Yoohanee 7
7
Yisufa narí ainaina faqa ufaqu ufafa.
1Miqooqari Yisufa Kariree maqa maaqaki nimarinau. Sia Yudeeaa maqa maaqai finau. Yuda maqannaasa miqoo mina arira ufa qimarunara sia finau.
(Ooqai Isaraee maqannaasa Isipa maqusaindari qaara fasiqa niku nisauku taikasee aukuana nifuru faiqaqa uqiqaana maaqaki fimarufanoo Anutufa innaarunai maridanoo narí afeekannai Isaraee maqannaasa maqasaaqaraasa qumee dadaaqidanoo aandau narana nimimarufaqa naqafimariqau. Kaasau maqa maaqai nini iusa oonu randee nári maqasaa Isaraee maqasaa animaridaqa aukuana aukuana Yeerusareenni suqufidaqa uqiqaanarasaida faiqeeunara iriseeqa minara afaarurumanaida nári naambeeqa nári naambeeqa uqiqaana maqa usakasaida dinni qisauku taikasee dinni ani qaara marasaida (7) faasaana minaki faiqaida qoomaqa sakasaida namasaida minara susu imariqau.)
2Yuda maqannaasa qoomaqa firaafa uqiqaana maqa qoomaqa adeedi roofaqa Yisuna akaqaafasaa Yisuna qimamiqa qiqau. 3Maa Kariree maqa maaqa minniseenana Yudeeaa maqa maaqaki fua. Oonurainaqa miqoo ani ufa irimariasa firaa ainaina auqee mariannana misa faqa uqannifiqaa. 4Faiqí moo fannoo narí auqu uqeeraannee qimasee sia moo ainaina auqee mariana kukeeqaidanoo aiqama ainaina kooroomasainaqa aiqamausa mina qafaaqa, anee faqa miqiaqaana. [ 5Yisuna akaqaafasaa sia Yisunara irimariqau. Fifau maqasaa fasiqa fee qimariqau.]
6-7Yisufa iriseenoo qimanniminoo qinau. Qini anoona aukuana sia adeedi ranoo maridanoo. Innee faiqí faiqi aiqama faasaanara maasa aukuanee qimariasa mariafanoo. Maa maqa maaqanasaaqaraasa sia inniara fidiaqaaidanoo. Qiniara kai fidiaqaaidanoo. Qinee maqee maqee misa manda ainainara kooroomannimaqaunaqa minara kai qiniara fidiaqaamaqimaqee mariafanoo. 8Yisufa narí akaqaafasaa kaqi qimanniminau. Innee kai Yeerusareenni ooru fuaqa. Qinee sia mi qoomaqanara inni naanna ree akooqoo ooru fuanauara qini anoona aukuana sia qusa raidanoo. 9Yisufa miqi qimaseenoo miqoo Kariree maqa maaqaki kaqi marinau.
Yisufa uiqaana maqaki qoomaqa neemaru ufafa.
10Mina akaqaafasaa Yeerusaree qoomaqai ooru fufanoo Yisufa inaaqianna qumee moo aatata ooru finau. 11Yeerusaree maqusa qoomaqaki Yuda maqannaa rakisirausa Yisunara randoosia narí qimami narí qimami qidaqa qiqau. Mifa yai fee marinoo fee.
12Qimasoofaqa faiqí anaasee Yisuna aufakiana qumee narí qimami narí qimami qimariqau. Akaqausa Yisunara amiqira fasiqee qimariqau. Akaqausa faiqí anaasee nikaru qimari fee qimariqau. 13Sia moo fannoo Yisunara akooqoo qimariqau. Narí Yuda maqannaa uriqararausara rufiasee qumee kai qimariqau.
14Qoomaqa taikarara imarufanoo Yisufa Yeerusaree amaana maqaki keeqafinoo faiqí anaasee ufa qimanniminau. 15Yuda maqannaa faiqí firaasa mina qafamasee firaaqoo tautiqa qiqau. Maa fasiqafa sia sukuraki keeqeemarifa. Naqi fee mandeenoo firaa irirana iridanoo fee.
16Yisufa minara iriseenoo aiqamausa qimanniminoo qinau. Qinee qimannimira ufa sia qeeqaindi maridanoo qini diqiqoofa Anutufa mina ufa qimannimidaqa. 17Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo. 18Faiqí moo fannoo narí ufa kai qidanoo narí auqu kai uqeeraidanoo. Faiqí moo fannoo narí aqiqainna fasiqana auqu uqeerararee qimarifa mifa kuqaa ufa qidanoo, sia nikaruqirafa minaki maridanoo. 19Mooseefa sandufa akara rumaqoona inni nimufaqa innee mina qumaree mi mau fimarunausee qimasaidaqa fifau qidaqa inniki moo fannoo sia mi mau fimariafanoo. Innee moo mau fidaqa qini kuqa darirara qimariafanoo.
20Yisufa miqi qimasoofaqa misa aiqama maaqi qimasee narí qimamiqau. Ani aunduraki afaanna marifana anee miqi qimariananoo. Yafee moo fannoo ani kuqaruannoo fee sia moo fannoo.
21Miqi qimasoofanoo Yisufa maaqi qimasee nári qimanniminau. Qinee faiqí sia auqaaqaa ira ainainna moodaa auqaunaqa innee aiqama tautiafanoo. 22Mooseefa faiqi aanaaqiuqa nipata aukimarunara fainanduqu nisaaqee qimarinau, innee minara irisee maasa amaana Saririqasaa miqimariafanoo. Sia Mooseefau mi oosanna aranau. Narí akeeku akaakundi mareenoo miqi qinau. 23Innee Mooseena sandufa rukiaanoo qimasee faiqi aanaaqiuqa maasa amaana Saririqasaa fainanduqidaqa nipata aukimariafanoo innee amaana Saririqasaa kaqi faiqi nipata aukidaqa nanaree Saririqasaa aurimari fasiqana idaaqamasaunnanara innee aanoo qida fee. 24Innee fifau dapi iriranasaa faiqí ufa nimimarifanoo mina minnisaaqa. Kuqaa anoona iriranannai kai faiqí andeeqaaqa.
Faiqí anaasee Yisunara asauku mundira fee qimasee iroo ufafa.
25Yeerusaree maqusanaasa Yisuna qafamasee mina ufa iriqa maaqi qiqau. Maana misa kuqariraree qidaqa. 26Qafaa mifa faiqí qambaana faiqí nifusaa kikiqamambi ufa qimannimimarifaqa sia misa mina qumaraannee qidaqa. Abee maasa uriqararausa faqa minara kuqaa Anutuna asauku mundirafee fee qidee. 27Anutuna asauku mundirana oosana maasa siamma irianaura. Kaqi tautumannimaqaannoo. Maasa maa fasiqana oosana iridaqa, Nasareeteendaraafa maridanoo.
28Yisufa firaa amaana maqaki faiqí anaasee qimannimidanoo mi ufana iriseenoo maaqi qimasee firaaqoo qimanniminau. Kuqaa fee innee qiniara iridee. Qinee yaindaraasee marunaqee innee kuqaa qiniara irida fee. Sia qinee qeeqa kai animaridaqa qini diqiqaifa mifa kuqaa anoona maridanoo. Innee kuqaa minara sia irimariafanoo. 29Qinee minara iridaqa qinee mindari qumuafanausa mifa qini diqiqoofaqa qumumaridaqa.
30Yuda maqannaa uriqararausa mi ufana irisee qumarararee qimasoosa minnisaqau. Yisuna kuqira aukuana sia adeedi roofanoo Anutufa qumee misa ititannisoonara minnisaqau. 31Faiqí anaasee moomoosa Yisuna kuqaa Anutuna asauku mundira fee qiqau. Misa maaqi qimasee narí qimami narí qimami qidaqa qiqau. Asauku mundirafa anireenoo naqi fee mandeenoo maa fasiqana uraaqarainanoo fee moomoo faiqí dadaaqimari firaa ainainna uqannifiqaannoo fee. Sia amana. Doo maana mifa uqanna maridanoo.
Amaana maqasaa rakisimarusa nári firisuaiqauqa Yisuna rumbaaqeera niqiqoo ufafa.
32Faiqí anaasee miqi qimasee narí qimami narí qimami qimarufaqa Farisai amaana ufa qimarusa iriseeqa tautumasee amaana maqasaa rakisimarusunnai oonuree qimannimiqa qiqau. Qimannimisoofaqa misa amaana maqasaa rakisimaru poorisausa qimannimiqau. Innee ooru Yisuna rumbasee maree aniaqa. 33Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura. 34Innee qiniara randee sia paqurifaranoo qinee fuanannai sia innee amana fifaranoo.
35Yuda maqannaa uriqararausa mi ufana iriseeqa narí qimami narí qimami qiqau. Mifa yai fee finaqa maasa sia amana fuanauree. Mifa aanaamuru Kirisa maqannaa mariannai fee fuannoo fee. Yuda maqannaasa miqoo mariasa faqa maridaqa Kirisa maqannaasa narí ufa qimannimiraree fidanoo fee qida qinoo fee. 36Mifa qinoo innee qiniara randasee sia paqurifaranoo. Qinee fuanannai innee sia fifaranoo. Mina ufoosana sia maasa iridaqa.
Arumufaqaa nammariara maqi qumirarakai imarina mina ufa.
37-38Uqiqaana maqa qoomaqa taikara faasaana uriqarara faasaanee qiqau. Mi faasaanna Yisufa findifinoo faiqí anaasee firaa kari qimanniminau. Yafasiqa anaasee fee nammariara aididanoo fee qinee iannaqoo nammari uqanna ani naa Anutuna tamummaqara fasiqa moo ooqai maaqi qimasee akara rinau. Kaqi marirana nimira nammari misa nimuqusa ookiqari ururee fuannoo fee qinau. Yafasiqa anaasee fee qiniara kuqaa anoonee qinafa misa nimuqusa ookiqari mi nammarifa ururee fuannoo. 39Yisufa nammariara quna Anutuna maraqunara nammari kikiqa usinau. Kasooqaqee Yisunara kuqaa Anutuna faiqi fee qifandinausa misa mi maraqunna mareefaranoo. Mi aukuanna Yisufa kaqi maru aukuanna sia maraquna nimirafa marinau. Yisufa kuqiranakiqari findifinanoo afaaqa areenainanoo miqoo narí afeeka maraquna nimiannoo fee qinau.
Faiqí anaasee mina Yisunara ufa rainoo ufafa.
40Faiqí anaasee Yisuna ufa iriseeqa qiqau. Maafa Anutuna tamummaqara fasiqa kambiqaannoo fee qufa maafa mifa maridanoo. 41Akaqausa minara maafa Anutuna asauku mundira fee qiqau. Akaqausa maaqi qimasee furufaramasee qiqau. Anutuna asauku mundirafa sia Kariree maqusakiqari kambiqaannoo. 42Tamummaqara fasiqa akara minara Anutuna asauku mundirafa Dafidina ati mariannoo. Dafidina ooqeenaa maqusaki Beetareeqeemma miqoo kambiqaannoo fee qiqau. 43Faiqí anaasee misa rainafufaqa akaqausa moo ufa qufaqa akaqausa moo ufa qufaqa qimariqau. 44Akaqausa doo Yisuna qumarasee rumbaannee qimasee sia qumaree rumbaqau.
Yuda maqannaa faiqí firaasa Yisunara sia Anutuna faiqi fee qu ufafa.
45Amaana maqasaa rakisira poorisauqa Yisuna ufa kaqi irisee amaana maqasaa rakisirausa faqa Farisai amaana ufa qimariasa faqa maruqoo oonuroofaqa iraidaqa qiqau. Naqaa fee ifaqee sia rumbasee maree anidee.
46Poorisauqa qiqau, sia moo fasiqa ufa fannoo maa fasiqana aanna raidanoo.
47-48Farisai amaana ufa qimarusa mina iriseeqa niqidaqa qiqau. Doo mi fasiqafa inni faqa nikaruqinoo fee. Maasa uriqararausakiqari moo fannoo mina ufa irinoo fee. Farisai amaana ufa qimarifa moo fannoo irinoo fee. Sia uqanna iria. Maasa Mooseena sandufa irimarunausa maridaqa. 49Maaqooqaraasa kaqiqee fasiqa anaasee Mooseena sandufa sia irianara Yisunara anoonee qidaqa. Anutuna aqira ufa misasaa maridanoo.
50Nikoodeemusafa mifa faqa misaki marinau. Mifa ooqai qumee Yisufinnai fimarufa marinau. 51Mifa misa Yisuna aqira ufa iriseenoo Yisuna saaroo qinau. Mooseena sandufa maaqimminoo maridanoo. Sia fifau faiqí moo arirafa maridanoo. Mina ufa naaree irisee mina mandainaina marinaqa minara qimasee aruananoo amana mariannoo qinau.
52Misa mi ufana iriseeqa Nikoodeemusana aqidaqa qiqau. Anee faqa Kariree maqannaa fee maridanee. Anee tamummaqara fasiqauqa akarauqakiaqa asaanarumasee iria. Sia moo tamummaqarafa Kariree maqasaa kambiqaannoo. Miqi qimasee aiqama daraani mambufanoo Yisufa amaana maqakiqari raudamakufanoo Oorifa aaqanai oorufinau.
Currently Selected:
Yoohanee 7: bjr
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
Yoohanee 7
7
Yisufa narí ainaina faqa ufaqu ufafa.
1Miqooqari Yisufa Kariree maqa maaqaki nimarinau. Sia Yudeeaa maqa maaqai finau. Yuda maqannaasa miqoo mina arira ufa qimarunara sia finau.
(Ooqai Isaraee maqannaasa Isipa maqusaindari qaara fasiqa niku nisauku taikasee aukuana nifuru faiqaqa uqiqaana maaqaki fimarufanoo Anutufa innaarunai maridanoo narí afeekannai Isaraee maqannaasa maqasaaqaraasa qumee dadaaqidanoo aandau narana nimimarufaqa naqafimariqau. Kaasau maqa maaqai nini iusa oonu randee nári maqasaa Isaraee maqasaa animaridaqa aukuana aukuana Yeerusareenni suqufidaqa uqiqaanarasaida faiqeeunara iriseeqa minara afaarurumanaida nári naambeeqa nári naambeeqa uqiqaana maqa usakasaida dinni qisauku taikasee dinni ani qaara marasaida (7) faasaana minaki faiqaida qoomaqa sakasaida namasaida minara susu imariqau.)
2Yuda maqannaasa qoomaqa firaafa uqiqaana maqa qoomaqa adeedi roofaqa Yisuna akaqaafasaa Yisuna qimamiqa qiqau. 3Maa Kariree maqa maaqa minniseenana Yudeeaa maqa maaqaki fua. Oonurainaqa miqoo ani ufa irimariasa firaa ainaina auqee mariannana misa faqa uqannifiqaa. 4Faiqí moo fannoo narí auqu uqeeraannee qimasee sia moo ainaina auqee mariana kukeeqaidanoo aiqama ainaina kooroomasainaqa aiqamausa mina qafaaqa, anee faqa miqiaqaana. [ 5Yisuna akaqaafasaa sia Yisunara irimariqau. Fifau maqasaa fasiqa fee qimariqau.]
6-7Yisufa iriseenoo qimanniminoo qinau. Qini anoona aukuana sia adeedi ranoo maridanoo. Innee faiqí faiqi aiqama faasaanara maasa aukuanee qimariasa mariafanoo. Maa maqa maaqanasaaqaraasa sia inniara fidiaqaaidanoo. Qiniara kai fidiaqaaidanoo. Qinee maqee maqee misa manda ainainara kooroomannimaqaunaqa minara kai qiniara fidiaqaamaqimaqee mariafanoo. 8Yisufa narí akaqaafasaa kaqi qimanniminau. Innee kai Yeerusareenni ooru fuaqa. Qinee sia mi qoomaqanara inni naanna ree akooqoo ooru fuanauara qini anoona aukuana sia qusa raidanoo. 9Yisufa miqi qimaseenoo miqoo Kariree maqa maaqaki kaqi marinau.
Yisufa uiqaana maqaki qoomaqa neemaru ufafa.
10Mina akaqaafasaa Yeerusaree qoomaqai ooru fufanoo Yisufa inaaqianna qumee moo aatata ooru finau. 11Yeerusaree maqusa qoomaqaki Yuda maqannaa rakisirausa Yisunara randoosia narí qimami narí qimami qidaqa qiqau. Mifa yai fee marinoo fee.
12Qimasoofaqa faiqí anaasee Yisuna aufakiana qumee narí qimami narí qimami qimariqau. Akaqausa Yisunara amiqira fasiqee qimariqau. Akaqausa faiqí anaasee nikaru qimari fee qimariqau. 13Sia moo fannoo Yisunara akooqoo qimariqau. Narí Yuda maqannaa uriqararausara rufiasee qumee kai qimariqau.
14Qoomaqa taikarara imarufanoo Yisufa Yeerusaree amaana maqaki keeqafinoo faiqí anaasee ufa qimanniminau. 15Yuda maqannaa faiqí firaasa mina qafamasee firaaqoo tautiqa qiqau. Maa fasiqafa sia sukuraki keeqeemarifa. Naqi fee mandeenoo firaa irirana iridanoo fee.
16Yisufa minara iriseenoo aiqamausa qimanniminoo qinau. Qinee qimannimira ufa sia qeeqaindi maridanoo qini diqiqoofa Anutufa mina ufa qimannimidaqa. 17Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo. 18Faiqí moo fannoo narí ufa kai qidanoo narí auqu kai uqeeraidanoo. Faiqí moo fannoo narí aqiqainna fasiqana auqu uqeerararee qimarifa mifa kuqaa ufa qidanoo, sia nikaruqirafa minaki maridanoo. 19Mooseefa sandufa akara rumaqoona inni nimufaqa innee mina qumaree mi mau fimarunausee qimasaidaqa fifau qidaqa inniki moo fannoo sia mi mau fimariafanoo. Innee moo mau fidaqa qini kuqa darirara qimariafanoo.
20Yisufa miqi qimasoofaqa misa aiqama maaqi qimasee narí qimamiqau. Ani aunduraki afaanna marifana anee miqi qimariananoo. Yafee moo fannoo ani kuqaruannoo fee sia moo fannoo.
21Miqi qimasoofanoo Yisufa maaqi qimasee nári qimanniminau. Qinee faiqí sia auqaaqaa ira ainainna moodaa auqaunaqa innee aiqama tautiafanoo. 22Mooseefa faiqi aanaaqiuqa nipata aukimarunara fainanduqu nisaaqee qimarinau, innee minara irisee maasa amaana Saririqasaa miqimariafanoo. Sia Mooseefau mi oosanna aranau. Narí akeeku akaakundi mareenoo miqi qinau. 23Innee Mooseena sandufa rukiaanoo qimasee faiqi aanaaqiuqa maasa amaana Saririqasaa fainanduqidaqa nipata aukimariafanoo innee amaana Saririqasaa kaqi faiqi nipata aukidaqa nanaree Saririqasaa aurimari fasiqana idaaqamasaunnanara innee aanoo qida fee. 24Innee fifau dapi iriranasaa faiqí ufa nimimarifanoo mina minnisaaqa. Kuqaa anoona iriranannai kai faiqí andeeqaaqa.
Faiqí anaasee Yisunara asauku mundira fee qimasee iroo ufafa.
25Yeerusaree maqusanaasa Yisuna qafamasee mina ufa iriqa maaqi qiqau. Maana misa kuqariraree qidaqa. 26Qafaa mifa faiqí qambaana faiqí nifusaa kikiqamambi ufa qimannimimarifaqa sia misa mina qumaraannee qidaqa. Abee maasa uriqararausa faqa minara kuqaa Anutuna asauku mundirafee fee qidee. 27Anutuna asauku mundirana oosana maasa siamma irianaura. Kaqi tautumannimaqaannoo. Maasa maa fasiqana oosana iridaqa, Nasareeteendaraafa maridanoo.
28Yisufa firaa amaana maqaki faiqí anaasee qimannimidanoo mi ufana iriseenoo maaqi qimasee firaaqoo qimanniminau. Kuqaa fee innee qiniara iridee. Qinee yaindaraasee marunaqee innee kuqaa qiniara irida fee. Sia qinee qeeqa kai animaridaqa qini diqiqaifa mifa kuqaa anoona maridanoo. Innee kuqaa minara sia irimariafanoo. 29Qinee minara iridaqa qinee mindari qumuafanausa mifa qini diqiqoofaqa qumumaridaqa.
30Yuda maqannaa uriqararausa mi ufana irisee qumarararee qimasoosa minnisaqau. Yisuna kuqira aukuana sia adeedi roofanoo Anutufa qumee misa ititannisoonara minnisaqau. 31Faiqí anaasee moomoosa Yisuna kuqaa Anutuna asauku mundira fee qiqau. Misa maaqi qimasee narí qimami narí qimami qidaqa qiqau. Asauku mundirafa anireenoo naqi fee mandeenoo maa fasiqana uraaqarainanoo fee moomoo faiqí dadaaqimari firaa ainainna uqannifiqaannoo fee. Sia amana. Doo maana mifa uqanna maridanoo.
Amaana maqasaa rakisimarusa nári firisuaiqauqa Yisuna rumbaaqeera niqiqoo ufafa.
32Faiqí anaasee miqi qimasee narí qimami narí qimami qimarufaqa Farisai amaana ufa qimarusa iriseeqa tautumasee amaana maqasaa rakisimarusunnai oonuree qimannimiqa qiqau. Qimannimisoofaqa misa amaana maqasaa rakisimaru poorisausa qimannimiqau. Innee ooru Yisuna rumbasee maree aniaqa. 33Misa oonuroofanoo Yisufa maaqi qimasee faiqí anaasee qimannimimarinau. Qinee qusasaa inni faqa marianaura. Quqaseeqa qusasaa qini diqiqoofinnai fuanaura. 34Innee qiniara randee sia paqurifaranoo qinee fuanannai sia innee amana fifaranoo.
35Yuda maqannaa uriqararausa mi ufana iriseeqa narí qimami narí qimami qiqau. Mifa yai fee finaqa maasa sia amana fuanauree. Mifa aanaamuru Kirisa maqannaa mariannai fee fuannoo fee. Yuda maqannaasa miqoo mariasa faqa maridaqa Kirisa maqannaasa narí ufa qimannimiraree fidanoo fee qida qinoo fee. 36Mifa qinoo innee qiniara randasee sia paqurifaranoo. Qinee fuanannai innee sia fifaranoo. Mina ufoosana sia maasa iridaqa.
Arumufaqaa nammariara maqi qumirarakai imarina mina ufa.
37-38Uqiqaana maqa qoomaqa taikara faasaana uriqarara faasaanee qiqau. Mi faasaanna Yisufa findifinoo faiqí anaasee firaa kari qimanniminau. Yafasiqa anaasee fee nammariara aididanoo fee qinee iannaqoo nammari uqanna ani naa Anutuna tamummaqara fasiqa moo ooqai maaqi qimasee akara rinau. Kaqi marirana nimira nammari misa nimuqusa ookiqari ururee fuannoo fee qinau. Yafasiqa anaasee fee qiniara kuqaa anoonee qinafa misa nimuqusa ookiqari mi nammarifa ururee fuannoo. 39Yisufa nammariara quna Anutuna maraqunara nammari kikiqa usinau. Kasooqaqee Yisunara kuqaa Anutuna faiqi fee qifandinausa misa mi maraqunna mareefaranoo. Mi aukuanna Yisufa kaqi maru aukuanna sia maraquna nimirafa marinau. Yisufa kuqiranakiqari findifinanoo afaaqa areenainanoo miqoo narí afeeka maraquna nimiannoo fee qinau.
Faiqí anaasee mina Yisunara ufa rainoo ufafa.
40Faiqí anaasee Yisuna ufa iriseeqa qiqau. Maafa Anutuna tamummaqara fasiqa kambiqaannoo fee qufa maafa mifa maridanoo. 41Akaqausa minara maafa Anutuna asauku mundira fee qiqau. Akaqausa maaqi qimasee furufaramasee qiqau. Anutuna asauku mundirafa sia Kariree maqusakiqari kambiqaannoo. 42Tamummaqara fasiqa akara minara Anutuna asauku mundirafa Dafidina ati mariannoo. Dafidina ooqeenaa maqusaki Beetareeqeemma miqoo kambiqaannoo fee qiqau. 43Faiqí anaasee misa rainafufaqa akaqausa moo ufa qufaqa akaqausa moo ufa qufaqa qimariqau. 44Akaqausa doo Yisuna qumarasee rumbaannee qimasee sia qumaree rumbaqau.
Yuda maqannaa faiqí firaasa Yisunara sia Anutuna faiqi fee qu ufafa.
45Amaana maqasaa rakisira poorisauqa Yisuna ufa kaqi irisee amaana maqasaa rakisirausa faqa Farisai amaana ufa qimariasa faqa maruqoo oonuroofaqa iraidaqa qiqau. Naqaa fee ifaqee sia rumbasee maree anidee.
46Poorisauqa qiqau, sia moo fasiqa ufa fannoo maa fasiqana aanna raidanoo.
47-48Farisai amaana ufa qimarusa mina iriseeqa niqidaqa qiqau. Doo mi fasiqafa inni faqa nikaruqinoo fee. Maasa uriqararausakiqari moo fannoo mina ufa irinoo fee. Farisai amaana ufa qimarifa moo fannoo irinoo fee. Sia uqanna iria. Maasa Mooseena sandufa irimarunausa maridaqa. 49Maaqooqaraasa kaqiqee fasiqa anaasee Mooseena sandufa sia irianara Yisunara anoonee qidaqa. Anutuna aqira ufa misasaa maridanoo.
50Nikoodeemusafa mifa faqa misaki marinau. Mifa ooqai qumee Yisufinnai fimarufa marinau. 51Mifa misa Yisuna aqira ufa iriseenoo Yisuna saaroo qinau. Mooseena sandufa maaqimminoo maridanoo. Sia fifau faiqí moo arirafa maridanoo. Mina ufa naaree irisee mina mandainaina marinaqa minara qimasee aruananoo amana mariannoo qinau.
52Misa mi ufana iriseeqa Nikoodeemusana aqidaqa qiqau. Anee faqa Kariree maqannaa fee maridanee. Anee tamummaqara fasiqauqa akarauqakiaqa asaanarumasee iria. Sia moo tamummaqarafa Kariree maqasaa kambiqaannoo. Miqi qimasee aiqama daraani mambufanoo Yisufa amaana maqakiqari raudamakufanoo Oorifa aaqanai oorufinau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.