Johani 14
14
Jeso Wabaumbulizha ba Shiciiya Bakwe
1“Myonzo yenu itapengi. Amushome mwa Leza, ulimwi amunshome ame. 2Muŋanda ya Taata muli masena manji manji, nikwataakuli bobo indatamwaambila ati ndaya kumubambila masena. 3Ndakamana kumubambila masena, ndakazhoka ulimwi nkamutole koko nkumbele, kwaamba amwe mukabe nkuko. 4Muliizhi inzhila iiya koko nkwinja.”
Jeso nji Inzhila iya kwa Leza
5Tomasi wakaamba ati, “Mwami tatukwizhi nkuuya, no tuleezhiba buti inzhila?” 6Jeso wakamwiingula ati, “Ndime iinzhila, ndime lushinizho ulimwi ndime bumi. Kwiina muntu uuzhiza kwa Taata cita kwiitila mulyuume. 7Kuti nimwaakwinzhi kabotu, aze Taata nimwaakumwizhi. Pele kuhwa ninzho mwamuzhiba ulimwi mulimubwene.” 8Filipo wakaamba ati, “Mwami tutondezho Uso kwaamba tushome.” 9Jeso wakamwita ati, “Calampa ciindi ncitwakala amwe Filipo, uninzho tamuna kunzhiba? Kufwumbwa wambona ati u Taata wamubona. No ulaamba buti ati, ‘Tutondezhe Uso’? 10Sa tushomi ati ume ndili mwa Taata aze Taata uli mulyuume? Mazwi ngumwaambila taali angu ndimwini, ngaka Taata wezo upona ukusebeza milimo kwiita mulyuume. 11Amushome kwaamba ndili mwa Taata aze Taata uli mulyuume, naa pe, amushome ukaambo ka milimo njincita.
12“Cini cini ndamwaambila ati, wezo uunshoma, aze ulakakonzha kucita milimo yezhi njicita. Ulakacita milimo ibaala ali yezhi, nkaambo ume ndaya kwa Taata. 13Kufwumbwa ncimukaalomba mwizhina lyangu ndakacicita, kwaamba Taata akalemekwe mu Mwana. 14Kuti mwalomba kufwumbwa ncintu mwizhina lyangu ndakacicita.”
Jeso Wabashomezha Moza Usalala
15“Na mulimfwini, amucilile milawo yangu. 16Ndakamukombela kwa Taata kwaamba ulakamutumina uumwi muyohwi ngumukaakala aze lyoonse 17Wezo uuli ngu Moza Usalala walushinizho. Walo bantu baanshi ano ngubatakonzha kutambula nikuba kumuzhiba. Umwe mulimwizhi kaambo mulyaaze ulimwi ulakaba muli umwe.
18“Ndakaya, nshikamushiyi ukoya bamushaala, ndakapiluka ulimwi nkumumbele. 19Nikuba bobo, muciindi cishoonto bulyo, baanshi tabakamboni linji, pele umwe mulaakumbona kaambo ndimumi ulimwi amwe mulaakuli bomi. 20Pele buzuba bobo bwakashika, mulakazhiba ati ndili mwa Taata amwe muli mwangu, umbona mwindi muli umwe.
21“Wezo utambula milawo yangu ukwiicilila ulimfwini ulimwi wezo uumfwini ulakafwunwa kwa Taata, ame ndakamufwuna, ulimwi ndakalizubulula kwakwe. 22Judasi, uutali Shikaliyoti wakaamba ati, no kaamboonzhi ulakalibonya bulyo kulyuuswe kutali ku bantu boonse baanshi? 23Jeso wakamwiingula ati, kufwumbwa muntu uufwini, ulacilila milawo yangu, ubobo Taata ulakamufwuna cakuti ume u Taata tulakeza tukakale u wezo muntu.
24“Wezo uutanzanda taabamba mazwi angu. U mazwi azo ngumuteelela taali angu pe, alahwa kwa Taata wakantuma.
25“Ndamushimwinina limwi aza makani nitucili amwe. 26Pele akashika muyohwi, Moza Usalala, wezo ngwaakaatuma Taata mwizhina lyangu, ulakamuyiisha shoonse shintu ulimwi ulakaakumuzhibalusha shintu shoonse nshindakamushimwina nitwaakuli amwe.
27“Ndamushiila luumuno. Ndamupa luumuno lwangu. Lutali ukoya luumuno lolo ndubapa baanshi ano, ubobo myonzo yenu itapenji. 28Mwanteelela indamwaambila ati, ‘Ndaya pele ndakazhoka ulimwi.’ Kuti nimwaakumfwini nimwabotelwa kwaamba ndaya kwa Taata, mukando kubaala ume. 29Ndamushimwina ninzho sheshi shintu kashitana kucitika kwaamba shakacitika mukashome. 30Inzho nshicimwaambila linji makani aanji, kaambo muleli waanshi ano uleza. Wiina insana shakunzunda. 31Pele ndacita ukoya mbwaakandailila Taata, kwaamba bantu baanshi bazhibe ati ndimufwini Taata.
“Inzho amuzhimuke atwaahwe ano abusena.”
Currently Selected:
Johani 14: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.