HEBREOS 1
1
1Tiempo antigua nna ca tà' tàta qui' ri'u ca israelita nna uccua cą saber titsa' qui' Tata Dios de riyénini cą nu ra ca enne' gunne parte qui'e. Por medio de iỹé manera durante tuchùppa mili' ida nna beni Tata Dios latsi' canu uccua profeta, pues ttu ttu tsa cabi nna gutixà'a cabi ttu parte teruba qui' titsa' qui'e. 2Pero tiempo nu último nu tse'e ri'u annana, chi cca ri'u saber titsa' qui' Tata Dios por nu riquixá'a Ỹi'ni áa. Iyaba ca cosa nu té ỹiaba nna yétsiloyu nna, Tata Dios nna bènie cą por medio de Ỹi'ni áa, ą'hua chi nanie qui'ni Ỹi'ni áa nna quée Xana' iyaba ca cosa nu té. 3Por iyaba ca titsa' qui' Ỹi'ni áa nna ą'hua por iyaba nu beni e nna, ą' modo ritelíni ri'u qui'ni née enne' ỹeni tì'a la'a mísmu Dios ba enne' née Tata qui'áa. Ỹi'ni áa nna née completamente enne' tse' tì'a ná Tata Dios. Ą'hua por la'huacca qui'e nna acca iyaba ca cosa nu té ỹiaba nna yétsiloyu nna runi cą nu rèe. Por lù'uti qui'áa nna acca hua té modo para éyie ca tul·la' qui' yétsiloyu, làniana bèyye'e ỹiabara' nna gùduanie cuitta' Tata Dios enne' rigú'ubia' lo iyábani.
4Jesucristua nna née adiru enne' rigú'ubia' ti'chu iyaba ca ángeli, porqui'ni là teruba lèe nna née Ỹi'ni Tata Dios. 5Íį chi ra Tata Dios Jesucristua:
Lu' nna ná lu' Ỹì'nia'.
Anna chi ritelíní qui'ni ná' Tata qui' lu'.
Làniana raáru huée:
Inte' nna ccá' Tàta qui'e.
Lèe nna quée Ỹì'nia'.
Pero bihua rèe nuỹa ttu ángeli ą́'. 6Ỹi'ni áa nna chi dúe dèsdeba ántesca cue' yetsiloyu, acca Tata Dios nna loti' bì'yu tsá ithèl·le'e Ỹi'ni áa yétsiloyu nna rèe:
Iyaba ca ángel nu chi benia' nna ná qui'ni gudu ỹibi quį ru'a lúe nna gudàliani cą ne.
7Annana riquixà'a' nu ra Tata Dios nu cca qui' ca ángeli:
Ca ángeli nu beni Tata Dios nna, canchu chi rithèl·le'e cą mandado nna,
Runie qui'ni dia cą quètha tì'ba be'.
Ą'hua canchu chi tse'e cą ru'a lúe runi cą biỹa rú'ulatsi'e nna,
Runie qui'ni cca cą fuerte tì'ba tsi'iyí'.
8Pero David loti' gùnne bi parte Tata Dios nna gutixà'a bi nu cca qui' Ỹi'ni áa nna ra bi qui'e:
Cuią'lu' ná Dios,
Runi cuią'lu' seguir cu'ubia' cuią'lu' tulidàba. Runi cuią'lu' nu ná tse' tulidàba lani canu tse'e cą bajo la' rigú'ubia' qui' cuią'lu'.
9Lu' nna rú'ulatsi' lu' nu ná tse' tulidàba nna,
Ruyudí' lu' nu ná mal.
Acca Tata Dios qui' lu' nna chi becuí'e lu' para té itute poder qui' lu' nna,
Adiru la' redacca' latsi' té qui' lu' tì'chu iyaba adí ca enne'.
10Raáru huée nu cca qui'e:
Lu' ná lu' Señor lo iyate, dèsdeba néru beni lu' itute yétsiloyu.
Ą'hua lani la'a mísmuba ná' lu' nna beni lu' formar iyaba nu tsìa ỹíabara'.
11Nu té le' yétsiloyu nna ỹiabara' nna tté bá qui' quį,
Pero lu' nna tulidàba dua lu'.
Iyaba nu té nna chi ritè qui' quį,
Tì'a ttu lári' nu chi riréda'ą porqui'ni chi ną́ viejo.
12Yétsiloyu nna ỹiabara' nna canchu chi i'yu tsá qui'ni labiru íỹu' cą,
Làniana cuią'lu' nna chù'na cuią'lu' cą para guni cuią'lu' ỹiaba nna yétsiloyu nu ná cubi,
Tì'ba ttu enne' canchu chù'ną lári' viejo nna gaccu'ą nu ná cubi.
Pero ttùba ná cuią'lu' tulidàba labí itsiání cuią'lu',
Nìhua nunca labí ccá gùla cuią'lu'.
13Tata Dios nna nunca labí rèe nuỹa ttu ca ángel tì'a chi bedàlianie Ỹi'ni áa nna rèe bi:
Gurè'ni cuittá'a' lado bàni,
Hàsta qui'ni inte' nna gunna' latsi' ná' lu' iyaba canu làa cca guyu cą lu'.
14Ca ángeli nna, ti'ání ná cabi nì'i. Pues iyaba ca ángeli nna labí rila'ni ri'u cabi porqui'ni ná cabi ttu clase de espíritu nna tse'e cabi ru'a lo Tata Dios nna runi cabi mandado qui'e. Lèe nna rithèl·le'e cabi guni cabi cualàni ri'u canu chi ríalatsi' ri'u nna ribèda ri'u i'yu tsá qui'ni l·lá ri'u.
Currently Selected:
HEBREOS 1: zaa
Highlight
Share
Copy
Want to have your highlights saved across all your devices? Sign up or sign in
© 1970, Wycliffe Bible Translators, Inc. All rights reserved.