Temel Kerra ge Levi vya ma ne 3
3
Tuwaleya ge ba̰a̰n ne
1Kadɗa ndu a̰me tyare nday tuwaleya ge ba̰a̰n ne Bage ɗiŋnedin ndwara se, na tyare nday pool, ko nday gwale ge be sáso. 2Mbo e na tok na nday ge ke tuwaleya mbe pala go, a mbo vyan na gúr swaga ɓol ta wak go. Aaron vya ma, naa ge ke tuwaleya ma a mbo ame na swama, a cigi na twal tuwaleya ta koŋleya se. 3Mbo tyare num fegem ge ne laar zaaso ta ma ge tuwaleya ge ba̰a̰n ne mbe tilla uzi ne Bage ɗiŋnedin pe, 4mbo ndage golsoŋ ma jwak ne bama num fegem ma, ne num ge ne ziyar go ma, ne da̰a̰l ge ne njeel pala digi, mbo ndage nama ne golsoŋ ma dagre. 5Aaron vya ma mbo til nama twal tuwaleya pal a ba gá ɗusiya, ɓanna ne tuwaleya ge tilla uzi ge ne uwara ol pal ma. No a tuwaleya ge tilla uzi kaŋ ge hur tuli ne Bage ɗiŋnedin pe ne.
6Kadɗa ndu a̰me tyare gii tuwaleya ge ba̰a̰n ne Bage ɗiŋnedin ndwara se, na tyare gii pool, ko gii gwale ge be sáso. 7Kadɗa na tyare tame vya Bage ɗiŋnedin ndwara se ɗe, 8mbo e na tok na tame vya ge ke tuwaleya mbe pala go, a mbo vyan na gúr swaga ɓol ta wak go. Aaron vya ma mbo ame na swama, a cigi na twal tuwaleya ta, koŋleya se. 9Ne tuwaleya ge ba̰a̰n mbe no zi, a mbo ndage swaga ge num ma tilla uzi ne Bage ɗiŋnedin pe, ndwara go: pesa̰l ma ne na geɗer mwaɗak, ne num fegem ge ne laar zaaso ta ma mwaɗak, 10mbo ndage golsoŋ ma jwak ne bama num fegem ma, ne num ge ne ziyar go ma, ne da̰a̰l ge ne njeel pala digi, mbo ndage nama ne golsoŋ ma dagre. 11Bage tuwaleya mbo til nama twal tuwaleya pal a ba gá ɗusiya. No a kaŋzam ge tilla uzi ne Bage ɗiŋnedin pe ne. 12Kadɗa na tyare ɓiya̰ Bage ɗiŋnedin ndwara se ɗe, 13mbo e na tok na ɓiya̰ ge ke tuwaleya mbe pala go, a mbo vyan na gúr swaga ɓol ta wak go. Aaron vya ma mbo ame na swama, a cigi na twal tuwaleya ta, koŋleya se. 14Mbo tyare num fegem ge ne laar zaaso ta ma ge tuwaleya ge ba̰a̰n ne mbe tilla uzi ne Bage ɗiŋnedin pe. 15Mbo ndage golsoŋ ma jwak ne bama num fegem ma, ne num ge ne ziyar go ma, ne da̰a̰l ge ne njeel pala digi, mbo ndage nama ne golsoŋ ma dagre. 16Bage tuwaleya mbo til nama twal tuwaleya pal a ba gá ɗusiya. No a Kaŋzam ge tilla uzi, kaŋ ge hur tuli ne. Num fegem ma mwaɗak a ge Bage ɗiŋnedin ne ne. 17No a eya ne ne aŋ pe ɗiŋnedin mbo doŋ pe ma ne doŋ pe ma. Swaga ge daage pet ge aŋ ne mbo katɗa go, aŋ mbo zam num fegem ma ne swama to bat.
Currently Selected:
Temel Kerra ge Levi vya ma ne 3: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Temel Kerra ge Levi vya ma ne 3
3
Tuwaleya ge ba̰a̰n ne
1Kadɗa ndu a̰me tyare nday tuwaleya ge ba̰a̰n ne Bage ɗiŋnedin ndwara se, na tyare nday pool, ko nday gwale ge be sáso. 2Mbo e na tok na nday ge ke tuwaleya mbe pala go, a mbo vyan na gúr swaga ɓol ta wak go. Aaron vya ma, naa ge ke tuwaleya ma a mbo ame na swama, a cigi na twal tuwaleya ta koŋleya se. 3Mbo tyare num fegem ge ne laar zaaso ta ma ge tuwaleya ge ba̰a̰n ne mbe tilla uzi ne Bage ɗiŋnedin pe, 4mbo ndage golsoŋ ma jwak ne bama num fegem ma, ne num ge ne ziyar go ma, ne da̰a̰l ge ne njeel pala digi, mbo ndage nama ne golsoŋ ma dagre. 5Aaron vya ma mbo til nama twal tuwaleya pal a ba gá ɗusiya, ɓanna ne tuwaleya ge tilla uzi ge ne uwara ol pal ma. No a tuwaleya ge tilla uzi kaŋ ge hur tuli ne Bage ɗiŋnedin pe ne.
6Kadɗa ndu a̰me tyare gii tuwaleya ge ba̰a̰n ne Bage ɗiŋnedin ndwara se, na tyare gii pool, ko gii gwale ge be sáso. 7Kadɗa na tyare tame vya Bage ɗiŋnedin ndwara se ɗe, 8mbo e na tok na tame vya ge ke tuwaleya mbe pala go, a mbo vyan na gúr swaga ɓol ta wak go. Aaron vya ma mbo ame na swama, a cigi na twal tuwaleya ta, koŋleya se. 9Ne tuwaleya ge ba̰a̰n mbe no zi, a mbo ndage swaga ge num ma tilla uzi ne Bage ɗiŋnedin pe, ndwara go: pesa̰l ma ne na geɗer mwaɗak, ne num fegem ge ne laar zaaso ta ma mwaɗak, 10mbo ndage golsoŋ ma jwak ne bama num fegem ma, ne num ge ne ziyar go ma, ne da̰a̰l ge ne njeel pala digi, mbo ndage nama ne golsoŋ ma dagre. 11Bage tuwaleya mbo til nama twal tuwaleya pal a ba gá ɗusiya. No a kaŋzam ge tilla uzi ne Bage ɗiŋnedin pe ne. 12Kadɗa na tyare ɓiya̰ Bage ɗiŋnedin ndwara se ɗe, 13mbo e na tok na ɓiya̰ ge ke tuwaleya mbe pala go, a mbo vyan na gúr swaga ɓol ta wak go. Aaron vya ma mbo ame na swama, a cigi na twal tuwaleya ta, koŋleya se. 14Mbo tyare num fegem ge ne laar zaaso ta ma ge tuwaleya ge ba̰a̰n ne mbe tilla uzi ne Bage ɗiŋnedin pe. 15Mbo ndage golsoŋ ma jwak ne bama num fegem ma, ne num ge ne ziyar go ma, ne da̰a̰l ge ne njeel pala digi, mbo ndage nama ne golsoŋ ma dagre. 16Bage tuwaleya mbo til nama twal tuwaleya pal a ba gá ɗusiya. No a Kaŋzam ge tilla uzi, kaŋ ge hur tuli ne. Num fegem ma mwaɗak a ge Bage ɗiŋnedin ne ne. 17No a eya ne ne aŋ pe ɗiŋnedin mbo doŋ pe ma ne doŋ pe ma. Swaga ge daage pet ge aŋ ne mbo katɗa go, aŋ mbo zam num fegem ma ne swama to bat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.