Juswa 2
2
Juswa teme naa azi mbo ndil suwal Jeriko
1Ne Sitim go, Juswa ge Nun vya teme naa azi, jan nama go: «Mbo me ndil suwal ne suwal Jeriko.» Nama sḛ ma mbo, a wat yàl ge gwale kaya a̰me ge a ne tol na dḭl Rahab diŋ, a dwam na go. 2A mbo jan gan ge suwal Jeriko ne go, Israyela vya ma mbo ya go ɗaal no zi suwal diŋ, ndwara ndil suwal. 3Gan ge Jeriko ne dol temel jan Rahab go: «Ho̰ i naa ge ne mbo ya mo yadiŋ mbe ma ya zum, a mbo ya da ne hale suwal ndilla pe pet.» 4Gwale mbe abe naa ge azi mbe ma, woy nama, jan go: «A fareba, naa mbe ma mbo ya mbi yadiŋ, amma mbi be kwar swaga ge a ne ɗage ne ya to. 5Swaga ge a ne ɗage dibi gulum ga̰l wak ndwara pisil go ɗe, naa mbe ma wá zum, mbi be kwar swaga ge a ne mbo to. Há me ta kare nama pe, aŋ ma̰ set nama.» 6Ago na sḛ é nama ndé zok jwaklak pala digi, woy nama gyaɗa kal ge ɓoso ne, ge na ne kote nama pe zi. 7Naa ge gan ne teme nama mbe ma her viya̰ ge maŋgaɗam Urdun ne, a yan nama pe ɗiŋ a det na swaga totɗa ya. Swaga ge naa mbe ma ne zú zum ɗe, a dibi gulum ga̰l wak ya digi.
8Naa ge ne mbo hale suwal ndilla ma gale ne be fí se ɗe, Rahab ndé nama ta jwaklak pala digi ya. 9Jan nama go: «Mbi kwa kwa go Bage ɗiŋnedin ho̰ aŋ suwal mbe ne, aŋ kan vo ge ɓaŋlaŋ ya i zi, ago naa ge ne suwal diŋ ma pet, a ndat ndat aŋ ndwara zḛ. 10I za̰ go Bage ɗiŋnedin é maŋgaɗam ga̰l yuwam ge teer fya̰ya aŋ ndwara zḛ, swaga ge aŋ ne wá ne suwal Masar diŋ ya zum go, ne kaŋ ge aŋ ne ke ne Amoriya ma gan ma, ndwara go Sihon ma ne Og, nama ge ne maŋgaɗam Urdun le may ya ma, aŋ burmi nama pe uzi. 11I za̰ fare mbe ma, i dulwak kṵ no ɓat, ndu a̰me ge mḛ aŋ ndwara zi to. Ago Bage ɗiŋnedin Dok ge aŋ ne, a Dok ge ne digi zi ya ne, kat Dok ge ne suwar pal se me. 12Ne jo̰ mbi kwa aŋ a̰se, ne se no ɗe, guni me ta ne dḭl ge Bage ɗiŋnedin ne go, aŋ mbo kwa yàl ge mbi ne a̰se me. Ŋgay me mbi kaŋ a̰me ge ne ŋgay go aŋ jan mbi fare ge fareba, 13go aŋ mbo ya̰ mbi bá, ne mbi ná, ne mbi ná vya ge sonmo ma ne ge zaab ma, ne nama hir ma pet, ne ndwara. Aŋ mbo ya̰ i be hunna.» 14Naa mbe ma jan na go: «Kadɗa go mo fut nee fare mbe pe ya zum to, i sḛ ma mbo su aŋ byalam go. Swaga ge Bage ɗiŋnedin ne mbo hon i suwal mbe ya, i mbo kwa mo a̰se, i mbo ke mo kwaɗa.»
15Go̰r go, é nama ya na fenetre go, a say ya se ne taal, ago na zok ka gulum ga̰l pala digi. 16Na sḛ jan nama go: «Mbo me njal pe ya, na kaage aŋ ne naa ge ne mbo ɓyare aŋ pe ma ɓa̰ to. Woy me ta ya go ɗiŋ dam ataa, naa ge ne mbo ɓyare aŋ pe ma gwan’a ɓya, aŋ ba ɗage mborra gale.»
17Naa mbe ma jan na go: «Ndi gyana ge i ba ndage ta uzi ne guniya ge mo ne e i guni ta no: 18Swaga ge i ne mbo wat ja suwal mbe diŋ, vwa taal ge káál citat ge fenetre ge mo ne e i wat zum ne na mbe go, kote mo bá ma, ne mo ná ma, ne mo ná vya ma, ne hir ge mo bá ne ma ya mwaɗak mo ta zok zi. 19Amma kadɗa go ndu a̰me ge ne mo diŋ wat ja zum ɗe, na swama mbo kat na pal go, na fare mbo wan i to. Amma kadɗa go i tok mbo ame ndu a̰me ya mo yadiŋ, na swama mbo kat i pal go me. 20Kadɗa go mo fut nee fare mbe pe ya zum ɗe, i bḛ ben ne guniya ge mo ne e i guni ta mbe zi uzi.» 21Rahab jan go: «Na ka mbe go no, fare janna ge aŋ ne pal!» Na sḛ ya̰ nama mborra, a mbo. Vwal taal ge káál citat na fenetre go.
22A mbo njal pe ya, a kat swaga mbe go dam ataa, ɗiŋ naa ge ne mbo ɓyare nama pe ma gwan diŋ. Ago naa mbe ma ɓyare nama swaga ma go pet, a be set nama to. 23Naa ge azi mbe ma kan bama koo ne njal pala digi ya se. A har maŋgaɗam Urdun. A det ya Juswa ge Nun vya ta, a wan na fare ge ne ɓó bama ma pe mwaɗak. 24A jan Juswa go: «Fareba, Bage ɗiŋnedin hon suwal mbe ya nee tok go mwaɗak, naa ge ne suwal mbe go ma abe vo ya digi nee ndwara zḛ.»
Currently Selected:
Juswa 2: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
Juswa 2
2
Juswa teme naa azi mbo ndil suwal Jeriko
1Ne Sitim go, Juswa ge Nun vya teme naa azi, jan nama go: «Mbo me ndil suwal ne suwal Jeriko.» Nama sḛ ma mbo, a wat yàl ge gwale kaya a̰me ge a ne tol na dḭl Rahab diŋ, a dwam na go. 2A mbo jan gan ge suwal Jeriko ne go, Israyela vya ma mbo ya go ɗaal no zi suwal diŋ, ndwara ndil suwal. 3Gan ge Jeriko ne dol temel jan Rahab go: «Ho̰ i naa ge ne mbo ya mo yadiŋ mbe ma ya zum, a mbo ya da ne hale suwal ndilla pe pet.» 4Gwale mbe abe naa ge azi mbe ma, woy nama, jan go: «A fareba, naa mbe ma mbo ya mbi yadiŋ, amma mbi be kwar swaga ge a ne ɗage ne ya to. 5Swaga ge a ne ɗage dibi gulum ga̰l wak ndwara pisil go ɗe, naa mbe ma wá zum, mbi be kwar swaga ge a ne mbo to. Há me ta kare nama pe, aŋ ma̰ set nama.» 6Ago na sḛ é nama ndé zok jwaklak pala digi, woy nama gyaɗa kal ge ɓoso ne, ge na ne kote nama pe zi. 7Naa ge gan ne teme nama mbe ma her viya̰ ge maŋgaɗam Urdun ne, a yan nama pe ɗiŋ a det na swaga totɗa ya. Swaga ge naa mbe ma ne zú zum ɗe, a dibi gulum ga̰l wak ya digi.
8Naa ge ne mbo hale suwal ndilla ma gale ne be fí se ɗe, Rahab ndé nama ta jwaklak pala digi ya. 9Jan nama go: «Mbi kwa kwa go Bage ɗiŋnedin ho̰ aŋ suwal mbe ne, aŋ kan vo ge ɓaŋlaŋ ya i zi, ago naa ge ne suwal diŋ ma pet, a ndat ndat aŋ ndwara zḛ. 10I za̰ go Bage ɗiŋnedin é maŋgaɗam ga̰l yuwam ge teer fya̰ya aŋ ndwara zḛ, swaga ge aŋ ne wá ne suwal Masar diŋ ya zum go, ne kaŋ ge aŋ ne ke ne Amoriya ma gan ma, ndwara go Sihon ma ne Og, nama ge ne maŋgaɗam Urdun le may ya ma, aŋ burmi nama pe uzi. 11I za̰ fare mbe ma, i dulwak kṵ no ɓat, ndu a̰me ge mḛ aŋ ndwara zi to. Ago Bage ɗiŋnedin Dok ge aŋ ne, a Dok ge ne digi zi ya ne, kat Dok ge ne suwar pal se me. 12Ne jo̰ mbi kwa aŋ a̰se, ne se no ɗe, guni me ta ne dḭl ge Bage ɗiŋnedin ne go, aŋ mbo kwa yàl ge mbi ne a̰se me. Ŋgay me mbi kaŋ a̰me ge ne ŋgay go aŋ jan mbi fare ge fareba, 13go aŋ mbo ya̰ mbi bá, ne mbi ná, ne mbi ná vya ge sonmo ma ne ge zaab ma, ne nama hir ma pet, ne ndwara. Aŋ mbo ya̰ i be hunna.» 14Naa mbe ma jan na go: «Kadɗa go mo fut nee fare mbe pe ya zum to, i sḛ ma mbo su aŋ byalam go. Swaga ge Bage ɗiŋnedin ne mbo hon i suwal mbe ya, i mbo kwa mo a̰se, i mbo ke mo kwaɗa.»
15Go̰r go, é nama ya na fenetre go, a say ya se ne taal, ago na zok ka gulum ga̰l pala digi. 16Na sḛ jan nama go: «Mbo me njal pe ya, na kaage aŋ ne naa ge ne mbo ɓyare aŋ pe ma ɓa̰ to. Woy me ta ya go ɗiŋ dam ataa, naa ge ne mbo ɓyare aŋ pe ma gwan’a ɓya, aŋ ba ɗage mborra gale.»
17Naa mbe ma jan na go: «Ndi gyana ge i ba ndage ta uzi ne guniya ge mo ne e i guni ta no: 18Swaga ge i ne mbo wat ja suwal mbe diŋ, vwa taal ge káál citat ge fenetre ge mo ne e i wat zum ne na mbe go, kote mo bá ma, ne mo ná ma, ne mo ná vya ma, ne hir ge mo bá ne ma ya mwaɗak mo ta zok zi. 19Amma kadɗa go ndu a̰me ge ne mo diŋ wat ja zum ɗe, na swama mbo kat na pal go, na fare mbo wan i to. Amma kadɗa go i tok mbo ame ndu a̰me ya mo yadiŋ, na swama mbo kat i pal go me. 20Kadɗa go mo fut nee fare mbe pe ya zum ɗe, i bḛ ben ne guniya ge mo ne e i guni ta mbe zi uzi.» 21Rahab jan go: «Na ka mbe go no, fare janna ge aŋ ne pal!» Na sḛ ya̰ nama mborra, a mbo. Vwal taal ge káál citat na fenetre go.
22A mbo njal pe ya, a kat swaga mbe go dam ataa, ɗiŋ naa ge ne mbo ɓyare nama pe ma gwan diŋ. Ago naa mbe ma ɓyare nama swaga ma go pet, a be set nama to. 23Naa ge azi mbe ma kan bama koo ne njal pala digi ya se. A har maŋgaɗam Urdun. A det ya Juswa ge Nun vya ta, a wan na fare ge ne ɓó bama ma pe mwaɗak. 24A jan Juswa go: «Fareba, Bage ɗiŋnedin hon suwal mbe ya nee tok go mwaɗak, naa ge ne suwal mbe go ma abe vo ya digi nee ndwara zḛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.