Ruti 4
4
Boazi u nyala Ruti
1Boazi a ya kwa sibaka sa mikopano kwa munyako wa munzi, kw'a il'o ina. Cwale mwanahabo Elimeleki ya pepiwa ni bona luli, ili yena y'a n'a bulezwi ki Boazi, a fita mi Boazi a mu biza, a li, “Taha kwanu mulikani, u t'o ina ni na.” Cwale a ya, ma a y'o ina ni yena. 2Boazi kiha s'a biza bahulu ba munzi ba lishumi, a li, “Mu ine fa,” mi ba ina. 3Kiha s'a li ku mwanahabo nyandi Elimeleki, “Cwale, Naomi ha s'a kutile ku zwa kwa Moabi, u bata ku lekisa simu ye n'e li ya mwanahabo luna Elimeleki. 4Ni hupula kuli n'o swanezi ku ziba za yona. Cwalehe, haiba u i bata, u i lekele fapil'a batu ba ba li teñi fa. Kono haiba u sa i lati u bulele, kakuli ya na ni tukelo ya ku i leka pili, ki wena. Ku zwa fo ki na.”
Munna yo a li, “Ni ta i leka.”
5Boazi hape a li, “Haiba u leka simu yeo ku Naomi, fohe, ni yena Ruti, mbelwa wa Mumoabi, a belele musal'a hao, kuli simu i siyale cwalo mwa mazoho a lubasi lwa nyandi.”
6Munna yo a alaba, a li, “Hakulicwalo, ni ta tuhela litukelo za ka za ku leka simu yeo, kakuli bana ba ka mwendi ba ka swana ba tokwa se ba ka yola. U i leke wena. Haili na, nya?”
7 #
Mul 25.9
Mukwa o n'o sebeliswa mwa Isilaele ha ku lekiswa kamba ku cincana masimu ki wo. Mulekisi n'a zwisa sikatulo sa hae, mi n'a si fa muleki. Kihona mo ne ba ezezanga Maisilaele ku bonisa kuli taba i felile.
8Cwale munna yo h'a li ku Boazi, “Wena u i leke,” a zwisa sikatulo sa hae, mi a si fa Boazi. 9Boazi kiha s'a li kwa bahulu ni ku ba ba ne ba li teñi fo kaufela, “Mu lipaki, kamukan'a mina kacenu, za kuli ni lekile ku Naomi lifa kaufela le ne li la Elimeleki, Kilyoni ni Mahaloni. 10#Mul 25.5-6 Hape, ni Ruti wa Mumoabi, mbelwa wa nyandi Mahaloni, s'e li musal'a ka. Kezo ye i ta buluka lifa la nyandi mwa mazoho a lubasi lwa hae, mi lusika lwa hae lu ta zwelapili mwahal'a banabahabo, ni mwa munzi wa habo cwalo. Ki mina lipaki za taba ye kacenu.”
11 #
Sim 29.31
Bazamaisi hamoho ni batu ba li, “Ee, lu lipaki. Muñ'a Bupilo a tuse musali yo, ya taha mwa ndu ya hao, kuli a swane ni bo Rahele ni Lea, ba ba pepezi Jakobo bana ba bañata. U fetuhe mufumi mwa lusika lwa Eferata, mi u tume ni mwa Betelehema. 12#Sim 38.27-30 Bana b'a ta ku fa Muñ'a Bupilo, ka musizana yo, ba konise mba ya hao ku swana ni ya Perezi, mwan'a Juda ni Tamare.”
13Cwale Boazi a ikungela Ruti ku ba musal'a hae. Muñ'a Bupilo a fuyaula musali, a itwala, mi a pepa mwana wa mushimani. 14Basali ba li ku Naomi, “Lumbeka Muñ'a Bupilo! Kacenu u ku file muikulu wa mushimani ya ta ku babalela. Mwana yo a ke a tume mwa Isilaele! 15Mukwenyan'a hao wa ku lata, mi u ku ezelize ze ñata ku fita ze ne ka ezwa ki bana ba bashimani ba supile. Cwale, u ku pepezi muikulu wa mushimani, ya ta ku fumanela bupilo bo bunca ni ku ku babalela mwa bucembele bwa hao.” 16A nga mwana, a mu ambeka fa sifuba sa hae mi a mu uta.
17Basali ba ba ne ba pila ni yena ba mu beya libizo la Obedi. Ba bulelela batu kaufela, ba li, “Naomi u pepezwi mwana wa mushimani!” Ki yena ya pepile Jese, ndat'ahe Davida.
Lusika lwa Davida
18Wo ki mukoloko wa lusika lwa Perezi. Perezi a pepa Hezironi. 19Yena a pepa Rami mi Rami a pepa Aminadabi. 20Aminadabi a pepa Nashoni mi Nashoni a pepa Salimoni. 21Salimoni a pepa Boazi mi Boazi a pepa Obedi. 22Obedi a pepa Jese, mi Jese a pepa Davida.
Currently Selected:
Ruti 4: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Ruti 4
4
Boazi u nyala Ruti
1Boazi a ya kwa sibaka sa mikopano kwa munyako wa munzi, kw'a il'o ina. Cwale mwanahabo Elimeleki ya pepiwa ni bona luli, ili yena y'a n'a bulezwi ki Boazi, a fita mi Boazi a mu biza, a li, “Taha kwanu mulikani, u t'o ina ni na.” Cwale a ya, ma a y'o ina ni yena. 2Boazi kiha s'a biza bahulu ba munzi ba lishumi, a li, “Mu ine fa,” mi ba ina. 3Kiha s'a li ku mwanahabo nyandi Elimeleki, “Cwale, Naomi ha s'a kutile ku zwa kwa Moabi, u bata ku lekisa simu ye n'e li ya mwanahabo luna Elimeleki. 4Ni hupula kuli n'o swanezi ku ziba za yona. Cwalehe, haiba u i bata, u i lekele fapil'a batu ba ba li teñi fa. Kono haiba u sa i lati u bulele, kakuli ya na ni tukelo ya ku i leka pili, ki wena. Ku zwa fo ki na.”
Munna yo a li, “Ni ta i leka.”
5Boazi hape a li, “Haiba u leka simu yeo ku Naomi, fohe, ni yena Ruti, mbelwa wa Mumoabi, a belele musal'a hao, kuli simu i siyale cwalo mwa mazoho a lubasi lwa nyandi.”
6Munna yo a alaba, a li, “Hakulicwalo, ni ta tuhela litukelo za ka za ku leka simu yeo, kakuli bana ba ka mwendi ba ka swana ba tokwa se ba ka yola. U i leke wena. Haili na, nya?”
7 #
Mul 25.9
Mukwa o n'o sebeliswa mwa Isilaele ha ku lekiswa kamba ku cincana masimu ki wo. Mulekisi n'a zwisa sikatulo sa hae, mi n'a si fa muleki. Kihona mo ne ba ezezanga Maisilaele ku bonisa kuli taba i felile.
8Cwale munna yo h'a li ku Boazi, “Wena u i leke,” a zwisa sikatulo sa hae, mi a si fa Boazi. 9Boazi kiha s'a li kwa bahulu ni ku ba ba ne ba li teñi fo kaufela, “Mu lipaki, kamukan'a mina kacenu, za kuli ni lekile ku Naomi lifa kaufela le ne li la Elimeleki, Kilyoni ni Mahaloni. 10#Mul 25.5-6 Hape, ni Ruti wa Mumoabi, mbelwa wa nyandi Mahaloni, s'e li musal'a ka. Kezo ye i ta buluka lifa la nyandi mwa mazoho a lubasi lwa hae, mi lusika lwa hae lu ta zwelapili mwahal'a banabahabo, ni mwa munzi wa habo cwalo. Ki mina lipaki za taba ye kacenu.”
11 #
Sim 29.31
Bazamaisi hamoho ni batu ba li, “Ee, lu lipaki. Muñ'a Bupilo a tuse musali yo, ya taha mwa ndu ya hao, kuli a swane ni bo Rahele ni Lea, ba ba pepezi Jakobo bana ba bañata. U fetuhe mufumi mwa lusika lwa Eferata, mi u tume ni mwa Betelehema. 12#Sim 38.27-30 Bana b'a ta ku fa Muñ'a Bupilo, ka musizana yo, ba konise mba ya hao ku swana ni ya Perezi, mwan'a Juda ni Tamare.”
13Cwale Boazi a ikungela Ruti ku ba musal'a hae. Muñ'a Bupilo a fuyaula musali, a itwala, mi a pepa mwana wa mushimani. 14Basali ba li ku Naomi, “Lumbeka Muñ'a Bupilo! Kacenu u ku file muikulu wa mushimani ya ta ku babalela. Mwana yo a ke a tume mwa Isilaele! 15Mukwenyan'a hao wa ku lata, mi u ku ezelize ze ñata ku fita ze ne ka ezwa ki bana ba bashimani ba supile. Cwale, u ku pepezi muikulu wa mushimani, ya ta ku fumanela bupilo bo bunca ni ku ku babalela mwa bucembele bwa hao.” 16A nga mwana, a mu ambeka fa sifuba sa hae mi a mu uta.
17Basali ba ba ne ba pila ni yena ba mu beya libizo la Obedi. Ba bulelela batu kaufela, ba li, “Naomi u pepezwi mwana wa mushimani!” Ki yena ya pepile Jese, ndat'ahe Davida.
Lusika lwa Davida
18Wo ki mukoloko wa lusika lwa Perezi. Perezi a pepa Hezironi. 19Yena a pepa Rami mi Rami a pepa Aminadabi. 20Aminadabi a pepa Nashoni mi Nashoni a pepa Salimoni. 21Salimoni a pepa Boazi mi Boazi a pepa Obedi. 22Obedi a pepa Jese, mi Jese a pepa Davida.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.