Luk 22
22
Ma ya Zozii 'la 'bhlawɔlɩ gʋa
(Mat 26.1-5,14-16; Mak 14.1-2,10-11)
1'Flawia ‑ɩ 'ta 'lɛ 'zɩɩn* 'ka, ɩla 'fɛtlɩa ma 'la 'lɛ geyliinwlʋfɛtlɩ* na, ɩ mɛanɩa cɩ. 2‑Teyiyinyaa tocɩa ɩya ‑jlɩmaazienyaa* 'matɩa saa ma cɩ 'kaa 'lɛ nʋnʋnʋ ɩya ma 'kaa 'lɛ Zozii 'bhla na. ‑Ma 'bhlɩnyaa 'la ŋanɔ 'bhlaa maa. 3Na, Sataan* ya Zuda, ma la 'lɛ Iskalɩɔtʋ 'nyɩ ‑ɔ ‑kʋmʋa 'lɛ gɩlɩnyaa* 'kʋgba ‑mɔsɔa sidiin na, nɩkplaan ble, 4'nyɩ ɔ ya mʋ ɔya ‑teyiyinyaa tocɩa ɩya Laagɔpaakadiea* 'la ‑bɛnyaa tocɩa ya saa ɔ cɩ 'kaa 'lɛ maa Zozii wlɩɩn zʋzʋlʋ na, 'la wɔlɩa cɩzʋlʋ. 5Na, ma ya ‑pɔpʋɛ nʋ 'nyɩ ma ya zʋ le ma cɩ 'kɔɔ 'dala 'nyɩ. 6Ɔ ya ŋonu 'nyɩ ɔ 'matɩanɩa 'plɩlɩdaa ɔ cɩ 'kaa 'lɛ 'lɩ, ɔ 'kɔɔ maa wlɩɩn zʋ ɩya 'bhlɩnyaa 'la kaa sɛɛ cibhlili na.
Geyliinwlʋfɛtlɩa 'la bhɔsʋalɩɛ
(Mat 26.17-19; Mak 14.12-16)
7'Flawia ‑ɩ 'ta 'lɛ 'zɩɩn* ‑ka na, ɩla 'fɛtlɩa 'la clɩɩa 'kʋa ma 'bhla 'lɛ mlɛa na, ɩ ya ŋeni. 8Zozii ya Pɩɛlɩ ɩya Zaan lobhu 'nyɩ ɔ ya maa 'cla lebhe: «A mʋ, a 'ka ‑anyɩ geyliinwlʋfɛtlɩa* 'la nyɩa bhɔsʋa ɩya ‑a kɩɩ li.» 9Na, ma yɔɔ neen 'cla lebhe: «'Ndagbazɩ ‑n ‑waa 'lɛ le ‑a bhɔsʋalɩɩ bha?» 10Ɔ ya maa ŋeenŋonu lebhe: «A ‑ka 'dua nɩkplaan ble na, nclɔɔ bhlo cɩ 'ka anyɩ 'bɩɩncili, ɔ bhɛɛ 'nyukpala. A gɩlɩɔ 'slea nɩkplaan ɔ cɩ 'ka 'lɛ ble na, 11ɩya a 'cla 'sletoa lebhe: Canyɔa nabhe ‑a 'clɔɔ lebhe: 'Ndagbazɩ ‑palʋa ‑zɔan, n ‑ya 'na gɩlɩnyaa ‑kaa 'lɛ geyliinwlʋfɛtlɩa lili na, ‑kʋa 'lɛ bha? 12Na, 'sletoa cɩ 'ka anyɩ ‑laagɔsidiin ‑palʋa ‑ʋ ‑lɛlɩɔ 'lɛ neen 'nyɩ lɩɩa ‑tɛtɛa ‑kʋ 'lɛ nɩkplaan na, pala. 'Yɛpɩ a cɩ 'ka 'lɛ bhɔsʋa.» 13Na, ma ya mʋ, ma ya lɩɩa ‑tɛtɛa saa ɔ solua 'lɛ maa na ŋeni, 'nyɩ ma ya geyliinwlʋfɛtlɩa bhɔsʋa.
‑Kwlenyɔa 'la ‑kplɔkplɔnyɩa
(Mat 26.20,26-29; Mak 14.17,22-25; 1 Kolt 11.23-26)
14Na, daa 'ŋwacɩa ŋeni 'lɛ na, Zozii ɩya ɔla lobhulobhuyaa ya 'tlɔnblɩ 'kʋ 'plɩ. 15'Nyɩ ɔ ya maa 'cla lebhe: «N yaa tete n ya wabha le ‑a kaa geyliiwlʋfɛtlɩa ‑naa 'la nyɩa nebhlo lili 'fɩɔn ɩya 'kwlɩ 'kanɩɩn bhɩa. 16Sa n solu anyɩ le n cɩ 'takɩnɩɛ li ‑aan 'nyɩ ɛ cɩ 'kʋglalɩ 'yɛpɩ Laagɔ 'la Nyɩbhɛlɩdua* nɩkplaan.» 17Ma yɔɔ nʋkɔbhɛ 'nyɩnɩ, 'nyɩ ɔ bhɩalɩ 'lɛ Laagɔ bhɔlʋlɩɛ na, ɔ ya 'cla lebhe: «A 'mɛɛ ɩya a polie acɩ ‑gbaaglɩɩn. 18Sa, n solu anyɩ lebhe: ‑Ɩ 'manɩɔ 'lɛ ‑da na, 'n cɩ 'tanɩ ‑diinvɛɛn 'mla ‑aan 'nyɩ Laagɔ 'la Nyɩbhɛlɩdua cɩ ci.»
19Na, ɔ ya 'flawo 'ma 'nyɩ ɔ bhɩalɩ 'lɛ Laagɔ bhɔlʋlɩɛ na, ɔ yʋʋ 'kliin 'dɩdɩlɩ, ɔ yʋʋ maa 'nyɩnɩ 'nyɩ ɔ ya 'cla lebhe: «‑Anʋ ‑naa ‑glɩ 'na 'nyɛkɛa, ‑ɛ ‑nyɩɔ 'lɛ a 'la gbʋ na. Na, a nʋ ɩmɩ ‑naa, ɩya a 'kaan luoli.» 20Na, daa ma bhɩalɩ 'lɛ lilie na, ɔ ya nʋkɔbhɛa 'ma, ɔ ya sɛɛ bhlogbɩɩ nʋ 'nyɩ ɔ ya 'cla lebhe: «‑Kɔbhɛ ‑naa, ɛ ‑glɩ Laagɔ 'la mɛnʋ ‑lelua ‑ʋ 'slalɩ 'lɛ 'na ‑dolua ‑ʋ 'kɔsɔ 'lɛ ala gbʋ sa, 'kʋ na.
21'Lɩka, ɔmɔa ‑ɔ zʋʋn 'lɛ 'pɛlʋ na, ɔ ‑kʋmʋ ‑da 'tlɔnblɩa 'kʋ. 22Nclɔɔa 'Cʋa* cɩ 'ka 'ku, saa ɩ ‑zʋɔ 'lɛ na. ‑Ma ‑munzue ‑bhoo nclɔɔ ‑naa ɔla 'pɛlʋzʋlɩɛa 'wlʋlʋ 'lɛ wlɩɩn na.» 23Na, ma 'claclalɩanɩa neen, ɔmɔa ‑ɔ ‑cɩ kaa 'lɛ ɩmɩ ‑naa nʋ na.
‑Anɔsaa ‑ɔ zia 'lɛ ɔ 'yea 'fɩan 'kʋ bha?
(Mat 20.24-28, 19.28; Mak 10.41-45)
24Na gɩlɩnyaa* ya wɔɔtɩtʋɛ bhɔ le ma 'kaa ɔmɔa ‑ɔ zia 'lɛ maa 'fɩan 'kʋ na cibhlili. 25Zozii ya maa 'cla lebhe: «'Bhlɩa 'kʋ 'la nyɩbhɛlɩa ka ma ‑kʋlʋ 'lɛ 'bhlɩnyaa 'kʋ 'nyɩ maa ‑ɔ ‑kwle 'lɛ maa na, ma ‑wa 'lɛ le ma la maa 'nanɩnʋnya. 26Ala gbazɔ, ɩ 'la kʋa sɛɛ. ‑Ma ɔmɔa ‑ɔ zi 'lɛ anyɩa 'fɩan 'kʋ na, 'naa ɔ nʋ le ala leen ‑naanɔa 'bhisa, ɩya ɔmɔa ɔ ‑kwle 'lɛ na, ɔ nʋ le ɔmɔa ‑ɔ lobho 'lɛ na 'bhisa. 27Na, ‑anɔsaa ‑ɔ zia 'lɛ 'kʋ bha? Ɔmɔa ‑ɔ ‑kʋ 'lɛ 'tlɔnblɩa 'kʋ, ‑aana ɔmɔa ‑ɔ lobhoo 'lɛ na bha? ‑N 'ta ɔmɔa ‑ɔ ‑kʋ 'lɛ 'tlɔnblɩa 'kʋ na bha? ‑Ma ‑amʋ, ka n ‑kʋ 'lɛ anyɩ sidiin le lobhoco 'bhisa.
28Anyɩ a ‑glɩ maa ‑ɔ ya 'lɛ pɔlɛ kla 'nyɩ ‑ɔ yaan 'lɛ cɩ kʋ 'naa gbɩɩnclalɩɛa nɩkplaan na. 29'Nyɩ ‑amʋ, n nyɩ anyɩ Nyɩbhɛlɩdua saa ‑tɛɛa n To 'nyɩɩn 'lɛ mʋ na. 30Na, a cɩ 'ka 'na 'tlɔnblɩa 'kʋ lili ɩya a 'kɛɛ 'kʋ 'mlanɩ 'na Nyɩbhɛlɩdua nɩkplaan, ɩya a 'ka ‑kwlekpu 'kʋ sakʋ ɩya a 'ka Izlayɛlɩnyaa* 'la 'lɔkpʋa 'kʋgba ‑mɔsɔa 'tɩtɩ ‑pla.»
Zozii nabhe Pɩɛlɩ cɩ 'kɔɔ ‑blɔ
(Mat 26.31-35; Mak 14.27-31; Zan 13.37-38)
31Zozii ya Simɔɔn Pɩɛlɩ 'cla lebhe: «Simɔɔn, Simɔɔn, Sataan* ya anyɩ 'clalɩ le ɔ 'ka ‑tɛmɛ 'ma ɩya ɔ 'ka anyɩ nɩkplaan gbazlɩlɩ lesaa ma gbazlɩlɩ 'lɛ 'blee nɩkplaan na. 32‑Ma ‑amʋ, n ya ‑naa da bhibhie ɩya ‑naa pɔɔtɛtɛa 'la ka bhli. Na, ‑mɔɔ ‑ma, daa ‑n ‑cɩ ka 'lɛ kwlacala na, zʋ ‑n bholiecɩa 'tɛtɩɩn.» 33Pɩɛlɩ yɔɔ 'cla lebhe: «‑Kwlenyɔ, n bhɔsʋa le n ‑yɔɔsɔ cɩ ‑palʋʋnpalʋ ‑zɔn mʋ, 'nyɩ 'kwɩ 'titii ‑ka 'lɛ ‑kʋo na, n cɩɛ 'kumʋ!» 34Zozii yɔɔ 'cla lebhe: «N soluo mɩ, Pɩɛlɩ, 'fɩɔn ɩya ‑gʋgɔ 'ka 'lɛ 'pa na, ‑n cɩ kaan dɩ ‑mɔta ‑blɔlʋ.»
Tavʋŋwacɩa ya ŋeni
35'Nyɩ Zozii ya ɔla gɩlɩnyaa* neencla lebhe: «Daa n lobhu 'lɛ anyɩ 'nyɩ a 'taa 'lɛ 'dala, ‑keteku ɩya ‑gbanbʋ famʋ na, a ya lʋʋ bhlo ‑mie bha?» Ma yɔɔneenŋonu lebhe: A 'ta lʋʋ ‑ylɛylɛ ‑mie. 36Na, ɔ yanɩ maa 'cla lebhe: «‑Ma ‑pɔtɔnʋ, ɔmɔ ‑ɔ ‑ka 'dala ‑ka na, ɔ 'manɩa, 'sɛtɛɛ bhlogbɩɩ ɔmɔa ‑ɔ ‑ka 'lɛ ‑keteku na, ɔ 'mʋʋ, ɩya ɔmɔ ‑ɔ 'ta lɛtɛ ‑ka na, ɔ zʋ ɔla 'kotua 'pɛlʋ ɩya ɔ 'ka bhlo ‑pɩa. 37Sa, n solu anyɩ, ɩ ‑fata le Ziewɔlɩaziewɔlɩa 'la wɔɔkle ‑naa a cla 'lɛ lebhe: Ma yɔɔ ncaabhlanya sidiin zɛlɩmʋ na, a ‑glalɩ 'kʋ. 'Nyɩ ‑zaagbʋsa ɩmɩa ‑ɩ ‑zie 'lɛ 'na 'sasʋʋn na ɩ cɩ 'ka 'kʋglalɩ.» 38Gɩlɩnyaa yɔɔ 'cla lebhe: «‑Kwlenyɔ, 'lɩka lɛtɩ ‑mɔsɔ.» Ɔ ya maa 'cla lebhe: «Ɩ ‑zu.»
‑Olivisikikea 'wlu 'la
(Mat 26.36-46; Mak 14.32-42)
39Na, Zozii ya ‑zɔnwlʋ 'nyɩ saa ɔ nʋ ‑azla 'lɛ na, ɔ ya ‑Olivisikikea 'wlu mʋ 'nyɩ gɩlɩnyaa* yɔɔ gɩlɩ. 40Daa ɔ ŋeni 'lɛ 'yɛpɩ na, ɔ ya maa 'cla lebhe: «A bhibhie ɩya a 'la ka gbɩɩnclalɩɛn bhlili.» 41'Nyɩ ɔ ya maa cɩ datlʋbhalɩ le daa 'papacokwie cɩ 'lɛ ŋeni na 'bhisa, ɔ ya ‑kukoonkplii sa sla, ɔ bhibhiea 'nyɩ ɔ claa lebhe: 42«To, ‑n ‑kaa ‑wa le ‑n cɩa ‑amʋa ‑kɔbhɛ ‑naa cɩ da tlʋbhalɩ na... 'Bhlɩmɔɔn, ɩ 'la 'plɩa 'na pɔɔsa, ‑ma ‑mɔɔ ‑naa pɔɔsaa 'nyɩ ‑ɩ ‑glalɩ 'kʋ!» 43Na 'bhlaandlee* bhlo ya ‑laagɔɔn 'wlʋ, ɔ yɔɔ futolu 'nyɩ ɔ zʋa 'mɔɔ 'tɛtɩɩn. 44Pɔɔvʋ 'taa 'mɔɔ 'nanɩ ‑ka, ɔ bhibhieanɩa ‑gbɔɔn 'nyɩ ɔla sloa ya 'plɩ le ‑dolukplɩɩa ‑ɩ bhli 'lɛ ‑dʋdʋ 'kʋ na 'bhisa. 45Na, daa ɔ bhɩalɩ 'lɛ bhibhie ‑naa na, ɔ ya 'kʋbho 'nyɩ ɔ ya gɩlɩnyaa 'bɩɩn cili, 'nyɩ ɔ ya maa claan ŋeni, saa ma ‑kʋa cɩɩnkalɔɔn pɔlɛ na. 46Ɔ ya maa 'cla lebhe: «Ka a ŋɔmʋ 'lɛ bha? A ‑bho 'kʋ ɩya a bhibhie ɩya a 'la ka gbɩɩnclalɩɛɛn bhlili.»
Ma ya Zozii 'kʋbhli
(Mat 26.47-56; Mak 14.43-49; Zan 18.3-11)
47Zozii ‑kʋ kaa nyɩtɛda 'nyɩ ncaakpa ya 'lɛ futo. Ɔmɔa ma laa 'lɛ Zuda 'nyɩ ‑ɔ ‑glɩa 'lɛ gɩlɩnyaa* 'kʋgba ‑mɔsɔa sidiin 'la bhlo na, pʋaa maa 'kʋklʋʋn. Ɔ ya Zozii cɩ mɛ le ɔ kɔɔ ‑kpacɩ cɩ ŋʋŋɔnʋ. 48‑Ma Zozii yɔɔ 'cla lebhe: «Zuda, ‑kpacɩcɩŋʋŋɔnʋlɩɛ nɩkplaan ‑n zʋlʋ 'lɛ Nclɔɔa 'Cʋa* 'pɛlʋ bha?» 49Na, daa maa ‑ɔ ‑kʋa 'lɛ Zozii cɩ, 'lɩ 'lɛ ɩmɩa ‑ɩ cia 'lɛ 'yɛpɩ na, ma yɔɔ neencla lebhe: «‑Kwlenyɔ, ‑a 'ma lɛtɛa bha?» 50'Nyɩ maa nɩkplaan bhlo ya ‑teyiyinyɔ ‑kpasaa 'la lobhocoa 'kʋpa 'nyɩ ɔ ya ɔla 'lipasɔ ‑nyukwlia 'kʋdɩ. 51‑Ma Zozii ya wɔɔnyɩtʋ 'ma 'nyɩ ɔ ya 'cla lebhe: «Ɩ ‑kʋ 'nanɩ.» 'Nyɩ ɔ ya nclɔɔa 'la 'nyukwlia cɩkla 'nyɩ ɔ yɔɔ jabha.
52Na, ɩla leean, Zozii ya ‑teyiyinyaa tocɩa, Laagɔpaakadiea* 'la ‑bɛnyaa tocɩa ɩya ncaakpasɩa ‑ɔ cia 'mɔɔ 'lɛ 'kʋbhlikan na, 'cla lebhe: «Aya ‑banjlɛtɩ ɩya sikli ya ci, le saa a ci 'lɛ ncaabhlanyɔ 'kʋbhlikan na. 53Daa clɩɩa ‑tɛtɛa, n ‑ya anyɩsɔ ‑kʋa 'lɛ Laagɔpaakadiea ‑zɔn na, a 'taan 'kʋbhli. ‑Ma ‑pɔtɔnʋ, ala 'ŋwacɩa, ‑ɛ ‑glɩ 'lɛ 'tutuun 'la 'tɛtɩa 'la ‑kwleŋwacɩa na, ɛ yanɩ ŋeni.»
Pɩɛlɩ ya Zozii ‑blɔ
(Mat 26.57—27.1; Mak 14.53-54; Zan 18.13-27)
54Na, ma ya Zozii 'kʋbhli, ma yɔɔ famʋ 'nyɩ ma yɔɔ ‑teyiyinyɔ ‑kpasaa 'bhisleen blee. Pɩɛlɩ ‑kʋa 'vʋʋn 'nyɩ ɔ gɩlɩa maa. 55Ma ya 'slea sidiin ‑kosugbagbalu ‑zla 'nyɩ ma ‑kʋa 'mʋʋ cɩ. Pɩɛlɩ ya maa cɩ sakʋ. 56Lobhoŋlɔ bhlo yɔɔ ‑kosua cɩ 'lɩ, ɔ yɔɔ 'ciinkope 'cɩɩ 'nyɩ ɔ ya 'cla lebhe: «Nclɔɔ ‑naa ‑ma, ɔ ‑yɔɔsɔ namʋa!» 57‑Ma ɔ ya cɩcɛlɩ 'nyɩ ɔ ya 'cla lebhe: «N 'tɔɔ ‑ci.» 58Ɩla leen, ‑buunnaanɔ bhlo yɔɔ 'lɩ 'nyɩ ɔ ya 'cla lebhe: «‑Mɔɔ ‑ma ‑n ‑glɩmʋ maa sidiin 'la bhlo.» ‑Ma Pɩɛlɩ yɔɔ 'cla lebhe: «N 'tɔɔ ‑glɩ.» 59'Ŋwacɩ wlu bhlo 'plɩ 'lɛ na, ‑anɔ bhlo ya wɔlɩa 'kʋkpafɩalɩ 'nyɩ ɔ ya 'cla lebhe: «Ɩ 'ta 'dɛ ‑wlʋɔ, nclɔɔ ‑naa, ɔ gɩlɩmʋa 'mɔɔ. 'Nyɩ ɔ ‑glɩ ‑awlɛ 'lɛ Galileenyɔ.» 60Pɩɛlɩ ya 'cla lebhe: «Ɩmɩa ‑n ‑nabhe ‑n ka 'lɛ 'kʋbhli na, n 'tɩɩ ‑ci.» 'Nyɩ dɩpɩa bhlogbɩɩ, ‑gʋgɔ ya 'pa. 61Na, ‑Kwlenyɔa ya kwlacala, ɔ ya Pɩɛlɩ 'ciinkope 'nyɩ Pɩɛlɩ ya ‑Kwlenyɔa 'la wɔɔnyɩtʋa luoli. Daa ɔ claa 'mɔɔ 'lɛ lebhe: «'Fɩɔn ɩya ‑gʋgɔ 'ka 'lɛ ‑yaka 'pa na, ‑n cɩ ka dɩ ‑mɔta 'cla le ‑n 'taan ‑ci.» 62Na, ɔ ya ‑zɔnwlʋ 'nyɩ ɔ tua gbasa.
Ma 'kɔtɔlʋ Zozii 'kʋ
63Na, ncɛlɩa ‑ɔ ‑bɛa 'lɛ Zozii na, ma nyanɩa 'mɔɔ 'nyɩ ma bhutia 'mɔɔ. 64Ma ya 'mɔɔ 'ci 'kʋ gʋa 'nyɩ ma claa 'mɔɔ neen lebhe: «‑Ɔ 'bhlɔɔ 'lɛ bha? Nʋ Laagɔnekʋynɩtɛnyɔ 'bhisa, palɔɔ ‑anyɩ.» 65'Nyɩ ma vlaa 'mɔɔ 'mizimizi.
Zozii ‑kʋ 'tɩtɩplakandea ‑deliin
66Daa ‑zelia ze 'lɛ na, 'bhlɩnyaa 'la ncaakpasɩa, ‑teyiyinyaa tocɩa ɩya ‑jlɩmaazienyaa* 'la ‑kandea ya 'wluwlalɩ 'nyɩ ma ya Zozii mala 'tɩtɩplajlea nɩkplaan famʋ. 67'Nyɩ ma yɔɔ 'cla lebhe: «‑Mɔ ‑ka Laagɔ 'la ‑Sasanyɔa* ‑glɩ na, solu sɛɛ ‑anyɩ.» Ɔ ya maa 'cla lebhe: «N ‑ka sɛɛ anyɩ solu na, 'a cɩ 'ta 'na wɔlɩa ‑nʋawlɛ la. 68'Nyɩ n ‑ka anyɩ neencla na, 'a cɩ 'taan neenŋonu. 69‑Ma ‑ɩ bhɔlʋ 'lɛ ‑da na, Nclɔɔa 'Cʋa* cɩ 'kanɩ Laagɔa 'tɛtɩa 'fɩan to, 'lipasɔ 'kʋ sakʋ.» 70Na, maa 'fɩan ya 'cla lebhe: «'Dɛndlana, ‑mɔ ‑glɩ 'lɛ Laagɔ 'la 'Cʋa na!» Ɔ ya maa 'cla lebhe: «Ɩmɩ anyɩ 'titi 'bhli 'lɛ 'kʋ.» 71Na, ma ya 'cla lebhe: «‑A cɩ ‑awlɛ ‑danʋfʋɛ 'matɩ bha? ‑Masa, ‑anyɩ 'titi ‑a yɔɔ mɩ neen 'nunu na.»
Currently Selected:
Luk 22: NTLD13
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Luk 22
22
Ma ya Zozii 'la 'bhlawɔlɩ gʋa
(Mat 26.1-5,14-16; Mak 14.1-2,10-11)
1'Flawia ‑ɩ 'ta 'lɛ 'zɩɩn* 'ka, ɩla 'fɛtlɩa ma 'la 'lɛ geyliinwlʋfɛtlɩ* na, ɩ mɛanɩa cɩ. 2‑Teyiyinyaa tocɩa ɩya ‑jlɩmaazienyaa* 'matɩa saa ma cɩ 'kaa 'lɛ nʋnʋnʋ ɩya ma 'kaa 'lɛ Zozii 'bhla na. ‑Ma 'bhlɩnyaa 'la ŋanɔ 'bhlaa maa. 3Na, Sataan* ya Zuda, ma la 'lɛ Iskalɩɔtʋ 'nyɩ ‑ɔ ‑kʋmʋa 'lɛ gɩlɩnyaa* 'kʋgba ‑mɔsɔa sidiin na, nɩkplaan ble, 4'nyɩ ɔ ya mʋ ɔya ‑teyiyinyaa tocɩa ɩya Laagɔpaakadiea* 'la ‑bɛnyaa tocɩa ya saa ɔ cɩ 'kaa 'lɛ maa Zozii wlɩɩn zʋzʋlʋ na, 'la wɔlɩa cɩzʋlʋ. 5Na, ma ya ‑pɔpʋɛ nʋ 'nyɩ ma ya zʋ le ma cɩ 'kɔɔ 'dala 'nyɩ. 6Ɔ ya ŋonu 'nyɩ ɔ 'matɩanɩa 'plɩlɩdaa ɔ cɩ 'kaa 'lɛ 'lɩ, ɔ 'kɔɔ maa wlɩɩn zʋ ɩya 'bhlɩnyaa 'la kaa sɛɛ cibhlili na.
Geyliinwlʋfɛtlɩa 'la bhɔsʋalɩɛ
(Mat 26.17-19; Mak 14.12-16)
7'Flawia ‑ɩ 'ta 'lɛ 'zɩɩn* ‑ka na, ɩla 'fɛtlɩa 'la clɩɩa 'kʋa ma 'bhla 'lɛ mlɛa na, ɩ ya ŋeni. 8Zozii ya Pɩɛlɩ ɩya Zaan lobhu 'nyɩ ɔ ya maa 'cla lebhe: «A mʋ, a 'ka ‑anyɩ geyliinwlʋfɛtlɩa* 'la nyɩa bhɔsʋa ɩya ‑a kɩɩ li.» 9Na, ma yɔɔ neen 'cla lebhe: «'Ndagbazɩ ‑n ‑waa 'lɛ le ‑a bhɔsʋalɩɩ bha?» 10Ɔ ya maa ŋeenŋonu lebhe: «A ‑ka 'dua nɩkplaan ble na, nclɔɔ bhlo cɩ 'ka anyɩ 'bɩɩncili, ɔ bhɛɛ 'nyukpala. A gɩlɩɔ 'slea nɩkplaan ɔ cɩ 'ka 'lɛ ble na, 11ɩya a 'cla 'sletoa lebhe: Canyɔa nabhe ‑a 'clɔɔ lebhe: 'Ndagbazɩ ‑palʋa ‑zɔan, n ‑ya 'na gɩlɩnyaa ‑kaa 'lɛ geyliinwlʋfɛtlɩa lili na, ‑kʋa 'lɛ bha? 12Na, 'sletoa cɩ 'ka anyɩ ‑laagɔsidiin ‑palʋa ‑ʋ ‑lɛlɩɔ 'lɛ neen 'nyɩ lɩɩa ‑tɛtɛa ‑kʋ 'lɛ nɩkplaan na, pala. 'Yɛpɩ a cɩ 'ka 'lɛ bhɔsʋa.» 13Na, ma ya mʋ, ma ya lɩɩa ‑tɛtɛa saa ɔ solua 'lɛ maa na ŋeni, 'nyɩ ma ya geyliinwlʋfɛtlɩa bhɔsʋa.
‑Kwlenyɔa 'la ‑kplɔkplɔnyɩa
(Mat 26.20,26-29; Mak 14.17,22-25; 1 Kolt 11.23-26)
14Na, daa 'ŋwacɩa ŋeni 'lɛ na, Zozii ɩya ɔla lobhulobhuyaa ya 'tlɔnblɩ 'kʋ 'plɩ. 15'Nyɩ ɔ ya maa 'cla lebhe: «N yaa tete n ya wabha le ‑a kaa geyliiwlʋfɛtlɩa ‑naa 'la nyɩa nebhlo lili 'fɩɔn ɩya 'kwlɩ 'kanɩɩn bhɩa. 16Sa n solu anyɩ le n cɩ 'takɩnɩɛ li ‑aan 'nyɩ ɛ cɩ 'kʋglalɩ 'yɛpɩ Laagɔ 'la Nyɩbhɛlɩdua* nɩkplaan.» 17Ma yɔɔ nʋkɔbhɛ 'nyɩnɩ, 'nyɩ ɔ bhɩalɩ 'lɛ Laagɔ bhɔlʋlɩɛ na, ɔ ya 'cla lebhe: «A 'mɛɛ ɩya a polie acɩ ‑gbaaglɩɩn. 18Sa, n solu anyɩ lebhe: ‑Ɩ 'manɩɔ 'lɛ ‑da na, 'n cɩ 'tanɩ ‑diinvɛɛn 'mla ‑aan 'nyɩ Laagɔ 'la Nyɩbhɛlɩdua cɩ ci.»
19Na, ɔ ya 'flawo 'ma 'nyɩ ɔ bhɩalɩ 'lɛ Laagɔ bhɔlʋlɩɛ na, ɔ yʋʋ 'kliin 'dɩdɩlɩ, ɔ yʋʋ maa 'nyɩnɩ 'nyɩ ɔ ya 'cla lebhe: «‑Anʋ ‑naa ‑glɩ 'na 'nyɛkɛa, ‑ɛ ‑nyɩɔ 'lɛ a 'la gbʋ na. Na, a nʋ ɩmɩ ‑naa, ɩya a 'kaan luoli.» 20Na, daa ma bhɩalɩ 'lɛ lilie na, ɔ ya nʋkɔbhɛa 'ma, ɔ ya sɛɛ bhlogbɩɩ nʋ 'nyɩ ɔ ya 'cla lebhe: «‑Kɔbhɛ ‑naa, ɛ ‑glɩ Laagɔ 'la mɛnʋ ‑lelua ‑ʋ 'slalɩ 'lɛ 'na ‑dolua ‑ʋ 'kɔsɔ 'lɛ ala gbʋ sa, 'kʋ na.
21'Lɩka, ɔmɔa ‑ɔ zʋʋn 'lɛ 'pɛlʋ na, ɔ ‑kʋmʋ ‑da 'tlɔnblɩa 'kʋ. 22Nclɔɔa 'Cʋa* cɩ 'ka 'ku, saa ɩ ‑zʋɔ 'lɛ na. ‑Ma ‑munzue ‑bhoo nclɔɔ ‑naa ɔla 'pɛlʋzʋlɩɛa 'wlʋlʋ 'lɛ wlɩɩn na.» 23Na, ma 'claclalɩanɩa neen, ɔmɔa ‑ɔ ‑cɩ kaa 'lɛ ɩmɩ ‑naa nʋ na.
‑Anɔsaa ‑ɔ zia 'lɛ ɔ 'yea 'fɩan 'kʋ bha?
(Mat 20.24-28, 19.28; Mak 10.41-45)
24Na gɩlɩnyaa* ya wɔɔtɩtʋɛ bhɔ le ma 'kaa ɔmɔa ‑ɔ zia 'lɛ maa 'fɩan 'kʋ na cibhlili. 25Zozii ya maa 'cla lebhe: «'Bhlɩa 'kʋ 'la nyɩbhɛlɩa ka ma ‑kʋlʋ 'lɛ 'bhlɩnyaa 'kʋ 'nyɩ maa ‑ɔ ‑kwle 'lɛ maa na, ma ‑wa 'lɛ le ma la maa 'nanɩnʋnya. 26Ala gbazɔ, ɩ 'la kʋa sɛɛ. ‑Ma ɔmɔa ‑ɔ zi 'lɛ anyɩa 'fɩan 'kʋ na, 'naa ɔ nʋ le ala leen ‑naanɔa 'bhisa, ɩya ɔmɔa ɔ ‑kwle 'lɛ na, ɔ nʋ le ɔmɔa ‑ɔ lobho 'lɛ na 'bhisa. 27Na, ‑anɔsaa ‑ɔ zia 'lɛ 'kʋ bha? Ɔmɔa ‑ɔ ‑kʋ 'lɛ 'tlɔnblɩa 'kʋ, ‑aana ɔmɔa ‑ɔ lobhoo 'lɛ na bha? ‑N 'ta ɔmɔa ‑ɔ ‑kʋ 'lɛ 'tlɔnblɩa 'kʋ na bha? ‑Ma ‑amʋ, ka n ‑kʋ 'lɛ anyɩ sidiin le lobhoco 'bhisa.
28Anyɩ a ‑glɩ maa ‑ɔ ya 'lɛ pɔlɛ kla 'nyɩ ‑ɔ yaan 'lɛ cɩ kʋ 'naa gbɩɩnclalɩɛa nɩkplaan na. 29'Nyɩ ‑amʋ, n nyɩ anyɩ Nyɩbhɛlɩdua saa ‑tɛɛa n To 'nyɩɩn 'lɛ mʋ na. 30Na, a cɩ 'ka 'na 'tlɔnblɩa 'kʋ lili ɩya a 'kɛɛ 'kʋ 'mlanɩ 'na Nyɩbhɛlɩdua nɩkplaan, ɩya a 'ka ‑kwlekpu 'kʋ sakʋ ɩya a 'ka Izlayɛlɩnyaa* 'la 'lɔkpʋa 'kʋgba ‑mɔsɔa 'tɩtɩ ‑pla.»
Zozii nabhe Pɩɛlɩ cɩ 'kɔɔ ‑blɔ
(Mat 26.31-35; Mak 14.27-31; Zan 13.37-38)
31Zozii ya Simɔɔn Pɩɛlɩ 'cla lebhe: «Simɔɔn, Simɔɔn, Sataan* ya anyɩ 'clalɩ le ɔ 'ka ‑tɛmɛ 'ma ɩya ɔ 'ka anyɩ nɩkplaan gbazlɩlɩ lesaa ma gbazlɩlɩ 'lɛ 'blee nɩkplaan na. 32‑Ma ‑amʋ, n ya ‑naa da bhibhie ɩya ‑naa pɔɔtɛtɛa 'la ka bhli. Na, ‑mɔɔ ‑ma, daa ‑n ‑cɩ ka 'lɛ kwlacala na, zʋ ‑n bholiecɩa 'tɛtɩɩn.» 33Pɩɛlɩ yɔɔ 'cla lebhe: «‑Kwlenyɔ, n bhɔsʋa le n ‑yɔɔsɔ cɩ ‑palʋʋnpalʋ ‑zɔn mʋ, 'nyɩ 'kwɩ 'titii ‑ka 'lɛ ‑kʋo na, n cɩɛ 'kumʋ!» 34Zozii yɔɔ 'cla lebhe: «N soluo mɩ, Pɩɛlɩ, 'fɩɔn ɩya ‑gʋgɔ 'ka 'lɛ 'pa na, ‑n cɩ kaan dɩ ‑mɔta ‑blɔlʋ.»
Tavʋŋwacɩa ya ŋeni
35'Nyɩ Zozii ya ɔla gɩlɩnyaa* neencla lebhe: «Daa n lobhu 'lɛ anyɩ 'nyɩ a 'taa 'lɛ 'dala, ‑keteku ɩya ‑gbanbʋ famʋ na, a ya lʋʋ bhlo ‑mie bha?» Ma yɔɔneenŋonu lebhe: A 'ta lʋʋ ‑ylɛylɛ ‑mie. 36Na, ɔ yanɩ maa 'cla lebhe: «‑Ma ‑pɔtɔnʋ, ɔmɔ ‑ɔ ‑ka 'dala ‑ka na, ɔ 'manɩa, 'sɛtɛɛ bhlogbɩɩ ɔmɔa ‑ɔ ‑ka 'lɛ ‑keteku na, ɔ 'mʋʋ, ɩya ɔmɔ ‑ɔ 'ta lɛtɛ ‑ka na, ɔ zʋ ɔla 'kotua 'pɛlʋ ɩya ɔ 'ka bhlo ‑pɩa. 37Sa, n solu anyɩ, ɩ ‑fata le Ziewɔlɩaziewɔlɩa 'la wɔɔkle ‑naa a cla 'lɛ lebhe: Ma yɔɔ ncaabhlanya sidiin zɛlɩmʋ na, a ‑glalɩ 'kʋ. 'Nyɩ ‑zaagbʋsa ɩmɩa ‑ɩ ‑zie 'lɛ 'na 'sasʋʋn na ɩ cɩ 'ka 'kʋglalɩ.» 38Gɩlɩnyaa yɔɔ 'cla lebhe: «‑Kwlenyɔ, 'lɩka lɛtɩ ‑mɔsɔ.» Ɔ ya maa 'cla lebhe: «Ɩ ‑zu.»
‑Olivisikikea 'wlu 'la
(Mat 26.36-46; Mak 14.32-42)
39Na, Zozii ya ‑zɔnwlʋ 'nyɩ saa ɔ nʋ ‑azla 'lɛ na, ɔ ya ‑Olivisikikea 'wlu mʋ 'nyɩ gɩlɩnyaa* yɔɔ gɩlɩ. 40Daa ɔ ŋeni 'lɛ 'yɛpɩ na, ɔ ya maa 'cla lebhe: «A bhibhie ɩya a 'la ka gbɩɩnclalɩɛn bhlili.» 41'Nyɩ ɔ ya maa cɩ datlʋbhalɩ le daa 'papacokwie cɩ 'lɛ ŋeni na 'bhisa, ɔ ya ‑kukoonkplii sa sla, ɔ bhibhiea 'nyɩ ɔ claa lebhe: 42«To, ‑n ‑kaa ‑wa le ‑n cɩa ‑amʋa ‑kɔbhɛ ‑naa cɩ da tlʋbhalɩ na... 'Bhlɩmɔɔn, ɩ 'la 'plɩa 'na pɔɔsa, ‑ma ‑mɔɔ ‑naa pɔɔsaa 'nyɩ ‑ɩ ‑glalɩ 'kʋ!» 43Na 'bhlaandlee* bhlo ya ‑laagɔɔn 'wlʋ, ɔ yɔɔ futolu 'nyɩ ɔ zʋa 'mɔɔ 'tɛtɩɩn. 44Pɔɔvʋ 'taa 'mɔɔ 'nanɩ ‑ka, ɔ bhibhieanɩa ‑gbɔɔn 'nyɩ ɔla sloa ya 'plɩ le ‑dolukplɩɩa ‑ɩ bhli 'lɛ ‑dʋdʋ 'kʋ na 'bhisa. 45Na, daa ɔ bhɩalɩ 'lɛ bhibhie ‑naa na, ɔ ya 'kʋbho 'nyɩ ɔ ya gɩlɩnyaa 'bɩɩn cili, 'nyɩ ɔ ya maa claan ŋeni, saa ma ‑kʋa cɩɩnkalɔɔn pɔlɛ na. 46Ɔ ya maa 'cla lebhe: «Ka a ŋɔmʋ 'lɛ bha? A ‑bho 'kʋ ɩya a bhibhie ɩya a 'la ka gbɩɩnclalɩɛɛn bhlili.»
Ma ya Zozii 'kʋbhli
(Mat 26.47-56; Mak 14.43-49; Zan 18.3-11)
47Zozii ‑kʋ kaa nyɩtɛda 'nyɩ ncaakpa ya 'lɛ futo. Ɔmɔa ma laa 'lɛ Zuda 'nyɩ ‑ɔ ‑glɩa 'lɛ gɩlɩnyaa* 'kʋgba ‑mɔsɔa sidiin 'la bhlo na, pʋaa maa 'kʋklʋʋn. Ɔ ya Zozii cɩ mɛ le ɔ kɔɔ ‑kpacɩ cɩ ŋʋŋɔnʋ. 48‑Ma Zozii yɔɔ 'cla lebhe: «Zuda, ‑kpacɩcɩŋʋŋɔnʋlɩɛ nɩkplaan ‑n zʋlʋ 'lɛ Nclɔɔa 'Cʋa* 'pɛlʋ bha?» 49Na, daa maa ‑ɔ ‑kʋa 'lɛ Zozii cɩ, 'lɩ 'lɛ ɩmɩa ‑ɩ cia 'lɛ 'yɛpɩ na, ma yɔɔ neencla lebhe: «‑Kwlenyɔ, ‑a 'ma lɛtɛa bha?» 50'Nyɩ maa nɩkplaan bhlo ya ‑teyiyinyɔ ‑kpasaa 'la lobhocoa 'kʋpa 'nyɩ ɔ ya ɔla 'lipasɔ ‑nyukwlia 'kʋdɩ. 51‑Ma Zozii ya wɔɔnyɩtʋ 'ma 'nyɩ ɔ ya 'cla lebhe: «Ɩ ‑kʋ 'nanɩ.» 'Nyɩ ɔ ya nclɔɔa 'la 'nyukwlia cɩkla 'nyɩ ɔ yɔɔ jabha.
52Na, ɩla leean, Zozii ya ‑teyiyinyaa tocɩa, Laagɔpaakadiea* 'la ‑bɛnyaa tocɩa ɩya ncaakpasɩa ‑ɔ cia 'mɔɔ 'lɛ 'kʋbhlikan na, 'cla lebhe: «Aya ‑banjlɛtɩ ɩya sikli ya ci, le saa a ci 'lɛ ncaabhlanyɔ 'kʋbhlikan na. 53Daa clɩɩa ‑tɛtɛa, n ‑ya anyɩsɔ ‑kʋa 'lɛ Laagɔpaakadiea ‑zɔn na, a 'taan 'kʋbhli. ‑Ma ‑pɔtɔnʋ, ala 'ŋwacɩa, ‑ɛ ‑glɩ 'lɛ 'tutuun 'la 'tɛtɩa 'la ‑kwleŋwacɩa na, ɛ yanɩ ŋeni.»
Pɩɛlɩ ya Zozii ‑blɔ
(Mat 26.57—27.1; Mak 14.53-54; Zan 18.13-27)
54Na, ma ya Zozii 'kʋbhli, ma yɔɔ famʋ 'nyɩ ma yɔɔ ‑teyiyinyɔ ‑kpasaa 'bhisleen blee. Pɩɛlɩ ‑kʋa 'vʋʋn 'nyɩ ɔ gɩlɩa maa. 55Ma ya 'slea sidiin ‑kosugbagbalu ‑zla 'nyɩ ma ‑kʋa 'mʋʋ cɩ. Pɩɛlɩ ya maa cɩ sakʋ. 56Lobhoŋlɔ bhlo yɔɔ ‑kosua cɩ 'lɩ, ɔ yɔɔ 'ciinkope 'cɩɩ 'nyɩ ɔ ya 'cla lebhe: «Nclɔɔ ‑naa ‑ma, ɔ ‑yɔɔsɔ namʋa!» 57‑Ma ɔ ya cɩcɛlɩ 'nyɩ ɔ ya 'cla lebhe: «N 'tɔɔ ‑ci.» 58Ɩla leen, ‑buunnaanɔ bhlo yɔɔ 'lɩ 'nyɩ ɔ ya 'cla lebhe: «‑Mɔɔ ‑ma ‑n ‑glɩmʋ maa sidiin 'la bhlo.» ‑Ma Pɩɛlɩ yɔɔ 'cla lebhe: «N 'tɔɔ ‑glɩ.» 59'Ŋwacɩ wlu bhlo 'plɩ 'lɛ na, ‑anɔ bhlo ya wɔlɩa 'kʋkpafɩalɩ 'nyɩ ɔ ya 'cla lebhe: «Ɩ 'ta 'dɛ ‑wlʋɔ, nclɔɔ ‑naa, ɔ gɩlɩmʋa 'mɔɔ. 'Nyɩ ɔ ‑glɩ ‑awlɛ 'lɛ Galileenyɔ.» 60Pɩɛlɩ ya 'cla lebhe: «Ɩmɩa ‑n ‑nabhe ‑n ka 'lɛ 'kʋbhli na, n 'tɩɩ ‑ci.» 'Nyɩ dɩpɩa bhlogbɩɩ, ‑gʋgɔ ya 'pa. 61Na, ‑Kwlenyɔa ya kwlacala, ɔ ya Pɩɛlɩ 'ciinkope 'nyɩ Pɩɛlɩ ya ‑Kwlenyɔa 'la wɔɔnyɩtʋa luoli. Daa ɔ claa 'mɔɔ 'lɛ lebhe: «'Fɩɔn ɩya ‑gʋgɔ 'ka 'lɛ ‑yaka 'pa na, ‑n cɩ ka dɩ ‑mɔta 'cla le ‑n 'taan ‑ci.» 62Na, ɔ ya ‑zɔnwlʋ 'nyɩ ɔ tua gbasa.
Ma 'kɔtɔlʋ Zozii 'kʋ
63Na, ncɛlɩa ‑ɔ ‑bɛa 'lɛ Zozii na, ma nyanɩa 'mɔɔ 'nyɩ ma bhutia 'mɔɔ. 64Ma ya 'mɔɔ 'ci 'kʋ gʋa 'nyɩ ma claa 'mɔɔ neen lebhe: «‑Ɔ 'bhlɔɔ 'lɛ bha? Nʋ Laagɔnekʋynɩtɛnyɔ 'bhisa, palɔɔ ‑anyɩ.» 65'Nyɩ ma vlaa 'mɔɔ 'mizimizi.
Zozii ‑kʋ 'tɩtɩplakandea ‑deliin
66Daa ‑zelia ze 'lɛ na, 'bhlɩnyaa 'la ncaakpasɩa, ‑teyiyinyaa tocɩa ɩya ‑jlɩmaazienyaa* 'la ‑kandea ya 'wluwlalɩ 'nyɩ ma ya Zozii mala 'tɩtɩplajlea nɩkplaan famʋ. 67'Nyɩ ma yɔɔ 'cla lebhe: «‑Mɔ ‑ka Laagɔ 'la ‑Sasanyɔa* ‑glɩ na, solu sɛɛ ‑anyɩ.» Ɔ ya maa 'cla lebhe: «N ‑ka sɛɛ anyɩ solu na, 'a cɩ 'ta 'na wɔlɩa ‑nʋawlɛ la. 68'Nyɩ n ‑ka anyɩ neencla na, 'a cɩ 'taan neenŋonu. 69‑Ma ‑ɩ bhɔlʋ 'lɛ ‑da na, Nclɔɔa 'Cʋa* cɩ 'kanɩ Laagɔa 'tɛtɩa 'fɩan to, 'lipasɔ 'kʋ sakʋ.» 70Na, maa 'fɩan ya 'cla lebhe: «'Dɛndlana, ‑mɔ ‑glɩ 'lɛ Laagɔ 'la 'Cʋa na!» Ɔ ya maa 'cla lebhe: «Ɩmɩ anyɩ 'titi 'bhli 'lɛ 'kʋ.» 71Na, ma ya 'cla lebhe: «‑A cɩ ‑awlɛ ‑danʋfʋɛ 'matɩ bha? ‑Masa, ‑anyɩ 'titi ‑a yɔɔ mɩ neen 'nunu na.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.