Nehemiya 3
3
Gulum ga̰l ge Ursalima ne sinna
1Kep tuwaleya Elyachib ma ne na kaam naa ge ke tuwaleya ma ɗage ya, a sin Viya̰ wak ge Gii ma ne digi. A mbege na, a par na viya̰ wak ga̰l ma. A gwan sin gulum ɗiŋ det zok njole swaga ge kis ta ya. Swaga ge a ne mbege na, a gwan sin gulum ɗiŋ mbo zok njole swaga Hananeel ya.
2Naa ge suwal Jeriko ma ka sinna nama ziyar go.
Zakkur ge Imri vya ka sinna nama ziyar go me.
3Senaa vya ma sin Viya̰ wak ge Sii ma ne digi, a e zok wak uwara kagle ma, a par zok wak ma, ne na kaŋ ge fetɗa ma, ne na uwara kagle ma me.
4Meremot ge Uriya vya, ge Hakkos baŋ ka sinna nama ziyar go.
Mechullam ge Berekiya vya, ge Mechezabeel baŋ ka sinna nama ziyar go.
Sadok ge Baana vya ka sinna nama ziyar go me.
5Naa ge suwal Tekowa ma ka sinna nama ziyar go. Amma nama naa ga̰l ma be vin ke temel naa ge ne ndil temel ma pe se to.
6Yoyada ge Paseya vya, ma ne Mechullam ge Besodiya vya a sin viya̰ wak ge sabar digi. A e na uwara kagle ma, a par na viya̰ wak ma, a e na kaŋ ge fetɗa ma ne na uwara kagle ma me.
7Melatiya ge suwal Gabawon ne, ma ne Yadon ge suwal Meronot ne, poseya ne naa ge suwal Gabawon ma ne Mispa ma, a sin swaga ɗiŋ mbo swaga katɗa ge bage ne dó na ndwara ne suwal ge ne maŋgaɗam Efrat le may ya ma pal ta ya.
8Bage ɗeere kaŋ Uziyel ge Haraya vya, ka sinna nama ziyar go.
Bage ke dukan Hananiya ka sinna nama ziyar go me. A sin Ursalima gulum ga̰l digi ɗiŋ det ya gulum ga̰l le ge fiyal go.
9Refaya ge Hur vya, ga̰l ge ndwala pul le ɗu ge Ursalima ne ka sinna nama ziyar go me.
10Yedaya ge Harumaf vya ka sinna nama ziyar go ne na yàl ndwara ŋga.
Hattuch ge Hachabneya vya ka sinna nama ziyar go me.
11Malkiya ge Harim vya ma ne Hachub ge Pahat-Mowab vya a sin swaga ge may, na ge zok njole swaga ge ne swaga tun kaŋ ziyar go digi.
12Challum ge Hallohech vya, ga̰l ge ndwala pul le ɗu ge Ursalima ne, a ne na vya ge gwale ma ka sinna nama ziyar go me.
13Hanun ma ne naa ge suwal Zanowa ma sin viya̰ wak ge baal pul ne digi. A par na viya̰ wak ga̰l ma, ne na kaŋ ge fetɗa ma, ne na uwara kagle ma me. Uwale, a gwan sin gulum ga̰l digi ɗiŋ det viya̰ wak ga̰l ge kavaar ma njoo ne ya, na twala mbo kaŋ ge kil kikis azi para wara anuwa̰y go. 14Malkiya ge Rekab vya, ga̰l ge ne suwal Bet-Kerem pal sin viya̰ wak ge kavaar ma njoo ne digi. Swaga ge ne sḭ na, par na viya̰ wak ga̰l, ne na kaŋ ge fetɗa ma, ne na kagle ma me.
15Challum ge Kol-Hoze vya, ga̰l ge ne suwal Mispa pal, sin viya̰ wak ge mam so̰o̰l ne digi. Swaga ge ne sḭ na digi, nṵsi na pala, par na viya̰ wak ga̰l, ne na kaŋ ge fetɗa ma, ne na kagle ma me. Uwale, gwan sin gulum ga̰l ne baal Silowe, na ge ne gaaso ge gan ne ta gwa ya ɗiŋ mbo viya̰ ge ne sole ne suwal ge Dawda ne ya ta ya.
16Na ziyar go, Nehemiya ge Azbuk vya, ga̰l ge ndwala pul le ɗu ge suwal Bet-Sur ne sin gulum ɗiŋ det Dawda sḭḭm pala ndwara go ŋga, ɗiŋ mbo baal ge a ne á na al ya, ɗiŋ det yàl ge naa ge pateya ma ne ya.
17Levi vya ma ka sinna nama ziyar go me. A Rehum ge Bani vya, ne Hachabiya, ga̰l ge ndwala pul le ɗu ge suwal Keyla ne, ka ke temel ne na ndwala pul pe ne. 18Nama sele Binwi ge Henadad vya, ga̰l ge ndwala pul le ɗu ge may ge suwal Keyla ne ka sinna nama ziyar go ne. 19Ezer ge Juswa vya, ga̰l ge suwal Mispa ne, ka sin le ge may, na ge ne sole mbo swaga kan kaŋ pore ma ne ya, na ge ne gulum keŋ ya. 20Baruk ge Zabbay vya ka á tene sin le ge may digi, ne keŋ ya ɗiŋ det ya Elyachib ge kep tuwaleya yàl ta. 21Meremot ge Uriya vya, ge Hakkos baŋ sin gulum le ge may digi me, ne Elyachib kep tuwaleya viya̰ wak go ɗiŋ mbo det na zok pe aya ya.
22Nama ziyar naa ge ke tuwaleya ge mbo ne Ursalima go̰r zum ya ka ke temel. 23Bayami ma ne Hachub ka sin gulum ge ne bama yàl ma ndwara go ŋga. Azariya ge Maaseya vya, ge Ananiya baŋ ka sin na yàl ziyar go me. 24Binwi ge Henadad vya ka sin swaga ge may, ne yàl ge Azariya ne ya ɗiŋ mbo gulum keŋ ya. 25Palal ge Uzay vya ka sinna ge gulum keŋ ma ne zok njole swaga ge ne gan yàl ndwara zum ndwara go ŋga, gwa ne yapul ge zok daŋgay ne. Pedaya ge Paros vya ka sinna na ziyar go me.
26Naa ge a ne ho̰ nama ne ke temel zok ge Dok ne zi pe ma, a ka kat ndwala pul ge Ofel ne go, a sin gulum ɗiŋ det ge viya̰ wak ge mam ma ne ndwara ya ŋga, le ge ham ge pe go, ge zok njole swaga ge ne keŋ go ta ya.
27Naa ge suwal Tekowa ma sin gulum swaga ge ɗogle, ne zok njole swaga ge ga̰l ge ne keŋ go ya ɗiŋ mbo gulum ge Ofel ne ya.
28Ne viya̰ wak ge tisi ma ne go, na ge ke tuwaleya ma, ndu ge daage ka sin gulum ge ne na yàl ndwara go. 29Sadok ge Immer vya ka sinna na yàl ndwara go ŋga nama ziyar go. Chamaya ge Chekaniya vya, bage koy viya̰ wak ge ham ge, ka sinna ne ziyar go me. 30Hananiya ge Chelemiya vya, ma ne Hanun ge Salaf vya ge myanaŋgal a ka sin gulum le ge ɗogle nama ziyar go me. Mechullam ge Berekiya vya ka sinna na zok ndwara ŋga, nama ziyar go. 31Malkiya bage ɗeere kaŋ ma, sin gulum ɗiŋ det naa ge a ne ho̰ nama ne ke temel zok ge Dok ne pe ma ne naa ne ke suk ma yàl ma ta ya, na ge ne viya̰ wak ge Mifkad ne ndwara go ŋga, ɗiŋ det zok njole swaga ge ne keŋ go ta ya. 32Naa ge ɗeere kaŋ ma poseya ne naa ge ke suk ma sin gulum ge ne zok njole swaga ge ne keŋ go ma ne viya̰ wak ge gii ma ne buwal zi digi.
Yuda ma naa ge ho̰l ma ɓyare tele temel be kerra
33Swaga ge Sanballat ne za̰ go, i sin gulum ga̰l ɗe, ɗage julili pore, ka cot i Yuda ma me. 34Jan na kaam ma ne asagar ge suwal Samariya ne ma go: «Yuda ge taŋgay mbe ma ke da ɗaa? A mbo mbyat sin bama gulum mbe digi, a gwan tyare tuwaleya ma ma̰ no ɗaa? A da ne pool zwagle njal ge ne mbu se, ge ne tí uzi mbe ma gwan sin kaŋ ɗaa?» 35Tobiya ge Ammon ne na ziyar go, jan go: «Nama sḭ na digi! Kadɗa bole gagak say ya na ta digi, mbo gul nama gulum ge ne sḭ na njal mbe ya se baŋ!»
36 O! Dok ge i ne, za̰ senna ge a ne sen i. Gwa̰ saaso ge nama ne nama sḛ ma pal. Ya̰ a pá nama mbo mo̰r suwal ge ɗogle ya. 37Pore nama ya̰l ma to, gù nama sone ma uzi ne mo ndwara se to. Ago a sá naa ge ne sin gulum ma.
38Go no puy ɗe, i ka sin gulum ga̰l digi, ɗiŋ i sin na haal detɗa na tuŋsi go. Ago ɓase ma ka ke temel da ne dulwak ɗu.
Currently Selected:
Nehemiya 3: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Nehemiya 3
3
Gulum ga̰l ge Ursalima ne sinna
1Kep tuwaleya Elyachib ma ne na kaam naa ge ke tuwaleya ma ɗage ya, a sin Viya̰ wak ge Gii ma ne digi. A mbege na, a par na viya̰ wak ga̰l ma. A gwan sin gulum ɗiŋ det zok njole swaga ge kis ta ya. Swaga ge a ne mbege na, a gwan sin gulum ɗiŋ mbo zok njole swaga Hananeel ya.
2Naa ge suwal Jeriko ma ka sinna nama ziyar go.
Zakkur ge Imri vya ka sinna nama ziyar go me.
3Senaa vya ma sin Viya̰ wak ge Sii ma ne digi, a e zok wak uwara kagle ma, a par zok wak ma, ne na kaŋ ge fetɗa ma, ne na uwara kagle ma me.
4Meremot ge Uriya vya, ge Hakkos baŋ ka sinna nama ziyar go.
Mechullam ge Berekiya vya, ge Mechezabeel baŋ ka sinna nama ziyar go.
Sadok ge Baana vya ka sinna nama ziyar go me.
5Naa ge suwal Tekowa ma ka sinna nama ziyar go. Amma nama naa ga̰l ma be vin ke temel naa ge ne ndil temel ma pe se to.
6Yoyada ge Paseya vya, ma ne Mechullam ge Besodiya vya a sin viya̰ wak ge sabar digi. A e na uwara kagle ma, a par na viya̰ wak ma, a e na kaŋ ge fetɗa ma ne na uwara kagle ma me.
7Melatiya ge suwal Gabawon ne, ma ne Yadon ge suwal Meronot ne, poseya ne naa ge suwal Gabawon ma ne Mispa ma, a sin swaga ɗiŋ mbo swaga katɗa ge bage ne dó na ndwara ne suwal ge ne maŋgaɗam Efrat le may ya ma pal ta ya.
8Bage ɗeere kaŋ Uziyel ge Haraya vya, ka sinna nama ziyar go.
Bage ke dukan Hananiya ka sinna nama ziyar go me. A sin Ursalima gulum ga̰l digi ɗiŋ det ya gulum ga̰l le ge fiyal go.
9Refaya ge Hur vya, ga̰l ge ndwala pul le ɗu ge Ursalima ne ka sinna nama ziyar go me.
10Yedaya ge Harumaf vya ka sinna nama ziyar go ne na yàl ndwara ŋga.
Hattuch ge Hachabneya vya ka sinna nama ziyar go me.
11Malkiya ge Harim vya ma ne Hachub ge Pahat-Mowab vya a sin swaga ge may, na ge zok njole swaga ge ne swaga tun kaŋ ziyar go digi.
12Challum ge Hallohech vya, ga̰l ge ndwala pul le ɗu ge Ursalima ne, a ne na vya ge gwale ma ka sinna nama ziyar go me.
13Hanun ma ne naa ge suwal Zanowa ma sin viya̰ wak ge baal pul ne digi. A par na viya̰ wak ga̰l ma, ne na kaŋ ge fetɗa ma, ne na uwara kagle ma me. Uwale, a gwan sin gulum ga̰l digi ɗiŋ det viya̰ wak ga̰l ge kavaar ma njoo ne ya, na twala mbo kaŋ ge kil kikis azi para wara anuwa̰y go. 14Malkiya ge Rekab vya, ga̰l ge ne suwal Bet-Kerem pal sin viya̰ wak ge kavaar ma njoo ne digi. Swaga ge ne sḭ na, par na viya̰ wak ga̰l, ne na kaŋ ge fetɗa ma, ne na kagle ma me.
15Challum ge Kol-Hoze vya, ga̰l ge ne suwal Mispa pal, sin viya̰ wak ge mam so̰o̰l ne digi. Swaga ge ne sḭ na digi, nṵsi na pala, par na viya̰ wak ga̰l, ne na kaŋ ge fetɗa ma, ne na kagle ma me. Uwale, gwan sin gulum ga̰l ne baal Silowe, na ge ne gaaso ge gan ne ta gwa ya ɗiŋ mbo viya̰ ge ne sole ne suwal ge Dawda ne ya ta ya.
16Na ziyar go, Nehemiya ge Azbuk vya, ga̰l ge ndwala pul le ɗu ge suwal Bet-Sur ne sin gulum ɗiŋ det Dawda sḭḭm pala ndwara go ŋga, ɗiŋ mbo baal ge a ne á na al ya, ɗiŋ det yàl ge naa ge pateya ma ne ya.
17Levi vya ma ka sinna nama ziyar go me. A Rehum ge Bani vya, ne Hachabiya, ga̰l ge ndwala pul le ɗu ge suwal Keyla ne, ka ke temel ne na ndwala pul pe ne. 18Nama sele Binwi ge Henadad vya, ga̰l ge ndwala pul le ɗu ge may ge suwal Keyla ne ka sinna nama ziyar go ne. 19Ezer ge Juswa vya, ga̰l ge suwal Mispa ne, ka sin le ge may, na ge ne sole mbo swaga kan kaŋ pore ma ne ya, na ge ne gulum keŋ ya. 20Baruk ge Zabbay vya ka á tene sin le ge may digi, ne keŋ ya ɗiŋ det ya Elyachib ge kep tuwaleya yàl ta. 21Meremot ge Uriya vya, ge Hakkos baŋ sin gulum le ge may digi me, ne Elyachib kep tuwaleya viya̰ wak go ɗiŋ mbo det na zok pe aya ya.
22Nama ziyar naa ge ke tuwaleya ge mbo ne Ursalima go̰r zum ya ka ke temel. 23Bayami ma ne Hachub ka sin gulum ge ne bama yàl ma ndwara go ŋga. Azariya ge Maaseya vya, ge Ananiya baŋ ka sin na yàl ziyar go me. 24Binwi ge Henadad vya ka sin swaga ge may, ne yàl ge Azariya ne ya ɗiŋ mbo gulum keŋ ya. 25Palal ge Uzay vya ka sinna ge gulum keŋ ma ne zok njole swaga ge ne gan yàl ndwara zum ndwara go ŋga, gwa ne yapul ge zok daŋgay ne. Pedaya ge Paros vya ka sinna na ziyar go me.
26Naa ge a ne ho̰ nama ne ke temel zok ge Dok ne zi pe ma, a ka kat ndwala pul ge Ofel ne go, a sin gulum ɗiŋ det ge viya̰ wak ge mam ma ne ndwara ya ŋga, le ge ham ge pe go, ge zok njole swaga ge ne keŋ go ta ya.
27Naa ge suwal Tekowa ma sin gulum swaga ge ɗogle, ne zok njole swaga ge ga̰l ge ne keŋ go ya ɗiŋ mbo gulum ge Ofel ne ya.
28Ne viya̰ wak ge tisi ma ne go, na ge ke tuwaleya ma, ndu ge daage ka sin gulum ge ne na yàl ndwara go. 29Sadok ge Immer vya ka sinna na yàl ndwara go ŋga nama ziyar go. Chamaya ge Chekaniya vya, bage koy viya̰ wak ge ham ge, ka sinna ne ziyar go me. 30Hananiya ge Chelemiya vya, ma ne Hanun ge Salaf vya ge myanaŋgal a ka sin gulum le ge ɗogle nama ziyar go me. Mechullam ge Berekiya vya ka sinna na zok ndwara ŋga, nama ziyar go. 31Malkiya bage ɗeere kaŋ ma, sin gulum ɗiŋ det naa ge a ne ho̰ nama ne ke temel zok ge Dok ne pe ma ne naa ne ke suk ma yàl ma ta ya, na ge ne viya̰ wak ge Mifkad ne ndwara go ŋga, ɗiŋ det zok njole swaga ge ne keŋ go ta ya. 32Naa ge ɗeere kaŋ ma poseya ne naa ge ke suk ma sin gulum ge ne zok njole swaga ge ne keŋ go ma ne viya̰ wak ge gii ma ne buwal zi digi.
Yuda ma naa ge ho̰l ma ɓyare tele temel be kerra
33Swaga ge Sanballat ne za̰ go, i sin gulum ga̰l ɗe, ɗage julili pore, ka cot i Yuda ma me. 34Jan na kaam ma ne asagar ge suwal Samariya ne ma go: «Yuda ge taŋgay mbe ma ke da ɗaa? A mbo mbyat sin bama gulum mbe digi, a gwan tyare tuwaleya ma ma̰ no ɗaa? A da ne pool zwagle njal ge ne mbu se, ge ne tí uzi mbe ma gwan sin kaŋ ɗaa?» 35Tobiya ge Ammon ne na ziyar go, jan go: «Nama sḭ na digi! Kadɗa bole gagak say ya na ta digi, mbo gul nama gulum ge ne sḭ na njal mbe ya se baŋ!»
36 O! Dok ge i ne, za̰ senna ge a ne sen i. Gwa̰ saaso ge nama ne nama sḛ ma pal. Ya̰ a pá nama mbo mo̰r suwal ge ɗogle ya. 37Pore nama ya̰l ma to, gù nama sone ma uzi ne mo ndwara se to. Ago a sá naa ge ne sin gulum ma.
38Go no puy ɗe, i ka sin gulum ga̰l digi, ɗiŋ i sin na haal detɗa na tuŋsi go. Ago ɓase ma ka ke temel da ne dulwak ɗu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.