Revelashon 2
2
E karta pa Éfese
1Skibi e angel di iglesia na Éfese lo siguiente: Esun ku ta tene e shete streanan den su man drechi i ta kana meimei di e shete kandelarnan, ta bisa: 2Mi sa tur kos ku boso ta hasi. Mi sa di boso esfuerso i boso perseveransia. Mi sa ku boso no por soportá mal hende. Boso a pone e hendenan ku a pretendé di ta apòstel, pero no ta, na prueba, i boso a deskubrí ku ta gañadó nan ta. 3Boso ta pará firme, boso a soportá hopi pa motibu di mi nòmber, i boso no a sukumbí. 4Pero esaki Mi tin kontra boso: Boso no ta demostrá mes tantu amor ku na kuminsamentu. 5Kòrda for di kon altu boso a kai. Kombertí i hasi atrobe loke boso tabata hasi na kuminsamentu. Sino, si boso no kombertí, Ami ta bini serka boso i lo Mi kita boso kandelar for di su lugá! 6Pero esaki ta na boso fabor: Meskos ku Mi, boso ta odia loke e nikolaitanan ta hasi.
7Es ku tin orea, mester skucha loke Spiritu di Dios ta bisa e iglesianan.
Es ku triunfá, lo Mi duna di kome for di e palu ku ta duna bida#Génesis 2:9; Revelashon 22:2 ku ta pará den hardin di Dios.#Ezekiel 28:13; 31:8
E karta pa Smirna
8Skibi e angel di iglesia na Smirna lo siguiente: Esun ku ta promé i delaster,#Isaías 41:4; 44:6; 48:12; Revelashon 1:17; 22:13 ku tabata morto i ta biba atrobe, ta bisa: 9Mi sa ku ta oprimí boso; Mi sa ku boso ta pober, pero en realidat ta riku boso ta. Esnan ku ta yama nan mes hudiu, ta papia malu di boso: pero nan no ta hudiu, ta siguidónan di Satanas nan ta. 10No tene miedu di e sufrimentu ku ta warda boso. Tende, diabel lo pone algun di boso den prizòn, pa pone boso na prueba. Lo oprimí boso dies dia largu. Pero sea fiel te na morto, e ora ei lo Mi duna boso bida komo rekompensa.
11Es ku tin orea, mester skucha loke Spiritu di Dios ta bisa e iglesianan.
Es ku triunfá, lo no sufri daño di e di dos morto.#Revelashon 20:14; 21:8
E karta pa Pergamo
12Skibi e angel di iglesia na Pergamo lo siguiente: Esun ku tin e spada skèrpi ta kòrta tur dos banda, ta bisa: 13Mi sa unda boso ta biba: aya kaminda trono di Satanas ta. Tòg boso ta keda fiel na mi nòmber i boso no a nenga boso fe den Mi, ni den e tempu ku a mata Antipas, mi testigu konfiabel, den boso siudat kaminda Satanas ta biba. 14Pero Mi tin algun kos kontra boso: Tin hende entre boso ku ta tene nan na enseñansa di Bileam. Bileam a siña Balak kon e mester a laga e israelitanan#Numbernan 22:5,7; 31:16; Deuteronomio 23:4 kai den piká, di manera ku nan tabata kome kuminda ku tabata ofresé komo sakrifisio na dios falsu i tabata kometé inmoralidat.#Numbernan 25:1-3 15Asina tin tambe entre boso, hende ku ta tene nan na enseñansa di e nikolaitanan. 16Kombertí, no! Sino, Mi ta bini pronto serka boso pa bringa kontra nan ku e spada ku ta sali for di mi boka.
17Es ku tin orea, mester skucha loke Spiritu di Dios ta bisa e iglesianan.
Es ku triunfá, lo Mi duna di e mana#Éksodo 16:14-15; 16:33-34; Huan 6:48-50 skondí; i lo Mi dun'é un piedra chikitu blanku i riba e piedra chikitu ei un nòmber nobo,#Isaías 62:2; 65:15 ku ningun hende no sa, solamente esun ku ta risibié.
E karta pa Tiateira
18Skibi e angel di iglesia na Tiateira lo siguiente: Yu di Dios, ku su wowo ku ta bria manera kandela i su pia ku ta lombra manera bròns, ta bisa: 19Mi sa tur kos ku boso ta hasi. Mi konosé boso amor, fe, servisio i perseveransia i Mi sa ku awor boso ta hasi mas tantu ku na kuminsamentu. 20Pero esaki Mi tin kontra boso: Boso ta laga e muhé ei, Izebel,#1 Reinan 16:31; 2 Reinan 9:22,30 hasi loke e ke. E ta yama su mes señora profeta i pa medio di su enseñansa e ta pone mi sirbidónan kai den tentashon di praktiká inmoralidat i kome kuminda ku tabata ofresé komo sakrifisio na dios falsu. 21Mi a dun'é tempu pa e kombertí, pero e no ke kombertí di su inmoralidat. 22I p'esei lo Mi bent'é riba kama di malu i laga e hendenan ku a kometé adulterio kuné sufri pisá, si nan no kombertí i no stòp di komportá manera e. 23Lo Mi mata su yunan. I tur e iglesianan lo sa ku ta Ami, Esun ku ta skrudiñá e pensamentunan i deseonan di mas skondí di hende.#Salmo 7:9; Yeremías 17:10 Lo Mi paga kada un di boso segun boso echonan.#Salmo 62:11-12; Proverbionan 24:12; Ezekiel 18:30; 33:20; Mateo 16:27
24Pero e otronan na Tiateira, ku no ta sigui e enseñansa akí i ku no a siña konosé e “sekretonan di mas skondí di Satanas”, manera ta yama e kos ei, Mi ta bisa: Lo Mi no duna boso otro obligashon. 25Solamente, tene loke boso tin, te ora Mi bini. 26Kada un ku triunfá i keda perseverá hasi loke Mi ke te na final,
lo Mi duna poder riba e nashonnan;
27lo e goberná nan ku bara di heru,
garna nan manera ta garna un poron.#Salmo 2:8-9
28E mesun poder ei Mi a haña serka mi Tata. Tambe lo Mi duna kada un ku triunfá, e strea di mardugá.
29Es ku tin orea, mester skucha loke Spiritu di Dios ta bisa e iglesianan.
Currently Selected:
Revelashon 2: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
Revelashon 2
2
E karta pa Éfese
1Skibi e angel di iglesia na Éfese lo siguiente: Esun ku ta tene e shete streanan den su man drechi i ta kana meimei di e shete kandelarnan, ta bisa: 2Mi sa tur kos ku boso ta hasi. Mi sa di boso esfuerso i boso perseveransia. Mi sa ku boso no por soportá mal hende. Boso a pone e hendenan ku a pretendé di ta apòstel, pero no ta, na prueba, i boso a deskubrí ku ta gañadó nan ta. 3Boso ta pará firme, boso a soportá hopi pa motibu di mi nòmber, i boso no a sukumbí. 4Pero esaki Mi tin kontra boso: Boso no ta demostrá mes tantu amor ku na kuminsamentu. 5Kòrda for di kon altu boso a kai. Kombertí i hasi atrobe loke boso tabata hasi na kuminsamentu. Sino, si boso no kombertí, Ami ta bini serka boso i lo Mi kita boso kandelar for di su lugá! 6Pero esaki ta na boso fabor: Meskos ku Mi, boso ta odia loke e nikolaitanan ta hasi.
7Es ku tin orea, mester skucha loke Spiritu di Dios ta bisa e iglesianan.
Es ku triunfá, lo Mi duna di kome for di e palu ku ta duna bida#Génesis 2:9; Revelashon 22:2 ku ta pará den hardin di Dios.#Ezekiel 28:13; 31:8
E karta pa Smirna
8Skibi e angel di iglesia na Smirna lo siguiente: Esun ku ta promé i delaster,#Isaías 41:4; 44:6; 48:12; Revelashon 1:17; 22:13 ku tabata morto i ta biba atrobe, ta bisa: 9Mi sa ku ta oprimí boso; Mi sa ku boso ta pober, pero en realidat ta riku boso ta. Esnan ku ta yama nan mes hudiu, ta papia malu di boso: pero nan no ta hudiu, ta siguidónan di Satanas nan ta. 10No tene miedu di e sufrimentu ku ta warda boso. Tende, diabel lo pone algun di boso den prizòn, pa pone boso na prueba. Lo oprimí boso dies dia largu. Pero sea fiel te na morto, e ora ei lo Mi duna boso bida komo rekompensa.
11Es ku tin orea, mester skucha loke Spiritu di Dios ta bisa e iglesianan.
Es ku triunfá, lo no sufri daño di e di dos morto.#Revelashon 20:14; 21:8
E karta pa Pergamo
12Skibi e angel di iglesia na Pergamo lo siguiente: Esun ku tin e spada skèrpi ta kòrta tur dos banda, ta bisa: 13Mi sa unda boso ta biba: aya kaminda trono di Satanas ta. Tòg boso ta keda fiel na mi nòmber i boso no a nenga boso fe den Mi, ni den e tempu ku a mata Antipas, mi testigu konfiabel, den boso siudat kaminda Satanas ta biba. 14Pero Mi tin algun kos kontra boso: Tin hende entre boso ku ta tene nan na enseñansa di Bileam. Bileam a siña Balak kon e mester a laga e israelitanan#Numbernan 22:5,7; 31:16; Deuteronomio 23:4 kai den piká, di manera ku nan tabata kome kuminda ku tabata ofresé komo sakrifisio na dios falsu i tabata kometé inmoralidat.#Numbernan 25:1-3 15Asina tin tambe entre boso, hende ku ta tene nan na enseñansa di e nikolaitanan. 16Kombertí, no! Sino, Mi ta bini pronto serka boso pa bringa kontra nan ku e spada ku ta sali for di mi boka.
17Es ku tin orea, mester skucha loke Spiritu di Dios ta bisa e iglesianan.
Es ku triunfá, lo Mi duna di e mana#Éksodo 16:14-15; 16:33-34; Huan 6:48-50 skondí; i lo Mi dun'é un piedra chikitu blanku i riba e piedra chikitu ei un nòmber nobo,#Isaías 62:2; 65:15 ku ningun hende no sa, solamente esun ku ta risibié.
E karta pa Tiateira
18Skibi e angel di iglesia na Tiateira lo siguiente: Yu di Dios, ku su wowo ku ta bria manera kandela i su pia ku ta lombra manera bròns, ta bisa: 19Mi sa tur kos ku boso ta hasi. Mi konosé boso amor, fe, servisio i perseveransia i Mi sa ku awor boso ta hasi mas tantu ku na kuminsamentu. 20Pero esaki Mi tin kontra boso: Boso ta laga e muhé ei, Izebel,#1 Reinan 16:31; 2 Reinan 9:22,30 hasi loke e ke. E ta yama su mes señora profeta i pa medio di su enseñansa e ta pone mi sirbidónan kai den tentashon di praktiká inmoralidat i kome kuminda ku tabata ofresé komo sakrifisio na dios falsu. 21Mi a dun'é tempu pa e kombertí, pero e no ke kombertí di su inmoralidat. 22I p'esei lo Mi bent'é riba kama di malu i laga e hendenan ku a kometé adulterio kuné sufri pisá, si nan no kombertí i no stòp di komportá manera e. 23Lo Mi mata su yunan. I tur e iglesianan lo sa ku ta Ami, Esun ku ta skrudiñá e pensamentunan i deseonan di mas skondí di hende.#Salmo 7:9; Yeremías 17:10 Lo Mi paga kada un di boso segun boso echonan.#Salmo 62:11-12; Proverbionan 24:12; Ezekiel 18:30; 33:20; Mateo 16:27
24Pero e otronan na Tiateira, ku no ta sigui e enseñansa akí i ku no a siña konosé e “sekretonan di mas skondí di Satanas”, manera ta yama e kos ei, Mi ta bisa: Lo Mi no duna boso otro obligashon. 25Solamente, tene loke boso tin, te ora Mi bini. 26Kada un ku triunfá i keda perseverá hasi loke Mi ke te na final,
lo Mi duna poder riba e nashonnan;
27lo e goberná nan ku bara di heru,
garna nan manera ta garna un poron.#Salmo 2:8-9
28E mesun poder ei Mi a haña serka mi Tata. Tambe lo Mi duna kada un ku triunfá, e strea di mardugá.
29Es ku tin orea, mester skucha loke Spiritu di Dios ta bisa e iglesianan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013