Maheberu 1
1
Mulimu u bulezi ka Mwan'a hae
1Ka linako za kale, Mulimu u bulezi hañata, ni ka mikwa ye miñata, ni bo kukw'a luna, ka bapolofita. 2#But 7.22 Kono ka mazazi a, ili a mafelelezo, u bulezi ni luna ka Mwan'a hae. Ki ka yena kuli Mulimu u ezize lika kaufela, mi ki yena ya supilwe ki Mulimu ku ba muñ'a zona kamukana. 3#But 7.25, 26; 8.1 U bonisa kanya ya Mulimu ni seo Mulimu a li sona. U sweli lika kaufela ka linzwi la hae le li maata. A sin'o tapisa batu kwa libi za bona, a y'o ina mwa lihalimu ku la bulyo la Mulimu ya Maata Kaufela.
Mwana u fita mangeloi
4Mwana u ezizwe yo mutuna ku fita mangeloi sina libizo l'a filwe ki Mulimu ha li li le lituna hahulu ku fita mabizo a mangeloi. 5#Lipi 2.7; 2 Sam 7.14; 1 Lita 17.13 Kaniti Mulimu h'a si ka bulelela ni kamuta lingeloi, nihaili li li liñwi feela kuli,
“U mwan'a ka.
Ni ku pepile kacenu.”
Mi h'a si ka bulela ni kamuta ka lingeloi, a li,
“Ni ka ba Ndat'ahe,
mi yena a be mwan'a ka.”
6 #
Mul 32.43
Kono Mulimu ha s'a bata ku lumela Mweli wa hae mwa lifasi, u ize,
“Mangeloi kamukana a Mulimu
a swanezi ku mu sebeleza.”
7 #
Lipi 104.4
S'a bulezi Mulimu ka mangeloi, ki se,
“Mulimu u eza mangeloi a hae
malimi a mulilo.”
8 #
Lipi 45.6-7
Haili ka Mwana, Mulimu u ize,
“Lubona lwa hao, Mulimu,
ki lwa kuya kuile.
U busa ka ku luka.
9U lata ze lukile, mi u toile ze maswe.
Kabakaleo Mulimu wa hao, u ku ketile
ni ku ku tabisa ka ku ku fa situlo
se si fita s'a file litaka za hao.”
10 #
Lipi 102.25-27
Mi hape u ize,
“Ki wena, Mulena,
ya ezize lifasi kwa makalelo,
mi lihalimu ki musebezi
wa mazoho a hao.
11Zeo kaufela li ta fela,
kono wena u ta siyala.
Li ta supala kamukana sina liapalo.
12U ta li puta inge kubo,
mi li ta cincwa sina liapalo.
Kono wena ha u fetuhi,
mi bupilo bwa hao ha bu feli.”
13 #
Lipi 110.1
Mulimu h'a si ka bulelela ni kamuta le liñwi la mangeloi a hae kuli,
“Ina ku la bulyo la ka
ku fitela ni beya lila za hao
kwatas'a mahutu a hao.”
14 #
Tob 12.14, 15 Mangeloi ki lika mañi? Kaufela ona ki mioya ye sebeleza Mulimu, mi ye lumiwa ki yena ku tusa ba ba lukela ku piliswa.
Currently Selected:
Maheberu 1: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.