Jodita 1
1
1. Fanafihan’i Hôlôferina
I Nabokodonozora sy i Arfaksada
1Nony efa nampanaiky ny firenena maro ho ambanin’ny fahefany i Arfaksada#1,1 I Arfaksada: Izy no Fraôrta na hoe Fravôrtisa na Fraazàda zanak’i Dejosesa izay tena nanorina ny fanjakan’ny Meda, tamin’ny taona 655-633 talohan’i Jesoa Kristy., mpanjakan’ny Meda#1,1 Media, tany onenan’ny Meda any Asia andrefana, ao avaratra somary andrefana kelin’i Persa., dia nanorina tanàna#1,1 Nanorina tanàna: Tsy dia i Arfaksada akory no nanorina io tanàna io fa i Dejosesa rainy. Ny nataony dia ny nanitatra sy nanatsara azy. fiarovana mafy anankiray, nataony hoe Ekbatàna#1,1 Ekbatàna: dia tanàna lehibe indrindra ao amin’ny ilan’i Media avaratra. Misy anaran-tany atao hoe Ekbatàna koa ao atsimony, izay atao hoe Betsora ankehitriny., tamin’ny vato voapaika vita efa-joro. 2Manda, fitopolo hakiho no haavony, telo hakiho no sakany, no nataony manodidina azy, ary nananganany tilikambo maromaro koa, ka zato hakiho ny haavony, 3efa-joro mitovy efatra ny endriny, roapolo dia avy no haben’ny lafiny iray, ary nampifanarahiny amin’ny haavon’ny tilikambo ny varavarana nataony taminy. 4Nirehareha ho tsy azo resena izy, noho ny herin’ny foloalindahiny sy ny hamaroan’ny kalesiny.
5Kanjo, tamin’ny taona faha-12 nanjakan’i Nabokodonozora mpanjakan’i Asirianina#1,5 Asirianina: mponina any Asiria; dia ilay fanjakana lehibe sady malaza ao akaikin’ny ony Tigra., izay nanjaka tao Niniva#1,5 Niniva, renivohitr’i Asiria, eo amoron’i Tigra. Io ilay tanàna saika noravan’Andriamanitra noho ny haratsian’ny mponina (jereo Jôn 3,3-10)., ilay tanàna lehibe, dia nanafika an’i Arfaksada izy, 6ka naharesy azy tao amin’ilay tany lemaka lehibe atao hoe Ragao, fa nampian’ireo mponina amin’ny moron’i Eofrata#1,6 Eofrata: ony lehibe sady lava dia lava any Asia Andrefana. sy i Tigra#1,6 Tigra: ony lehibe atsinanan’i Eofrata mamaky an’i Asiria., ary i Jadasona amin’ny tany lemak’i Eriôka, mpanjakan’ny Elisiànina.
7Tamin’izay, nihalehibe ny fanjakan’i Nabokodonozora ka nentanin’ny ebo ny fony dia nandefasany iraka avokoa ry zareo rehetra nonina any Silisia, any Damasa, ny any an-tendrombohitra Libàna, 8ny vahoaka any Karmela#1,8 Karmela: tendrombohitra ao an-tsisiny andrefan’i Palestinina. Tao no nanaovan’i Elia fahagagana (1Mp 17) ary tao ihany koa no nonenan’i Elizea (2Mp 2,5; 4,25). sy Sedara, ny monina any Galilea, amin’ny tany lemaka lehibe Esdrelôna, 9ry zareo rehetra any Samaria an-dafin’ny ony Jordany, hatrany Jerosalema, ary amin’ny tany Gesena rehetra, hatrany amin’ny sisin-tanin’i Etiôpia. 10Ireo vahoaka rehetra ireo, dia nandefasan’i Nabokodonozora mpanjakan’i Asiria, iraka, avokoa#1,10 Nandefasany iraka ireo vahoaka rehetra ireo, izay efa ambany fahefany rahateo ny sasany, mba hanoa sy hanome fanatitra azy ho toy ny Andriamanitra.. 11Nefa niray hevitra samy nandà#1,11 Samy nandà: Izany hoe: tsy nanaiky ny homba an’i Nabokodonozora hiady amin’i Arfaksada izy ireo. avokoa izy rehetra. Nalefany hody maina#1,11 Nalefany hody maina: Nalefany foan-tanana, hoy ny fiteny grika sy hebrio, izany hoe mitondra tanam-polo mody. izy ireo, ary fanesoana foana no nafitsony azy. 12Ka nisafoaky ny hatezerana tamin’izany vahoaka rehetra izany i Nabokodonozora mpanjaka ary nianiana tamin’ny seza fiandrianany sy tamin’ny fanjakany, fa hamaly ratsy izany nataon’ireo tany rehetra ireo izany.
Currently Selected:
Jodita 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.