Hoséas 1
1
1Esakinan ta palabra di SEÑOR dirigí na Hoséas, yu di Beeri, den tempu ku Uzías,#2 Reinan 15:1-7; 2 Krónikanan 26:1-23 Yotam,#2 Reinan 15:32-38; 2 Krónikanan 27:1-8 Ahas#2 Reinan 16:1-20; 2 Krónikanan 28:1-27 i Ezekías#2 Reinan 18:1—20:21; 2 Krónikanan 29:1—32:33 tabata rei di Huda. Yerobeam,#2 Reinan 14:23-29 yu di Yoash, tabata rei di Israel e tempu ei.
Hoséas su esposa i yunan
2Esaki ta e promé kos ku SEÑOR a bisa Hoséas. SEÑOR a bis'é: ‘Bai kasa ku un muhé kabes habrí; e yunan ku bo haña kuné, lo ta mes infiel ku nan mama. Bo mester hasi e kos akí pasobra e pais akí ta infiel na Mi i ta kore tras di otro dios.’
3E ora ei Hoséas a kasa ku Gomèr, yu muhé di Diblaim. Gomèr a sali na estado i a duna Hoséas un yu hòmber. 4SEÑOR a bisa Hoséas: ‘Yama e yu Yizreel,#1:4 E nòmber Yizreel ta referí na e siudat ku e mesun nòmber. Aya Yehu a mata rei di Israel ku henter su famia i e mes a bira rei (mira 2 Reinan 9 i 10).#2 Reinan 10:11 pasobra aki poko tempu Mi ta laga e kas real di Yehu paga pa e dramamentu di sanger na siudat Yizreel; Mi ta pone un fin na reinado di Israel. 5Riba e dia ei lo Mi destruí ehérsito di Israel den vaye di Yizreel.’
6Gomèr a bolbe sali na estado i a duna lus na un yu muhé. E ora ei SEÑOR a bisa Hoséas: ‘Yama e yu Lo-Ruhama,#1:6 E nòmber Lo-Ruhama ta nifiká: sin duele. pasobra lo Mi no tin duele di pueblo di Israel atrobe ni pordoná nan nan pikánan. 7Pero di pueblo di Huda sí lo Mi tin duele. Ami ta SEÑOR, nan Dios, lo Mi salba nan; pero no ku guera, ni ku bog òf spada, ni ku kabai òf sòldá riba kabai.’#Zakarías 4:6
8Dia Gomèr a kita su yu muhé pechu, el a bolbe sali na estado i a duna lus na un yu hòmber. 9E ora ei SEÑOR a bisa: ‘Yama e yu Lo-Ami,#1:9 E nòmber Lo-Ami ta nifiká: no ta mi pueblo. pasobra boso no ta mi pueblo ni Mi no ta boso Dios.’
Un futuro nobo pa Israel
10 # 1:10—2:23 ta korespondé ku v. 2:1-25 den teksto hebreo. Un dia e israelitanan lo ta numeroso manera pipita di santu di laman,#Génesis 22:17 ku no por midi òf konta; i kaminda a yega di bisa nan un dia: ‘Boso no ta mi pueblo,’ aya ta bisa nan awor: ‘Boso ta yu di Dios bibu.’#Romanonan 9:25-26 11E ora ei e pueblonan di Israel i Huda lo uni, skohe un lider pa nan mes i sali for di e pais. E dia di Yizreel#1:11 Yizreel: na hebreo e nòmber akí ta nifiká ‘Dios ta sembra’ i e ta sugerí kresementu i prosperidat. lo ta un dia grandi.
Currently Selected:
Hoséas 1: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013