Nahumi 1
1
1 #
Isa 10.5-34; 14.24-27; Zefa 2.13-15 Ye ki zibiso ya Ninive, litaba za pono ye bonwi ki Nahumi ya n'a zwa kwa Elikoshi.
Kalifo ya Mulena ku Ninive
2Muñ'a Bupilo h'a yemeli
ba ba lakana ni yena.
U fa mulatu ku ba ba ñañisana
ni yena.
Mwa kalifo ya hae u ba kutiseza
sina mo ba ezelize.
3Mulena h'a halifi kapili-pili,
kono u maata,
mi h'a tuheleli sifosi
a sa fiwi mulatu.
Kw'a zamaya Mulena,
mañungwa a nanuha.
Malu ki ona liluli le li nanuzwi
ki mahutu a hae!
4U omanya liwate mi la kala!
U kalisa linuka.
Mafulelo a Bashani a oma.
Litima za Bashani za oma.
Lilundu la Karimele li fetuha
bufubelu,
ni lipalisa za Lebanoni za shwa.
5Ka ponahalo ya Mulena
malundu a matuna a nyanganya.
Tulundunyana tu shengunukela
fapil'a hae.
Mulena h'a bonahala,
lifasi la nyungana.
Lifasi ni lihalimu
hamoho ni batu ba lona kamukana
za ngangama.
6H'a halifile,
ki mañi ya kona ku pila?
Ki mañi ya ka kona ku puluha
kwa buhali bwa hae bo butuna?
U tisa kalifo ya hae ye tuka.
Fapil'a hae macwe a shanyauka
ku ba liluli.
7Mulena ki yo munde.
U sileleza batu ba hae ka linako
za likozi.
U babalela ba ba mu sepa.
8U timeza lila za hae kaufela
sina muunda o mutuna hahulu.
Ba ba ñañisana ni yena u ba lumela
ko ba si ke ba hupulwa hape
kuya kuile.
9Mu hupula ku ezañi ku Mulena?
U ka mi timeza.
Ha ku na ya pihisana ni yena hañata.
10Ba ba eza cwalo ba swana
sina miutwa ye tatani ni mataka
a omile.
Ni mina mu ka ciswa sina zona!
11Ku wena, Ninive, ku zwile mutu ya tile a tezi minahano ya lunya, ya hupuzi ku eza maswe ku Muñ'a Bupilo. 12Ki a, manzwi a bulelwa ki Muñ'a Bupilo kwa batu ba hae, “Niha Maasiria ba li ba bañata, mi ba na ni maata, ba ka timezwa mi ha ba na ku bonahala hape. Batu ba ka, ni mi nyandisize, kono ha ni na ku eza cwalo hape. 13Cwale ni ka felisa maata a Maasiria ku mina, ni ku lobaka mawenge o ba mi tamile.”
14Ki a manzwi a bulezwi ki Muñ'a Bupilo ka za Maasiria, “Ha ba na ku ba ni ba ba ka ba yola. Ni ka sinya liswaniso za milimu ya bona ze mwa litempele. Ni lukisa libita la Maasiria. Ha ba lukeli ku pila!”
15 #
Isa 52.7
A mu bone, mulumiwa u taha fahalimw'a malundu a na ni litaba ze nde! U mwa nzila ya hae ku t'o bulela za ku tula lila! Batu ba Juda, mu eze mikiti ya mina, mi mu fe Mulimu se ne mu mu sepisize ka buitamo. Ba ba maswe ha ba na ku mi lwanisa hape. Ba se ba timelizwe kaufela!
Currently Selected:
Nahumi 1: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.