Esdrasa 1
1
FIVERENANA AVY ANY AN-TSESITANY
NAORINA INDRAY NY TEMPOLY
Ny niverenan’ny Siônista
(Jereo 2Tan 36,22-23)
1Tamin’ny taona voalohany nanjakan’i Sirosa mpanjakan’i Persa, dia namporisihin’i Iaveh ny fanahin’i Sirosa mpanjakan’i Persa, mba hahatanteraka ny tenin’i Iaveh, nolazainy tamin’i vavan’i Jeremia: ka nasainy natao kabary sy nolazaina an-tsoratra, hiely eran’ny fanjakany izao teny izao#1,1 Lasan’i Sirosa ny fanjakan’ny Persa sy ny Meda tamin’ny taona 549 talohan’i Jesoa Kristy, ary tamin’ny taona 538 dia lasany koa ny fanjakan’i Babilôna. Ny momba ny taona voalohany tamin’ny nanjakany tao Babilôna no tantaraina eto (jereo 5,13).: 2«Izao no lazain’i Sirosa mpanjakan’i Persa: Efa nomen’i Iaveh Andriamanitry ny lanitra ahy ny fanjakana rehetra eto an-tany, ary efa nandidy ahy Izy, hanao trano ho Azy, any Jerosalema any Jodà. 3Ka iza aminareo no vahoakany? Homba azy anie ny Andriamaniny, ary aoka hiakatra any Jerosalema any Jodà izy, ka hanao ny tranon’i Iaveh Andriamanitr’i Israely, dia ilay Andriamanitra izay ao Jerosalema. 4Aoka ny olona rehetra sisan’i Jodà ao amin’ny fonenana itoerany, na iza na iza, dia hoampian’ny olona ao amin’io fonenana io, amin’ny volafotsy, volamena, fanaka, biby fiompy, mbamin’ny fanomezana an-tsitrapo hanaovana ny tranon’Andriamanitra any Jerosalema.»#1,4 Nomen’i Sirosa alalana ny Jody rehetra izay te-hiverina any Jerosalema mba handray avy amin’ireo Jody hafa namany sy mpiara-monina aminy ny fanampiana rehetra mety ho azony entina mba hanorenana indray ny tempoly. Raha tsy nahazo alalana manokana taminy kosa, dia zavatra voarara tsy azo atao ny mangataka vola hoentina any amin’ny faritany lavitra.
5Dia nitsangana ny loham-pianakavian’i Jodà sy i Benjamina, ny mpisorona sy ny Levita, dia izay rehetra namporisihan’Andriamanitra ny fanahiny, ka lasa nandeha hanao ny tranon’i Iaveh any Jerosalema. 6Samy nanampy azy ireo avokoa ny olona nifanakaiky taminy, tamin’ny fanaka volafotsy, volamena, fanaka hafa, biby fiompy ary zavatra sarobidy, mbamin’ny fanomezana an-tsitrapo rehetra. 7Nalain’i Sirosa ny fanaky ny tranon’i Iaveh nesorin’i Nabokodonozora tao Jerosalema sy napetrany tao amin’ny tempolin’ny andriamaniny.#1,7 Jereo 2Tan 36,7,10, 18; 2Mpa 24,13; 25,13-16.
8Napetrak’i Sirosa mpanjakan’i Persa tao am-pelatanan’i Mitridata mpitahiry vola izany, ary izy no nanolotra azy, rahefa nisainy, tamin’i Sasabasara, filohan’i Jodà. 9Ka izao no isany: siny volamena 30, siny volafotsy 1.000, antsy 29, 10Kôpy volamena 30, kôpy volafotsy ambaratonga faharoa#1,10 Ambaratonga faharoa: izany hoe tsy tsara sy sarobidy tahaka an’ireo voalohany. Raha araka ny teny grika sy siriaka ary arabo anefa dia hoe: avo sasaka, izany hoe avo sasaka amin’ny haben’ny kopy volamena ny habeny. 410, ary fanaka hafa koa. 115.400 no totalin’ny fanaka volamena sy volafotsy. Dia nentin’i Sasabasara avokoa ireo, nony niverina avy any Babilôna ho any Jerosalema ireo voasesitany#1,11 Tsy 5.400 akory no voalaza amin’ireo andininy ambony ireo fa 2.499 monja. Porofo izany fa tsy lazain’ny mpanoratra masina daholo izy rehetra, fa ny lehibebe sasantsasany ihany no lazainy; ny sisa tsy voavisavisa dia ao amin’ny tontaliny ihany no voaisa..
Currently Selected:
Esdrasa 1: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.