Predikador 1
1
Tur kos ta ilushon
1Ata palabranan di Predikador. E tabata desendiente di David i rei na Herusalèm.
2‘Ilushon,’ Predikador ta bisa,
‘puru ilushon, tur kos ta ilushon.’
3Kiko matament'i kurpa pa kos di mundu ta bal?
4Un generashon ta muri
otro generashon ta nase.#Sirag 14:18-19
Loke ta keda meskos ta mundu.
5Solo ta sali i solo ta baha.
Morto kansá e ta pura bai su punt'i salida
pa kuminsá su gira di nobo.
6Bientu ta supla pa zùit i bira pa nort, lora, lora,
pa bolbe kuminsá di nobo.
7Tur riu ta kore bai laman,
pero laman no ta yena nunka.
For di kaminda riunan ta sali,
ei nan ta bai bèk.
8Tur kos t'un kansansio,
un kansansio indeskriptibel,
nunka nos no por mira tur kos,
nunka nos no por tende tur kos.
9Loke a pasa, lo pasa atrobe
i loke a keda hasí, lo keda hasí atrobe;
no tin nada nobo den e mundu akí.
10Semper lo tin hende ku ta bisa:
‘Esaki sí ta algu nobo!’
Pero e kos ei a eksistí kaba
siglonan promé ku nos.
11No tin niun hende ku ta kòrda mas
riba e hendenan ku a biba promé ku nos
i e hendenan ku lo biba despues di nos
tampoko lo no kòrda riba esnan
ku a biba promé ku nan.
Sabiduria ta ilushon
12Ami, Predikador, tabata rei di Israel na Herusalèm. 13Mi a disidí di studia i eksplorá tur loke a sosodé aki na mundu pa medio di sabiduria; loke Dios a duna hende pa okupá nan kuné ta un tarea diario hopi pisá. 14Mi por bisa ku mi a mira tur kos aki na mundu. Mi konklushon ta, tur kos, sí tur kos ta ilushon: un hungamentu di kore kue ku bientu.
15Loke ta hechu no por bira bèrdè mas,
i no por konta loke no ta eksistí.
16Mi a pensa den mi mes: ‘Mira, mi a krese den sabiduria mas ku kualke hende ku a goberná na Herusalèm; mi por a mira hopi di konosementu i di sabiduria di bida.’ 17Despues di tur e tempu akí di opservashon mi a bisa: ‘Tòg mi mester por mira e diferensia entre sabí ku bobo, entre inteligente ku kabes duru.’ Mi a bin realisá ku esaki tambe ta un hungamentu di kore kue ku bientu.#1 Reinan 4:29-31; Sirag 47:14-19
18Pasobra mas sabiduria mas problema,
mas konosementu mas tristesa.
Currently Selected:
Predikador 1: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013