼuiˬsha hta‸ pa taw, Yeˍsuˆ Hkri‸ awˬ hkʼaw lo nawˬ hui gʼa chehˇ ve yoˬ. Ngaˬ hui awˬ pon cuˇ yiˍ maˍ yiˍ, hteˇ ve cawˇ ve, da‸ ve kehˬ ve leh, htaiˍ hkʼaw‸ ve awˬ ceuˬ, Gʼuiˬsha lehˬ Yeˍsuˆ hta‸ hpeh‸ la piˇ ve yoˬ. 31Hkʼe te leh, Li‸ hpu hkʼaw bvuh‸ taˍ ve hkʼe, Nyi ma uiˍ ve chaw lehˬ, Jawˇmawˇ Gʼuiˬsha awˬ hkʼaw lo ceh tiˉ nyi ma uiˍ piˇ-oˆ teh‸ bvuh‸ taˍ ve yoˬ.#Yrm 9:24
Currently Selected:
1 Kawˇrenˍhtuˆ li‸ 1: LHBE
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.
1 Kawˇrenˍhtuˆ li‸ 1
1
Awˬ chawˇ hui hta‸ dawˇ nawˇ ve hkawˇ
1Ngaˬ lehˬ Yeˍsuˆ Hkri‸ ve tcuh yaˇ Pawˇlu‸ yoˬ. Gʼuiˬsha ve a loˍ cawˇ ve hta‸ pa taw, tcuh yaˇ te tuˬ yawˇ ngaˬ hta‸ kuˬ yuˬ ve yoˬ.
2Nawˬ hui Kawˇrenˍhtuˆ venˇ hkʼaw chehˇ ve Gʼuiˬsha ve Hkri‸ yaˇ awˬ moˍ hta‸ ngaˬ leh awˬ viˉ awˬ nyi Suˇtenˍ, li‸ chi bvuh‸ laˇ ve yoˬ. Nawˬ hui lehˬ Yeˍsuˆ Hkri‸ hta‸ pa taw da‸ la kehˬ la peuˬ. Teˇ kaˬ le le lo chehˇ ve chaw hui, ngaˬ hui ve Jawˇmawˇ Yeˍsuˆ Hkri‸ ve awˬ meh hta‸ hkʼa kuˬ ve chaw hkʼa peu-eˬ geh teˇ geh Hkri‸ yaˇ hpeh‸ la tuˬ, Gʼuiˬsha nawˬ hui hta‸ kuˬ yuˬ taˍ peuˬ. Yeˍsuˆ lehˬ ngaˬ hui ve Jawˇmawˇ ceh tiˉ maˇ heˆ. Yawˇ hui ve Jawˇmawˇ htawˇ hpeh‸ ve yoˬ.
3Ngaˬ hui ve Awˬ pa Gʼuiˬsha leh Jawˇ mawˇ Yeˍsuˆ Hkri‸ ve awˬ bon awˬ shinˉ leh dawˇ sha gaˇ sha tuˬ nawˬ hui geh cawˬ piˇ-oˆ.
Awˬ bon teˇ hpaˍ hta‸ gʼa ve pa taw Gʼuiˬsha hta‸ chiˇ mvuh ve
4Nawˬ hui hta‸ pa taw ngaˬ Gʼuiˬsha hta‸ hkʼaˬ htaˆ ka‸ chiˇ mvuh chehˇ ve yoˬ. Awˬ lawn kʼo, Yeˍsuˆ Hkri‸ awˬ hkʼaw lo nawˬ hui Gʼuiˬsha ve awˬ bon hta‸ gʼa peuˬ. 5Yeˍsuˆ Hkri‸ hta‸ pa taw, tawˇ yaw ve maˇ kʼoˆ, shiˍ puiˉ ve maˇ kʼoˆ, teˇ ceuˬ le le awˬ hkʼaw lo nawˬ hui biˇ la peuˬ. 6Hkri‸ awˬ lawn ngaˬ shaˉ hkiˆ hkanˍ ve hkʼe cawˇ ve yoˬ teh‸ nawˬ hui gʼa shiˍ peuˬ. 7Hkʼe te leh, ngaˬ hui ve Jawˇmawˇ Yeˍsuˆ Hkri‸ kʼaw‸ tawˆ la ve hta‸ law chehˇ htaˇ, nawˬ hui awˬ hkʼaw lo awˬ bon teˇ ceuˬ ka‸ maˇ yawnˇ kʼai ve yoˬ. 8Ngaˬ hui ve Jawˇmawˇ Yeˍsuˆ Hkri‸ ve awˬ nyi awˬ hkʼaw lo, nawˬ hui venˇbaˆ taˍ kuiˬ maˇ gʼa cawˬ tuˬ, awˬ leh hkʼa gaˬ yawˇ nawˬ hui hta‸ yeˬ piˇ lawˬ tuˬ yoˬ. 9Gʼuiˬsha lehˬ ka ti‸ yeˬ jaˇ ve yoˬ. Yawˇ ve Yaˇ hpu hpeh‸ ve, ngaˬ hui ve Jawˇmawˇ Yeˍsuˆ Hkri‸ geh nawˬ hui awˬ chawˇ gʼa te da‸ tuˬ, yawˇ nawˬ hui hta‸ kuˬ yuˬ taˍ ve yoˬ.
Hkri‸ lehˬ hpaˆ da‸ pehˬ da‸ taˍ ve laˇ
10Awˬ viˉ awˬ nyi teˇ hpaˍ-oˬ, ngaˬ hui ve Jawˇmawˇ Yeˍsuˆ Hkri‸ ve awˬ meh awˬ hkʼaw lo, ngaˬ nawˬ hui hta‸ chi hkʼe lawˬ hkawˉ ve yoˬ. Nawˬ hui tawˇ yaw da‸ ve hawˍ da‸ piˇ-oˆ. Awˬ moˍ shawˍ da‸ pehˬ da‸ ve taˇ cawˬ piˇ. Ya‸ hkʼaˇ, nyi ma teˇ shiˍ tiˉ te leh, dawˇ hkʼaˇ teˇ hkʼaˇ tiˉ cawˬ ve awˬ hkʼaw lo nawˬ hui cawˇ da‸ hui da‸ ve teˇ ceuˬ hkʼa biˇ cawˬ piˇ-oˆ. 11Awˬ lawn kʼo, ngaˬ ve awˬ viˉ awˬ nyi teˇ hpaˍ-oˬ, nawˬ hui awˬ hkʼaw lo ya‸ da‸ jiˆ da‸ ve cawˬ ve yoˬ teh‸ Hkaˍlawˇiˆ ve yehˬ yaˇ kʼa yaˇ teˇ hpaˍ ngaˬ hta‸ hto laˇ ve yoˬ. 12Ngaˬ kʼoˆ gaˇ ve lehˬ chi hkʼe yoˬ. Nawˬ hui kʼoˆ ve, Ngaˬ lehˬ Pawˇlu‸ ve chaw yoˬ, Ngaˬ lehˬ Aˍpawˇlu‸ ve chaw yoˬ, Ngaˬ lehˬ Keˍhpaˆ ve chaw yoˬ. Ngaˬ lehˬ Hkri‸ ve chaw yoˬ teh‸, nawˬ hui teˇ gʼaˇ leh teˇ gʼaˇ kʼoˆ da‸ chehˇ ve yoˬ. 13Hkri‸ lehˬ hpaˆ da‸ pehˬ da‸ taˍ ve leh laˇ. Pawˇlu‸ lehˬ nawˬ hui awˬ pon la‸ ka hkʼoˆ lo hkanˍ suh ve leh laˇ. Maˇ heˆ kʼo, Pawˇlu‸ ve awˬ meh awˬ hkʼaw lo nawˬ hui baˆtiˆsaˬ hkanˍ yuˬ ve leh laˇ.
14Kaˍliˇpuˆ leh Gaˍyuˆ, yawˇ huiˉ maˬ hta‸ maˇ heˆ kʼo, nawˬ hui awˬ hkʼaw lo chaw teˇ gʼaˇ hta‸ ka‸ ngaˬ baˆtiˆsaˬ maˇ piˇ ve pa taw ngaˬ ha lehˬ ve yoˬ. 15Hkʼe te leh, ngaˬ ve awˬ meh awˬ hkʼaw lo baˆtiˆsaˬ hkanˍ yuˬ peuˬ teh‸ chaw teˇ gʼaˇ ka‸ kʼoˆ maˇ hpeh‸. 16(Saˍteˍhpanˍ ve yehˬ yaˇ kʼa yaˇ hui hta‸ htawˇ ngaˬ baˆtiˆsaˬ piˇ ve yoˬ. Chi awˬ hkʼoˆ awˬ kaˍ awˬ nu chaw hta‸ baˆtiˆsaˬ piˇ ve hta‸ ngaˬ maˇ dawˇ nawˇ.) 17Awˬ lawn kʼo, baˆtiˆsaˬ piˇ tuˬ awˬ pon Hkri‸ ngaˬ hta‸ tcuh peu laˇ ve maˇ heˆ. Ya‸ hkʼaˇ, ha lehˬ ve bon hkawˇ maˍ piˇ tuˬ ngaˬ hta‸ tcuh peu laˇ ve yoˬ. Ha lehˬ ve bon hkawˇ maˍ piˇ htaˇ, Hkri‸ ve la‸ ka kanˇ paˆ maˇ gʼa yawnˇ kʼai tuˬ, cuˇ yiˍ maˍ yiˍ uiˍ ve tawˇ hkawˇ yaw leh maˍ piˇ ve maˇ heˆ.
Hkri‸ lehˬ Gʼuiˬsha ve kanˇ paˆ leh cuˇ yiˍ hpeh‸ ve
18Awˬ lawn kʼo, la‸ ka awˬ lawn maˍ piˇ ve teˇ yanˇ, luˬ kʼai sheˆ kʼai chehˇ ve chaw hui awˬ pon cuˇ yiˍ maˇ cawˬ ve tawˇ hkawˇ hpeh‸ ve yoˬ. Ya‸ hkʼaˇ, la‸ ka lehˬ ngaˬ hui htaiˍ hkʼaw‸ ve hta‸ gʼa chehˇ ve chaw hui awˬ pon Gʼuiˬsha ve kanˇ paˆ hpeh‸ ve yoˬ. 19Li‸ hpu hkʼaw bvuh‸ taˍ ve hkʼe,
Cuˇ yiˍ cawˬ ve chaw hui ve cuˇ yiˍ hta‸ ngaˬ te luˬ leh,
shiˍ puiˉ ve chaw hui ve shiˍ puiˉ ve hta‸ ngaˬ tawˍ taˍ tuˬ yoˬ, teh‸ bvuh‸ taˍ ve yoˬ.#Isy 29:14
20Cuˇ yiˍ cawˬ paˍ hkʼaˬ lo le. Li‸ bvuh‸ paˍ hkʼaˬ lo le. Chi beu‸ awˬ yanˇ awˬ hkʼaw lo awˬ lawn laiˉ ceuˬ shiˍ leh tawˇ gʼawˬ da‸ paˍ hkʼaˬ lo le. Gʼuiˬsha lehˬ, miˬguiˬ ve cuˇ yiˍ hta‸ cuˇ yiˍ maˇ cawˬ ve awˬ ceuˬ hpeh‸ piˇ lawˬ ve maˇ heˆ laˇ.
21Awˬ lawn kʼo, miˬguiˬ yaˇ lehˬ, a shu yawˇ ve cuˇ yiˍ maˍ yiˍ hta‸ pa taw Gʼuiˬsha hta‸ shiˍ ve maˇ heˆ. Chi lehˬ, Gʼuiˬsha dawˇ cheˆ taˍ ve cuˇ yiˍ hpeh‸ ve yoˬ. Hkʼe te leh, cuˇ yiˍ maˇ cawˬ teh‸ shu shawˍ ve ngaˬ hui maˍ piˇ ve bon hkawˇ hta‸ yonˍ ve chaw hui hta‸ htaiˍ hkʼaw‸ piˇ tuˬ Gʼuiˬsha nyi ma cawˇ ve yoˬ. 22Yuˇda‸ chaw hui lehˬ, awˬ heˆ teˇ hpaˍ hta‸ lawˬ leh, Heˍlaˍsaˆ chaw hui lehˬ, cuˇ yiˍ hta‸ ca ve yoˬ. 23Ya‸ hkʼaˇ ngaˬ hui lehˬ, la‸ ka hkʼoˆ lo hkanˍ suh ve Hkri‸ teˇ gʼaˇ ve awˬ lawn bon maˍ piˇ ve yoˬ. Awˬ lawn chi lehˬ, Yuˇda‸ chaw hui awˬ pon hkui htiˇ poˬ paiˍ tuˬ hpeh‸ leh, buiˇshaˆaˉnaˆ chaw hui awˬ pon cuˇ yiˍ maˇ cawˬ ve teˇ ceuˬ hpeh‸ ve yoˬ. 24Ya‸ hkʼaˇ, hkʼa kuˬ yuˬ taˍ ve chaw teˇ hpaˍ awˬ pon, Yuˇda‸ chaw maˇ kʼoˆ, Heˍlaˍsaˆ chaw maˇ kʼoˆ, Hkri‸ lehˬ Gʼuiˬsha ve kanˇ paˆ leh Gʼuiˬsha ve cuˇ yiˍ hpeh‸ ve yoˬ. 25Awˬ lawn kʼo, Gʼuiˬsha ve cuˇ yiˍ maˇ cawˬ ve teˇ ceuˬ lehˬ, chaw yaˇ ve cuˇ yiˍ maˍ yiˍ a‸ kehˉ leuˉ leh cuˇ yiˍ cawˬ ve yoˬ. Gʼuiˬsha ve gʼaˇ nuˇ ve teˇ ceuˬ lehˬ, chaw yaˇ ve gʼaˇ uiˍ ve a‸ kehˉ leuˉ leh awˬ gʼaˇ uiˍ ve yoˬ.
26Awˬ viˉ awˬ nyi teˇ hpaˍ-oˬ, Gʼuiˬsha nawˬ hui hta‸ kuˬ yuˬ ve awˬ lawn hta‸ dawˇ nyi sheˍ. Miˬguiˬ hpawˇ hta‸ shawˍ kʼo, kuˬ taˍ ve chaw hui awˬ hkʼaw lo, cuˇ yiˍ maˍ yiˍ cawˬ ve chaw hui maˇ ve maˇ heˆ. Kanˇ paˆ uiˍ ve chaw hui ka‸ maˇ ve maˇ heˆ. Jawˇmawˇ ve awˬ ceuˬ awˬ hkʼaˇ hui htawˇ maˇ ve maˇ heˆ. 27Ya‸ hkʼaˇ, cuˇ yiˍ cawˬ ve chaw hui hta‸ ya‸ taw piˇ lawˬ tuˬ, miˬguiˬ hkʼoˆ lo cuˇ yiˍ maˇ cawˬ ve chaw hui hta‸ Gʼuiˬsha leuˆ yuˬ ve yoˬ. Awˬ gʼaˇ uiˍ ve chaw hui hta‸ ya‸ taw piˇ lawˬ tuˬ, miˬguiˬ hkʼoˆ lo awˬ gʼaˇ nuˇ ve chaw hui hta‸ Gʼuiˬsha leuˆ yuˬ ve yoˬ. 28Cawˬ taˍ hpeh‸ taˍ ve awˬ ceuˬ teˇ hpaˍ hta‸ te mehˉ tuˬ, miˬguiˬ hkʼoˆ lo awˬ me‸ awˬ hponˇ maˇ cawˬ ve awˬ ceuˬ, shu shawˍ baˬ ve awˬ ceuˬ leh, te‸ chiˉ maˇ hpeh‸ ve awˬ ceuˬ teˇ hpaˍ hta‸ Gʼuiˬsha leuˆ yuˬ ve yoˬ. 29Chi hta‸ pa taw, Gʼuiˬsha mehˆ gʼuˇ suhˍ lo chaw teˇ gʼaˇ ka‸ nyi ma uiˍ kuiˬ maˇ cawˬ. 30Gʼuiˬsha hta‸ pa taw, Yeˍsuˆ Hkri‸ awˬ hkʼaw lo nawˬ hui gʼa chehˇ ve yoˬ. Ngaˬ hui awˬ pon cuˇ yiˍ maˍ yiˍ, hteˇ ve cawˇ ve, da‸ ve kehˬ ve leh, htaiˍ hkʼaw‸ ve awˬ ceuˬ, Gʼuiˬsha lehˬ Yeˍsuˆ hta‸ hpeh‸ la piˇ ve yoˬ. 31Hkʼe te leh, Li‸ hpu hkʼaw bvuh‸ taˍ ve hkʼe, Nyi ma uiˍ ve chaw lehˬ, Jawˇmawˇ Gʼuiˬsha awˬ hkʼaw lo ceh tiˉ nyi ma uiˍ piˇ-oˆ teh‸ bvuh‸ taˍ ve yoˬ.#Yrm 9:24
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahu Bible Edited © Thailand Bible Society and Bible Society of Myanmar, 2010, 2020.