Pina ya Lipina 1
1
1 #
1 Male 4.32
Pina ye nde ka ku fitisisa ya lipina za Salumoni.
Pina ya pili
Musizana
2Milomo ya hao i ni kwahela
ka ku ni tubeta.
Lilato la hao ki le linde hahulu
ku fita waine.
3Mafula e u tolile a nunka hande
hahulu.
Mulumo wa libizo la hao
u ni hupulisa ona.
Kabakaleo basizana kaufela
ba ka ku lata.
4Ni nge, mi lu tobisane.
U be mulen'a ka
mi u ni ise kwa muzuzu wa hao.
Kakuli wena u teñi, lu ka taba.
Lu ta wabelwa, mi lu ta tabelana
mwa lilato la luna.
Ki ko kunde cwañi ku ku lata!
5Lizazi li ni unsufalize,
kono ni yo munde.
Basali ba mwa Jerusalema,
ni musotwana
sina tende ya mwa Kedare,
sina masila a lepelela mwa litende
za Salumoni.
6Mu si ke mwa ni kende
kabakala mubala wa ka,
kakuli ni fetuzwi ki lizazi.
Banabahesu ne ba ni nyemezi
mi ba ni belekisa mwa simu ya likota
za veine.
Ne ni si na nako ya ku itokomela.
7Ni bulelele, mulatiwa wa ka.
U ta y'o fuliseza kai mutapi wa hao?
Li ta pumulela kai musihali?
Ni ta ku batelañi
mwahal'a mitapi ya balisana ba bañwi?
Munna
8Kikuli ha u zibi sibaka, nji,
wena musali yo munde
kwa basali kaufela?
Zamaya, u latelele mutapi
mi u y'o fumanela lipuli za hao
mafulelo,
kwatuko a litende za balisana.
9Wena, mulatiwa wa ka,
u filikanya mihupulo ya banna.
U kabisizwe hande hahulu
sina lipizi ze panilwe kwa koloi
ya Faro.
10Milili ya hao ye indilwe
ki ye minde fa malama a hao,
mi i lepelela ka butelele mwa mulala
wa hao sina macwe a butokwa.
11Kono lu ta ku ezeza ñetwani
ya gauda,
ni mikabo ya silivela.
Musizana
12Mulen'a ka ha n'a li fa lipumulelo
la hae,
muunko wa sende ya ka n'e mu nkela
hande.
13Wa lilato ku na u swana ni sende ya mira
ye inzi fa sifuba sa ka.
14Wa lilato la ka u swana ni lipalisa
za mwa naheñi
ze tubula mwa masimu a likota
za veine kwa Eni-Gedi.
Munna
15Mulatiwa wa ka, u yo munde hahulu.
Meeto a hao a benya ka lilato.
Musizana
16U yo munde, wa lilato la ka,
mi u kateleha cwañi?
Mwengelele u ta ba ona bulobalo
bwa luna.
17Likota za sidare li ta ba zona
misumo ya ndu ya luna.
Mabala a situwa sa yona i ta ba
likota za kiprese.
Currently Selected:
Pina ya Lipina 1: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.