2 TESALONIKI 1
1
2 TESALONIKIYAADƐ Ɗɛɛrwol eesum yɔ Pol bi̧i̧s Yeesufɔkya wɔ a Tesaloniki 2 TESALONIKI 1
1Mii Pol hi Silas, hi Timɔte, wi yaasig dood Yeesu fɔkya wɔ a Tesaloniki hii ɗɛɛrwoli. Nɛ gi Baa wɛ Bɛt dood ɔ̧ɔ̧nɛ hi Waar Yeesu Kristu doodɔ. 2An Baa wɛ Bɛto hi Waar wɛ Yeesu Kristu hi gaanɛ gɛmsili hi boolumi! 3Yɛ̧ɛ̧dɛ wi wɛ, gi an wi waa Bɛt baanik a nɛ dɔŋgo, anyɔ bɛrɔ. Ɗɔbsig nɛ gi tɔɔk gi daariklɛl be, wɛɛ hat a nɛ teesdu nɛ gbunu gbunu sɛw gi tɔɔk gi rek doosɛ doosɛ. 4An dood hi gin nɛ ya̧a̧kɛtingo si̧, nɛ wɛɛ nɛ ya̧a̧ryɔ̧k nɛ si̧, nɛ́ waak hinmɔŋki, nɛ́ wɛɛ nɛ waak ɗɔbsigi. Yɔ anbɔ, wii gin baanik a Yeesu fɔkya ɔksil du.
5Hinyɔ Bɛt gɔ gi gbàà dɔgl muulɔge hi gbɔnɔ giibɔ. Yɛrɛ a hinyɔ nɛ mɔŋk dɔŋgɔ ge sɛwi, nɛ wɛɛk dood riitɛ an nɛ tal a Bɛt wáát du a hinyɔ nɛ ha̧a̧kya̧a̧r dɔŋgɔ ge. 6Yɔ anbɔ Bɛt sèè hinɔ rii an gi ha̧a̧n dood wɔ hi gin ya̧a̧rha̧a̧nik ya̧a̧r be, 7gi wɛɛ gi gàà nɛɛ wɔ nɛ ya̧a̧rha̧a̧k holumi hi wii sɛw. Ɔ̧tyɔ Waar Yeesu gɔ gi midz a bɛtha hi walɛsɛrɛ ɔ̧ɔ̧ tɛŋkyaadɛ, 8gi zaan laazebt gbɔɔl an gi gbans dood wɔ ha̧a̧hi Bɛt mɛɛk gɛ hi wɔ hi tā̧ā̧ Waar wɛ Yeesu Dɔgl ɔnɛ Rɔb bɔ fɔk gɛ dɔglɛ.
9A ɔ̧tɔge dood wɔ hi tā̧ā̧ Bɛt fɔk gɛ hi dag ya̧a̧rhantya̧ gɛ: wɔrk yɔ gi wɛlɛ hi wɛlɛ. Hi hɛml ma hi Waar wɛ Bɛto hi gbɔlumsɔ tɛŋkya bɔ be. 10A ɔ̧tyɔ gɔ gi zaa gedu an gi dag gbɔlums a doodɔ gaatɛ wɔ hi dɔŋgo gi wɛɛ gi wɛɛ hingɛrsya a dood wɔ hi ɗɔbsig sɛw hi dɔŋgo. Nɛɛ hɛw, nɛ gi a hi teesdu anyɔ nɛ ta̧a̧ dɔgl yɔ wi boosinɛ a Yeesu zulha.
11Ya̧a̧nɛ wi gisin waak Bɛt zɔ̧ko. Wi gi ɛrk Bɛt wɛ an gi gaan tɛŋko nɛ ɛmbik rɔbtɔnɔ anyɔ riis dood wɔ Bɛt elihi an hi dag za̧a̧tigi. Wi wɛɛ wi gig ɛrko an gi da̧a̧s hinrɔb yɔ ha̧a̧n wook sɛw hi ɗɔbsig nɛ woos sɛw hi tɛŋkɔ, 12an hi ɗɔbs Waar wɛ Yeesu nuŋgɔ a nɛ dɔŋgo, nɛɛ be, hi ɗɔbsin a gi nuŋg dɔŋg be, a Bɛt wɛ hi Waar Yeesu Kristu hi gɛmsil du.
Currently Selected:
2 TESALONIKI 1: NTD
Highlight
Share
Copy
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.