Ihi 150
150
1Kaiqenavu Nora Kotira autu tuahera kaare.
Kotiva nai turuaraini vairara irihama, ne vira autu tuahera kaate.
Viva naaruvaini vairara irihama, ne vira autu tuahera kaate.
2Viva nora kaiqa, vo kaiqa vo kaiqa qovarama kairara irihama, vira autu tuahera kaate.
Viva ekaa haika uri aatarakero nai anoma noravano vairara irihama, ne vira autu tuahera kaate.
3Ne aanumaara/noma vuaqeha vira autu tuahera kaate.
Ne vo qara vo qara ina musikira ariha vira autu tuahera kaate. 4Ne ihi nteha taaqa/quvaara ruqutiha vira autu tuahera kaate. Ne musiki ruqutiha pempuravata vuaqeha vira autu tuahera kaate.
5 Baraasi tanuqira hini hini kauquqi tuateha ruqutivaro vira uvavano noraiqama kero auva ntairamanta vira autu tuahera kaate.
Baraasi tanuqira vira anomake ruqutivaro auvante vaira Nora Kotira autu tuahera kaate.
6Ne ekaa qaqi variqi vi varia haikauka, Nora Kotira autu tuahera kaate.
Ekaa mintiaqi viha Nora Kotira autu tuahera kaare.
Currently Selected:
Ihi 150: tbg
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.