1 SAMUƐL 2
2
Gima ko Ana
1Ana wora Sɔ̧ hee mɔ'ɔ ga:
«See-am duk nɛ nyɛŋɛ wen zu GASA WAN;
mi ba zu'm nɛ ŋgɔn wen zu deako ko GASA WAN,
mi kpaa ŋgai zu o wi-sɛn-am.
Tortɛ ba'm wen mi iŋa ɛ́nɛ́ yee ɗoŋ-am.#Lk 1.46-55
2Ŋma sa̧a̧-wi hee GASA WAN ga bo na;
ŋma bíí, yak zu'nɛ́ bo na,
ŋma kam-ta hee Sɔ̧ k’ɛɛ ga bo na.
3K’ɛ́nɛ́ dɔk wen-gɔ-tɛ na,
ká ndiŋ wen gbo nɛ̀ nú‘nɛ́ na,
GASA WAN nɛ́ Sɔ̧ nɛ duna nɛ iŋamɔ;
nɛ́ a̧ a̧ we deemɔ.
4Kùsàà ko o ŋgaŋa-wi gbina,
ɓɛɛ o ziɓa-wi kpa ŋgai.
5O wan-sura-zaŋ ye nɛ tom wen brɛt
ɓɛɛ o wi nɛ wɔ gbɛ ɔm nɛ tɛ.
Ko-yar-ndɔra ko nɛ bem war mɔɔrɔ-ɗoŋ-yiitoo,
ɓɛɛ ko-ko-bem kaɗa koa-a.
6Nɛ́ GASA WAN a̧ de ha'i mɛ fe,
in nɛ́ a̧ a̧ de ha'i mɛ duk kpasa.
Nɛ́ a̧ a̧ de ha'i mɛ zir si fara ko o fio,
ɓɛɛ a̧ baa wi daŋnɛ mbɛt.
7Nɛ́ GASA WAN a̧ de ha'i mɛ duk tɛ san mbɛt.
In ha'i mɛ kpa mbɔi,
A̧ e wi si ɗɔɔ,
ɓɛɛ a̧ ee wi si ŋgɔn mbɛt.
8Nɛ́ a̧ a̧ ba ziɓa-wi ɗɔɔ fuunu e ŋgɔn,
nɛ́ a̧ a̧ gbur wisan zuku-paa yinɛ,
ha̧ a̧ mɛ e wa mɛ ya kpɔk fara in o be-wan,
ha̧ nɛ̀ de fara tu̧u̧-tɛ ha̧ wa;
wen o mbiŋ nɛ̀ tɔn nù e ŋgɔn nɛ́ ko GASA WAN,
nɛ́ see zu mbiŋ nɔ‘i a̧ a̧ baa nù e sɛnɛ.
9A̧ tɛ zɔk naŋanɔ ko wi-mbo-zu,
ɓɛɛ o wi-ɗaŋ fee kɔ‘i ɓɔn ti tum:
bó nɛ́ ŋgai a̧‘i gan nɛ̀ zu mɔ na.
10O wisɛn ko GASA WAN tɛ gbin lɛŋ,
a̧ tɛ duk yiwese mɛ tuɓi nɛ da̧ a zu wa.
GASA WAN tɛ gɔn kita zu nù lɛŋ,
a̧ tɛ ha̧ ŋgai ha̧ wannu kɔ̧-a̧;
a̧ tɛ zɔn ŋgai ko wi n'aa tɛna nɔ̧́ a zu a̧.»
11Ɛlkana sii ɗoŋ tɛ kɔ‘i sɛn Rama, ɓɛɛ bem ɓɔn kɔ‘i Silo de nɛ tom ha̧ GASA WAN nɛ̀ yí wi-ɗafi-sɔ̧ Elii.
O bem ko Elii
12O bem ko Elii yaa so nɛ́ o wi-de-gba̧a̧-mɔ na nɛ iŋ so GASA WAN na. 13Yuwar mɔ nɛ o wi-ɗafi-sɔ̧ nɔ‘i de in dukbíí nɛ́ mɔ'ɔ: kà ŋma bíí ɗafi sɔ̧, ɓɛɛ wi-de-tom ko wi-ɗafi-sɔ̧ hɔa ŋgimbi nɛ wa gi nɛ kpoo nɛ̀ ŋma te nɛ sara-a taar er, 14ɓɛɛ a̧ pi̧i̧ tok nɛ̀ mɔ sɛn kɔ̧ ɗuka nyɛk, kóó kɔ̧ ɗuka kpánà, ɓɛɛ mɔ n'aa ba gbonɛ nɛ́ ko wi-ɗafi-sɔ̧. Wa de so kànà hegɔ in o be Israɛl lɛŋ nɛ tɛ sɛn Silo. 15Nɛti ha̧ wa mɛ dɔ nɔ̧́-kpoo, wi-de-tom ko wi-ɗafi-sɔ̧ tɛ so, ɓɛɛ tɔ̧ɔ̧ ha̧ wi nɛ duk tɛ ɗafa-sɔ̧: «Mɛ̀ há̧ kpoo ko wi-ɗafi-sɔ̧ nɛ‘i tɛ dɔ tɛnɛ. A̧ beka kpɛk gii-kpoo er-mɛ na; nɛ́ tɔr-a a̧ a̧ tɛ kpɛk.»
16Ɓɛɛ kà wi’ɛi kifi nú ha̧ a̧‘e, wi tɛ dɔ nɔ̧́-kpoo'i nɛti sɛka a̧ baa mɔ lɛŋ n'aa kɔ̧a̧‘i wó, ɓɛɛ wi-de-tom ko wi-ɗafi-sɔ̧ kifa nú woyo: «Weyaa, mɛ̀ há̧ ha̧‘m kinii; kà bó hegɔ na, mi tɛ ba nɛ̀ ŋgai.»
17Ɗaŋmɔ ko be-ŋgaiwi nɔ‘i duka nɛ gasa-a nyɛmna ti GASA WAN, wen wa ba nɛ ha̧a̧mɔ ha̧ GASA WAN e tɛ geemɔ.
Samuɛl sɛn Silo
18Samuɛl duka de nɛ tom ha̧ GASA WAN, a̧ duka pi̧ nɛ yɛ́m-yɛ́m-laa. 19Nàà kɔ̧-a̧ duka fur nɛ ŋma be laa, ba nɛnɛ ha̧ a̧ tɛ pɛ lɛŋ ŋgimbi n'aa daŋ in wíì kɔ̧-a̧ mɛ nɛ̀ɛ́ ɗafi sɔ̧. 20Elii toka de yoŋgo a zu Ɛlkana in kóò kɔ̧-a̧ tɔ̧ nɛnɛ: «GASA WAN a̧ dé h’ɛ́nɛ́ mɛ ko bem in kóò'ɛ kpai nɛ̀ wan n'aa ee ha̧ GASA WAN.»
Ɗoŋ mɔ‘i, Ɛlkana in kóò sii ɗoŋ ye kɔ‘i mɛ.
21Hee mɔ'ɔ nɛ GASA WAN ha̧a̧ de sɔnti ha̧ Ana ga, a̧ baa zaŋ ɗoŋ ŋmaa ko nɛ̀ be-wiwii taar, in be-okoo yiitoo, ɓɛɛ Samuɛl duk kànà kɔ‘i tɛ tom ko GASA WAN gasi nɛnɛ.
Elii in o be-wiwii kɔ‘i
22Elii sɔka so nyɛmna. A̧ zia nyɛrɛ deemɔ ko o bem kɔ̧-a̧ in o be Israɛl lɛŋ; a̧ zia'e ndé, wa ɔ ɔɔ in o okoo nɛ mɔi̧ ya nú Tua-kpa-ŋmaa mbɛt. 23A̧ aka o bem kɔ̧-a̧: «Wen ge ɛ́nɛ́ de mɔ hee mɔ'ɔ n'am zii nɛ́ ɗaŋ nyɛrɛ-a nɛ́ o bíí lɛŋ tɔ̧‘i ga ge? 24Weyaa, o bem kɔ‘m, nyɛrɛ mɔ n'am zii nɛ̀ dukbíí ko GASA WAN tɔ̧ nɛ̀ nú ŋmaa nɛnɛ de tɛ‘m na. Ɛ̀nɛ̀ é mɔ‘i duk! 25Kà ŋma bíí de ɗaŋmɔ in ŋmá-a, Sɔ̧ tɛ ye mgbara wa, ɓɛɛ kà a̧ bòò nɛ́ bíí a̧ de ɗaŋmɔ in GASA WAN, mɛ̀ nɛ́ o a̧ tɛ ye ɗoŋ-aa o nde?» Wa zii kɔ-wa wen ko dáà kɔ-wa na, wen GASA WAN kɔ̧ɔ̧ so mɛ gbɛ nɛ́ wa.
26War ko Samuɛl, a̧ gasi gasi nɛ̀ kpoo-tɛ in déè ti GASA WAN in ti bíí mbɛt.#Lk 2.52
Tɔ̧ɔ̧-wen zu Elii in o bíí nutua kɔ̧-a̧
27Ŋma bíí ko Sɔ̧ tɛɛ kpa Elii, ɓɛɛ tɔ̧ ha̧ a̧: «Tɔ̧ɔ̧-wen ko GASA WAN nɛ mɔ'ɔ: Zɔk, mi usa tɛ‘m ha̧ bíí nutua ko dáà kɔ-mɛ ŋgimbi nɛ wa a̧a̧ sɛn Egiptɛ ɗɔɔ ŋgai ko o bíí nutua ko wannu. 28Mi hoka dáà kɔ-mɛ mgbara o zuduk be Israɛl lɛŋ ha̧ a̧ mɛ duk wi-ɗaf'am, ha̧ a̧ mɛ daŋ zu fara-ɗaf'am; ha̧ a̧ mɛ dɔ fuu-nyama, in ha̧ a̧ mɛ pi̧ laa-ɗafi-sɔ̧ nɛ‘i sa'e Efod; mi ee mɔ lɛŋ nɛ̀ o be Israɛl ha̧ ha̧‘m ha̧ o bíí nutua ko dáà kɔ-mɛ.#Gboa-a 28.1-4; Lev 7.35-36 29Wen ge ɛ́nɛ́ zɔk ɗafa-sɔ̧ in ha̧a̧mɔ n'am aka so, ɓɛɛ nɛ̀ o bíí kɔ‘m ha̧‘m sɛn kɔ̧ Tua kɔ‘m nɛ̀ ɗaŋ yí ge? Wen ge sa mɛ tu̧ tɛ o bem kɔ-mɛ gan am ge? Ɛ́nɛ́ nyɔ́ŋ nɛ war de ha̧a̧mɔ ko Israɛl dukbíí kɔ‘m lɛŋ ŋmaŋ nɛnɛ. 30Wen hegɔ, tɔ̧ɔ̧ wen ko GASA WAN Sɔ̧ ko Israɛl nɛ mɔ'ɔ: mi tɔ̧ɔ̧ so ndé, o bíí nutua kɔ-mɛ in nutua ko dáà kɔ-mɛ tɛ de tom-ɗafa'm ɓɔnsɛnɛ. Ɓɛɛ kinii, mi bɛ̧ɛ̧ mɔ‘i. Wen mi tu̧ nɛ tɛ o wi nɛ tu̧ tɛ‘m, ɓɛɛ o wi nɛ zɔk am hee geemɔ ga, duk nɛ́ geemɔ yí‘m mbɛt. 31Wese n'am tɛ gbin ɓaa-mɛ in ɓaa o bíí nutua ko dáà kɔ-mɛ hɛɗa kaɗi. Ŋma sɔkawi beka duk nutua kɔ-mɛ ɓɔna. 32Mɛ tɛ zɔk ŋma wi-we-zu nɛ mɛ kɔ̧ Tua kɔ‘m in demɔ lɛŋ n'aa tɛ de ha̧ Israɛl, ɓɛɛ ŋma sɔkawi beka duk nutua kɔ-mɛ na kpoo nɛ kpoo. 33Mɔ kpɔk, mi tɛ e ŋma bíí kɔ-mɛ ɓɔn ká̧ fara-ɗaf'am: yí-a tɛ ɗaŋ, see-aa tɛ diti, ɓɛɛ o bíí nutua kɔ-mɛ lɛŋ tɛ́ fe nɛ́ ŋga fio. 34Mɔ nɛ tɛ mbaŋ tɛ-mɛ tɛ mɔ‘i nɛ́ mɔ nɛ̀ tɛ hɔ zu o bem kɔ-mɛ yiitoo, Hofni in Pinas: wa yiitoo tɛ fe kpɔk kale wese.#1 Sam 4.11 35Nɛ̀ ɗoŋ, mi tɛ kii ŋma mbóó-zu wi-ɗafi-sɔ̧ kɔ‘m nɛ tɛ de mɔ nyɛm see-am in nɛ tɛ de mɔ n'am kɔ̧a̧. Mi tɛ de ha̧ nutua kɔ̧-a̧ mɛ duk ɗoŋ-aa nyɛi̧, ɓɛɛ a̧ tɛ de tom-ɗafa-sɔ̧ ɓɔnsɛnɛ nɛ yí wi n'am tɛna nɔ̧́ a zu a̧. 36Ɓɛɛ o bíí nɛ tɛ ɓɔn mgbara o bíí nutua kɔ-mɛ tɛ tɛ̀ɛ́ gu nù ti a̧ mɛ kpa ŋma be geɗek kɔya bu-mbɔi in be brɛt, ɓɛɛ wa tɛ tɔ̧ ha̧ a̧: ‹Mi aia nú h’ɛ́nɛ́, ɛ̀nɛ̀ é‘m tɛ ŋma tom-ɗafa-sɔ̧ ha̧‘m mɛ kpa ŋma be ŋgonda brɛt a̧‘m nyɔŋ.› »
Currently Selected:
1 SAMUƐL 2: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
1 SAMUƐL 2
2
Gima ko Ana
1Ana wora Sɔ̧ hee mɔ'ɔ ga:
«See-am duk nɛ nyɛŋɛ wen zu GASA WAN;
mi ba zu'm nɛ ŋgɔn wen zu deako ko GASA WAN,
mi kpaa ŋgai zu o wi-sɛn-am.
Tortɛ ba'm wen mi iŋa ɛ́nɛ́ yee ɗoŋ-am.#Lk 1.46-55
2Ŋma sa̧a̧-wi hee GASA WAN ga bo na;
ŋma bíí, yak zu'nɛ́ bo na,
ŋma kam-ta hee Sɔ̧ k’ɛɛ ga bo na.
3K’ɛ́nɛ́ dɔk wen-gɔ-tɛ na,
ká ndiŋ wen gbo nɛ̀ nú‘nɛ́ na,
GASA WAN nɛ́ Sɔ̧ nɛ duna nɛ iŋamɔ;
nɛ́ a̧ a̧ we deemɔ.
4Kùsàà ko o ŋgaŋa-wi gbina,
ɓɛɛ o ziɓa-wi kpa ŋgai.
5O wan-sura-zaŋ ye nɛ tom wen brɛt
ɓɛɛ o wi nɛ wɔ gbɛ ɔm nɛ tɛ.
Ko-yar-ndɔra ko nɛ bem war mɔɔrɔ-ɗoŋ-yiitoo,
ɓɛɛ ko-ko-bem kaɗa koa-a.
6Nɛ́ GASA WAN a̧ de ha'i mɛ fe,
in nɛ́ a̧ a̧ de ha'i mɛ duk kpasa.
Nɛ́ a̧ a̧ de ha'i mɛ zir si fara ko o fio,
ɓɛɛ a̧ baa wi daŋnɛ mbɛt.
7Nɛ́ GASA WAN a̧ de ha'i mɛ duk tɛ san mbɛt.
In ha'i mɛ kpa mbɔi,
A̧ e wi si ɗɔɔ,
ɓɛɛ a̧ ee wi si ŋgɔn mbɛt.
8Nɛ́ a̧ a̧ ba ziɓa-wi ɗɔɔ fuunu e ŋgɔn,
nɛ́ a̧ a̧ gbur wisan zuku-paa yinɛ,
ha̧ a̧ mɛ e wa mɛ ya kpɔk fara in o be-wan,
ha̧ nɛ̀ de fara tu̧u̧-tɛ ha̧ wa;
wen o mbiŋ nɛ̀ tɔn nù e ŋgɔn nɛ́ ko GASA WAN,
nɛ́ see zu mbiŋ nɔ‘i a̧ a̧ baa nù e sɛnɛ.
9A̧ tɛ zɔk naŋanɔ ko wi-mbo-zu,
ɓɛɛ o wi-ɗaŋ fee kɔ‘i ɓɔn ti tum:
bó nɛ́ ŋgai a̧‘i gan nɛ̀ zu mɔ na.
10O wisɛn ko GASA WAN tɛ gbin lɛŋ,
a̧ tɛ duk yiwese mɛ tuɓi nɛ da̧ a zu wa.
GASA WAN tɛ gɔn kita zu nù lɛŋ,
a̧ tɛ ha̧ ŋgai ha̧ wannu kɔ̧-a̧;
a̧ tɛ zɔn ŋgai ko wi n'aa tɛna nɔ̧́ a zu a̧.»
11Ɛlkana sii ɗoŋ tɛ kɔ‘i sɛn Rama, ɓɛɛ bem ɓɔn kɔ‘i Silo de nɛ tom ha̧ GASA WAN nɛ̀ yí wi-ɗafi-sɔ̧ Elii.
O bem ko Elii
12O bem ko Elii yaa so nɛ́ o wi-de-gba̧a̧-mɔ na nɛ iŋ so GASA WAN na. 13Yuwar mɔ nɛ o wi-ɗafi-sɔ̧ nɔ‘i de in dukbíí nɛ́ mɔ'ɔ: kà ŋma bíí ɗafi sɔ̧, ɓɛɛ wi-de-tom ko wi-ɗafi-sɔ̧ hɔa ŋgimbi nɛ wa gi nɛ kpoo nɛ̀ ŋma te nɛ sara-a taar er, 14ɓɛɛ a̧ pi̧i̧ tok nɛ̀ mɔ sɛn kɔ̧ ɗuka nyɛk, kóó kɔ̧ ɗuka kpánà, ɓɛɛ mɔ n'aa ba gbonɛ nɛ́ ko wi-ɗafi-sɔ̧. Wa de so kànà hegɔ in o be Israɛl lɛŋ nɛ tɛ sɛn Silo. 15Nɛti ha̧ wa mɛ dɔ nɔ̧́-kpoo, wi-de-tom ko wi-ɗafi-sɔ̧ tɛ so, ɓɛɛ tɔ̧ɔ̧ ha̧ wi nɛ duk tɛ ɗafa-sɔ̧: «Mɛ̀ há̧ kpoo ko wi-ɗafi-sɔ̧ nɛ‘i tɛ dɔ tɛnɛ. A̧ beka kpɛk gii-kpoo er-mɛ na; nɛ́ tɔr-a a̧ a̧ tɛ kpɛk.»
16Ɓɛɛ kà wi’ɛi kifi nú ha̧ a̧‘e, wi tɛ dɔ nɔ̧́-kpoo'i nɛti sɛka a̧ baa mɔ lɛŋ n'aa kɔ̧a̧‘i wó, ɓɛɛ wi-de-tom ko wi-ɗafi-sɔ̧ kifa nú woyo: «Weyaa, mɛ̀ há̧ ha̧‘m kinii; kà bó hegɔ na, mi tɛ ba nɛ̀ ŋgai.»
17Ɗaŋmɔ ko be-ŋgaiwi nɔ‘i duka nɛ gasa-a nyɛmna ti GASA WAN, wen wa ba nɛ ha̧a̧mɔ ha̧ GASA WAN e tɛ geemɔ.
Samuɛl sɛn Silo
18Samuɛl duka de nɛ tom ha̧ GASA WAN, a̧ duka pi̧ nɛ yɛ́m-yɛ́m-laa. 19Nàà kɔ̧-a̧ duka fur nɛ ŋma be laa, ba nɛnɛ ha̧ a̧ tɛ pɛ lɛŋ ŋgimbi n'aa daŋ in wíì kɔ̧-a̧ mɛ nɛ̀ɛ́ ɗafi sɔ̧. 20Elii toka de yoŋgo a zu Ɛlkana in kóò kɔ̧-a̧ tɔ̧ nɛnɛ: «GASA WAN a̧ dé h’ɛ́nɛ́ mɛ ko bem in kóò'ɛ kpai nɛ̀ wan n'aa ee ha̧ GASA WAN.»
Ɗoŋ mɔ‘i, Ɛlkana in kóò sii ɗoŋ ye kɔ‘i mɛ.
21Hee mɔ'ɔ nɛ GASA WAN ha̧a̧ de sɔnti ha̧ Ana ga, a̧ baa zaŋ ɗoŋ ŋmaa ko nɛ̀ be-wiwii taar, in be-okoo yiitoo, ɓɛɛ Samuɛl duk kànà kɔ‘i tɛ tom ko GASA WAN gasi nɛnɛ.
Elii in o be-wiwii kɔ‘i
22Elii sɔka so nyɛmna. A̧ zia nyɛrɛ deemɔ ko o bem kɔ̧-a̧ in o be Israɛl lɛŋ; a̧ zia'e ndé, wa ɔ ɔɔ in o okoo nɛ mɔi̧ ya nú Tua-kpa-ŋmaa mbɛt. 23A̧ aka o bem kɔ̧-a̧: «Wen ge ɛ́nɛ́ de mɔ hee mɔ'ɔ n'am zii nɛ́ ɗaŋ nyɛrɛ-a nɛ́ o bíí lɛŋ tɔ̧‘i ga ge? 24Weyaa, o bem kɔ‘m, nyɛrɛ mɔ n'am zii nɛ̀ dukbíí ko GASA WAN tɔ̧ nɛ̀ nú ŋmaa nɛnɛ de tɛ‘m na. Ɛ̀nɛ̀ é mɔ‘i duk! 25Kà ŋma bíí de ɗaŋmɔ in ŋmá-a, Sɔ̧ tɛ ye mgbara wa, ɓɛɛ kà a̧ bòò nɛ́ bíí a̧ de ɗaŋmɔ in GASA WAN, mɛ̀ nɛ́ o a̧ tɛ ye ɗoŋ-aa o nde?» Wa zii kɔ-wa wen ko dáà kɔ-wa na, wen GASA WAN kɔ̧ɔ̧ so mɛ gbɛ nɛ́ wa.
26War ko Samuɛl, a̧ gasi gasi nɛ̀ kpoo-tɛ in déè ti GASA WAN in ti bíí mbɛt.#Lk 2.52
Tɔ̧ɔ̧-wen zu Elii in o bíí nutua kɔ̧-a̧
27Ŋma bíí ko Sɔ̧ tɛɛ kpa Elii, ɓɛɛ tɔ̧ ha̧ a̧: «Tɔ̧ɔ̧-wen ko GASA WAN nɛ mɔ'ɔ: Zɔk, mi usa tɛ‘m ha̧ bíí nutua ko dáà kɔ-mɛ ŋgimbi nɛ wa a̧a̧ sɛn Egiptɛ ɗɔɔ ŋgai ko o bíí nutua ko wannu. 28Mi hoka dáà kɔ-mɛ mgbara o zuduk be Israɛl lɛŋ ha̧ a̧ mɛ duk wi-ɗaf'am, ha̧ a̧ mɛ daŋ zu fara-ɗaf'am; ha̧ a̧ mɛ dɔ fuu-nyama, in ha̧ a̧ mɛ pi̧ laa-ɗafi-sɔ̧ nɛ‘i sa'e Efod; mi ee mɔ lɛŋ nɛ̀ o be Israɛl ha̧ ha̧‘m ha̧ o bíí nutua ko dáà kɔ-mɛ.#Gboa-a 28.1-4; Lev 7.35-36 29Wen ge ɛ́nɛ́ zɔk ɗafa-sɔ̧ in ha̧a̧mɔ n'am aka so, ɓɛɛ nɛ̀ o bíí kɔ‘m ha̧‘m sɛn kɔ̧ Tua kɔ‘m nɛ̀ ɗaŋ yí ge? Wen ge sa mɛ tu̧ tɛ o bem kɔ-mɛ gan am ge? Ɛ́nɛ́ nyɔ́ŋ nɛ war de ha̧a̧mɔ ko Israɛl dukbíí kɔ‘m lɛŋ ŋmaŋ nɛnɛ. 30Wen hegɔ, tɔ̧ɔ̧ wen ko GASA WAN Sɔ̧ ko Israɛl nɛ mɔ'ɔ: mi tɔ̧ɔ̧ so ndé, o bíí nutua kɔ-mɛ in nutua ko dáà kɔ-mɛ tɛ de tom-ɗafa'm ɓɔnsɛnɛ. Ɓɛɛ kinii, mi bɛ̧ɛ̧ mɔ‘i. Wen mi tu̧ nɛ tɛ o wi nɛ tu̧ tɛ‘m, ɓɛɛ o wi nɛ zɔk am hee geemɔ ga, duk nɛ́ geemɔ yí‘m mbɛt. 31Wese n'am tɛ gbin ɓaa-mɛ in ɓaa o bíí nutua ko dáà kɔ-mɛ hɛɗa kaɗi. Ŋma sɔkawi beka duk nutua kɔ-mɛ ɓɔna. 32Mɛ tɛ zɔk ŋma wi-we-zu nɛ mɛ kɔ̧ Tua kɔ‘m in demɔ lɛŋ n'aa tɛ de ha̧ Israɛl, ɓɛɛ ŋma sɔkawi beka duk nutua kɔ-mɛ na kpoo nɛ kpoo. 33Mɔ kpɔk, mi tɛ e ŋma bíí kɔ-mɛ ɓɔn ká̧ fara-ɗaf'am: yí-a tɛ ɗaŋ, see-aa tɛ diti, ɓɛɛ o bíí nutua kɔ-mɛ lɛŋ tɛ́ fe nɛ́ ŋga fio. 34Mɔ nɛ tɛ mbaŋ tɛ-mɛ tɛ mɔ‘i nɛ́ mɔ nɛ̀ tɛ hɔ zu o bem kɔ-mɛ yiitoo, Hofni in Pinas: wa yiitoo tɛ fe kpɔk kale wese.#1 Sam 4.11 35Nɛ̀ ɗoŋ, mi tɛ kii ŋma mbóó-zu wi-ɗafi-sɔ̧ kɔ‘m nɛ tɛ de mɔ nyɛm see-am in nɛ tɛ de mɔ n'am kɔ̧a̧. Mi tɛ de ha̧ nutua kɔ̧-a̧ mɛ duk ɗoŋ-aa nyɛi̧, ɓɛɛ a̧ tɛ de tom-ɗafa-sɔ̧ ɓɔnsɛnɛ nɛ yí wi n'am tɛna nɔ̧́ a zu a̧. 36Ɓɛɛ o bíí nɛ tɛ ɓɔn mgbara o bíí nutua kɔ-mɛ tɛ tɛ̀ɛ́ gu nù ti a̧ mɛ kpa ŋma be geɗek kɔya bu-mbɔi in be brɛt, ɓɛɛ wa tɛ tɔ̧ ha̧ a̧: ‹Mi aia nú h’ɛ́nɛ́, ɛ̀nɛ̀ é‘m tɛ ŋma tom-ɗafa-sɔ̧ ha̧‘m mɛ kpa ŋma be ŋgonda brɛt a̧‘m nyɔŋ.› »
Currently Selected:
:
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.