1 Samuel 3
3
Ma didina mi tak tam mbei ir Samuel
1Kid’a Samuel ni gogora tua d’a, nga mi le sunda mi Ma didina avok Eli. Kur atchogoi ndata nad’enga heî tala Ma didina mi de zlad’a ki sana d’oze mi nde tam mbei ir sana d’a. 2Ma ngat buzuna Eli mi ar go á duka. Kur andjege d’a dinga tu, mi nga burâ kä ata yi mam ma burâ. 3Samuel mi nga burâ kä kur gong nga kud’ora hi Ma didinid’a go ki zandu’â hAlonina. Lalam mba nga kur gong nga kud’orid’a nga bei tchat tei tua. 4Ata yi máma Ma didina mi yi Samuel. Samuel mi humum ala: Salana, an huma! 5Bugola, mi ring mi i gen Eli, mi dum ala: Ang yan ndang ba, an wana!
Eli mi hulong dum ala: An yang nga d’i; ang hulong i bur kä. Samuel mi i bur kä. 6Ma didina mi hulong yi Samuel kua. Samuel mi tchola, mi i gen Eli, mi dum ala: Ang yan ndang ba, an wana!
Eli mi dum ala: Gorona, an yang nga d’i; ang hulong i bur kä. 7Samuel mi we nga Ma didina d’uo tua, kayam Ma didina mi dum nga zlad’a d’uo tua mi.
8Ma didina mi yi Samuel yam á hindid’a. Samuel mi tchol mi i gen Eli, mi dum ala: Ang yan ndang ba, an wana!
Ata yi máma Eli mi wala ni Ma didina ba, mi yi gogor máma ni mamu. 9Eli mi dum ala: Ang hulong bur kä. Le mi yang kua ni, ang dum ala: Ma didina, ang de; an azong mangâ nga ni huma. Samuel mi hulong mi i bur kä blangâmu.
10Ma didina mi mba, mi tchol gevem mi yum d’igi mi yum avoka na ala: Samuel! Samuel!
Samuel mi hulong dum ala: Ang de; an azong mangâ nga ni huma!
11Ma didina mi de mi Samuel ala: Gola! An mba ni le va aduk Israel-lâ; nge nge pî ma mba mi hum zla ndatina mba mi mungôra. 12Kur bur máma an mba ni ndak vun zla d’a an dat yam Eli azi ki sum mama peta; an mba ni tinit ad’ut á led’a, an mba ni dabat tei mi. 13An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i. 14Kayam ndata, an gun tan yam suma hi Eli-na ala: Vama ngat buzu d’oze he d’a hawa d’a ndak á pat tcho mazid’a woid’a nga d’i.
15Samuel mi ar burâ kä gak yina fo, mi mal vun gong nga kud’ora hi Ma didinid’a woyo, mi nga mi le mandarâ á de zla d’a Ma didina mi dumzid’a mi Eli. 16Wani Eli mi yi Samuel ala: Gorona.
Samuel mi hum ala: Salana, an huma!
17Eli mi djobom ala: Ma didina mi dangâ na ge? Ang ngeyen va d’i. Le ang ngeyen vama mam dangzina kä ni, Alona mi mbang ndak ka ngol la kala kangû. 18Ata yi máma Samuel mi dum ad’u ahlena pet bei mi ngeyem va kä ba. Eli mi dum ala: Ni Ma didina; ar mi le vama djivi ma hurum minima.
19Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i. 20Suma kur ambas sa Israel-lina pet, tinï ad’ud’a Dan dei gak mba Berseba, a wala Samuel ni ma djok vun ma gagazina hi Ma didinina. 21Ma didina nga mi tak tam mbei kua kua avo Silo; nata yi máma ba, mi tak tam mbei mi Samuel á tagam zla mamba.
Currently Selected:
1 Samuel 3: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
1 Samuel 3
3
Ma didina mi tak tam mbei ir Samuel
1Kid’a Samuel ni gogora tua d’a, nga mi le sunda mi Ma didina avok Eli. Kur atchogoi ndata nad’enga heî tala Ma didina mi de zlad’a ki sana d’oze mi nde tam mbei ir sana d’a. 2Ma ngat buzuna Eli mi ar go á duka. Kur andjege d’a dinga tu, mi nga burâ kä ata yi mam ma burâ. 3Samuel mi nga burâ kä kur gong nga kud’ora hi Ma didinid’a go ki zandu’â hAlonina. Lalam mba nga kur gong nga kud’orid’a nga bei tchat tei tua. 4Ata yi máma Ma didina mi yi Samuel. Samuel mi humum ala: Salana, an huma! 5Bugola, mi ring mi i gen Eli, mi dum ala: Ang yan ndang ba, an wana!
Eli mi hulong dum ala: An yang nga d’i; ang hulong i bur kä. Samuel mi i bur kä. 6Ma didina mi hulong yi Samuel kua. Samuel mi tchola, mi i gen Eli, mi dum ala: Ang yan ndang ba, an wana!
Eli mi dum ala: Gorona, an yang nga d’i; ang hulong i bur kä. 7Samuel mi we nga Ma didina d’uo tua, kayam Ma didina mi dum nga zlad’a d’uo tua mi.
8Ma didina mi yi Samuel yam á hindid’a. Samuel mi tchol mi i gen Eli, mi dum ala: Ang yan ndang ba, an wana!
Ata yi máma Eli mi wala ni Ma didina ba, mi yi gogor máma ni mamu. 9Eli mi dum ala: Ang hulong bur kä. Le mi yang kua ni, ang dum ala: Ma didina, ang de; an azong mangâ nga ni huma. Samuel mi hulong mi i bur kä blangâmu.
10Ma didina mi mba, mi tchol gevem mi yum d’igi mi yum avoka na ala: Samuel! Samuel!
Samuel mi hulong dum ala: Ang de; an azong mangâ nga ni huma!
11Ma didina mi de mi Samuel ala: Gola! An mba ni le va aduk Israel-lâ; nge nge pî ma mba mi hum zla ndatina mba mi mungôra. 12Kur bur máma an mba ni ndak vun zla d’a an dat yam Eli azi ki sum mama peta; an mba ni tinit ad’ut á led’a, an mba ni dabat tei mi. 13An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i. 14Kayam ndata, an gun tan yam suma hi Eli-na ala: Vama ngat buzu d’oze he d’a hawa d’a ndak á pat tcho mazid’a woid’a nga d’i.
15Samuel mi ar burâ kä gak yina fo, mi mal vun gong nga kud’ora hi Ma didinid’a woyo, mi nga mi le mandarâ á de zla d’a Ma didina mi dumzid’a mi Eli. 16Wani Eli mi yi Samuel ala: Gorona.
Samuel mi hum ala: Salana, an huma!
17Eli mi djobom ala: Ma didina mi dangâ na ge? Ang ngeyen va d’i. Le ang ngeyen vama mam dangzina kä ni, Alona mi mbang ndak ka ngol la kala kangû. 18Ata yi máma Samuel mi dum ad’u ahlena pet bei mi ngeyem va kä ba. Eli mi dum ala: Ni Ma didina; ar mi le vama djivi ma hurum minima.
19Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i. 20Suma kur ambas sa Israel-lina pet, tinï ad’ud’a Dan dei gak mba Berseba, a wala Samuel ni ma djok vun ma gagazina hi Ma didinina. 21Ma didina nga mi tak tam mbei kua kua avo Silo; nata yi máma ba, mi tak tam mbei mi Samuel á tagam zla mamba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.