3 Joani 1
1
1 #
Lik 19.29; Baro 16.23; 1 Bakor 1.14 Liñolo le li zwa ku na, yo muhulu. Li ñolelwa ku mwanesu Gayusi, ye ni lata luli.
2Mulikan'a ka, ni ku lakaleza kuli lika kamukana li ku lukele, ni kuli u pile hande mwa mubili sina ha ni ziba kuli u pila hande ni mwa moya. 3Na taba hahulu ha ni t'o fumanwa ki banabahabo luna, mi ba talusa kuli u sepahalile mwa ku sebeleza Mulimu, kikuli u zamaya mwa niti linako kaufela. 4Ha ku na se si ni tabisa ku fita ha ni utwa kuli bana ba ka ba mwa niti.
Gayusi wa lumbiwa
5Mwanesu, u sepahala hahulu mwa musebezi o' eza ku tusa banabahabo luna, hamohocwalo ni baenyi. 6Ba til'o bulela ka za lilato la hao fapil'a keleke ya kwanu. Na ku lapela, u ba tuse ku zwelapili mwa musipili wa bona, ka mukwa o ka tabisa Mulimu. 7Ba ngile musipili kabakala Kreste ba si ka amuhela lituso ku ba ba si ka lumela. 8Luna Bakreste, lu swanezi ku tusa batu ba ba cwalo, kuli lu sebelisane ni bona mwa ku paka niti.
Diotrefi ni Demetriusi
9Ni ñolezi keleke liñolo le li kuswani. Kono Diotrefi, ya lata ku ikeza yo muhulu wa bona, u hana ku eza ze ni bulela. 10Cwale, ha ni ka taha, ni ka t'o bulela z'a eza kaufela, ili manzwi a maswe ni buhata bw'a bulela ka za luna! Kono zeo ha si zona feela. H'a lati ku amuhela banabahabo luna ha ba fita, mi u hanisa ba ba bata ku ba amuhela, mane u lika ku ba lundula mwa keleke!
11Mwanesu, u si ke wa likanyisa se si maswe, kono u likanyise se sinde. Ya eza ze nde ki wa Mulimu, kono ya eza ze maswe h'a si wa Mulimu.
12Batu kaufela ba lumba Demetriusi, mane ni yona niti kasibili ya mu paka. Ni luna cwalo lu ekeza bupaki bwa luna, mi wa ziba kuli se lu bulela ki niti.
Litumeliso za mafelelezo
13Ni na ni ze ñata ze ne ni ka ku bulelela, kono ha ni lati ku eza cwalo fa pampili ni ka enge. 14Ni na ni sepo ya ku t'o ku bona kapili, mi lu ka t'o ambola hamoho.
15Kozo i be ni wena.
Banabahabo luna ba kwanu kaufela ba ku lumelisa. U lu lumeliseze ba koo kamukana ka mabizo a bona.
Currently Selected:
3 Joani 1: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.