Tit 3
3
Ɩmɩa ‑ɩ ‑fata 'lɛ lebhe ‑a bholiecɩa nʋ na
1Luoli ‑a bholiecɩa ‑tɛtɛa lebhe ɩ ‑fata lebhe ma kʋ ‑kwletocɩa ɩya mala 'kʋgbɛnyaa 'la ‑kwleliea ‑zɔn, ma kalɩ zʋlɩɛ, ma bhɔsʋa le ɩmɩa ‑tɛtɛa ‑ɩ nanɩ 'lɛ na, ma 'kɩɩ nʋ. 2Ma 'la vlaa nclɔɔ bhlogbɩɩ, ma 'la wabhaa wɔɔtɩtʋɛ. Ma 'plɩ ncaananɩ ɩya ma bhlili clɩɩa 'fɩan ncɛlɩa ‑tɛtɛa 'kʋ.
3Sa, ‑godogodoa, ‑anyɩ ‑ma, ‑a ‑glɩa ‑badaaglunya, ‑a 'taa 'nyiyilɩɛ ‑ka, ‑a -mlɔa, ‑a ‑kʋa wɔɔgugwie ‑mizi ‑mizia ‑tɛtɛa ɩya lɩɩ ‑gbɔɔn 'la 'tʋ ‑salɩɛ ‑la ‑kwlelie ‑zɔn, ‑a ‑nyua da 'nyɩ a ‑waa woziplalɩɛ, ‑a 'taa gbɩ 'kʋ nanɩ 'nyɩ ‑zɔbhɛlɩzʋ ‑kʋa ‑anyɩ bhlobhlo ‑gbaaglɩɩn.
4‑Ma daa Laagɔ, ‑ala Gbʋʋnsanyɔa pala 'lɛ lebhe ɔ nanɩ gbɩ 'kʋ 'nyɩ ɔ ‑wa ncɛlɩ na, 5ɔ 'ta ‑ala lobholia ‑anyɩ 'titi ‑a nʋnʋ 'lɛ 'kʋnylugolulɩɛ nɩkplaan na 'ciinkope, ‑ma ɔla ŋaazɩɩnlɩlɩɛa bhlobhlo ya gba 'nyɩ ɔ ya 'nyua ‑ʋ gba 'lɛ 'nyɩ ‑a ‑valɩlɩɔ 'lɛ ‑mɔsɔ ‑mɔsɔ ɩya ‑Kplɔkplɔ ‑Wugoa* ‑ʋ 'nyɩ 'lɛ ‑anyɩ jabhʋ ‑lelua na 'kʋplɩlɩ 'nyɩ ɔ ya ‑anyɩ gbʋʋnsa. 6'Nyɩ 'Wugo ‑naa, ɔ ya Zozii klisi, ala Gbʋʋnsanyɔa 'kʋplɩlɩ 'nyɩ ɔ ya tete 'nyɩ ɔ yʋʋ anyɩ 'nyɩ. 7Ɩya ɔla ŋaazɩɩnlɩlɩɛa nɩkplaan, ‑a ka 'kʋnylugolunya 'plɩ ɩya ‑ala pɔlɛkʋtɛlɔa 'la 'sasʋʋn ‑a ka jabhʋa ‑ʋ bhɩa 'ta 'lɛ na ‑aja 'kʋ lili.
8Na, wɔɔnyɩtʋ ‑naa, ʋ ‑ŋwa 'kʋ le ma 'tɛbhalɩʋ ‑deli 'kʋ 'nyɩ n ‑wa lebhe ‑n 'kpafɩalɩʋ 'kʋ 'nanɩ ɩya ma ‑anʋa ‑tɛtɛa ‑ɔ ‑zʋɔ 'lɛ mala pɔɔtɛtɛa Laagɔ 'kʋ na, ma 'ka tete ɩya ma 'ka lobholi 'nanɩ nʋ. 'Lɩka ɩmɩa ‑ɩ nanɩ 'lɛ 'nyɩ ɩ ‑glɩ 'lɛ wɔlɩ 'titi ncɛlɩ 'la da na. 9‑Ma wɔlɩcɩa ‑ɩ 'ta 'lɛ 'wlu ɩya ‑go ‑ka, 'lɔlɩ 'la zɛlɩlɩɛ, 'slagbʋ, ‑jlɩmaa 'la cɩ 'la wɔɔtɩtʋɛ, ‑naa falɩɩ pɔlɛ cɩ. Ɩ 'ta wɔlɩ 'titi ‑glɩ 'nyɩ ɩ ‑glɩ 'kpɔkpɔ. 10Ɔmɔa ‑ɔ -glɩ 'lɛ nclɔɔa ‑ɔ sasalɩ ɔ 'ye cɩ na, 'maa ‑sɔɔ 'bɩ dɩ bhlo ɩya ‑mɔsɔda 'fɩɔn ɩya ‑n kɔɔ ɔ 'yea sidiin ‑sa. 11‑Masa ‑n ‑ci sɛɛ lebhe ‑sa 'la nclɔɔa, ɔ ya ɔcɩ mlɔa, ɔ ‑glɩ nyinyinʋnyɔ 'nyɩ ɔmɔ 'titi, ɔ ya ɔla 'tɩtɩa -pla.
Bhɩalɩwɔlɩ ɩya ‑ayopalɩɛ
12Daa n cɩ 'ka 'lɛ Atemasɩ ‑aana Tisiki ‑mɔ 'bhlɩ lobhu na, 'sɩslɩlɩ ɩya ‑n ŋeniin 'dua ma la 'lɛ Nikopolii na. ‑Masa, dɩpɩa n zʋ 'lɛ le n 'ka kʋ ɩya wɔtlɩcɩdaa 'ka 'plɩ.
13Ncɛlɩa ma la 'lɛ Zenasɩ ‑ɔ glɩ 'lɛ ‑jlɩmaacanyɔa ɩya Apolɔsʋ na, vi ‑nwɔ ɩya klalɩ maa ɩya ma 'ka lowluun ‑mʋ ɩya ma 'la ‑mie lʋʋ bhlogbɩɩ. 14'Nyɩ ɩ ‑fata lebhe ‑a 'nʋa ‑masɛ, ma ca ɩya ma tete ɩya ma nʋ lobholi 'nanɩ ɩya ‑ataangblɩwɔlɩ ‑deliin, ma 'ka bhɔsʋasa cibhlili. ‑Sa, ma cɩ 'ta 'lɛ ncɛlɩa ‑ɔ tlʋ 'ta 'lɛ ca na 'plɩ.
15Maa ‑anʋa ‑tɛtɛa n ‑ya maasɔ ‑kʋ 'lɛ na, ma pɔɔ ‑ayo. Maa ‑anʋa ‑ɔ ‑wa 'lɛ ‑anyɩ pɔɔtɛtɛ nɩkplaan na, 'pa maa ‑ayo. 'Naa Laagɔ 'la ‑walʋa kʋ anyɩ 'kʋ.
Currently Selected:
Tit 3: NTLD13
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Tit 3
3
Ɩmɩa ‑ɩ ‑fata 'lɛ lebhe ‑a bholiecɩa nʋ na
1Luoli ‑a bholiecɩa ‑tɛtɛa lebhe ɩ ‑fata lebhe ma kʋ ‑kwletocɩa ɩya mala 'kʋgbɛnyaa 'la ‑kwleliea ‑zɔn, ma kalɩ zʋlɩɛ, ma bhɔsʋa le ɩmɩa ‑tɛtɛa ‑ɩ nanɩ 'lɛ na, ma 'kɩɩ nʋ. 2Ma 'la vlaa nclɔɔ bhlogbɩɩ, ma 'la wabhaa wɔɔtɩtʋɛ. Ma 'plɩ ncaananɩ ɩya ma bhlili clɩɩa 'fɩan ncɛlɩa ‑tɛtɛa 'kʋ.
3Sa, ‑godogodoa, ‑anyɩ ‑ma, ‑a ‑glɩa ‑badaaglunya, ‑a 'taa 'nyiyilɩɛ ‑ka, ‑a -mlɔa, ‑a ‑kʋa wɔɔgugwie ‑mizi ‑mizia ‑tɛtɛa ɩya lɩɩ ‑gbɔɔn 'la 'tʋ ‑salɩɛ ‑la ‑kwlelie ‑zɔn, ‑a ‑nyua da 'nyɩ a ‑waa woziplalɩɛ, ‑a 'taa gbɩ 'kʋ nanɩ 'nyɩ ‑zɔbhɛlɩzʋ ‑kʋa ‑anyɩ bhlobhlo ‑gbaaglɩɩn.
4‑Ma daa Laagɔ, ‑ala Gbʋʋnsanyɔa pala 'lɛ lebhe ɔ nanɩ gbɩ 'kʋ 'nyɩ ɔ ‑wa ncɛlɩ na, 5ɔ 'ta ‑ala lobholia ‑anyɩ 'titi ‑a nʋnʋ 'lɛ 'kʋnylugolulɩɛ nɩkplaan na 'ciinkope, ‑ma ɔla ŋaazɩɩnlɩlɩɛa bhlobhlo ya gba 'nyɩ ɔ ya 'nyua ‑ʋ gba 'lɛ 'nyɩ ‑a ‑valɩlɩɔ 'lɛ ‑mɔsɔ ‑mɔsɔ ɩya ‑Kplɔkplɔ ‑Wugoa* ‑ʋ 'nyɩ 'lɛ ‑anyɩ jabhʋ ‑lelua na 'kʋplɩlɩ 'nyɩ ɔ ya ‑anyɩ gbʋʋnsa. 6'Nyɩ 'Wugo ‑naa, ɔ ya Zozii klisi, ala Gbʋʋnsanyɔa 'kʋplɩlɩ 'nyɩ ɔ ya tete 'nyɩ ɔ yʋʋ anyɩ 'nyɩ. 7Ɩya ɔla ŋaazɩɩnlɩlɩɛa nɩkplaan, ‑a ka 'kʋnylugolunya 'plɩ ɩya ‑ala pɔlɛkʋtɛlɔa 'la 'sasʋʋn ‑a ka jabhʋa ‑ʋ bhɩa 'ta 'lɛ na ‑aja 'kʋ lili.
8Na, wɔɔnyɩtʋ ‑naa, ʋ ‑ŋwa 'kʋ le ma 'tɛbhalɩʋ ‑deli 'kʋ 'nyɩ n ‑wa lebhe ‑n 'kpafɩalɩʋ 'kʋ 'nanɩ ɩya ma ‑anʋa ‑tɛtɛa ‑ɔ ‑zʋɔ 'lɛ mala pɔɔtɛtɛa Laagɔ 'kʋ na, ma 'ka tete ɩya ma 'ka lobholi 'nanɩ nʋ. 'Lɩka ɩmɩa ‑ɩ nanɩ 'lɛ 'nyɩ ɩ ‑glɩ 'lɛ wɔlɩ 'titi ncɛlɩ 'la da na. 9‑Ma wɔlɩcɩa ‑ɩ 'ta 'lɛ 'wlu ɩya ‑go ‑ka, 'lɔlɩ 'la zɛlɩlɩɛ, 'slagbʋ, ‑jlɩmaa 'la cɩ 'la wɔɔtɩtʋɛ, ‑naa falɩɩ pɔlɛ cɩ. Ɩ 'ta wɔlɩ 'titi ‑glɩ 'nyɩ ɩ ‑glɩ 'kpɔkpɔ. 10Ɔmɔa ‑ɔ -glɩ 'lɛ nclɔɔa ‑ɔ sasalɩ ɔ 'ye cɩ na, 'maa ‑sɔɔ 'bɩ dɩ bhlo ɩya ‑mɔsɔda 'fɩɔn ɩya ‑n kɔɔ ɔ 'yea sidiin ‑sa. 11‑Masa ‑n ‑ci sɛɛ lebhe ‑sa 'la nclɔɔa, ɔ ya ɔcɩ mlɔa, ɔ ‑glɩ nyinyinʋnyɔ 'nyɩ ɔmɔ 'titi, ɔ ya ɔla 'tɩtɩa -pla.
Bhɩalɩwɔlɩ ɩya ‑ayopalɩɛ
12Daa n cɩ 'ka 'lɛ Atemasɩ ‑aana Tisiki ‑mɔ 'bhlɩ lobhu na, 'sɩslɩlɩ ɩya ‑n ŋeniin 'dua ma la 'lɛ Nikopolii na. ‑Masa, dɩpɩa n zʋ 'lɛ le n 'ka kʋ ɩya wɔtlɩcɩdaa 'ka 'plɩ.
13Ncɛlɩa ma la 'lɛ Zenasɩ ‑ɔ glɩ 'lɛ ‑jlɩmaacanyɔa ɩya Apolɔsʋ na, vi ‑nwɔ ɩya klalɩ maa ɩya ma 'ka lowluun ‑mʋ ɩya ma 'la ‑mie lʋʋ bhlogbɩɩ. 14'Nyɩ ɩ ‑fata lebhe ‑a 'nʋa ‑masɛ, ma ca ɩya ma tete ɩya ma nʋ lobholi 'nanɩ ɩya ‑ataangblɩwɔlɩ ‑deliin, ma 'ka bhɔsʋasa cibhlili. ‑Sa, ma cɩ 'ta 'lɛ ncɛlɩa ‑ɔ tlʋ 'ta 'lɛ ca na 'plɩ.
15Maa ‑anʋa ‑tɛtɛa n ‑ya maasɔ ‑kʋ 'lɛ na, ma pɔɔ ‑ayo. Maa ‑anʋa ‑ɔ ‑wa 'lɛ ‑anyɩ pɔɔtɛtɛ nɩkplaan na, 'pa maa ‑ayo. 'Naa Laagɔ 'la ‑walʋa kʋ anyɩ 'kʋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.