Izaia 1
1
1. BOKIN’I IZAIA TAPANY VOALOHANY
1. TENIN’ANDRIAMANITRA TALOHAN’NY ADIN’NY SIRIANINA SY NY EFRAIMITA
Lohateny
1Fahitan#1,1 Fahitana: Fanambaràna; izany hoe, zavatra ambaran’Andriamanitra ka ampahafantariny ny mpaminany mba ho hitany amin’ny sainy. ’i Izaia, zanak’i Amôsa, momba an’i Jodà sy i Jerosalema, izay hitany tamin’ny andron’i Oziasa#1,1 Tamin’ny andron’i Oziasa, sns. Mpanjaka efatra, jereo ny tantarany, 2Mpa 15,16,18,19,20., i Joatama, i Akaza ary i Ezekiasa, mpanjakan’i Jodà.
Fitenenana ilay vahoaka tsy misaina
2Mihainoa, ry lanitra#1,2 Mihainoa, ry lanitra, sns. Amin’ireo faminaniana ireo, tsy mba ny Jody ihany fa ny Kristianina no nokendren’Andriamanitra hanarina sy hampianarina. Jereo 1Kôr 10,11., ary ianao ry tany,
mitongilàna sofina,
fa miteny i Iaveh:
«Efa namelon-jaza Aho, ary efa nanabe ireny,
kanjo izy ireo niodina tamiko.
3Ny omby mahalala ny tompony;
ary ny ampondra, ny fihinanam-bilon’ny tompony;
fa i Israely kosa tsy manam-pahalalana,
ny vahoakako tsy mba manan-tsaina.»
Sazin’i Jodà
4Adray! ry ilay firenena mpanota, vahoaka mavesa-keloka,
tarana-dratsy, zana-meloka!
Nandao an’i Iaveh izy ireo,
naniratsira an’Ilay Masin’i Israely#1,4 Ilay Masin’i Israely: In-29 nanomezan’i Izaia izany anarana izany an’Andriamanitra. Ny fahamasinana no heveriny ho toetra mendrika an’Andriamanitra indrindra, sy manavaka azy; ary i Israely no nofidiny hampisehoany ny fahamasinany eo anatrehan’ny firenena rehetra. I Iaveh no ilay Masin’i Israely, ary i Israely no ilay masin’i Iaveh.,
nihataka nihemotra.
5Aiza indray no hasiana aminareo, raha mitohy ny fiodinanareo?
ny loha manontolo marary,
ary ny fo manontolo mavozovozo.
6Hatrany am-paladia ka hatrany an-tampon-doha,
tsy misy salama na dia kely aza, ao aminy:
Tsy misy afa-tsy ratra, dian-kapoka, fery mangirifiry,
tsy voasasa, na voabandy,
na voalemin-diloilo akory.
7Ny taninareo, lao; ny tanànanareo levon’ny afo.
Ny taninareo levon’ny hafa eo imasonareo;
hoatra ny fandravan’ny olon-kafa firenena no fahasimbany.
8Ary ny zanaka vavin’i Siôna#1,8 Zanaka vavin’i Siôna: izany hoe i Jerosalema. Fomba fitenin’ny Tatsinanana ny manao ny tanàna ao amin’ny taniny hoe Zanaka vavy. dia tafajanona
toy ny trano bongo#1,8 Toy ny trano bongo itoeran’ny mpiandry tanimboaloboka; mangingina dia mangingina ny eny manodidina azy rehetra. anaty tanimboaloboka,
toy ny tranotomboka, anaty tanim-boatango,
toy ny tilikambo fiambenana.
9Raha tsy namelan’i Iavehn’ny tafika
ambiny kely sisa#1,9 Ambiny kely sisa: Ny vitsivitsy tamin’ny Jody tsy nivadika tamin’Andriamanitra fa nitana ny fanekem-pihavanana, tsy nanaraka ny fanompoan-tsampy. Ny taranak’ireo, dia izay niandry ny famonjena an’i Israely, nolazain’i Masindahy Paoly Rm 9.29 fa notahirizin’Andriamanitra handray ny Evanjely; fa ny sisa, ny be sy ny maro, nifikitra tamin’ny fanompoan-tsampy, ka voan’ny fahaverezana. isika,
dia ho sahala amin’i Sôdôma,
hanahaka an’i Gômôra.
Fitenenana ny mpihatsaravelatsihy ara-pivavahana
10Mihainoa ny tenin’i Iaveh,
ry mpitsaran’i Sôdôma;
mitongilàna sofina amin’ny lalàn’ny Andriamanitsika,
ry vahoak’i Gômôra.
11Mampaninona ahy izay habetsahan’ny soronareo#1,11-20 Ny habetsahan’ny soronareo: Ny fombam-pivavahana vita amim-piavonavonana sy noho ny fahazarana fa tsy amim-pitiavam-bavaka akory dia tsy ankasitrahin’Andriamanitra, fa vao mainka mahatezitra Azy aza.?
hoy i Iaveh.
Efa tofoky ny ondralahy atao sorona dorana aho,
mbamin’ny saboran-janak’omby.
Tsy sitrako ny ran’ombalahy,
mbamin’ny ondry aman’osy.
12Raha tonga hiseho eo anatrehako ianareo,
zovy moa no nitady anareo, handia izay kianjako akory?
13Atsaharo ny mitondra fanati-poana ho ahy;
fahavetavetana amiko ny emboka;
raha ny amin’ny voaloham-bolana, sabata, fiantsoam-piangonana,
dia tsy zakako hankasitrahina ny heloka sy nyfivoriana ampahibemaso.
14Halan’ny foko ny voaloham-bolana amam-petinareo;
mavesatra amiko ireny, sasatry ny mandefitra izany Aho.
15Raha manandratra ny tananareo ianareo,
misarona maso eo anoloanareo Aho;
raha mampitombo ny fivavahana ianareo, tsy mihaino akory Aho:
Feno ra ny tananareo.
16Misasà ianareo, midiova ianareo,
esory ny haratsian’ny asanareo,
hiala eo imasoko;
mitsahara tsy hanao ratsy,
17mianara hanao soa;
katsaho ny rariny, anaro ny mpampahory,
omeo rariny ny kamboty, arovy ny mpitondratena.
18Avia, hiara-mifandahatra isika;
Na mangatrakatraka aza ny fahotanareo,
hanjary fotsy hoatra ny oram-panala;
na mena hoatra ny jaky aza izy,
ho tonga toy ny volon’ondry.
19Raha manaiky amin’ny fo mazoto ianareo,
dia hihinana ny zava-tsoan’ny taninareo,
20fa raha manohitra sy miodina kosa ianareo,
dia ho levonin’ny sabatra;
fa efa niteny ny vavan’i Iaveh.
Fitomaniana an’i Jerosalema
21Ahoana no nahatongavany ho janga#1,21 Ahoana no nahatongavany ho janga: Fiteny fanao matetika amin’ny Soratra Masina io. Ny fanekem-pihavanan’i Iaveh tamin’ny firenena Jody sy i Jerosalema dia heverina ho tahaka ny fanambadiana. Koa isaky ny manota izy ireo, indrindra ka amin’ny fanompoan-tsampy, dia azo lazaina ho mpijangajanga, na mpaka vadin’olona, manitsakitsaka ny lalàn’ny fanambadiany.,
izy ilay tanàna mahatoky sy feno fahamarinana,
izay nonenan’ny fitsarana marina;
fa ankehitriny kosa... mpamono olona no eo!
22Ny volafotsinao zary tain-drendrika,
ny divainao notampohin-drano.
23Ny lehibenao mpikomy,
sy naman’ny mpangalatra;
sady tia fanatitra
no fatra-pitady tambitamby avokoa;
ny kamboty tsy omeny rariny;
ary ny adin’ny mpitondratena, tsy tonga eo anatrehany.
24Ka noho izany - Teny ton’ny Tompo,
Iavehn’ny tafika, ilay Maherin’i Israely: -
Edrey! hiala fo amin’ny mpandrafy Ahy Aho,
sy hamaly an’ireo fahavaloko.
25Haninjitra ny tanako aminao Aho,
ka ny tain-drendrikao hoempoiko toy ny amin’ny sirahazo,
ary ny potipoti-pirakao rehetra hoesoriko.
26Hametrahako mpitsara toy ny tany aloha ianao,
mbamin’ny mpanolo-tsaina toy ny tamin’ny andro voalohany.
Raha efa izany dia hantsoina hoe tanànan’ny fahamarinana#1,26 Tanànan’ny fahamarinana: Hodiovin’Andriamanitra ny tanànany sy ny vahoakany ka haveriny aminy ny toetrany tsara taloha sy ny voninahiny. Ho tanteraka ihany izany amin’ny andron’i Ezekiasa mpanjaka, fa indrindra amin’ny andron’i Jesoa Kristy sy ny Eglizy, izay tena tanànan’ny fahamarinana sady mahatoky., tanàna mahatoky ianao.
27Havotana amin’ny hitsiny i Siôna,
ary amin’ny rariny, izay hibebaka ao.
28Fa ny mpikomy ama-mpanota kosa, indray torotoroina avokoa;
ary izay mahafoy an’i Iaveh, dia ho faty.
Fitenenana an’ireo hazo masina
29Fa ho menatra ny terebinta#1,29 Ny terebinta, ny zaridaina: ala madinika voatokana ho an’ny sampy izay fanaovana fombam-panompoan-tsampy sy fahavetavetana mahamenatra. nankamamianareo
ary ho menatra ny zaridaina izay nahafinaritra anareo ianareo.
30Satria ho tahaka ny terebinta nalazo ravina ianareo,
ary tahaka ny zaridaina tsy misy rano.
31Ary ny olo-mahery ho tahaka ny hoto,
ary ny asany ho kilalaon’afo.
Ka hiara-mirehitra izy roa tonta,
sady tsy hisy olona hamono ny afo.
Currently Selected:
Izaia 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.