2 KALATA NYƐRƐ 20
20
Bíí biro in o be Edɔm
1Hɔ-ɗoŋ mɔ‘i, o bem ko Mɔab in o bem ko Amɔŋ yaka in o bezaŋ Maɔŋ mɛ nɛ̀ɛ́ bi Josafat. 2Wa tɛ̀ɛ̀ tɔ̧ nyɛrɛ mɔ‘i ha̧ Josafat hee mɔ'ɔ ga: «O ŋma zɔm gíí wi-biro tɛ̀ɛ́ nɛ̀ kur gba-tɔp, nɛ̀ war Edɔm mɛ bi mɛ; kinii wa a̧a̧ sɛn Hasasɔŋ-Tamar, wen nɛ̀ tɔ̧ Ɛn-Gedi.» 3Josafat dee kíì; a̧ taa mɔ mɛ ak mɔ in GASA WAN, ɓɛɛ a̧ tɔ̧ ha̧ o bíí mɛ zim yì sɛn nù Juda lɛŋ. 4O bíí gara tɛnɛ nɛ̀ tɛ o ye Juda lɛŋ mɛ kɔfi GASA WAN. 5Josafat yora mgbara gíí o be Israɛl nɛ̀ mɔi̧a tɛnɛ nɛ̀ nù Juda in nɛ̀ Jerusalɛm sɛn kɔ̧ Tua ko GASA WAN tan nɛ̀ Nú Mbe Zala ɓɛɛ tɔ̧ hegɔ: 6«GASA WAN, Sɔ̧ ko o dáà k’ɛɛ, ɛ́nɛ́ bó nɛ́ Sɔ̧ sɛn yiwese nɛ̀ duk zu nù lɛŋ na nde? Ŋgai in ŋgayamɔ a̧a̧ kɔ̧ er'nɛ́, ŋma bíí nɛ̀ tɛ ba zu dúk nɛ̀ ɛ́nɛ́ bo na. 7Ɛ́nɛ́ bó nɛ́ Sɔ̧ k’ɛɛ nɛ̀ gbina gba̧a̧-tɛ bíí nù'ɛ ti dukbíí k’ɛ́nɛ́ Israɛl ha̧ nɛ̀ wa ha̧ o bezaŋ Abraham, sɛm k’ɛ́nɛ́ na nde?#Es 41.8; Jk 2.23 8Wa dee ye hɛ̧ɛ̧, ɓɛɛ wa mbo sa̧a̧-fara wen nin'nɛ́, tɔ̧ nɛnɛ: 9‹Kà ŋma ɗaŋmɔ tik zu yɛ, kóó nɛ́ gba-paa, kóó nɛ́ bɔnɛ oi dee ɗaŋmɔ, kóó nɛ́ ŋga-zɛɛ-geŋa, kóó nɛ́ kaɓa; k’ɛ̀ɛ̀ yor sɛn nú Tua’ɛ sɛn ti'nɛ́, wen nin'nɛ́ a̧a̧ sɛn kɔ̧ Tua’ɛ, k’ɛ̀ɛ̀ ai nú sitɛ‘nɛ́ tɛ ŋga bɔnɛ k’ɛɛ, ɛnɛ tɛ kifi nú in ɛnɛ tɛ kpasi yɛ.› 10Ɓɛɛ kinii, zɔ́k o bem ko Amɔŋ in ko Mɔab gú nɛ̀ ko Edɔm nɔ'ɔ nɛ̀ ɔ mgbara kaya Sɛir, n’ɛnɛ ha̧ so yuwar ha̧ o be Israɛl mɛ hɔ tɛ kɔ-wa ɗoŋ gboa-a nɛ̀ Egiptɛ na, ba nɛ biro dúk nɛ̀ ɛɛ!#Wee-ɗoŋ-he 2.4-19 11Kinii o wi nɔ‘i nɛ́ mɔ'ɔ nɛ̀ tɛ mɛ ba nù k’ɛɛ n’ɛnɛ ha̧a̧ so h’ɛ́ɛ́'ɛ! 12Sɔ̧ k’ɛɛ, ɛnɛ beka gɔn kita k’ɛ́nɛ́ zu wa na nde? Ɛɛ bo nɛ̀ ŋgai mɛ yor ti zɔm giiwi nɛ̀ tɛ mɛ bi yɛ'ɛ na, ɛɛ iŋ mɔ n’ɛɛ tɛ de na mbɛt; mɛ̀ nɛ́ wen hegɔ s’ɛɛ zik yí-ɛɛ zɔk mɔ sitɛ‘nɛ́.»
13O be Juda lɛŋ in o kóò gú nɛ̀ o bem kɔ-wa yor so nɛ́ ŋgɔn sɛn ti GASA WAN.
GASA WAN dee ha̧ o be Juda mɛ gbin biro
14Sɛn mgbara gíí o be Israɛl nɛ̀ mɔi̧a, Ɔmi ko GASA WAN duka zu Yaziɛl bem ko Zakarii, bem ko Bɛnaya, bem ko Yeiɛl, bem ko Matania, be-koo Levii, ŋma bezaŋ Asaf. 15Yaziɛl tɔ̧a̧: «Ɛnɛ o be Juda in o bíí Jerusalɛm bá nɛ̀ wannu Josafat, ɛ̀nɛ̀ zíí wen’ɛ nɛ̀ de-a! Wen nɛ̀ GASA WAN tɔ̧ h’ɛ́nɛ́ nɛ mɔ'ɔ: ‹K’ɛ́nɛ́ de kíì na, in k’ɛ́nɛ́ yu mɔ ti zɔm giiwi nɔ'ɔ na, wen biro'i bó nɛ́ k’ɛ́nɛ́ na, ɓɛɛ nɛ́ biro ko Sɔ̧.#Wee-ɗoŋ-he 20.1-14 16Mɔɔsa̧, ɛ̀nɛ̀ zír, ɛ̀nɛ̀ bí wa. Wa nɛ́ mɔ'ɔ nɛ̀ daŋ nɛ̀ war Sɔs tɛnɛ'ɛ; ɛnɛ tɛ kpa wa mgbák nú gboŋgo ŋga-gbárà Yɛruɛl. 17Bo nɛ ɛnɛ a̧ tɛ bi biro na; ɛ̀nɛ̀ nɛ́, ɛ̀nɛ̀ yór, ɓɛɛ ɛ̀nɛ̀ zɔ́k gbina biro nɛ̀ GASA WAN tɛ gbin see zu'nɛ́. Juda in Jerusalɛm, k’ɛ́nɛ́ de kíì na, k’ɛ́nɛ́ yu mɔ na! Mɔɔsa̧, ɛ̀nɛ̀ gbó, ɛ̀nɛ̀ nɛ́ si ti wa, ɓɛɛ GASA WAN tɛ duk in'nɛ̀ɛ́!› »#Gboa-a 14.13-14
18Josafat gbɛɛ zugur nù, ba yí gu nù; Juda nɛ̀ oi gun lɛŋ in o be Jerusalɛm gbɛɛ zugur nù ti GASA WAN gasi nɛ̀ a̧. 19O be Levii, pɛ́r-nam ko o bem ko Kehat in ko o bem ko Kore kura mɛ gasi GASA WAN Sɔ̧ ko Israɛl nɛ̀ hee ger.
20Mɛ bin, dukbíí kura mɛ tutuyɛ sut mɛ yak si ŋga-gbárà Tɛkɔa. Ŋgimbi yaka-a, Josafat yora ɓɛɛ tɔ̧: «O be Juda in o be Jerusalɛm, ɛ̀nɛ̀ zíí wen kɔ‘m! Ɛ̀nɛ̀ é ta nɛ̀ GASA WAN Sɔ̧ k’ɛ́nɛ́, ɓɛɛ ɛ́nɛ́ tɛ kpa ŋgai! Ɛ̀nɛ̀ é ta mbɛt nɛ̀ o wi-tɔ̧-wen oi nú-a, ɓɛɛ ɛ́nɛ́ tɛ gan zu mɔ.» 21Josafat in dukbíí hoka o ŋma bíí nɛ̀ tɛ yak ti ha̧ o wi-biro gasi nɛ̀ GASA WAN, zɔn nɛ̀ gasamɔ kɔ̧-a̧ tɔ̧ nɛnɛ: «Ɛ̀nɛ̀ gásí GASA WAN, wen kɔ̧ɔ̧mɔ kɔ̧-a̧ duk ɓɔnsɛnɛ.»
22Ŋgimbi nɛ̀ wa ku̧u̧naŋ aa nú-wa tɛ gima zɔnamɔ, GASA WAN dee ha̧ sii-kafɛ mɛ kur mgbara o be Amɔŋ, o be Mɔab in o be mgbara kaya Sɛir nɛ̀ tɛɛ so wen bíí Juda, ɓɛɛ wa ye tɛ bíí ŋmaa. 23O bem ko Amɔŋ in o bem ko Mɔab duka zù nɛ̀ o be mgbara kaya Sɛir ɓɛɛ kum wa lɛŋ. Ŋgimbi nɛ̀ wa kuma o be Sɛir kaɗi, wa yee tɛ gbɛɛ ŋmaa siɗoŋ woyo. 24O be Juda hɔɔ sɛn zu-tɔ̧́ fara nɛ̀‘i duk sɛnɛ zɔk nɛ̀ ŋga-gbárà; wa zika tɛ-wa zɔk mɔ si zu gíí o wi-biro, ɓɛɛ nɛ́ géé wɔr a̧ gbisi nɛ̀ mbɔɗɔnu sinɛ, ŋma bíí kpɔk duk kpasa na.
25Josafat in o wi-biro kɔ‘i tɛ̀ɛ̀ kai o mɔɔ tɛ-wa, wa kpaa o mɔ-dai nɛ̀ dɔka-a, o mbɔi, o laa in o demɔ nɛtɛ nɛtɛ. Zaŋzɛ taar, wa a̧a̧ tɛ kaia mɔ, wen mɔ dɔka so nyɛmna; hegɔ wa gana oi-aa e duk.
26Zɛ naar ɗoŋ mɔ‘i, wa mɔi̧a ŋmaa sɛn kɔ̧ ɗɔŋgɔ Beraka#20.26 ɗɔŋgɔ Beraka: nɛ́ wen nɛ̀ tɔ̧́: ɗɔŋgɔ De osoko. de nɛ̀ osoko ha̧ GASA WAN sɛn hi̧i̧, ɓɛɛ wa sa nin ɗɔŋgɔ‘i'e Ɗɔŋgɔ Beraka nɛ̀ duk hɔ sɔsɔɔ. 27O be Juda gú nɛ̀ o be Jerusalɛm lɛŋ sii ɗoŋ in Josafat sɛn Jerusalɛm nɛ̀ desee, wen GASA WAN ha̧a̧ desee ha̧ wa sɛn ti o wisɛn kɔ-wa. 28Wa yɔɔ yɔyɛ ye nɛ̀ saaye Jerusalɛm, mbɛr nɛ̀ koloŋ in o kunde, dɔm nɛ̀ mbia hɔ nɛnɛ kɔ̧ Tua ko GASA WAN. 29Kíí GASA WAN dee o nù nɛtɛ nɛtɛ tɛ zia nyɛrɛ biro nɛ̀ GASA WAN dee in o wisɛn ko Israɛl. 30Wan ko Josafat duka zaŋ ga̧a̧mɔ, ɓɛɛ Sɔ̧ kɔ̧-a̧ ha̧ ɔma-tɛ ha̧ a̧ tɛ fara lɛŋ.
Kaɗa wan ko Josafat
(Zɔk 1 Wan 22.41-51)
31Josafat bem ko Asa ɔɔ wan zu Juda; a̧ a̧a̧ so nɛ̀ pɛ ɓu-taar-zua-mɔɔrɔ ŋgimbi n'aa ɔɔ nɛ wan'i, ɓɛɛ a̧ duk tɛ wan pɛ ɓu-yiitoo-zua-mɔɔrɔ sɛn Jerusalɛm. Nin nàà kɔ̧-a̧ nɛ Azuba boko-bem ko Sili. 32A̧ zɔka ɗoŋ mɔ ko dáà kɔ̧-a̧ Asa, a̧ e ŋma mɔ duk na; a̧ dee mɔ nɛ̀ yuwar-a ti GASA WAN. 33Mɔ kpɔk, o fara-gasi géé-sɔ̧ mɛ kusa-fara ɓɔna so kànà sɛnɛ; hegɔ o bíí tɛ e so see nɛ̀ kpasa-a tɛ Sɔ̧ ko dáà kɔ-wa na. 34Oi tom ko Josafat nɛ̀ dea, o wan mɛ ti in o wan mɛ ɗoŋ yɔra zaŋ tom ko Jɛhu bem ko Hanani, nɛ̀‘i ee zaŋ Kalata ko o wannu Israɛl.
35Ɗoŋ mɔ‘i, Josafat wannu Juda ee nú in Ahazia wannu Israɛl nɛ̀ deemɔ kɔ̧-a̧ de so na. 36Wa ee nú in ŋmaa mɛ de o kombon wen nɛa-a si Tarsis mɛ. Wa dee o kombon nɔ‘i sɛn Ɛsiɔŋ-Gebɛr. 37Tɛ mɔ‘i, wi-ɗafi-sɔ̧ Eliɛzɛr bem ko Dɔdawa be Marɛsa tɔ̧ɔ̧ ha̧ Josafat hegɔ: «Hee mɔ'ɔ nɛ̀ mɛ ee nú in Ahazia ga, GASA WAN tɛ ɗaŋ tom kɔ-mɛ yinɛ.» Hegɔ o kombon mbaŋa ye yì lɛŋ, wa hɔ sɛn Tarsis na.
Currently Selected:
2 KALATA NYƐRƐ 20: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
2 KALATA NYƐRƐ 20
20
Bíí biro in o be Edɔm
1Hɔ-ɗoŋ mɔ‘i, o bem ko Mɔab in o bem ko Amɔŋ yaka in o bezaŋ Maɔŋ mɛ nɛ̀ɛ́ bi Josafat. 2Wa tɛ̀ɛ̀ tɔ̧ nyɛrɛ mɔ‘i ha̧ Josafat hee mɔ'ɔ ga: «O ŋma zɔm gíí wi-biro tɛ̀ɛ́ nɛ̀ kur gba-tɔp, nɛ̀ war Edɔm mɛ bi mɛ; kinii wa a̧a̧ sɛn Hasasɔŋ-Tamar, wen nɛ̀ tɔ̧ Ɛn-Gedi.» 3Josafat dee kíì; a̧ taa mɔ mɛ ak mɔ in GASA WAN, ɓɛɛ a̧ tɔ̧ ha̧ o bíí mɛ zim yì sɛn nù Juda lɛŋ. 4O bíí gara tɛnɛ nɛ̀ tɛ o ye Juda lɛŋ mɛ kɔfi GASA WAN. 5Josafat yora mgbara gíí o be Israɛl nɛ̀ mɔi̧a tɛnɛ nɛ̀ nù Juda in nɛ̀ Jerusalɛm sɛn kɔ̧ Tua ko GASA WAN tan nɛ̀ Nú Mbe Zala ɓɛɛ tɔ̧ hegɔ: 6«GASA WAN, Sɔ̧ ko o dáà k’ɛɛ, ɛ́nɛ́ bó nɛ́ Sɔ̧ sɛn yiwese nɛ̀ duk zu nù lɛŋ na nde? Ŋgai in ŋgayamɔ a̧a̧ kɔ̧ er'nɛ́, ŋma bíí nɛ̀ tɛ ba zu dúk nɛ̀ ɛ́nɛ́ bo na. 7Ɛ́nɛ́ bó nɛ́ Sɔ̧ k’ɛɛ nɛ̀ gbina gba̧a̧-tɛ bíí nù'ɛ ti dukbíí k’ɛ́nɛ́ Israɛl ha̧ nɛ̀ wa ha̧ o bezaŋ Abraham, sɛm k’ɛ́nɛ́ na nde?#Es 41.8; Jk 2.23 8Wa dee ye hɛ̧ɛ̧, ɓɛɛ wa mbo sa̧a̧-fara wen nin'nɛ́, tɔ̧ nɛnɛ: 9‹Kà ŋma ɗaŋmɔ tik zu yɛ, kóó nɛ́ gba-paa, kóó nɛ́ bɔnɛ oi dee ɗaŋmɔ, kóó nɛ́ ŋga-zɛɛ-geŋa, kóó nɛ́ kaɓa; k’ɛ̀ɛ̀ yor sɛn nú Tua’ɛ sɛn ti'nɛ́, wen nin'nɛ́ a̧a̧ sɛn kɔ̧ Tua’ɛ, k’ɛ̀ɛ̀ ai nú sitɛ‘nɛ́ tɛ ŋga bɔnɛ k’ɛɛ, ɛnɛ tɛ kifi nú in ɛnɛ tɛ kpasi yɛ.› 10Ɓɛɛ kinii, zɔ́k o bem ko Amɔŋ in ko Mɔab gú nɛ̀ ko Edɔm nɔ'ɔ nɛ̀ ɔ mgbara kaya Sɛir, n’ɛnɛ ha̧ so yuwar ha̧ o be Israɛl mɛ hɔ tɛ kɔ-wa ɗoŋ gboa-a nɛ̀ Egiptɛ na, ba nɛ biro dúk nɛ̀ ɛɛ!#Wee-ɗoŋ-he 2.4-19 11Kinii o wi nɔ‘i nɛ́ mɔ'ɔ nɛ̀ tɛ mɛ ba nù k’ɛɛ n’ɛnɛ ha̧a̧ so h’ɛ́ɛ́'ɛ! 12Sɔ̧ k’ɛɛ, ɛnɛ beka gɔn kita k’ɛ́nɛ́ zu wa na nde? Ɛɛ bo nɛ̀ ŋgai mɛ yor ti zɔm giiwi nɛ̀ tɛ mɛ bi yɛ'ɛ na, ɛɛ iŋ mɔ n’ɛɛ tɛ de na mbɛt; mɛ̀ nɛ́ wen hegɔ s’ɛɛ zik yí-ɛɛ zɔk mɔ sitɛ‘nɛ́.»
13O be Juda lɛŋ in o kóò gú nɛ̀ o bem kɔ-wa yor so nɛ́ ŋgɔn sɛn ti GASA WAN.
GASA WAN dee ha̧ o be Juda mɛ gbin biro
14Sɛn mgbara gíí o be Israɛl nɛ̀ mɔi̧a, Ɔmi ko GASA WAN duka zu Yaziɛl bem ko Zakarii, bem ko Bɛnaya, bem ko Yeiɛl, bem ko Matania, be-koo Levii, ŋma bezaŋ Asaf. 15Yaziɛl tɔ̧a̧: «Ɛnɛ o be Juda in o bíí Jerusalɛm bá nɛ̀ wannu Josafat, ɛ̀nɛ̀ zíí wen’ɛ nɛ̀ de-a! Wen nɛ̀ GASA WAN tɔ̧ h’ɛ́nɛ́ nɛ mɔ'ɔ: ‹K’ɛ́nɛ́ de kíì na, in k’ɛ́nɛ́ yu mɔ ti zɔm giiwi nɔ'ɔ na, wen biro'i bó nɛ́ k’ɛ́nɛ́ na, ɓɛɛ nɛ́ biro ko Sɔ̧.#Wee-ɗoŋ-he 20.1-14 16Mɔɔsa̧, ɛ̀nɛ̀ zír, ɛ̀nɛ̀ bí wa. Wa nɛ́ mɔ'ɔ nɛ̀ daŋ nɛ̀ war Sɔs tɛnɛ'ɛ; ɛnɛ tɛ kpa wa mgbák nú gboŋgo ŋga-gbárà Yɛruɛl. 17Bo nɛ ɛnɛ a̧ tɛ bi biro na; ɛ̀nɛ̀ nɛ́, ɛ̀nɛ̀ yór, ɓɛɛ ɛ̀nɛ̀ zɔ́k gbina biro nɛ̀ GASA WAN tɛ gbin see zu'nɛ́. Juda in Jerusalɛm, k’ɛ́nɛ́ de kíì na, k’ɛ́nɛ́ yu mɔ na! Mɔɔsa̧, ɛ̀nɛ̀ gbó, ɛ̀nɛ̀ nɛ́ si ti wa, ɓɛɛ GASA WAN tɛ duk in'nɛ̀ɛ́!› »#Gboa-a 14.13-14
18Josafat gbɛɛ zugur nù, ba yí gu nù; Juda nɛ̀ oi gun lɛŋ in o be Jerusalɛm gbɛɛ zugur nù ti GASA WAN gasi nɛ̀ a̧. 19O be Levii, pɛ́r-nam ko o bem ko Kehat in ko o bem ko Kore kura mɛ gasi GASA WAN Sɔ̧ ko Israɛl nɛ̀ hee ger.
20Mɛ bin, dukbíí kura mɛ tutuyɛ sut mɛ yak si ŋga-gbárà Tɛkɔa. Ŋgimbi yaka-a, Josafat yora ɓɛɛ tɔ̧: «O be Juda in o be Jerusalɛm, ɛ̀nɛ̀ zíí wen kɔ‘m! Ɛ̀nɛ̀ é ta nɛ̀ GASA WAN Sɔ̧ k’ɛ́nɛ́, ɓɛɛ ɛ́nɛ́ tɛ kpa ŋgai! Ɛ̀nɛ̀ é ta mbɛt nɛ̀ o wi-tɔ̧-wen oi nú-a, ɓɛɛ ɛ́nɛ́ tɛ gan zu mɔ.» 21Josafat in dukbíí hoka o ŋma bíí nɛ̀ tɛ yak ti ha̧ o wi-biro gasi nɛ̀ GASA WAN, zɔn nɛ̀ gasamɔ kɔ̧-a̧ tɔ̧ nɛnɛ: «Ɛ̀nɛ̀ gásí GASA WAN, wen kɔ̧ɔ̧mɔ kɔ̧-a̧ duk ɓɔnsɛnɛ.»
22Ŋgimbi nɛ̀ wa ku̧u̧naŋ aa nú-wa tɛ gima zɔnamɔ, GASA WAN dee ha̧ sii-kafɛ mɛ kur mgbara o be Amɔŋ, o be Mɔab in o be mgbara kaya Sɛir nɛ̀ tɛɛ so wen bíí Juda, ɓɛɛ wa ye tɛ bíí ŋmaa. 23O bem ko Amɔŋ in o bem ko Mɔab duka zù nɛ̀ o be mgbara kaya Sɛir ɓɛɛ kum wa lɛŋ. Ŋgimbi nɛ̀ wa kuma o be Sɛir kaɗi, wa yee tɛ gbɛɛ ŋmaa siɗoŋ woyo. 24O be Juda hɔɔ sɛn zu-tɔ̧́ fara nɛ̀‘i duk sɛnɛ zɔk nɛ̀ ŋga-gbárà; wa zika tɛ-wa zɔk mɔ si zu gíí o wi-biro, ɓɛɛ nɛ́ géé wɔr a̧ gbisi nɛ̀ mbɔɗɔnu sinɛ, ŋma bíí kpɔk duk kpasa na.
25Josafat in o wi-biro kɔ‘i tɛ̀ɛ̀ kai o mɔɔ tɛ-wa, wa kpaa o mɔ-dai nɛ̀ dɔka-a, o mbɔi, o laa in o demɔ nɛtɛ nɛtɛ. Zaŋzɛ taar, wa a̧a̧ tɛ kaia mɔ, wen mɔ dɔka so nyɛmna; hegɔ wa gana oi-aa e duk.
26Zɛ naar ɗoŋ mɔ‘i, wa mɔi̧a ŋmaa sɛn kɔ̧ ɗɔŋgɔ Beraka#20.26 ɗɔŋgɔ Beraka: nɛ́ wen nɛ̀ tɔ̧́: ɗɔŋgɔ De osoko. de nɛ̀ osoko ha̧ GASA WAN sɛn hi̧i̧, ɓɛɛ wa sa nin ɗɔŋgɔ‘i'e Ɗɔŋgɔ Beraka nɛ̀ duk hɔ sɔsɔɔ. 27O be Juda gú nɛ̀ o be Jerusalɛm lɛŋ sii ɗoŋ in Josafat sɛn Jerusalɛm nɛ̀ desee, wen GASA WAN ha̧a̧ desee ha̧ wa sɛn ti o wisɛn kɔ-wa. 28Wa yɔɔ yɔyɛ ye nɛ̀ saaye Jerusalɛm, mbɛr nɛ̀ koloŋ in o kunde, dɔm nɛ̀ mbia hɔ nɛnɛ kɔ̧ Tua ko GASA WAN. 29Kíí GASA WAN dee o nù nɛtɛ nɛtɛ tɛ zia nyɛrɛ biro nɛ̀ GASA WAN dee in o wisɛn ko Israɛl. 30Wan ko Josafat duka zaŋ ga̧a̧mɔ, ɓɛɛ Sɔ̧ kɔ̧-a̧ ha̧ ɔma-tɛ ha̧ a̧ tɛ fara lɛŋ.
Kaɗa wan ko Josafat
(Zɔk 1 Wan 22.41-51)
31Josafat bem ko Asa ɔɔ wan zu Juda; a̧ a̧a̧ so nɛ̀ pɛ ɓu-taar-zua-mɔɔrɔ ŋgimbi n'aa ɔɔ nɛ wan'i, ɓɛɛ a̧ duk tɛ wan pɛ ɓu-yiitoo-zua-mɔɔrɔ sɛn Jerusalɛm. Nin nàà kɔ̧-a̧ nɛ Azuba boko-bem ko Sili. 32A̧ zɔka ɗoŋ mɔ ko dáà kɔ̧-a̧ Asa, a̧ e ŋma mɔ duk na; a̧ dee mɔ nɛ̀ yuwar-a ti GASA WAN. 33Mɔ kpɔk, o fara-gasi géé-sɔ̧ mɛ kusa-fara ɓɔna so kànà sɛnɛ; hegɔ o bíí tɛ e so see nɛ̀ kpasa-a tɛ Sɔ̧ ko dáà kɔ-wa na. 34Oi tom ko Josafat nɛ̀ dea, o wan mɛ ti in o wan mɛ ɗoŋ yɔra zaŋ tom ko Jɛhu bem ko Hanani, nɛ̀‘i ee zaŋ Kalata ko o wannu Israɛl.
35Ɗoŋ mɔ‘i, Josafat wannu Juda ee nú in Ahazia wannu Israɛl nɛ̀ deemɔ kɔ̧-a̧ de so na. 36Wa ee nú in ŋmaa mɛ de o kombon wen nɛa-a si Tarsis mɛ. Wa dee o kombon nɔ‘i sɛn Ɛsiɔŋ-Gebɛr. 37Tɛ mɔ‘i, wi-ɗafi-sɔ̧ Eliɛzɛr bem ko Dɔdawa be Marɛsa tɔ̧ɔ̧ ha̧ Josafat hegɔ: «Hee mɔ'ɔ nɛ̀ mɛ ee nú in Ahazia ga, GASA WAN tɛ ɗaŋ tom kɔ-mɛ yinɛ.» Hegɔ o kombon mbaŋa ye yì lɛŋ, wa hɔ sɛn Tarsis na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.