2 KALATA NYƐRƐ 34
34
Josias wannu Juda
(Zɔk 2 Wan 22.1-2)
1Josias a̧a̧ so nɛ̀ pɛ mɔɔrɔ-ɗoŋ-taar ŋgimbi n'aa ɔɔ nɛ̀ wan, ɓɛɛ a̧ ɔ wan pɛ ɓu-taar-zua-kpɔk sɛn Jerusalɛm.#Jer 3.6 2A̧ dee mɔ nɛ̀ yuwar-a ti GASA WAN, kànà hee mɔ'ɔ nɛ̀ zɔmdáa kɔ̧-a̧ David dee so ga; a̧ ba ŋma yuwar si wiiko kóó si gale na.
Mbe ɗafamɔ ko Josias
3Sɛn ɗoŋ mɔɔrɔ-ɗoŋ-taar pɛ ɔɔ-wan ko Josias, ká a̧ ɓɔna nɛ̀ be-ŋgaiwi, a̧ ku̧u̧ naŋ kia mɔ nɛ̀ Sɔ̧ ko zɔmdáa kɔ̧-a̧ David kɔ̧a̧. Ɗoŋ n'aa kpaa pɛ ɓu-zua-yiitoo tɛ wan, a̧ ku̧u̧ naŋ ɗaŋa o kusa-fara, o te nɛ̀‘i gasi gasi in o mboo-mɔ nɛtɛ nɛtɛ yinɛ sɛn nù Juda in Jerusalɛm. 4Wa gbina o tua-ɗafi Bal a nù nɛ̀ gbaayí-a in o fara-dɔ-fuu-nyama ha̧ Sɔ̧ Bal a nù mbɛt. Wa gbina o mɔɔ nɔ‘i a nù nduku-nduku, ɓɛɛ wa kai o oi gbina-a a zu pɛsi-fio ko o wi nɛ̀ yaa so ɗafi nɛ̀ Bal.#2 Wan 21.3; 2 Kal Ny 33.3 5Wa dɔɔ gba̧a̧ o wi-ɗafi-sɔ̧ Bal sɛn zu mgbák fara nɛ̀ o wi-ɗafi-sɔ̧ nɔ‘i ɗafi so a̧ sɛnɛ‘i. Mɔ nɛ̀ Josias dee ɗafi nɛ̀ war nù Juda in ye Jerusalɛm nɛ́ mɔ‘i.#1 Wan 13.2
6Nɛ́ kpɔk kale mɔ‘i a̧ a̧ dee sɛn nú Manase, nú Efraim, nú Simɛɔŋ, nú Nɛftalii gú nɛ̀ o be ye katɛ wa lɛŋ. 7Josias ha̧a̧ nú, ɓɛɛ wa gbin o fara-ɗafi géé-sɔ̧, o te nɛ̀‘i gasi gasi in o géé-sɔ̧ yinɛ; a̧ gbina wa nduku-nduku a nù, ɓɛɛ a̧ ɗaŋ o fara-dɔ-fuu-nyama ha̧ o géé-sɔ̧ nɔ‘i sɛn nú Israɛl lɛŋ, sɛka a̧ be tɛ̀ɛ́ si ɗoŋ si Jerusalɛm.
Kpaa kalata Heembea
(Zɔk 2 Wan 22.3-20)
8Ɗoŋ ɓu-zua-mɔɔrɔ-ɗoŋ-taar pɛ-wan ko Josias, ŋgimbi n'aa ɗafa war nù in war Tua ko Sɔ̧ kaɗi, a̧ toma Safaŋ bem ko Asaliya sitɛ Masɛya, gasawi zu zika-nù, sitɛ Jɔas bem ko Jɔakas betom ko wannu wen ha̧ wa mɛ nɛ̀ɛ́ ɗafi Tua ko GASA WAN Sɔ̧ kɔ̧-a̧. 9Wa nɛɛ kpa Hilkia gasa wan-ɗafi-sɔ̧, ɓɛɛ wa ha̧ mbɔi nɛ̀ wa baa tɛnɛ ha̧ Sɔ̧ ha̧ a̧; mɛ̀ nɛ́ mbɔi nɛ̀ o be Levii, o wi-pɛm-tua ko Sɔ̧ mɔi̧a so er o bíí nú Manase, nú Efraim, er o be Israɛl si ká̧-zan-mɛ́-ŋgɔn, er o be Juda, er o bezaŋ Bɛnjamin in er o bíí nɛ̀ a̧a̧ sɛn Jerusalɛm. 10-11Wa kaia o mbɔi nɔ‘i ɓɛɛ wa ha̧ ha̧ o wi-duk-zu tom nɛ̀ ya wen zɔka tom Tua ko GASA WAN; ɓɛɛ o wi-duk-zu tom Tua ko GASA WAN kai o sede nɔ‘i wen ɗafa Tua in yoɓa-a nɛ̀ o wi-mgboi-tua in o wi-mbo-tua, gú nɛ̀ oi o dɔka wi-de-tom in wen hi̧fa o sɛka-ta in o gaŋgala-tua, in wen ɗafa o ŋma tua nɛ̀ o wannu Juda ee so gbin a nù. 12O wi nɔ‘i dee tom kɔ-wa nɛ̀ de-a. Mɛ̀ nɛ́ Yahat in Obadia, o be Levii tɛ nú-gara ko Mɛrari ká bá nɛ̀ Zakarii in Mɛsulam, tɛ nú-gara ko Kehat a̧ yaa zu tom nɔ‘i. O ŋma be Levii nɛ̀ ya so nɛ́ o wi-mbɛr-mɔ, 13yaa so zu o wi-tui-mɔ in oi o wi-de-tom lɛŋ nyɛm nɛ̀ ɗoŋ tom kɔ-wa. Mgbara o be Levii, o ŋma nɛ́ o wi-yɔr-kalata, o mɔ-geŋa in o wi-pɛm-tua.
14Ŋgimbi nɛ̀ wa ɓɔna fara kaia o mbɔi wen Tua ko Sɔ̧ gbonɛ nɛ̀ kɔ̧ kuɓa, wi-ɗafi-sɔ̧ Hilkia kpaa kalata Heembea ko GASA WAN nɛ̀ Moisɛ ee so. 15Hilkia tɔ̧ɔ̧ ha̧ wi-yɔr-kalata Safaŋ hee mɔ'ɔ ga: «Mi kpaa kalata Heembea sɛn kɔ̧ Tua ko GASA WAN.» Hilkia ha̧a̧ kalata'i ha̧ Safaŋ, 16ɓɛɛ Safaŋ nɛ́ɛ̀ ba kalata'i ha̧ ha̧ wannu, tɔ̧ nɛnɛ‘e: «O wi-de-tom k’ɛ́nɛ́ a̧a̧ tɛ dee mɔ lɛŋ n’ɛnɛ tɔ̧ɔ̧ ha̧ wa mɛ de'i. 17O wi-ɗafi-sɔ̧ ha̧a̧ mbɔi nɛ̀ duka wen tom Tua ko GASA WAN nɛ̀ duka so kɔ̧ kuɓa ha̧ o wi-de-tom.» 18Ɓɛɛ a̧ tɔ̧ siti ha̧ wannu woyo: «Wi-ɗafi-sɔ̧ Hilkia ha̧a̧ kalata’ɛ ha̧‘m mbɛt.» Ɓɛɛ a̧ ku̧naŋ tɔra kalata'i ti wannu.
19Ŋgimbi nɛ̀ wannu zia wen nƐ yɔra zaŋ kalata Heembea'i kaɗi, a̧ a̧ka̧ laa tɛ-a a nU. 20A̧ tɔ̧ɔ̧ ha̧ Hilkia in Ahikam o bem ko Safaŋ, ha̧ Abdɔŋ bem ko Mika, ha̧ wi-yɔr-kalata Safaŋ in ha̧ Asaya o wi-de-tom ko wannu hegɔ: 21«Ɛ̀nɛ̀ nɛ́, ɛ̀nɛ̀ wór GASA WAN wen am in wen o be Israɛl bá nɛ̀ o be Juda, wen zu wen zaŋ Kalata’ɛ n’ɛɛ kpaa’ɛ. Nyimsea ko GASA WAN nɛ̀ kura zu yɛ ɔ gasa nyɛmna, wen bó nɛ́ o dáà k’ɛɛ mboo so zu tɛ wen ko GASA WAN de nɛ̀ mɔ nyɛm ɗoŋ mɔ nɛ̀ yɔra zaŋ kalata’ɛ na.»
22Wan-ɗafi-sɔ̧ Hilkia gú nɛ̀ o wi nɛ̀ wannu hoka so nɛ̀ɛ̀ kpa Hulda okoo-tɔ̧-wen oi nú Sɔ̧, kóò ko Salum wi-pɛm-laa, bem ko Tokehat, bezaŋ Hasra nɛ̀ ɔ so ndɔŋ nú mbe ye Jerusalɛm. Ŋgimbi nɛ̀ wa tɔ̧ɔ̧ wen'i ha̧ okoo-tɔ̧-wen oi nú Sɔ̧‘i, 23a̧ kifa nú ha̧ wa hee mɔ'ɔ ga: «Mɔ nɛ̀ GASA WAN Sɔ̧ ko Israɛl tɔ̧ nɛ mɔ'ɔ: ‹Ɛ̀nɛ̀ tɔ̧́ ha̧ wi nɛ toma'nɛ́ tɛnɛ sɛn ti'm hee ndé, 24mi tɛ fo ŋgamɔ pi̧ zu Jerusalɛm gú nɛ̀ o bíí nɛ̀ a̧a̧ hi̧i̧ lɛŋ; mɛ̀ nɛ́ o fom nɛ̀ a̧a̧ zaŋ kalata nɛ̀ wa tɔra ha̧ wannu Juda'i. 25Hee mɔ'ɔ nɛ̀ o be Jerusalɛm ea'm duk, ɓɛɛ nɛ́ɛ̀ ɗafi o géé-sɔ̧, tu̧ nɛ̀ see-am, ha̧ nɛ̀ ɗaŋsee ha̧‘m mbɛt ga, tu̧u̧-see kɔ‘m ɔ dita zu ye'i ɓɛɛ beka kaɗi na.› 26War ko wannu Juda nɛ toma'nɛ́ tɛnɛ sɛn ti'm'i, ɛ̀nɛ̀ tɔ̧́ ha̧ a̧‘e: ‹Wen nɛ̀ GASA WAN Sɔ̧ ko Israɛl tɔ̧ nɛ́ mɔ'ɔ: Mɛ zia gba̧a̧-mɔ nɛ̀ yɔra zaŋ kalata'i nɛ̀ de-a. 27Mɛ iŋa mɔ n'am kɔ̧ɔ̧ mɛ de in Jerusalɛm gú nɛ̀ o bíí saaye mbɛt; mɛ̀ nɛ́ hegɔ mɛ dee ko nɛ̀ tɛ-mɛ hi̧i̧ nɛ̀ kɔ̧a̧ ti'm. Mɔ‘i nɛ̀ mɛ dea'i yee tɛ‘m, mi GASA WAN; 28hegɔ, mi tɛ e mɛ tɛ ga̧a̧mɔ nɛ́ɛ̀ kpa nɛ̀ o dáà kɔ-mɛ. Wa tɛ gun mɛ nɛ̀ de-a sɛn kɔ̧ fio kɔ-mɛ. Mɛ beka zɔk ŋgamɔ n'am tɛ fo pi̧ zu Jerusalɛm in bíí saaye na.› »
Ɓɛɛ o betom ba kifa-nú siɗoŋ ha̧ wannu.
Josias ɗafa war nɔɔ-tɔk in Gasa Wan
(Zɔk 2 Wan 23.1-20)
29Wannu Josias saa o gasawi Juda in Jerusalɛm lɛŋ tɛnɛ pii tɛ, 30ɓɛɛ wa yak si kɔ̧ Tua ko GASA WAN in o wi nɔ‘i, bá nɛ̀ o wi-ɗafi-sɔ̧, o be Levii gú nɛ̀ o bíí saaye Jerusalɛm lɛŋ, kóó ge bíí ge ndé mbɛt; a̧ tɔra mɔ nɛ̀ yɔra zaŋ kalata nɔɔ-tɔk nɛ̀ wa kpaa kɔ̧ Tua ko GASA WAN ha̧ wa. 31Wannu kura yor zu mɔ nɛ̀ kusa-a, ɓɛɛ a̧ nɔ́ tɔk in GASA WAN tɔ̧ nɛnɛ‘e, kóó o ndé lɛŋ tɛ kasi o geŋa in o heembea, bá nɛ̀ o usamɔ ko GASA WAN nɛ̀ see in nɛ̀ sɔ̧-tɛ lɛŋ, kasi nɛ̀ yuwar nɔɔ tɔk nɛ̀ yɔra zaŋ kalata'i. 32Wannu dee ha̧ o bíí lɛŋ nɛ̀ ya sɛn Jerusalɛm in sɛn nú Bɛnjamin mɛ nɔ tɔk'i mbɛt. Ɗoŋ-aa'i o bíí nɛ̀ ɔ sɛn Jerusalɛm mboo zu tɛ nɔɔ-tɔk nɛ̀ wa nɔɔ in Sɔ̧ ko o dáà kɔ-wa. 33Nɛ́ hegɔ a̧ Josias dee nɛnɛ ha̧ gasa géé-sɔ̧ nɛ̀ wa duka so gasi zu nù Israɛl mɛ kaɗi nɛnɛ, ɓɛɛ a̧ de ha̧ o bíí nù‘i mɛ gasi GASA WAN Sɔ̧ kɔ-wa. Ŋgimbi n'aa ɓɔna nɛ̀ yí, ŋma bíí kpɔk zik ɗoŋ e ha̧ GASA WAN Sɔ̧ ko o dáà kɔ-wa na.
Currently Selected:
2 KALATA NYƐRƐ 34: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
2 KALATA NYƐRƐ 34
34
Josias wannu Juda
(Zɔk 2 Wan 22.1-2)
1Josias a̧a̧ so nɛ̀ pɛ mɔɔrɔ-ɗoŋ-taar ŋgimbi n'aa ɔɔ nɛ̀ wan, ɓɛɛ a̧ ɔ wan pɛ ɓu-taar-zua-kpɔk sɛn Jerusalɛm.#Jer 3.6 2A̧ dee mɔ nɛ̀ yuwar-a ti GASA WAN, kànà hee mɔ'ɔ nɛ̀ zɔmdáa kɔ̧-a̧ David dee so ga; a̧ ba ŋma yuwar si wiiko kóó si gale na.
Mbe ɗafamɔ ko Josias
3Sɛn ɗoŋ mɔɔrɔ-ɗoŋ-taar pɛ ɔɔ-wan ko Josias, ká a̧ ɓɔna nɛ̀ be-ŋgaiwi, a̧ ku̧u̧ naŋ kia mɔ nɛ̀ Sɔ̧ ko zɔmdáa kɔ̧-a̧ David kɔ̧a̧. Ɗoŋ n'aa kpaa pɛ ɓu-zua-yiitoo tɛ wan, a̧ ku̧u̧ naŋ ɗaŋa o kusa-fara, o te nɛ̀‘i gasi gasi in o mboo-mɔ nɛtɛ nɛtɛ yinɛ sɛn nù Juda in Jerusalɛm. 4Wa gbina o tua-ɗafi Bal a nù nɛ̀ gbaayí-a in o fara-dɔ-fuu-nyama ha̧ Sɔ̧ Bal a nù mbɛt. Wa gbina o mɔɔ nɔ‘i a nù nduku-nduku, ɓɛɛ wa kai o oi gbina-a a zu pɛsi-fio ko o wi nɛ̀ yaa so ɗafi nɛ̀ Bal.#2 Wan 21.3; 2 Kal Ny 33.3 5Wa dɔɔ gba̧a̧ o wi-ɗafi-sɔ̧ Bal sɛn zu mgbák fara nɛ̀ o wi-ɗafi-sɔ̧ nɔ‘i ɗafi so a̧ sɛnɛ‘i. Mɔ nɛ̀ Josias dee ɗafi nɛ̀ war nù Juda in ye Jerusalɛm nɛ́ mɔ‘i.#1 Wan 13.2
6Nɛ́ kpɔk kale mɔ‘i a̧ a̧ dee sɛn nú Manase, nú Efraim, nú Simɛɔŋ, nú Nɛftalii gú nɛ̀ o be ye katɛ wa lɛŋ. 7Josias ha̧a̧ nú, ɓɛɛ wa gbin o fara-ɗafi géé-sɔ̧, o te nɛ̀‘i gasi gasi in o géé-sɔ̧ yinɛ; a̧ gbina wa nduku-nduku a nù, ɓɛɛ a̧ ɗaŋ o fara-dɔ-fuu-nyama ha̧ o géé-sɔ̧ nɔ‘i sɛn nú Israɛl lɛŋ, sɛka a̧ be tɛ̀ɛ́ si ɗoŋ si Jerusalɛm.
Kpaa kalata Heembea
(Zɔk 2 Wan 22.3-20)
8Ɗoŋ ɓu-zua-mɔɔrɔ-ɗoŋ-taar pɛ-wan ko Josias, ŋgimbi n'aa ɗafa war nù in war Tua ko Sɔ̧ kaɗi, a̧ toma Safaŋ bem ko Asaliya sitɛ Masɛya, gasawi zu zika-nù, sitɛ Jɔas bem ko Jɔakas betom ko wannu wen ha̧ wa mɛ nɛ̀ɛ́ ɗafi Tua ko GASA WAN Sɔ̧ kɔ̧-a̧. 9Wa nɛɛ kpa Hilkia gasa wan-ɗafi-sɔ̧, ɓɛɛ wa ha̧ mbɔi nɛ̀ wa baa tɛnɛ ha̧ Sɔ̧ ha̧ a̧; mɛ̀ nɛ́ mbɔi nɛ̀ o be Levii, o wi-pɛm-tua ko Sɔ̧ mɔi̧a so er o bíí nú Manase, nú Efraim, er o be Israɛl si ká̧-zan-mɛ́-ŋgɔn, er o be Juda, er o bezaŋ Bɛnjamin in er o bíí nɛ̀ a̧a̧ sɛn Jerusalɛm. 10-11Wa kaia o mbɔi nɔ‘i ɓɛɛ wa ha̧ ha̧ o wi-duk-zu tom nɛ̀ ya wen zɔka tom Tua ko GASA WAN; ɓɛɛ o wi-duk-zu tom Tua ko GASA WAN kai o sede nɔ‘i wen ɗafa Tua in yoɓa-a nɛ̀ o wi-mgboi-tua in o wi-mbo-tua, gú nɛ̀ oi o dɔka wi-de-tom in wen hi̧fa o sɛka-ta in o gaŋgala-tua, in wen ɗafa o ŋma tua nɛ̀ o wannu Juda ee so gbin a nù. 12O wi nɔ‘i dee tom kɔ-wa nɛ̀ de-a. Mɛ̀ nɛ́ Yahat in Obadia, o be Levii tɛ nú-gara ko Mɛrari ká bá nɛ̀ Zakarii in Mɛsulam, tɛ nú-gara ko Kehat a̧ yaa zu tom nɔ‘i. O ŋma be Levii nɛ̀ ya so nɛ́ o wi-mbɛr-mɔ, 13yaa so zu o wi-tui-mɔ in oi o wi-de-tom lɛŋ nyɛm nɛ̀ ɗoŋ tom kɔ-wa. Mgbara o be Levii, o ŋma nɛ́ o wi-yɔr-kalata, o mɔ-geŋa in o wi-pɛm-tua.
14Ŋgimbi nɛ̀ wa ɓɔna fara kaia o mbɔi wen Tua ko Sɔ̧ gbonɛ nɛ̀ kɔ̧ kuɓa, wi-ɗafi-sɔ̧ Hilkia kpaa kalata Heembea ko GASA WAN nɛ̀ Moisɛ ee so. 15Hilkia tɔ̧ɔ̧ ha̧ wi-yɔr-kalata Safaŋ hee mɔ'ɔ ga: «Mi kpaa kalata Heembea sɛn kɔ̧ Tua ko GASA WAN.» Hilkia ha̧a̧ kalata'i ha̧ Safaŋ, 16ɓɛɛ Safaŋ nɛ́ɛ̀ ba kalata'i ha̧ ha̧ wannu, tɔ̧ nɛnɛ‘e: «O wi-de-tom k’ɛ́nɛ́ a̧a̧ tɛ dee mɔ lɛŋ n’ɛnɛ tɔ̧ɔ̧ ha̧ wa mɛ de'i. 17O wi-ɗafi-sɔ̧ ha̧a̧ mbɔi nɛ̀ duka wen tom Tua ko GASA WAN nɛ̀ duka so kɔ̧ kuɓa ha̧ o wi-de-tom.» 18Ɓɛɛ a̧ tɔ̧ siti ha̧ wannu woyo: «Wi-ɗafi-sɔ̧ Hilkia ha̧a̧ kalata’ɛ ha̧‘m mbɛt.» Ɓɛɛ a̧ ku̧naŋ tɔra kalata'i ti wannu.
19Ŋgimbi nɛ̀ wannu zia wen nƐ yɔra zaŋ kalata Heembea'i kaɗi, a̧ a̧ka̧ laa tɛ-a a nU. 20A̧ tɔ̧ɔ̧ ha̧ Hilkia in Ahikam o bem ko Safaŋ, ha̧ Abdɔŋ bem ko Mika, ha̧ wi-yɔr-kalata Safaŋ in ha̧ Asaya o wi-de-tom ko wannu hegɔ: 21«Ɛ̀nɛ̀ nɛ́, ɛ̀nɛ̀ wór GASA WAN wen am in wen o be Israɛl bá nɛ̀ o be Juda, wen zu wen zaŋ Kalata’ɛ n’ɛɛ kpaa’ɛ. Nyimsea ko GASA WAN nɛ̀ kura zu yɛ ɔ gasa nyɛmna, wen bó nɛ́ o dáà k’ɛɛ mboo so zu tɛ wen ko GASA WAN de nɛ̀ mɔ nyɛm ɗoŋ mɔ nɛ̀ yɔra zaŋ kalata’ɛ na.»
22Wan-ɗafi-sɔ̧ Hilkia gú nɛ̀ o wi nɛ̀ wannu hoka so nɛ̀ɛ̀ kpa Hulda okoo-tɔ̧-wen oi nú Sɔ̧, kóò ko Salum wi-pɛm-laa, bem ko Tokehat, bezaŋ Hasra nɛ̀ ɔ so ndɔŋ nú mbe ye Jerusalɛm. Ŋgimbi nɛ̀ wa tɔ̧ɔ̧ wen'i ha̧ okoo-tɔ̧-wen oi nú Sɔ̧‘i, 23a̧ kifa nú ha̧ wa hee mɔ'ɔ ga: «Mɔ nɛ̀ GASA WAN Sɔ̧ ko Israɛl tɔ̧ nɛ mɔ'ɔ: ‹Ɛ̀nɛ̀ tɔ̧́ ha̧ wi nɛ toma'nɛ́ tɛnɛ sɛn ti'm hee ndé, 24mi tɛ fo ŋgamɔ pi̧ zu Jerusalɛm gú nɛ̀ o bíí nɛ̀ a̧a̧ hi̧i̧ lɛŋ; mɛ̀ nɛ́ o fom nɛ̀ a̧a̧ zaŋ kalata nɛ̀ wa tɔra ha̧ wannu Juda'i. 25Hee mɔ'ɔ nɛ̀ o be Jerusalɛm ea'm duk, ɓɛɛ nɛ́ɛ̀ ɗafi o géé-sɔ̧, tu̧ nɛ̀ see-am, ha̧ nɛ̀ ɗaŋsee ha̧‘m mbɛt ga, tu̧u̧-see kɔ‘m ɔ dita zu ye'i ɓɛɛ beka kaɗi na.› 26War ko wannu Juda nɛ toma'nɛ́ tɛnɛ sɛn ti'm'i, ɛ̀nɛ̀ tɔ̧́ ha̧ a̧‘e: ‹Wen nɛ̀ GASA WAN Sɔ̧ ko Israɛl tɔ̧ nɛ́ mɔ'ɔ: Mɛ zia gba̧a̧-mɔ nɛ̀ yɔra zaŋ kalata'i nɛ̀ de-a. 27Mɛ iŋa mɔ n'am kɔ̧ɔ̧ mɛ de in Jerusalɛm gú nɛ̀ o bíí saaye mbɛt; mɛ̀ nɛ́ hegɔ mɛ dee ko nɛ̀ tɛ-mɛ hi̧i̧ nɛ̀ kɔ̧a̧ ti'm. Mɔ‘i nɛ̀ mɛ dea'i yee tɛ‘m, mi GASA WAN; 28hegɔ, mi tɛ e mɛ tɛ ga̧a̧mɔ nɛ́ɛ̀ kpa nɛ̀ o dáà kɔ-mɛ. Wa tɛ gun mɛ nɛ̀ de-a sɛn kɔ̧ fio kɔ-mɛ. Mɛ beka zɔk ŋgamɔ n'am tɛ fo pi̧ zu Jerusalɛm in bíí saaye na.› »
Ɓɛɛ o betom ba kifa-nú siɗoŋ ha̧ wannu.
Josias ɗafa war nɔɔ-tɔk in Gasa Wan
(Zɔk 2 Wan 23.1-20)
29Wannu Josias saa o gasawi Juda in Jerusalɛm lɛŋ tɛnɛ pii tɛ, 30ɓɛɛ wa yak si kɔ̧ Tua ko GASA WAN in o wi nɔ‘i, bá nɛ̀ o wi-ɗafi-sɔ̧, o be Levii gú nɛ̀ o bíí saaye Jerusalɛm lɛŋ, kóó ge bíí ge ndé mbɛt; a̧ tɔra mɔ nɛ̀ yɔra zaŋ kalata nɔɔ-tɔk nɛ̀ wa kpaa kɔ̧ Tua ko GASA WAN ha̧ wa. 31Wannu kura yor zu mɔ nɛ̀ kusa-a, ɓɛɛ a̧ nɔ́ tɔk in GASA WAN tɔ̧ nɛnɛ‘e, kóó o ndé lɛŋ tɛ kasi o geŋa in o heembea, bá nɛ̀ o usamɔ ko GASA WAN nɛ̀ see in nɛ̀ sɔ̧-tɛ lɛŋ, kasi nɛ̀ yuwar nɔɔ tɔk nɛ̀ yɔra zaŋ kalata'i. 32Wannu dee ha̧ o bíí lɛŋ nɛ̀ ya sɛn Jerusalɛm in sɛn nú Bɛnjamin mɛ nɔ tɔk'i mbɛt. Ɗoŋ-aa'i o bíí nɛ̀ ɔ sɛn Jerusalɛm mboo zu tɛ nɔɔ-tɔk nɛ̀ wa nɔɔ in Sɔ̧ ko o dáà kɔ-wa. 33Nɛ́ hegɔ a̧ Josias dee nɛnɛ ha̧ gasa géé-sɔ̧ nɛ̀ wa duka so gasi zu nù Israɛl mɛ kaɗi nɛnɛ, ɓɛɛ a̧ de ha̧ o bíí nù‘i mɛ gasi GASA WAN Sɔ̧ kɔ-wa. Ŋgimbi n'aa ɓɔna nɛ̀ yí, ŋma bíí kpɔk zik ɗoŋ e ha̧ GASA WAN Sɔ̧ ko o dáà kɔ-wa na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.