AMƆS 1
1
1Kalata’ɛ tɔ̧ nɛ wen ko Amɔs, ŋma wi-dai-sami sɛn Tɛkɔa. Mɛ nɛ hɔɔ-zu nɛ GASA WAN hɔɔ ha̧ a̧ wen zu Israɛl tɛ ŋgimbi nɛ Ozias ɔɔ nɛ wan sɛn Juda, in tɛ ŋgimbi nɛ Jeroboam, bem ko Jɔas ɔɔ nɛ wan sɛn Israɛl. Hɔɔ-zu'i hɔɔ yak pɛ yiitoo kaɗi sɛka nu be tɛ nak.#2 Wan 15.1-7; 2 Kal Ny 26.1-23; 2 Wan 14.23-29
2Wen nɛ Amɔs tɔ̧a̧ nɛ mɔ'ɔ:
GASA WAN tuɓa nɛ Siɔŋ mɛ tɛnɛ,
wi zii nɛ ger-a tɛnɛ nɛ Jerusalɛm.
Nɛ mɔ'ɔ nɛ fara-dai-mɔ kifa ŋga-gbárà,
mɔ gbɛ̧ɛ̧ zu kaya Karmɛl ŋgaoo!#Jɔɛl 4.16
Gɔna kita zu o dukbíí nɛ ya katɛ Israɛl
(Kita zu o bíí Sirii)
3GASA WAN tɔ̧a̧:
«Mi beka kpai taamɔ kɔ‘m
zu o bíí Damas na,
wen dee ŋgamɔ kɔ-wa yaka zale;
wa mbɔla o be Galad lɔɛ-lɔɛ.#Es 17.1-3; Jer 49.23-27; Zak 9.1
4Hegɔ, mi tɛ pi̧ wee
tɛ nutua ko wannu Hazaɛl,
ɓɛɛ wee'i tɛ ndar tua-wan ko Bɛn-Hadad a nu;
5mi tɛ gbin gasa boi nu garo Damas a nu,
mi tɛ ndak o bíí Bikeat-Avɛn lɛŋ
in o wi-kasi dɔ́rá-wan Bɛt-Edɛn;
ɓɛɛ wa tɛ kai dukbíí Aram
nɛ bara-biro yaknɛ si sɛn Kir mɛ»,
nɛ GASA WAN a̧ tɔ̧ wen'i.
(Kita zu o bíí Filistii)
6GASA WAN tɔ̧a̧:
«Mi beka kpai taamɔ kɔ‘m zu o bíí Filistii nu Gaza na,
wen ɗaŋmɔ kɔ-wa yaka zale nyɛmna;
wa kaia o bíí nɛ oi-aa lɛŋ nɛ bara-biro yaknɛ
nɛ́ɛ̀ ɗɔr sɛn Edɔm mɛ.#Es 14.29-31; Jer 47.1-7; Ez 25.15-17; Jɔɛl 4.4-8; Sof 2.4-7; Zak 9.5-7
7Hegɔ, mi tɛ pi̧ wee tɛ garo Gaza,
ɓɛɛ wee'i tɛ ndar o tua-wan ye'i a nu gbuɗuk.
8Mi tɛ ndak o bíí Asdod lɛŋ
in wi-kasi dɔ́rá-wan Askelɔŋ;
mi tɛ zik er-am mɛ gbɛ o bíí Ekrɔŋ,
ɓɛɛ oi ndaa bíí Filistii lɛŋ tɛ kum»,
nɛ GASA WAN Sɔ̧ a̧ tɔ̧ wen'i.
(Kita zu o bíí Fenisii)
9GASA WAN'e:
«Mi beka kpai taamɔ kɔ‘m
zu o bíí Edɔm na,
wen dee ŋgamɔ kɔ-wa yaka zale nyɛmna;
wa ndaka o nya-wa nɛ gba-paa,
gee be ko de wa ha̧ nya-wa na.#Es 23.1-18; Ez 26.1—28.19; Jɔɛl 4.4-8; Zak 9.1-4; Mt 11.21-22; Lk 10.13-14
10Hegɔ mi tɛ pi̧ wee tɛ garo Tir,
ɓɛɛ wee'i tɛ ndar o tua-wan ye'i a nu.»
(Kita zu o bíí Edɔm)
11GASA WAN tɔ̧a̧:
«Mi beka kpai taamɔ kɔ‘m zu o bíí Edɔm na,
wen dee ŋgamɔ kɔ-wa;
wa ndaka o nya-wa nɛ gba-paa,
gee be ko de wa ha̧ nya-wa na.
Mɔ‘i duka nɛ gasa nyimsea nɛ kaɗi na;
wa kaɗi ee kiri in o nya-wa na ɓɔnsɛnɛ.#Es 34.5-17; 63.1-6; Jer 49.7-22; Ez 25.12-14; 35.1-15; Abd 1-14; Mal 1.2-5
12Hegɔ mi tɛ pi̧ wee tɛ ye Teman,
ɓɛɛ wee'i tɛ ndar o tua-wan Bosra a nu.»
(Kita zu o bíí Amɔŋ)
13GASA WAN'e:
«Mi beka kpai taamɔ kɔ‘m
zu o bíí Amɔŋ na,
wen dee ŋgamɔ kɔ-wa yaka zale nyɛmna;
wa vuta zaŋ o nàá-zaŋ sɛn Galad a nù,
gbakna nu kɔ‘i gasa.#Jer 49.1-6; Ez 21.33-37; 25.1-7; Sof 2.8-11
14Hegɔ mi tɛ du wee pi̧ tɛ garo Raba,
ɓɛɛ wee'i tɛ ndar o tua-wan a nu lɛŋ.
Wese'i tɛ duk nɛ wese biro nɛ hiɗimɔ mgbasi-mgbasi.
Wese'i tɛ duk hee wese gba búk ndiɓa-kórò a̧ yu yak ga.
15Wa tɛ ba wannu in o be-wan kɔ̧-a̧
nɛ bara-biro yaknɛ rutuk»,
nɛ GASA WAN a̧ tɔ̧ wen'i.
Currently Selected:
AMƆS 1: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.