HEBREU 2
2
Tɔ̧ɔ̧-mbɔrɔ
1Mɛ̀ nɛ́ wen nɛ̀ tɔ̧‘e, ɛ̀ɛ̀ kásí wen n’ɛ̀ɛ̀ zia'i nɛ̀ de-a gan kuti-a, wen k’ɛ́ɛ́ tɛ́ɛ̀ yɔ. 2Wen nɛ̀ o betom mɛ́ yiwese tɔ̧ɔ̧ so hɔɔ gba̧a̧; kà‘i nɛ́ zɔka bɔnɛ oi gbina-heembea in dee-ŋgazu lɛŋ, 3ɓɛɛ k’ɛ̀ɛ̀ nɛ́ ee pɛrti yuwar-duka-kpasa hegɔ tɛ geemɔ, hee ge bɔnɛ‘i tɛ́ yaŋ zu yɛ ge? Nɛ́ Gasa Wan a̧ ku̧u̧naŋ tɔ̧ɔ̧ wen-kpasi yɛ‘i nɛti, ɓɛɛ o wi nɛ̀ zia wen'i de sedaako-a h’ɛ́ɛ́, yor nɛ̀ ɗoŋ-aa. 4Kpɔk ŋgimbi'i, Sɔ̧ yora ɗoŋ sedaako kɔ-wa'i nɛ̀ o mɔɔ-usi-mɔ, o mɔɔ-gɔn-ɗɛɗɛ, o mɔɔ-kifi nɛtɛ nɛtɛ, ká bá nɛ̀ o ha̧a̧mɔ ko Sa̧a̧ Ɔmi ha̧ wa nyɛm nɛ̀ ɗoŋ mɔ n'aa kɔ̧a̧.
Wan-kpasi-bíí
5Bó nɛ́ Sɔ̧ ee o betom mɛ́ yiwese mɛ́ ɔ wan zu mbe nù nɛ̀ tɛ́ hɔ, n’ɛ̀ɛ̀ tɔ̧ wen-aa kinii’ɛ na. 6Ɓɛɛ wa dee sedaako zu mɔ‘i ŋma fara'e:
«Bíí nɛ́ ge
ha̧ tɛ‘nɛ́ mɛ́ mbaŋ ɗoŋ-aa ge?
Bem ko bíí nɛ́ o
s’ɛ́nɛ́ zɔk mɔ sitɛ a̧ o?#Gima 8.5-7
7Tɛ́ ŋma be ŋgimbi tikiɗi,
ɛ́nɛ́ dee ha̧ a̧ mɛ́ duk si ɗɔɔ
gan o betom mɛ yiwese;
ɓɛɛ ɛ́nɛ́ ee a̧ tɛ gasamɔ in tu̧u̧-tɛ-mɔ.
8Ɛ́nɛ́ ea a̧ mɛ́ ɔ wan zu mɔ lɛŋ.»
Tɛ ea a̧ nɛ̀ Sɔ̧ ee zu mɔ lɛŋ‘i, ŋma mɔ nɛ Sɔ̧ ee dúk, nɛ̀ beka duk ɗɔɔ ŋgai kɔ̧-a̧ na, bo na. Ɓɛɛ tɛ̀ duka-a kɔ̧-a̧ kinii, ɛ́ɛ́ zɔka'e, bó nɛ́ mɔ lɛŋ duka ɗɔɔ ŋgai kɔ̧-a̧ hɔ̧ɔ̧ na. 9Ɓɛɛ ŋma mɔ n’ɛ̀ɛ̀ zɔka nɛ́ mɔ'ɔ: wi nɛ̀ Sɔ̧ dee ha̧ mɛ́ duk si ɗɔɔ tɛ́ ŋma be ŋgimbi tikiɗi gan o betom mɛ yiwese, nɛ́ Jesu, nɛ̀ Sɔ̧ ee tɛ̀ gasamɔ in tu̧u̧-tɛ-mɔ wen zu bɔnɛ-fio n'aa zɔka. Ɓɛɛ a̧ fee wen o bíí lɛŋ wen zu deemɔ nɛ̀ ta-tɛ ko Sɔ̧. 10Mɔ lɛŋ duk wen Sɔ̧ in mɔ lɛŋ duk nɛ̀ ɗoŋ-aa; nɛ́ à̧ á̧ kɔ̧ɔ̧ so mɛ́ mgbɔ gíí bem sitɛ gasamɔ; hegɔ nyɛma so kànà ha̧ a̧ mɛ́ de ha̧ Jesu mɛ́ nyɛm sɛnɛ nɛ̀ ɗoŋ bɔnɛ, wen ha̧ Jesu mɛ́ duk nɛ́ wi nɛ̀ tɛ́ mgbɔ bíí sitɛ yuwar-kpasa-a.
11Wan nɛ̀ dee ha̧ war-tɛ bíí mɛ́ sa̧, in o wi nɛ̀ war-tɛ sa̧a̧‘i lɛŋ, tugun-wa kpɔk. Mɛ̀ nɛ́ hegɔ, foe de Jesu mɛ́ sa wa'e nya-wi na. 12A̧ tɔ̧ɔ̧ mbɛt'e:
«Mi tɛ usi nin'nɛ́ ha̧ o nya'm,
mi tɛ gasi'nɛ́ poo giiwi.»#Gima 22.23
13A̧ tɔ̧ɔ̧ woyo'e:
«Kɔ‘m, mi e ta nɛ̀ Sɔ̧.»
A̧ tɔ̧ɔ̧ woyo mbɛt'e:
«Mi nɛ́ mɔ'ɔ in o bem nɛ Sɔ̧ ha̧a̧ ha̧‘m.»#Es 8.17,18
14Hee mɔ'ɔ nɛ̀ o bem nɔ'ɔ nɛ́ kpɔk tɔk-tɛ in mur-tɛ ga, Jesu duka kànà hegɔ mbɛt; a̧ duka hegɔ wen ha̧ a̧ mɛ́ ɗaŋ ŋgai ko wi nɛ̀ ŋgai ko fio duk er-a tɛ́ fio n'aa fea. Wi’ɛi nɛ́ Wan-ɗaŋmɔ. 15A̧ dee hegɔ wen ha̧ a̧ mɛ́ gbo o wi nɛ̀ kíí-fio de wa nɛ̀ bara tɛ́ ŋgimbi duka-a kɔ-wa lɛŋ, 16wen nɛ́ o bezaŋ Abraham a̧ a̧ gbak, nɛ̀ bó nɛ́ o betom mɛ yiwese na. 17Mɛ̀ nɛ́ wen mɔ‘i, nyɛma kànà ha̧ a̧ mɛ́ hɔ ŋmaa in o nya-a̧ tɛ́ mɔ lɛŋ, wen ha̧ a̧ mɛ́ duk nɛ́ gasa wan-ɗafi-sɔ̧ nɛ̀ duk nɛ́ wi-de-ko, in wi-mbo-zu ti Sɔ̧. Hegɔ, a̧ nyɛma mɛ́ ba ɗaŋmɔ ko dukbíí yinɛ. 18Hee mɔ'ɔ n'aa zɔka so bɔnɛ-weamɔ nɛ̀ tɛ-a ga, a̧ nyɛma mɛ́ gbak o bíí nɛ̀ mɔ we wa.
Currently Selected:
HEBREU 2: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
HEBREU 2
2
Tɔ̧ɔ̧-mbɔrɔ
1Mɛ̀ nɛ́ wen nɛ̀ tɔ̧‘e, ɛ̀ɛ̀ kásí wen n’ɛ̀ɛ̀ zia'i nɛ̀ de-a gan kuti-a, wen k’ɛ́ɛ́ tɛ́ɛ̀ yɔ. 2Wen nɛ̀ o betom mɛ́ yiwese tɔ̧ɔ̧ so hɔɔ gba̧a̧; kà‘i nɛ́ zɔka bɔnɛ oi gbina-heembea in dee-ŋgazu lɛŋ, 3ɓɛɛ k’ɛ̀ɛ̀ nɛ́ ee pɛrti yuwar-duka-kpasa hegɔ tɛ geemɔ, hee ge bɔnɛ‘i tɛ́ yaŋ zu yɛ ge? Nɛ́ Gasa Wan a̧ ku̧u̧naŋ tɔ̧ɔ̧ wen-kpasi yɛ‘i nɛti, ɓɛɛ o wi nɛ̀ zia wen'i de sedaako-a h’ɛ́ɛ́, yor nɛ̀ ɗoŋ-aa. 4Kpɔk ŋgimbi'i, Sɔ̧ yora ɗoŋ sedaako kɔ-wa'i nɛ̀ o mɔɔ-usi-mɔ, o mɔɔ-gɔn-ɗɛɗɛ, o mɔɔ-kifi nɛtɛ nɛtɛ, ká bá nɛ̀ o ha̧a̧mɔ ko Sa̧a̧ Ɔmi ha̧ wa nyɛm nɛ̀ ɗoŋ mɔ n'aa kɔ̧a̧.
Wan-kpasi-bíí
5Bó nɛ́ Sɔ̧ ee o betom mɛ́ yiwese mɛ́ ɔ wan zu mbe nù nɛ̀ tɛ́ hɔ, n’ɛ̀ɛ̀ tɔ̧ wen-aa kinii’ɛ na. 6Ɓɛɛ wa dee sedaako zu mɔ‘i ŋma fara'e:
«Bíí nɛ́ ge
ha̧ tɛ‘nɛ́ mɛ́ mbaŋ ɗoŋ-aa ge?
Bem ko bíí nɛ́ o
s’ɛ́nɛ́ zɔk mɔ sitɛ a̧ o?#Gima 8.5-7
7Tɛ́ ŋma be ŋgimbi tikiɗi,
ɛ́nɛ́ dee ha̧ a̧ mɛ́ duk si ɗɔɔ
gan o betom mɛ yiwese;
ɓɛɛ ɛ́nɛ́ ee a̧ tɛ gasamɔ in tu̧u̧-tɛ-mɔ.
8Ɛ́nɛ́ ea a̧ mɛ́ ɔ wan zu mɔ lɛŋ.»
Tɛ ea a̧ nɛ̀ Sɔ̧ ee zu mɔ lɛŋ‘i, ŋma mɔ nɛ Sɔ̧ ee dúk, nɛ̀ beka duk ɗɔɔ ŋgai kɔ̧-a̧ na, bo na. Ɓɛɛ tɛ̀ duka-a kɔ̧-a̧ kinii, ɛ́ɛ́ zɔka'e, bó nɛ́ mɔ lɛŋ duka ɗɔɔ ŋgai kɔ̧-a̧ hɔ̧ɔ̧ na. 9Ɓɛɛ ŋma mɔ n’ɛ̀ɛ̀ zɔka nɛ́ mɔ'ɔ: wi nɛ̀ Sɔ̧ dee ha̧ mɛ́ duk si ɗɔɔ tɛ́ ŋma be ŋgimbi tikiɗi gan o betom mɛ yiwese, nɛ́ Jesu, nɛ̀ Sɔ̧ ee tɛ̀ gasamɔ in tu̧u̧-tɛ-mɔ wen zu bɔnɛ-fio n'aa zɔka. Ɓɛɛ a̧ fee wen o bíí lɛŋ wen zu deemɔ nɛ̀ ta-tɛ ko Sɔ̧. 10Mɔ lɛŋ duk wen Sɔ̧ in mɔ lɛŋ duk nɛ̀ ɗoŋ-aa; nɛ́ à̧ á̧ kɔ̧ɔ̧ so mɛ́ mgbɔ gíí bem sitɛ gasamɔ; hegɔ nyɛma so kànà ha̧ a̧ mɛ́ de ha̧ Jesu mɛ́ nyɛm sɛnɛ nɛ̀ ɗoŋ bɔnɛ, wen ha̧ Jesu mɛ́ duk nɛ́ wi nɛ̀ tɛ́ mgbɔ bíí sitɛ yuwar-kpasa-a.
11Wan nɛ̀ dee ha̧ war-tɛ bíí mɛ́ sa̧, in o wi nɛ̀ war-tɛ sa̧a̧‘i lɛŋ, tugun-wa kpɔk. Mɛ̀ nɛ́ hegɔ, foe de Jesu mɛ́ sa wa'e nya-wi na. 12A̧ tɔ̧ɔ̧ mbɛt'e:
«Mi tɛ usi nin'nɛ́ ha̧ o nya'm,
mi tɛ gasi'nɛ́ poo giiwi.»#Gima 22.23
13A̧ tɔ̧ɔ̧ woyo'e:
«Kɔ‘m, mi e ta nɛ̀ Sɔ̧.»
A̧ tɔ̧ɔ̧ woyo mbɛt'e:
«Mi nɛ́ mɔ'ɔ in o bem nɛ Sɔ̧ ha̧a̧ ha̧‘m.»#Es 8.17,18
14Hee mɔ'ɔ nɛ̀ o bem nɔ'ɔ nɛ́ kpɔk tɔk-tɛ in mur-tɛ ga, Jesu duka kànà hegɔ mbɛt; a̧ duka hegɔ wen ha̧ a̧ mɛ́ ɗaŋ ŋgai ko wi nɛ̀ ŋgai ko fio duk er-a tɛ́ fio n'aa fea. Wi’ɛi nɛ́ Wan-ɗaŋmɔ. 15A̧ dee hegɔ wen ha̧ a̧ mɛ́ gbo o wi nɛ̀ kíí-fio de wa nɛ̀ bara tɛ́ ŋgimbi duka-a kɔ-wa lɛŋ, 16wen nɛ́ o bezaŋ Abraham a̧ a̧ gbak, nɛ̀ bó nɛ́ o betom mɛ yiwese na. 17Mɛ̀ nɛ́ wen mɔ‘i, nyɛma kànà ha̧ a̧ mɛ́ hɔ ŋmaa in o nya-a̧ tɛ́ mɔ lɛŋ, wen ha̧ a̧ mɛ́ duk nɛ́ gasa wan-ɗafi-sɔ̧ nɛ̀ duk nɛ́ wi-de-ko, in wi-mbo-zu ti Sɔ̧. Hegɔ, a̧ nyɛma mɛ́ ba ɗaŋmɔ ko dukbíí yinɛ. 18Hee mɔ'ɔ n'aa zɔka so bɔnɛ-weamɔ nɛ̀ tɛ-a ga, a̧ nyɛma mɛ́ gbak o bíí nɛ̀ mɔ we wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.