2Tesalonika ma 1
1
Wak sanna
1Bulus, Silvanus, Timotawus, a nama njaŋge maktub hon ɓase ge Dok ne ma ge ne suwal Tesalonika go ne, na ge ne Dok ge nee Bá zi, ge ne Bageyal Jeso Kris zi me#1Tes 1:1.. 2Dok ge nee Bá, ne Bageyal Jeso Kris nama ŋgay kwa a̰se aŋ ta, nama ho̰ aŋ katɗa halas me.
Zamma zḛ ge hon fareba zi ge Tesalonika ma ne, ne potɗa ge Bageyal ne
3Ná vya ma, i gwan da ne gugu ɗaɗak hon Dok ne aŋ pe, da ne na viya̰ go, ago hon fareba ge aŋ ne don ne go zḛ ge be to, laar wanna ge aŋ ne ta ta, zam ne go zḛ ge be to aŋ buwal zi pet. 4Da ne pe no, i uware ta ne aŋ ge swaga koteya ge ɓase ge Dok ne ma zi no, ne wan ta ge aŋ ne, ne hon fareba ge aŋ ne pe me, ago aŋ wan ta aŋ yál ma zi ne aŋ yál njotɗa ma zi pet me.
5No a kaŋ ge ne ŋgay ne go Dok kun sarya dosol pal. Ago yál njotɗa ge aŋ ne mbo saŋge aŋ mbyatɗa ge ndwara zam muluk ge Dok ne joo, na ge aŋ ne za̰ yál ne na pe. 6Ago Dok dosol, mbo gwan ne yál njotɗa ge naa ge ne e aŋ njot yál ma pal. 7Amma aŋ ge ne za̰ yál ma ɗe, mbo hon aŋ ɗigliya poseya ne i, swaga ge Jeso ne mbo dyan tene ja ne digi zi ya poseya ne na maleka ge pool ma go, 8ge ol ɗaabeya zi, mbo gele tene ne nama ge ne kwa Dok to ma#Isa 66:15., ne nama ge ne gwa̰ ne bama pala fare ge kwaɗa ge nee Bageyal Jeso ne pe se to ma. 9Mḛreya ge nama ne mbo kat burmiya ge ɗiŋnedin, uzi ya kaal ne Bageyal, ne hormo ge pool ge na ne me#Isa 2:10,19,21., 10swaga ge ne mbo gwan ja, dam mbe go, na naa ge mbegeya ma, nama ge ne ho̰ fareba na ta ma, a mbo uware na ne dore na me. Aŋ mbo kat naa mbe ma buwal zi, ne da pe aŋ ho̰ fareba fare janna ge i ne ma pal.
11Da ne pe no, i ke kaɗeya no ɗaɗak ne aŋ pe, ne da pe Dok saŋge aŋ mbyatɗa ne tolla ge na ne tó aŋ ya pe, ne pool ge na ne me, na mba aŋ ge aŋ ke kaŋ ge kwaɗa laar ɓyareya ge aŋ ne pal, na ho̰ aŋ pool ge ke temel hon fareba ge aŋ ne zi me. 12Go no, nee Bageyal dḭl mbo ɓol uwareya ne aŋ ta, aŋ sḛ ma mbo ɓol uwareya na zi me. Mbo ke go no kwa a̰se ge nee Dok ne, ne Bageyal Jeso Kris ne pal.
Currently Selected:
2Tesalonika ma 1: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.